ު ނަޝީދު އެންމެ ފަހުން އައްޑު އަށް ކުރެއްވި ދަތުރުފުޅުގެ ތެރެއިން.
29 ޖުލައި 2019 - 13:59
18 comments
އައްޑޫގައި އަންނަ މަހު ބާއްވާ "ސަދަން މޯލްޑިވްސް ބިޒްނެސް އެކްސްޕޯ" ކުރީގެ ރައީސް އަދި މިހާރުގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ހުޅުއްވައި ދެއްވާ ގޮތަށް ހަމަޖެހިއްޖެ އެވެ.
ޓައިޓަން މޯލްޑިވްސް އިން އިންތިޒާމުކޮށްގެން އަންނަ މަހުގެ 1-3 އަށް ބާއްވާ އެކްސްޕޯ ކުރިއަށް ގެންދާނީ ގަމުގެ އީކްއެޓާ ވިލެޖުގަ އެވެ. މި އެކްސްޕޯ އަށް ނަޝީދު ވަޑައިގަންނަވާއިރު، އެ މަނިކުފާނު އެންމެ ފަހުން އައްޑު އަށް ވަޑައިގަތީ ރައްޔިތުންގެ މަޖިލީހުގެ އިންތިހާބުގެ ތެރޭގައި މިދިޔަ އަހަރުގެ ނޮވެމްބަރު މަހުގަ އެވެ.
އެ ދަތުރުފުޅުގައި ނަޝީދުގެ އޮފީހެއް ވެސް ހިތަދޫގައި ހުޅުވާފައިވެ އެވެ.
ސަދަން މޯލްޑިވްސް ބިޒްނެސް އެކްސްޕޯ އަކީ ދެކުނުގައި ހުރި ވިޔަފާރީގެ މައިގަނޑު ހުރިހާ ދާއިރާއެއްގެ މީހުން އެއްތަންވެ، މުހިއްމު ގިނަ ކަންތައްތަކެއް ފެންނާނެ ހަރަކާތަކަށް ވާނެ ކަމަށް ޓައިޓަން މޯލްޑިވްސް އިން ބުންޏެވެ. އެގޮތުން، ދެކުނު ސަރަހައްދުގައި ހިންގާ ރިސޯޓުތަކާއި ގެސްޓް ހައުސްތަކާއި މި ސަރަހައްދަށް އޮޕަރޭޓް ކުރާ އެއާލައިންސްތަކާއި ޓުއާ އޮޕަރޭޓަރުންގެ އިތުރުން ވެސް ވިޔަފާރީގެ އެކި ދާއިރާތަކުން އެކްސްޕޯގައި ބައިވެރި ވާނެ އެވެ.
އެކްސްޕޯ ކުރިއަށ ދާނީ އަންނަ މަހުގެ 1-3 އަށް.
އެކްސްޕޯގެ ތެރޭގައި ވިޔަފާރީގެ ފޯރަމަކާއި ޕެނަލް ޑިސްކަޝަންތައް ވެސް ކުރިއަށް ގެންދަން ވަނީ ރާވައިފަ އެވެ. އެކްސްޕޯ ކުރިއަށް ގެންދާނީ މައިގަނޑު ހަތަރު ދާއިރާއަކަށް އަމާޒު ކޮށްގެންނެވެ. އެއީ، ވިޔަފާރިތައް ކުރިއަރުވަން ފައިސާ ހޯދުން، ވިޔަފާރީގެ ފުރުސަތުތައް، ސިއްހީ ދާއިރާ ދާއިރާ އަދި ޓޫރިޒަމެވެ.
ސަދަން މޯލްޑިވްސް ބިޒްނެސް އެކްޕޯސްގައި ބޭރުގެ ގިނަ ފަރާތްތަކުން ވެސް ބައިވެރި ވާނެ އެވެ. އެގޮތުން 40 އަށް ވުރެ އެގްޒިބިޓަރުންނާއި 15 ޕެނަލިސްޓުން އެކްސްޕޯގައި ބައިވެރި ވާނެ ކަމަށް ޓައިޓަން މޯލްޑިވްސް އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރަރެން
30 July 2019
މިސޮރަށް ހީވާކަހަލަ ތިމަންނައޭ އަދިވެސް މިގައުމުގެ ރައީސަކީ ގަބޫލުކުރިއަސް ނުކުރިއަސް ނަސީދަކީ ފަންޑިޔާރަކު ރަހީނުކުރިމީހެއް
ސޯބެ
30 July 2019
މި ނަސީދު ބޭނުންވަނީ ވެރިކަން. ޢައްޑޫ މީހުން ދެކެ މީނާ އަސްލު ވަރަށް ރުޅި އާދޭ. ޙަމަ ހުސް އާޓު. ޢެކަމަކު އައްޑޫ މީހުން ހެއްލޭނެ. ޢެހެން ނޫންސް މަ ވޯޓް ދިނީ އިބޫ އަށް. ޢަންނި ބުނެގެނެެއް ނޫން. ޢުންމީދަކީ އިބޫގެ 5 އަހަރު އައްޑޫއަށް ތަރައްގީ ގެނެވޭނެކަމަށް
ޖަނާން
30 July 2019
ރިބަން ގަނޑެއް ކަނޑާލާނެ ފެންވަރުގެ ދަރިޔަކުވެސް އައްޑޫގަ ނެތް ދޯ. ހަމަ މާލޭ މީހުން މިކަމަށް ވެސް ގެންނަންވަނީ؟ އެވެސް އަދި އައްޑޫ މީހުންގެ ބޯކާން އަރާ ހުރި ދޮގުބެ.
ދުުނިފޫ
29 July 2019
މިފަހަރު ކައުންސިލް އިންތިކާބު ކޭމްޕޭން ފައްޓަންވާނެ. އައްޑޫ މީހުން ބޯކާލަންވާނެ ވަރަށް އަވަހަށް ހެއްލޭނެ
އަށްޑޫ ކަތީބު
29 July 2019
އަނެއްކާވެސް ކައުންސިލް އިންތިހާބު ބޯމަތިވީމަ އަށްޑޫ ފެންނަންފެށީދޯ. މިފަހަރު އަށްޑޫ މީހުން ފެންނާނެ. ގުބޯހައްދަން ހިޔާލުކޮށްލައިގެން މިފަހަރަކު ކާމިޔާބެއް ނުވާނެ.
ދޮގު
29 July 2019
ދޮގުބޭ ކައުންސިލް އިންތިހާބު ކާރިވީމަ ދޮގެއް ހެދޭތޯތިދިޔައީ
ލޯބި
29 July 2019
ރައީސްގެ އިތުރު އޮފީހެއް އައްޑޫގައި މިދަތުރުފުޅުގައި ހުޅުވައިދެއްވައިފިނަމަ ހާދަ ރަނގަޅޭ.އައްޑޫގެ ހިއްތަކުގެ ރަސްގެފާނު.އައްޑޫގެ ހިތްތަކުގެ ތަރައްގީގެ ބާނީ.
ާއަދަބް
29 July 2019
ރައީސް ނަޝީދު******
ޔާސިރު
29 July 2019
މާލެ ނަގާފަ ސ އަތޮޅުގަ އެންމެ މީހުންގިނަވީމައޭ ކަންކަން ސ އަތޮޅުގަ ކުރަނީއޭ ކިޔައިގެން ކާކަށް އޮޅުވާލަންތޯ ތިއުޅުއްވަނީ؟ ހ އަތޮޅުގަ އެންމެ މީހުން ގިނައީ މާލެ ނަގާފަ. ހއ ހދ ހެން ސ އަތޮޅުވެސް ސއ ސދ އަށް ދެބައިކޮށްލީފަ ބަލަމާ ސ އަތޮޅުގަތޯ އެންމެ މީހުން ގިނައީ. މީހުންގެ ނިސްބަތުން ކަންކަން ކުރުމުގަ އިސްކަންދޭންޖެހޭނީ. 1- މާލެ، 2- ހ އަތޮޅު 3- ސ އަތޮޅު އޮޅުވާނުލައްވާ.
އައްޑޫ ބެއްޔާ
30 July 2019
ކޮއްކޯ ސ ދެބައި ކުރަނީ ކޮންތަނެއް؟ މިއީ ގުޅިފައިވާ ރަށްތަކެއް. ޖުމްލަ އޮތީ އެންމެ 11 ރަށް، މީހުން އުޅެނީ 6 ރަށުގަ. ފުށި ނުވަތަ ގިރި ވެސް ރަށް ރަށުގެ ގޮތުގައި ބެލިނަމަ ޖުމްލަ 21 ރަށް.
ވެރިން
29 July 2019
މިއިވެންޓް ބޯއިކޮޓް ކުރަން ގޮވާލަން.އިންތިހާ އަށް ދޮގުހަދާ މީހަކު ލައްވާ ހުޅުވާތީ.