ރެޖިސްޓްރާ އޮފް ކޮމްޕެނީސް: އިތުރު 1597 ކުންފުންޏެއް އުވާލަން ވަނީ އިއުލާން ކޮށްފައި-- ފޮޓޯ: ހުސައިން ވަހީދު/ މިހާރު
14 ޖުލައި 2019 - 12:27
4 comments
އަހަރީ ފީ ނުދައްކައިގެން އިތުރު 1،597 ކުންފުނި އުވާލަން އިކޮނޮމިކް މިނިސްޓްރީން އިއުލާންކޮށްފި އެވެ.
އެ މިނިސްޓްރީން ނެރުނު އިއުލާނެއްގައި ބުނެފައި ވަނީ އުވާލަން ނިންމާފައިވާ ހުރިހާ ކުންފުނިތަކަކީ ވެސް ކުންފުނި އުވާލުމަށް ރެޖިސްޓްރާ އޮފް ކޮމްޕެނީޒް ކަނޑައަޅައި، އުވާލުމުގައި އަމަލުކުރާނެ ގޮތުގެ ގަވާއިދުގެ ދަށުން އަހަރީ ފީ ދައްކާފައިނުވާތީ، އުވާލުމަށް ކަނޑައަޅާފައިވާ ކުންފުނިތައް ކަމަށެވެ. އަދި މި ކުންފުނިތަކަކީ 2002 ވަނަ އަހަރުން ފެށިގެން 2006 ވަނަ އަހަރާ ދެމެދު ރަޖިސްޓްރީކޮށްފައިވާ ކުންފުނިތައް ކަން ވެސް އެ ބަޔާނުގައި ވަނީ ފާހަގަކޮށްފަ އެވެ.
އިކޮނޮމިކް މިނިސްޓްރީން މިހާރު ވަނީ އުވާލާ ކުންފުނިތަކުގެ ލިސްޓު އެ މިނިސްޓްރީގެ ވެބްސައިޓުގައި އާއްމުކޮށްފަ އެވެ. މި ލިސްޓުގައި ހިމެނޭ ކުންފުނިތަކުގެ ތެރެއިން ކުންފުންޏެއް ހިންގަން ބޭނުންވާ ނަމަ ފުރިހަމަ ކުރަން ޖެހޭ ހުރިހާ ކަމެއް ފުރިހަމަ ކުރުމަށްފަހު 4 އޮގަސްޓުގެ ކުރިން އިކޮނޮމިކް މިނިސްޓްރީ އަށް އަންގަން ވާނެ އެވެ.
މީގެ އިތުރުން މި ކުންފުނިތަކުގެ ތެރެއިން ކުންފުންޏެއްގެ މައްޗަށް ދައުވާއެއް ނުވަތަ ދަރަންޏެއް އޮތް ނަމަ އެކަން ވެސް މި މުއްދަތުގެ ތެރޭގައި އިކޮނޮމިކް މިނިސްޓްރީ އަށް އަންގަން ޖެހޭނެ އެވެ.
އިކޮނޮމިކް މިނިސްޓްރީން ވަނީ މީގެ ކުރިން ވެސް 523 ކުންފުނި އުވާލަން އިއުލާންކޮށްފަ އެވެ. އޭގެ ތެރެއިން ބައެއް ކުންފުނިތައް އިތުރަށް ހިންގުމަށް ދައްކަން ޖެހޭ ހުރިހާ ފީއެއް ދައްކާ އެކަން އިކޮނޮމިކް މިނިސްޓްރީ އަށް އަންގާފައިވާ ކަމަށް ރެޖިސްޓްރާ އޮފް ކޮމްޕެނީސް މަރިޔަމް ވިސާމް ވަނީ މީގެ ކުރިން ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު1211
14 July 2019
ރައްޔިތުން ފެލައިގެން އަތުލާ ހުރިހާއެއްޗެއް އަދުލުވެރި ބަދަލުގެ ގޮތުގައި ކޯޓުން ބޭރުގައި ރައްޓެހިންނަށް ބަހާލަނީ. ކިހާސަޅި.
ދޮންބޭ
14 July 2019
ރެޖިސްޓްރާ އޮފް ކޮމްޕެނީޒް މަގާމަށް މިއަށް ވުރެއް ގާބިލް މީހެއް ލާން ވެއްޖެ. 5 އަހަރުގެ ދައުރެއް ނިމިގެން ދިއަ އިރު އެދެވޭ އެއްވެސް ކުރިއެރުމެއް އެތާކަށް އައިސްފައެއް ނެތް. މިނިސްޓްރީ އަށް ހިދުމަތް ހޯދަންދާ ކޮންމެ މީހަކަށް ވެސް މިކަން އިނގޭނެ. ރާއްޖޭގެ ވިޔަފާރިތަށް އެންމެ ފުރަތާމަ ދާ މަންޒިލްކީ މީ. ވަރަށްވެސް ފަހަތުގަ އުޅޭ ބައިއެއްމީ. އަބަދުވެސް ބޮލުން ކެޓުވުމާއި ޒިންމާއިން ރެކުން ކަމަކީ. ސަރުކާރުން ވިޔަފާރިތަކަށް އަޅާލަންޏާ ފުރަތަމަ މިތަން ބަލާ
ކަރީމުއްދީން ބާޝާ
14 July 2019
ދެން ތިވަރުނުކުރޭ.
އެމްސް
14 July 2019
ހުރިހާ ފީއެއްތެރޭ ހިމެނޭކަމަށް ބޮޑަށް ލަފާވަނީ ރިބާގެ ފައިސާ، އެއީ އަހަރީ ހިސާބު ހުށަނޭޅި ހުންނަ/އެއްވެސް ވަރަކަށް ނުހިންގާ ކުންފުނިތައް ވެވޭ ޖުރިމަނާ