ބަންޑާރަ ނައިބު ރިފްއަތު: ދީބާޖާއަށް ބަދަލު ދޭން ކުރި ހުކުމާ ގުޅިގެން މަޝްވަރާ ކޮށްގެން ހައްލެއް ހޯދަން ވަނީ ހުށަހަޅާފައި -- މިހާރު ފޮޓޯ/ހުސައިން ވަހީދު
17 ޖުލައި 2019 - 10:39
22 comments
ދީބާޖާ އިންވެސްޓްމަންޓަށް 348 މިލިއަން ރުފިޔާ ދައްކަން ދައުލަތުގެ މައްޗަށް ކޮށްފައިވާ ހުކުމާ ގުޅިގެން މަޝްވަރާ އަށް ފުރުސަތު ދިނުމަށްޓަކައި، އެ ހުކުމް ތަންފީޒު ކުރުމުގެ މައްސަލަ މަޑުޖައްސާލަން ދީބާޖާ އިން ކޯޓުގައި އެދިފައިވާ ކަމަށް އެޓާނީ ޖެނެރަލްގެ އޮފީހުން މިއަދު ބުނެފި އެވެ.
ދީބާޖާއަށް 348 މިލިއަން ރުފިޔާ ދައްކަން ހުކުމްކުރީ އެމްޑީޕީގެ ވެރިކަމުގައި އުތުރު ޕްރޮވިންސްގައި ފެރީގެ ޚިދުމަތް ދިނުމަށް އެ ކުންފުންޏާ އެކު ހެދި އެއްބަސްވުން 2013 ވަނަ އަހަރު ސަރުކާރުން ބާތިލްކުރި މައްސަލާގަ އެވެ. އެ ހުކުމަށް ސުޕްރީމް ކޯޓުން ވެސް އޮތީ ތާއީދުކޮށްފަ އެވެ. އެހެންވެ، އެ ހުކުމް ތަންފީޒުު ކުރުމުގެ މައްސަލަ ސިވިލް ކޯޓުގައި ކުރިން އޮތީ ފަށައިފަ އެވެ.
އެޓާނީ ޖެނެރަލްގެ އޮފީހުން މިއަދު ނެރުނު ބަޔާނުގައި ބުނީ ދައުލަތުގެ ފަރާތުން ބަދަލު ދޭންޖެހޭ މައްސަލަތަކުގައި ރައީސަށް ލަފާ ދިނުމަށް އޮންނަ ސެޓްލްމަންޓް ކޮމެޓީ އަށް ހުށަހަޅައިގެން އެ މައްސަލާގައި ހައްލެއް ހޯދައި ދިނުމަށް ދީބާޖާ އިން އެޓާނީ ޖެނެރަލްގެ ކިބައިން އެދިފައިވާ ކަމަށެވެ. އަދި އެކަމަށް އެދި އެ ކުންފުނިން ފާސްކޮށްފައިވާ ގަރާރުގައި، އެ ކޮމެޓީ މެދުވެރިކޮށް އެ މައްސަލާގައި ހައްލެއް ހޯދަން ކުރާ މަސައްކަތަށް ފުރުސަތު ދިނުމުގެ ގޮތުން، ކޯޓުގައި ހިނގަމުންދާ ހުކުމް ތަންފީޒު މައްސަލަ މަޑުޖައްސާލަން ކޯޓުގައި އެދެން ނިންމާފައިވާ ކަމަށް އޭޖީ އޮފީހުގެ ބަޔާނުގައިވެ އެވެ.
"އެ ގަރާރުގައި ބުނެފައިވާ ގޮތަށް އެ މައްސަލާގެ އަޑުއެހުންތައް މެދުކަނޑާލަން ސިވިލް ކޯޓުގައި އެދުނު ސިޓީގެ ކޮޕީއެއް މި އޮފީހަށް ލިބިފައިވެ އެވެ." އެ ބަޔާނުގައިވެ އެވެ.
އެ ބަޔާނުގައިވާ ގޮތުން ދީބާޖާ އިން އެދުނު ގޮތަށް، ސެޓްލްމަންޓް ކޮމެޓީގައި އެ މައްސަލަ އެޖެންޑާކޮށްގެން ކުރިއަށް ގެންދާނެ އެވެ.
އޭޖީ އޮފީހުން ކުރިން ބުނެފައިވަނީ ދީބާޖާ އަށް ބަދަލު ދޭން ސުޕްރީމް ކޯޓުން ކުރި ހުކުމް ރިވިއުކުރަން އެ ކޯޓަށް ހުށަހަޅާނެ ކަމަށެވެ. އެކަމަކު އެ މައްސަލަ ސުޕްރީމް ކޯޓަށް ހުށަހެޅިކަން ސާފެއް ނުވެ އެވެ.
ދީބާޖާއަށް ބަދަލުގެ ގޮތުގައި 348 މިލިއަން ދޭން 2014 ގައި ސިވިލް ކޯޓުން ކުރި ހުކުމް މިދިޔަ އަހަރު ހައި ކޯޓުން ބާތިލްކުރި އެވެ. އެކަމަކު ދީބާޖާއިން އެ މައްސަލަ ސުޕްރީމް ކޯޓަށް ހުށަހެޅުމުން އެ ކޯޓުން މިއަހަރު ނިންމީ ހައި ކޯޓަށް އެ މައްސަލަ ދައުލަތުން ހުށަހަޅާފައި އޮތީ އިސްތިއުނާފް މުއްދަތު ހަމަވިފަހުން ކަމަށްވާތީ ހައި ކޯޓުގެ ހުކުމް ގޯސް ކަމަށެވެ. އެހެންވެ، ސިވިލް ކޯޓުގެ ކުރީގެ ހުކުމާ އެއްގޮތަށް، ދީބާޖާއަށް ބަދަލު ދޭންޖެހޭނެ ކަމަށް ސުޕްރީމް ކޯޓުން ނިންމި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރީމުއްދީން ބާޝާ
17 July 2019
ދީބާޖާއަށް މަވާ ސަލާން.
ސަޅި
17 July 2019
ބޮޑު ރޭވުންގަނޑެއް، މިހާރު އަލްހާނަށްދޭންޖެހޭބައު އުނިކިށް، 150 މިލިޔަން އިން ފަރުޖައްސާލާނީ ކިހާަަޅު، ކުރިކައެއް، ދިން ހިދުމަތެއް ނެއް، މިއޮއްކިބުނީ 150 މިލިޔަން. ތެންކްޔޫ ޒީރޯޓޮލަރެންސް.
މަންޑޭލާ
17 July 2019
މިސަރުކާރު ކުރީ ސަރުކާރައްވުރެ ކޮރަޕްށަން ބޮޑު.
ފަހި
17 July 2019
ތިކަމާ އެއްބަހެއް ނުވަން. އެކަމަކު މިދާ ގޮތް އަދި ރަނގަޅެއް ނޫން.
މިޝާލް
17 July 2019
މިއީ ވަރަށް ބޮޑު މައްސަލައެއް
ނަން
17 July 2019
ދައުލަތުގެ ހަޒާނާގައި އެވަރަށް ފައިސާ މިވަގުތު ދެވެން ނެތީމަ ދޯ.. އަދި ދޭނެ. ކަމެއް ނުކޮއް ދައުލަތް ދަވާލުން ހުއްޓުވޭނެ ގޮތެއް ނެތްތަށް.. މިކަމަށް މުޒާހަރާ ކުރަންޏާ ދާނަން..
ފިސާރިކަނބަލެއް
17 July 2019
އިސްކުރަންވީ ވަކިކޮންޕެނީގެ މަސްލަހަތައްވުރެ ރައްޔިތުންގެ މަސްލަހަތު، ފައިސާ އެއްފަހަރާ ދޭނެކަމެއްނެތް، މަޖިލީހުގެ ޤާނޫނު އިސްލާހުކޮށްގެން ނަމަވެސް ތިކަމަށް ރަގަޅު ހައްލެއް ހޯދަންޖެހޭ، އަދި ގެއްލުމުގެ ބަދަލްވެސް ވަކިލިމިޓެއް އޮންނަންޖެހޭ،
ިއިބްރާ
17 July 2019
ރައްޔިތުންނަށް ދަޅަދައްކަނީ. ދީބާޖާއަށް ދޭންޖެހޭ ފައިސާއިން އެންމެ ރުފިޔާއެއްވެސް އުނި ނުކުރާނެ. މިސަރުކާރުން ތަންފީޒު ކުރާނީ ސަރުކާރު ބޭނުން ހުކުމެއް.
ވާލުސޮރު
17 July 2019
ދީބާޖާއާ އަށް އެއްވެސް ފައިސާއެއް ދެވިގެން ނުވާނެ، އެ ހެޔޮ މަޖްލިސް މެމްބަރަކު ކޮޅު ބަދަލުކުރިޔަސް، އެހެން މި ބުނީ ތި ފައިސާއިން އެތައް ރަށެއްގެ ނަރުދަމާއާއި ބަނދަރު ހަދައިގެން އެތައް ސަތޭކަ ރައްޔިތުންގެ ލޯބި މި ސަރުކާރަށް ލިބޭނެތީ. އައްމަޓީއާއި ލުތުފީ ކޭސްގެ ސަބަބުން މިހާރުވެސް ގިނަ ބައެއްގެ ނަފްރަތު މި ސަރުކާރަށްވަނީ ލިބިފަ
ހަސަންޓަމީ
17 July 2019
ކީއްވެގެންތޯ ބިގަށްދިން ލާރި ނުހުއްޓުވީ. ފަސް މިލިއަންގެ ވިޔަފާރިއަކަށް ހަތްދިހަ ދިނީ ކީއެވެގެންތޯ؟ އެކަމުގެ ކުރީގެ ޓީވީއެމްގެ އެމްޑީގެ އަތެއްވޭބާ؟
ތުނިޔަ
17 July 2019
ކުރީ ސަރުކާރުގަ ދައުލަތުގެ ހުރިހާ ފައިސާއެއް ނޫޓުވައި ހުސްކޮށްލީ! މިސަރުކާރުގެ ފަސްއަހަރު ނިމޭއިރު ދައުލަތުގަ ހުރި ފައިސާއެއްވިއްޔާ ބަދަލު ދިނުމުގެ ނަމުގައި ބަހާ ހުސްކޮށްލަނީ! ނޫނޭވާ ތިކޮށްދެނީ ޒީރޯ ޓޮލެރެންސްގެ ނަމުގައި ބލ ވެރިކަން.