ޝާޔަން: އޭނާ ތަހުގީގަށް ހާޒިރު ނުވެގެން ކޯޓު އަމުރެއް ހޯދަން އޭސީސީން ވަނީ އެދިފައި.
08 ޖުލައި 2019 - 13:02
32 comments
ޕަބްލިކް ސާވިސް މީޑިއާ (ޕީއެސްއެމް) އިން ހިންގާފައިވާ ކަމަށް ތުހުމަތުކުރާ ބޮޑެތި ޚިޔާނާތްތަކުގެ ތަހުގީގަށް އެ ކުންފުނީގެ ކުރީގެ ޑެޕިއުޓީ މެނޭޖިން ޑިރެކްޓަރު ޝާޔަން ޝާހިދު އެންޓި ކޮރަޕްޝަން ކޮމިޝަން (އޭސީސީ) އަށް ހާޒިރުކުރަން ކޯޓު އަމުރަކަށް އެދިއްޖެ އެވެ.
ޕީއެސްއެމާ ގުޅޭ ޚިޔާނާތުގެ ގިނަ މައްސަލަތަކެއް ތަހުގީގުކޮށްދޭން ހުށަހެޅީ މިހާރުގެ މެނޭޖްމަންޓުންނެވެ. އެ މައްސަލަތަކުގެ ތަހުގީގަށް ޕީއެސްއެމްގެ ކުރީގެ ބޯޑުގެ މެމްބަރަކު ތަހުގީގަށް ހާޒިރުވާން ތަކުރާރުކޮށް އަންގައިގެން ވެސް އެއްބާރުލުން ދީފައި ނުވާ ކަމަށް މިިދިޔަ ހަފުތާގައި ރައްޔިތުންގެ މަޖިލީހުގެ ސްޓޭޓް އެންޓަޕްރައިޒް ކޮމިޓީގައި އޭސީސީން ވަނީ ބުނެފަ އެވެ.
"މިހާރު" އަށް އެނގިފައިވާ ގޮތުގައި އޭސީސީން ކްރިމިނަލް ކޯޓު އަމުރަކަށް އެދުނީ ތަހުގީގަށް ބޭނުންވާ ބަޔާންތައް ނަގަން ޝާޔަން ހާޒިރުކޮށްދިނުމަށެވެ.
ޕީއެސްއެމްގެ ކުރީގެ މެނޭޖްމެންޓުން ބޭއްވި މޯލްޑިވިއަން އައިޑޮލްގައިގެ ކަންކަމުގައި އިސްކޮށް ޝާޔަން އުޅުއްވި އެވެ.
މޯލްޑިވިއަން އައިޑޮލްއާ ގުޅޭ އެކި ކަންކަމުގައި ވެސް ކޮރަޕްޝަން ހިމެނޭ ކަމަށް ތުހުމަތުކޮށްފައިވެ އެވެ.
ޕީއެސްއެމުން ކޮރަޕްޝަނަށް މަގުފަހިވާ ގޮތަށް ހިންގާފައިވާ ކަންކަމާ ގުޅޭ އިދާރީ މަސައްކަތްތައް ކުރި މުވައްޒަފުންގެ ކޮމްޕިއުޓަރުތަކުގެ ހާޑް ޑިސްކްތަކާއި އީމެއިލް މުއާމަލާތްތައް ވެސް އޭސީސީގެ ތަހުގީގުގެ ބޭނުމަށް ވަނީ ގެންގޮސްފަ އެވެ. އަދި އެ ތަހުގީގަށް ބޭނުންވާ އިތުރު ލިޔުންތައް ވެސް އޭސީސީން ފޮނުވާ އަމުރުތަކުގެ ދަށުން އެ ކޮމިޝަނުން ވަނީ ހޯދައިފަ އެވެ.
ރިޔާސީ އިންތިޚާބުގެ ތެރޭގައި ޕީއެސްއެމަކީ ކުރީގެ ރައީސް އަބްދުﷲ ޔާމީންގެ ސަރުކާރާއި ޕީޕީއެމްގެ ޕްރޮޕެގަންޑާ ފެތުރުމާއި އެމަނިކުފާނަށް ދެވަނަ ދައުރެއް ހޯދައިދޭން ކެމްޕެއިންކުރި މީޑިއާއެކެވެ. އިދިކޮޅު ފަރާތްތަކުގެ އަޑު ރައްޔިތުންނަށް އިއްވަން ފުރުސަތު ނުދީ، ހުރިހާ ވަގުތެއް ޔާމީންގެ ކެމްޕޭނަށް ހުސްކުރިއިރު، ޕީއެސްއެމްގެ ބޯޑުގެ ބައެއް މެމްބަރުން ޔާމީންގެ ކެމްޕޭން ހަރަކާތްތަކުގައި އަމަލީ ގޮތުން ވެސް ބައިވެރިވެވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރޭ
09 July 2019
މީނައެބަބުނޭ ފިލައިގެނެއް ނޫޅެމޭ. އޭސީސީން އެބުނަނީ ތަކުރާރުކޮށް އަންގައިވެސް ނުދިޔައޭ! އޭސީސީގެވެސް، އަދި މީނަގެވެސް އިތުބާރުވަނީ ގެއްލިފަ. އެހެންވީމަ މިތަނުން ދޮގުހަދަނީ ކާކުކަން ބުނާކަށް ނޭނގޭނެ. އެނގޭނީ ހާމަކަމާއިއެކު ދެފަރާތް ގާނާލީމަ.
ބޮޑުމީހާ
08 July 2019
ކީއްތަ 65 މެމްބަރުން މިކުރަނީ؟ އަބަދު އިންޑިއާގެ ކޮންމެވެސްކަމަކާ އުޅުއްވަނީ. ގަޑުކޮށް ތިހުރިހާ ކޮމިޝަނުގެ މެމްބަރުންތަކުގެ ނޯ ކޮންފިޑެންސް ވޯޓްނަގާބަލަ. މެޖޯރިޓީދިނީ ޕްރޮސެސް އަވަސްކޮށް ރިފޯމްކުރަން
ދަތްނެތްކުއްޖާ
08 July 2019
ތިޔަ ކިޔާ ސާޔަން އެއް ތިހާ ފަސޭހަކުން އެއް ތިޔަ ބުނާ ތަނަކަށް ނުދާނެ. ރައްޔިތުންނަށް ގޮވާލާ މި ގޮއްޔަ ޙާޟިރު ކޮއްދޭށޭ. ތިޔައީ ސިދާ ކާދަރުޙާން.
ވާލުސޮރު
08 July 2019
ލަދުވެސް ގަނޭ ދެރަވެސްވޭ، މި ބޭފުޅާ މިހާރު ގިނައިން ފެންނަނީ ޓިކްޓޮކް ވީޑިއޯއިން. ކިޔަވައިގެން ތިބި ރަނގަޅު ކުދިން މިއީ ކޮން ހާލެއް ޖެހިގެން އުޅޭ ގޮތެއްބާއޭ ހިތަށް އަރާ
އއއއ
08 July 2019
ޓިކްޓޮކް އެކައުންޓް ނޭމް ޕްލީސް
ވަހީދު
08 July 2019
ދައްކަވަން ހުރިތަނެއް ދައްކަވާނެ. 3 ނޮވެންބަރުގެ ބާޢީންނަކީ މިހާރު އަނިޔާ ލިބުނު މީހުން ކަމަށް ރައްޔިތުންގެ މަޖުލީހުގެ މެންބަރުން ބުނަން ފެށި ހިސާބުން މަންޒަރު ސާފުވާން ފަށައިފި.
ވޯލް
08 July 2019
ރީއްޗަކަސް ތެދުވެރިކަމެއް އީމާންތެރިކަމެއް ނެޔް އެތެރޭން ހަމަ ހުތުރު .
ރަބީއު
08 July 2019
ނިއުޕޯޓް ސަރަހައްދުގައި ޝާޔަން ހެދި ރެސްޓޯރަންޓް ފެނުނު މީހަކު ކޮސްވާނެ. ޥެރިކަން ބަދަލުވުމާއެކު ތަން ވިއްކާލީ 3 މިލިއަން ރުފިޔާ އަށް. މިއީ ތެދެއްތޯ އެމްޕީ ސިނާނުއަށް ސުވާލުކޮށްލާ
ހާރޫން
08 July 2019
ހާދަ ހީވޭ ގެންދަން ކާރިވެއްޖެ ހެން, ތިހެން ހީވެގެން މީހަކު މީގެ ދެތިންދުވަސް ކުރިން ދިންތަނުގަ އަމިއްލައަށް ފަލީހަތްވިތަން ފެނުނު, ސަލާމް
އެލެކްސްއަހުމަދު
08 July 2019
މަޖިލީހަކީ މިހާރު ޗަރުކޭސީ ކުޅޭ ތަނަކަށް ބަދަލު ވެއްޖެ. ރައީސް ނަޝީދު ޖޭއެސްސީ އަށް ދިއަފަހުން އެތާންގައިވެސް ކުރު ޑްރާމާ މުބާރާތްތައް ގިނަ. އެޖެންޑާ19 އޭ ކިޔާފައި ރައްޔިތުން އަތުން ވޯޓު ހޯދައިފައި މިހައި ތަނަށް ކުރެވުނު މައުނަވީ ކަމެއް ފެންނާކަށް ނެތެވެ. މުޅިންވެސް ޑުރާމާ ސީރީސް ޕްރޮޑިއުސް ކުރުމެވެ. ބައެއް އެކްޓަރުން ސުކުރިޕްޓް ދަސްނުކުރެވި ދާ ފަހަރު ފަހަރު ސްކްރިޕްޓް އަށް ބަލައިގެން ކިއުމާއި މިފަދަ މިފަދަ އެތައް ކަމެއް ހިނގާކަމަށް ބުނެތެވެ.
ޢަބްދުﷲނާފިޒް
08 July 2019
ކަލޯ އެޖެންޑާ 19އޭ ސްކްރިޕްޓޭ ފަޅޮލެކޭ ކިޔާނެ ކަމެއްނެތް، ފުރަތަމަ ކަމަކަށް އޮތީ ވަގުން ހިފާ ހައްޔަރުކުރުން، އެކަން ކުރާނީ ﷲގެ އިރާދަފުޅުން ޤާނޫނީ އިމުގެތެރޭން ، ޔާމީނު މީހުން ހިފާ ހައްޔަރު ކުރި ގޮތަކަށް ނޫން، ވަރަށް ސަލާމް އިންތިޒާރު ކޮށްލައްވާ.
ދެފުއްކެހެރިން
08 July 2019
މިހާރު ފަތުރަނީ ކޯންޗެ ޕްރޮޕެގެންޑާއެއްނޫންދޯ؟މިހާރު ސަރުކާރުން ބޭރުގައުމުތަކާ ހާއްސަކޮށް އިންޑިޔާއާއެކު ކުރަމުންދާކަންކަން ފަސްއަޅާފޮރުވުގަ ޕސމ ކުޅެނީ އޭރުވެސް ކުޅުނު ކުޅި. މިކުޅިވަރު ޕސމ އެކަންޏެނޫން މިއަދު ބައިވެރިވަނީ.. ތިމާމެން އަމިއްލަ ނަފްސުބުނަނީކީކޭ މިކަމުގަ.