ނަސީރު މާލިއްޔަތު ކޮމެޓީގެ މެމްބަރުންނަށް ޖަވާބުދާރީ ވެވަޑައިގަންނަވަނީ-- މިހާރު ފޮޓޯ: ހުސެން ވަހީދު
24 ޖުލައި 2019 - 19:08
52 comments
އެމްއެމްޕީއާރުސީގެ 1.3 ބިލިއަން ރުފިޔާގެ ޚިޔާނާތުގެ އަސްލު ބައިވެރިން އަދިވެސް ތިބީ މަގާމުތަކުގައި ކަމަށާއި އެ މީހުންގެ މައްސަލަތައް ނުބެލޭ ކަމަށް، ރާއްޖޭގެ މަރުކަޒީ ބޭންކް (އެމްއެމްއޭ)ގެ ގަވަރުނަރުކަމުގެ މަގާމުން މިއަދު އިސްތިއުފާ ދެއްވި އަހުމަދު ނަސީރު ތުހުމަތު ކުރައްވައިފި އެވެ.
އިސްތިއުފާ ދެއްވުމަށް ފަހު ނެރުއްވި ނޫސް ބަޔާނެއްގައި ނަސީރު ވިދާޅުވީ އެމްއެމްޕީއާރުސީގެ ހިޔާނާތުގެ މައްސަލަ ފެންމަތިވީ އޭނާ ގަވަރުނަރުގެ މަގާމަށް އައްޔަން ކުރުމުގެ މާކުރިން ކަމަށެވެ. އެކަމަކު އޭރު އޮތް ލީޑާޝިޕުން، އެ ޚިޔާނާތުގައި ތުހުމަތު ކުރެވޭ އޭރުގެ ޓޫރިޒަމް މިނިސްޓަރު އަހުމަދު އަދީބާ، އާދަޔާހިލާފަށް ގިނައިން ބައްދަލު ކުރެއްވި ކަމަށާއި އެކަން އެމްއެމްއޭގެ ރެކޯޑްތަކުން ފެންނަން އޮންނާނެ ކަމަށް ވިދާޅުވި އެވެ.
އެކަމަކު އެ މީހުން، އެމްއެމްއޭ އާއި ދައުލަތުގެ މަގާމުތަކުގައި ތިބި އިރު، ޚިޔާނާތުގައި އަސްލު ބައިވެރިވި މީހުންގެ މައްސަލަތައް ތަހުގީގު ނުކުރާ ކަމަށް ތުހުމަތު ކުރެއްވި އެވެ.
ނަސީރުގެ މައްޗަށް ވެސް ކޮރަޕްޝަނާ ގުޅުވައިގެން ތުހުމަތުތައް ކުރެ އެވެ. އެކަމަކު އޭނާ ވިދާޅުވި ގޮތުގައި "ތާކުން ތާކު ނުޖެހޭ" އެ ތުހުމަތުތައް ކުރަނީ އެމްއެމްޕީއާރުސީ ހިޔާނާތުގެ ކަން ހިނގައިދިޔަ ގޮތް ބެއްލެވުމަށް މަސައްކަތް ކުރެއްވުމުންނެވެ.
ނަސީރު ވިދާޅުވީ ބޮޑު ޚިޔާނާތުގެ މައްސަލައިގައި ކުރީގެ ގަވަރުނަރާއި އެމްއެމްއޭގެ ވެރިންނާއި ފައިނޭންޝަލް އިންޓެލިޖެންސް ޔުނިޓުގެ ވެރިން އަމަލުކޮށްފައިވަނީ އެންމެ ޒިންމާދާރުކޮށް ނޫން ކަމަށާއި އެކަން އޭނާ މަގާމުގައި ހުންނެވި އިރު ތައްޔާރުކުރެއްވި އެމްއެމްއޭގެ އިންޓާނަލް ރިވިއުންނާއި ތަހުގީގުތަކުން ފެންނަން ހުންނާނެ ކަމަށެވެ.
"އިންޓާނަލް އޮޑިޓުން ފެންނަން ހުރި ކަންކަމުގައި ހިމެނޭ ޖިނާއީ މައްސަލަތައް މިދިޔަ މާޗު މަހުގެ ތެރޭގައި ވާނީ ފުލުހުންނަށް ހުށަހަޅާފަ އެވެ. އަދި އިންސާފުވެރި ތަހުގީގެއް ހިންގައިފި ނަމަ، ފިޔަވަޅު އެޅޭނެ މިންވަރަށް އެއިން ހެކި ލިބޭނެ އެވެ." އިގުތިސާދީ ދާއިރާ އިން މަތީ ތައުލީމު ހާސިލްކުރައްވައި، އެ ދާއިރާގައި 12 އަހަރު ހިދުމަތް ކުރައްވާފައިވާ ނަސީރު ވިދާޅުވި އެވެ.
އޭނާ ވިދާޅުވީ އެމްއެމްޕީއާރުސީގެ ހިޔާނާތް ދައުލަތުން ބަލައި، އެ ފައިސާ އަނބުރާ ހޯދުމަކީ ކުރަން ޖެހިފައިވާ ބޮޑު މަސައްކަތެއް ކަމަށެވެ. އަދި އެކަން ކުރެވޭނީ ދައުލަތުގެ މުއައްސަސާތަކަށް އިތުބާރު ހޯދައިދީގެން ކަމަށާއި އެކަމަކު އެގޮތް ވިޔަ ނުދޭން ބޭނުންވާ ބަޔަކު ދައުލަތުގެ ތެރޭގައި އުޅޭ ކަމަށް ނަސީރު ތުހުމަތު ކުރެއްވި އެވެ.
"އެމްއެމްޕީއާރުސީގެ ހިޔާނާތާ ގުޅިގެން އެމްއެމްއޭއިން ކޮށްފައިވާ އަދި ނުކޮށް ދޫކޮށްލާފައިވާ ކަންތައްތަކާ ގުޅޭގޮތުން މާލީ ދާއިރާގައި ހަރަކާތްތެރިވާ މީހުންގެ މެދުގައި ނުތަނަވަސްކަން އެބައޮތެވެ. އެކަންކަން ރަނގަޅުކޮށް އެމްއެމްއޭއަށް ގެއްލިފައިވާ އިތުބާރު އަލުން ހޯދައިދިނުމަށް ކުރަންހުރި މަސައްކަތް ބުރަވެފައި، ބޮޑުކަން، އަޅުގަނޑު މަގާމާ ހަވާލުވި އިރު ވެސް އެނގެ އެވެ." ނަސީރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައީދުތުރީ
26 July 2019
އެމްއެމްޕީއާރސީގެ ވާހަކަ ދައްކަވާއިރު 1978 ވަނައަހަރު މިގައުމުގެރއްޔިތުންގެ މިލްކިއްޔާތުގައި އޮއްކަމައްބުނާ 98 އާގްބޯޓުތަކުގެ ވާހަކަނުދައްކަނީ ކީއްވެގެންތޯ ކިތައް ޒުވާނުންގެ ވަޒީފާތޯ އެއީ މސާލަކަށް ބޯޓަކައް 12 މީހުންނަށް ބެއްޔަސް 1176 ޒުވާނުންގެ ވަޒީފާ ދެން ޕޯޑިއަމް ތަކައް އަރާ ކޮރަޕް ޝަނޭ 0 ޓޮރަލަންސޭ ކިޔަމުން ދުވުނީމަ ވާނެތަ ރައްޔަތުން ހިމާތައް ކުރެވޭކަމައް
ބޮޑުތަކުރު
27 July 2019
2008 ގައި އާ ސަރުކާރު ހަވާލުވިއިރު އޮތް 747 ގެ 196 މަތިންދާބޯޓެއްގެ ވާހަކަ ނާހަމުތަ؟
ޢެމްއެމްއޭ ބޭރުއިން ކޮތަރު
25 July 2019
މަގޭ "ތިއަރީ". އަދީބުގެ ބައްދަލުވުންތައް ބޭއްވީ ރައީސްއޮފީހުން އެދިގެން ޔާމީނު ފޮނުވައިގެން. އޭނަ ފުރަތަމަ ބޭނުންވީ ބޭންކެއްހުޅުވަން. ޕޮސިބްލީ އަލްތޫރު ބްރަދަސްއާއިއެކީ. އަޒީމާ ޑޮކިއުމެންޓްސް ހަމަކުރާށޭ ކިޔާފަ އެކަން ވިޔަނުދީ ހިފެހެއްޓީ. އަދީބު ބޭނުންވީ ފައިސާތަކެއް ޓްރާންސްފަރ ކުރާނެގޮތްތަކެއް ހޯދަން. އަޒީމާ އެކަންވެސް ވިޔަނުދީ ބަހަނާދެއްކީ. އަޒީމާގެބޯހަރުކަމުން އަދީބު ޖެހުނީ އިރުއިރުކޮޅަކާދާން. ޔާމީނު އަޒީމާ ބޭރުކުރަން ބޭނުންވި. ދެއްތޯ ނަސީރު؟
ސެލްފީ
25 July 2019
ނަސީރު ދައްކާ ވާހަކަ އަޑުނާހައި އެހެން ބަޔަކާމެދު ޝައްކުގެ ނަޒަރުން ނުބަލައި މުލުން ދަންދެން މައްސަލަ ލުހެނުލައިފިނަމަ އަނެއްކާވެސް މިސަރުކާރުން ކުރާ ކަންކަމަށް ކޮރަޕްޝަންގެ ހިޔަނި އެޅޭނެ. ވަކި ބަޔަކު ދައްކާ ވާހަކަ އަޑުނޭހުނީމަ ކޮރަޕްޝަން މިސަރުކާރުގައިވެސް ބާރަށް ބާރަށް ކުރިއަށްދާން ޖާގަ ލިބޭނެ.
ޝާފިއު ޖަމީލް
25 July 2019
ނީޒާ އަކީ މިސަރުކާރުގެ ކިހާ ބާރު ގަދަ މީހެއްތޯ އައްސަވާ އިކޮނޮމިކް މިނިސްޓަރު ގާތު. ބޯގަން ރޫލްސަ
ހަސަނު
25 July 2019
މަ ކުރިން ހީކުރީ ނަސީރު ގަޓުކަމުން، މަށަކާ ނުކުޅެވޭނެއޭ ކިޔާފަ އިސްތިއުފާދީފަ ދިޔައީ ކަމަށް.. އެކަމަކު މި އެނގުނީ އެތާ ތިބި މީހުން ނަސީރު ބޭރުކޮށްލީ ކަން.. ބޭރުކޮށްލީމާ ބޭރރަށް ނުކމެ ހުރެ ކަލޭ ކަލެއޭ ކިޔާ ޒުވާބެއް މި ފެށީ.. މަހީކުރިވަރަށް ވުރެ މާ ސައިޒު ކުޑަ މީހަކަށް ނަސީރު މިވީ...
ޒަހީނު
25 July 2019
އިންޓާރނަލް އޮޑިޓް ޕޮލިހަށް ހުށަހެޅީ މާރިޗު މަހުކަމަށް ނަސީރު ވިދާޅުވި. ކޮބާތޯ ޕޮލިހުގެ ބަހަކީ. ކީއްވެތޯ ތަހުގީގު ނުކުރަނީ. އަދީބު ދުވާލު ދެ ދަޅަޔަށް އެމްއެމްއޭއަށް ދިޔައީ ކީއްވެތޯ؟ ޓޫރިޒަމް މިނިސްޓަރަކު އެވަރަށް ގަވަރުނަރަކާ ދުވަހަކު ބައްދަލު ނުކުރާކަމަށް އެމްއެމްއޭގެ އެތަކެއް މުވައްޒަފުންނެއް ބުނެފި.މިކަން ބެލެން ޖެހޭ!!!
އަޙުމަދު
25 July 2019
ކަން ހިނގާފައިވާ ގޮތަށް ބަލާއިރު ނަސީރަކީވެސް އެ ޚިޔާތުގެ ބައިވެރިއެއް ނޫނޭ ދެންނެވޭކަށް ނެއް.
ވާލުސޮރު
25 July 2019
ނަސީރު ބުންޏަސް ތިއީ ވަރަށް ރަނގަޅު ވާހަކައެއް، ހިޔާނާތުގެ ބައިވެރިން މިހާރުވެސް ސަރުކާރުގެ ކުންފުނިތަކާ މިނިސްޓްރީ ތަކުގެ ކުރިއަށްވުރެވެސް ބާރުގަދަކޮށް ތިބީ
ޑޮކްޓާރ. ބަނާނާ
25 July 2019
މިޖަރީމާ ހިންގާ ގައުމުގެ ސެންޓްރަލް ބޭންކް އަދި ރައްޔިތުން އަނދަވަޅަކަށް ވައްޓާލިއިރު ނީޒާ އަކީ ޒިއްމާ ދާރު މަގާމެއްގައި އެމް އެމްއޭގައި ހުރި މީހެއް! މިސަރުކާރަކީ މިފަދަ ޖަރީމާތަށް ބެލުމަށާއި މިފަދަ ކަންކަން ރަގަޅު ކުރުމަށް ރައްޔިތުން ގެނައި ސަރުކާރެއް! ސުވާލުއުފެދެނީ މިފަދަމީހުން ކީއްވެތޯ މިސަރުކާރުގެ އިސްމަގާމުތަކުގައި ތިއްބަވަނީ؟؟؟؟؟؟؟؟! ބަނާނާ /ސިޑްނީ
ފުޓްލޫސް
25 July 2019
ނަސީރަކީ ހުދު ފޮތި ކޮޅެއް