އެޗްޑީސީން ވެލި ފުންޏެއް ނަގަން 17 މިލިއަން ރުފިޔާ ހޭދަކުރި

އެޗްޑީސީގެ މައި އޮފީސް: ކުރީގެ މެނޭޖްމަންޓުން ހިންގި މުއާމަލާތްތައް މިހާރު ދަނީ ބަލަމުން

08 ޖުލައި 2019 - 15:12

ހުޅުމާލޭގައި ވޯޓާ ތީމް ޕާކެއް ހަދަން ހަވާލުކުރި ސައިޓްގައި ހުރި ވެލި ފުންޏެއް ނަގަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ން 17 މިލިއަން ރުފިޔާ ހޭދަކޮށްފައިވާ ކަމަށާއި އެކަން ވެސް ބަލަން ޖެހޭ ކަމަށް، އެ ކުންފުނިން ރައްޔިތުންގެ މަޖިލިހުގެ ކޮމިޓީއެއްގައި މިއަދު ބުނެފި އެވެ.

ސްޓޭޓް އޯންޑް އެންޓަޕްރައިސަސް ކޮމިޓީގައި، އެޗްޑީސީގެ ޑެޕިއުޓީ މެނޭޖިން ޑިރެކްޓަރު އަހުމަދު އާތިފް ވިދާޅުވީ، އެ ވެލިފުނި އެތަނުން ނަގާ، އެ ބިން ހުސްކުރުމުގެ މަސައްކަތް އެހާ ބޮޑު އަގެއްގައި ބަޔަކާ ހަވާލުކުރީ ވެމްކޯ އިން އެ އަށް ވުރެ ކުޑަ އަގެއް ވެސް ހުށަހަޅާފައި ވަނިކޮށް ކަމަށެވެ. ވެލި ފުނި ނެގުމުގެ މަސއްކަތް ހަވާލުކުރީ ކޮން ކުންފުންޏަކާ ކަމެއް އޭނާ ވިދާޅެއް ނުވެ އެވެ.

އާތިފް ވިދާޅުވި ގޮތުގައި އެހާ ބޮޑު އަގެއްގައި މަސައްކަތްކުރަން ދިން އިރު، އެކަމުގައި އެޗްޑީސީގެ ވެހިކަލްތައް ބޭނުންކުރި އެވެ.

ވޯޓާ ތީމް ޕާކް ހަދަނީ ހުޅުމާލޭ ފަޅިން ލިންކް ރޯޑު ފެށޭ ހިސާބުގައި، އެންމެ އިރަށް އޮންނަ ބޮޑު ބިމުގަ އެވެ. އެ ހިސާބުގެ މޫދު ސަރަހައްދާ އެކު ދީފައިވާ އެ ބިމަކީ، ހުޅުމާލޭގެ ފުރަތަމަ ފިޔަވަހީގެ މަޝްރޫއުއަކަށް އެއް ކުންފުންޏަކަށް ދިން އެންމެ ބޮޑު ބިމެވެ.

ވޯޓާ ތީމް ޕާކް ހަދަނީ، "މިހާރު" އަށް އެނގިފައިވާ ގޮތުގައި، އޮސްޓްރޭލިޔާ އާއި ސިންގަޕޫރުގެ ދެ ކުންފުންޏެއް ގުޅިގެންނެވެ.

އެ ސައިޓްގައި މިހާރު ވެސް ގެންދަނީ މަސައްކަތް ކުރަމުންނެވެ. އެޗްޑީސީން ކުރިން ބުނެފައިވާ ގޮތުގައި އެ މަޝްރޫއަށް 25 މިލިއަން ޑޮލަރު (385 މިލިއަން ރުފިޔާ) ހޭދަވާނެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި އެޗްޑީސީ އަކީ އަމަލީ ގޮތުން ސިޔާސީ ހަރަކާތްތަކުގައި ބައިވެރިވި އެއް ކުންފުންޏެވެ. ކޮމިޓީގައި ވާހަކަ ދައްކަވަމުން އާތިފް ވަނީ، މިދިޔަ އަހަރުގެ ރިޔާސީ އިންތިހާބުގެ ކެމްޕެއިން ހަރަކާތްތަކުގައި އެ ކުންފުނިން ކުޅުނު ރޯލާ ބެހޭ ބައެއް މައުލޫމާތު ވެސް ހިއްސާކުރައްވައިފަ އެވެ.

އޭނާ ވިދާޅުވި ގޮތުގައި އެޗްޑީސީގެ އެ ހުރިހާ ކަމެއް ސާފުވާނީ އިންޓާނަލް އޮޑިޓް ނިމުމުންނެވެ. އެ މަސައްކަތް ކުރިއަށް ދާ ވަރަކަށް ކަމާ ބެހޭ އެހެން މުއައްސަސާތަކާ ހިއްސާކުރައްވާނެ ކަމަށް އާތިފް ވިދާޅުވި އެވެ.

އެޗްޑީސީ ހުޅުމާލެ

54 ކޮމެންޓް, 115 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސެންސަރު

09 July 2019

އެ ކުންފުނީގެ ނަން މިއޮތީ އޮޓޮމެޓިކުން ސެންސަރުވެފައި ކަމެއްވެގެންތާ! ކުރީގެ ސަރުކާރަށް އެމްޑީޕީން އަދީބު ލީ ކޮރަޕްޝަން ހިންގުވަން. އެހެން ތަންތަނަށްވެސް އެގޮތަށް މީހުން ލައިގެން ނޫނީ އެހާ ފާޅުކަން ބޮޑުކޮށް ކޮރަޕްޝަނޭ ގޮވަން ނޭނގޭނެ އޭރުގަ. އެސަރުކާރުގައި ފަނިއަޅުވައިގެން ކޮރަޕްޝަންގެ ހާއްޔަކަށް ގައުމު ހެދުވުމުގައި އެމްޑީޕީގެ ބޮޑު ރޯލެއްވޭ. މިއަދު ރަގަޅު ހެދިފައި ތިއްބަސް އަދި އެކަމުގެ ބަދަލު ގިނަ ގޮތްގޮތުން ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއިރާ

09 July 2019

ޑޮކިއުމެންޓްސް ހާމަކުރޭ. މިނިސްޓަރުންނާއި (ޝެއިހުންވެސް) ދޮގު ހަދާ ޒަމާނެއްގައި ތިހެން ދައްކާހާ ވާހަކައެއް ނެތް ގަބޫލު ކުރެވޭކަށް. ވެލިފުނި ނަގަން ހަވާލު ކުރި މަޝްރޫޢުގައި އެހެން މަސައްކަތްތަކެއް ނުހިމެނޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާހު

09 July 2019

ކޮބާ ކުރީގެ އެމްޑީ އަހުމަދު ނާސިފު އަދި ސައިމަން.. މި ގޮލާއިންތަކުގެ ޝަރީއަތް ކުރާނީ ކޮންއިރަކުން.. ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ގޮހޮޑާ

09 July 2019

‫ތީހަމަ އެކަނި ހެޑިން ދެން ނެއްތަ އެިތުރު މަސައްކަތުގެ ވާހަކަ...?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ!

09 July 2019

ހާދަވަރަކަށް ކައިފައޭ ފައިބައިގެންއެދިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިއްޓެ

09 July 2019

އެޗުޑީސީ ގެ މިހުރިހާ ކަމެއް ހިނގާއިރު ކޮބާތަ އެތާނގެ ލީގަލް ؟ އެތަށްހާސް ރުފިޔާ އެއްދީފަ ހުންނަ ލީގަލް ހެޑެއް މިތަނުގައި ހުރޭ! އަނިޔާ ކުރާ ފުލުހުންނަށް ޖިނާޢީ ތަހުޤީ ހިންގާއިރު މިފަދަ މީސްމީހުން ވެސް މިކަހަލަ ވައްކަމަކަށް ފުރުސަތު ދޭނީ ކޮންމެވެސް ނޭއްގާނީ ކަމެއް އޮވެގެން! އަޑު އިވޭގޮތުން މި ލީގަލް ގެ ބޭބޭ އަކީ މެންބަރެއް! އެހެންވީމާ މިސަރުކާރުގައިވެސް ވަނީ ޙީމާޔަތް ކުރެވިފަ! ނޫސްވެރިން މިކަން ބައްލަވާލެއްވުމަކީ ރަނގަޅުކަމެއް ކަމުގައި ދެކެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

08 July 2019

ޖަލު ހުސްކޮށްވަ ތިއެންމެން ޖަލަށްލާބަލަ. ކޮންމެ ދުވަހަކު ނޫހުގަ ތިނޫންވާހަކައެއްނޯވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިއިބްރާ

08 July 2019

ހުސް ދޮގު ވިއްކައިގެން ސަރުކާރު ނުދެމެހެއްޓޭނެ. ވެރިކަމަށް އަންނަންވެސް ހެދީދޮގެވެ. ވެރިކަމުގައި ތިބެންވެސް ހަދަނީ ދޮގު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ!

08 July 2019

ހެޔޮނުވާނެ! މިއަދުގެ ސަރުކާރުން ވަޒީފާ ދީ މުސާރަދެމުންދާ ސިޔާސީ މީހަކު ކޮމިޓީއެއްގައި ދައްކާ ވާހަކައެއްގެ މައްޗަށް، ސާބިތު ނުހިފޭ ކަންކަމަށް ހަމަ މިތާ ކޮމެންޓްކުރާ މީހުންކަހަލަ ދިވެހި އިސްލާމުންނާ ދިމާލަށް ވަގަށް ގޮވުމަކީ ކުރެވޭ ފާފައަކަށް ނޫނީ ހަމަ ޔަގީނުންވެސް ނުވާނެ!