ރިއާނާގެ "ފެންޓީ ބިއުޓީ" ގެ ފިހާރަތަކެއް އޭޝިއާގައި ހުޅުވަނީ

އަހުމަދު އަދްޝަން، މިހާރު

22 ޖުލައި 2019 - 06:58

"ފެންޓީ" ގެ ނަމުގައި މޭކަޕް ސާމާނާއި ފެޝަން ލައިނެއް ލޯންޗްކޮށްފައިވާ މަޝްހޫރު ލަވަކިޔުންތެރިޔާ ރިއާނާގެ "ފެންޓީ ބިއުޓީ" ގެ އުފެއްދުންތައް ވިއްކާ ފިހާރަތަކެއް އޭޝިއާގައި ހުޅުވަން ނިންމައިފި އެވެ.

އިންސްޓަގްރާމްގައި އޭނާ ބުނީ "ފެންޓީ ބިއުޓީ" ގެ އަށް ހާއްސަ ފިހާރަތައް ހުޅުވާނެ އޭޝިއާގެ ފުރަތަމަ ގައުމުތަކަކީ ހޮންކޮންގް، މަކޯއާ އަދި ދެކުނު ކޮރެއާ ކަމަށެވެ. އަދި އެ ގައުމުތަކުގައި އަންނަ ސެޕްޓެމްބަރު މަހު ފިހާރަތައް ހުޅުވާނެ ކަމަށް ބުންޏެވެ.

ބާބެޑޯސް އަށް އުފަން ރިއާނާ ބުނި ގޮތުގައި 2017 ގައި "ފެންޓީ ބިއުޓީ" ލޯންޗް ކުރި ހިސާބުން ވެސް އޭނާގެ އަމާޒަކަށްވެފައި އޮތީ ދުނިޔޭގެ ހުރިހާ ހިސާބަކުން ވެސް އުފެއްދުންތައް ފަސޭހަކަމާ އެކު ލިބޭނެ އިންތިޒާމު ހަމަޖައްސައި ދިނުން ކަމަށެވެ.

View this post on Instagram

When I launched @fentybeauty in 2017, it was important to me to make sure it was available globally so everyone had access to it. And now we are continuing to expand our Fenty Beauty family to Hong Kong, Macau, Seoul and Jeju in September! We will be available in Hong Kong & Macau at T Galleria by @dfsofficial, @sephorahk, @harveynicholshk, @beautybazaarhk, and @beautyavenuehk. In Seoul, you can find us in Duty Free locations at @lottedutyfree, @shinsegaedutyfree, and in Jeju at the @shilladfs_en

A post shared by badgalriri (@badgalriri) on Jul 18, 2019 at 4:58pm PDT

އެގޮތުން އޭޝިއާ އަކީ ވަރަށް ބޮޑު މާކެޓެއް ކަމަށާއި "ފެންޓީ ބިއުޓީ" ގެ އުފެއްދުންތައް ކުރިއަށް އޮތް ތަނުގައި އޭޝިއާގެ ގިނަ ގައުމުތަކުން ގަންނަން ލިބޭނެ ގޮތް ހަމަޖައްސައި ދޭނެ ކަމަށް ބުންޏެވެ.

ރިއާނާ މި ވާހަކަ ހިއްސާކުރުމާ އެކު ވަރަށް ގިނަ ފޭނުން ކަމަށް އެކަމަށް މަރުހަބާ ކިޔައި ކޮމެންޓްކޮށްފައިވެ އެވެ.

އުމުރުން 31 އަހަރުގެ ރިއާނާއަކީ ފޯބްސް އިން މި އަހަރު އާންމު ކުރި ލިސްޓްގައިވާ ގޮތުން މި ވަގުތު ދުނިޔޭގައި އެންމެ ބޮޑު އާމްދަނީއެއް ލިބޭ އަންހެން ލަވަކިޔުންތެރިޔާ އެވެ. އަދި އޭނާގެ މިލްކިއްޔާތު 600 މިލިއަން ޑޮލަރަށް އަރަ އެވެ.