މިނިވަން ދުވަހުގެ ރަސްމީ ބައްދަލުކުރެއްވުމުގެ ރަސްމިއްޔާތުގައި ކުރީގެ ރައީސް ނަޝީދު ބައިވެރިވެވަޑައިގަންނަވަނީ. އިންކަމް ޓެކްސް ނަންގަވާނެ ކަމަށް އެމަނިކުފާނު ވިދާޅުވި.-- ފޮޓޯ: ހުސައިން ވަހީދު /މިހާރު
03 އޯގަސްޓް 2019 - 10:27
72 comments
ރާއްޖޭގެ ވެރިކަމަށް އެމްޑީޕީން އެނބުރި އައިސް މިތިބީ އަމިއްލަ ފަރުދުންގެ އާމްދަނީން ޓެކްސް ނެގުމަށް ކަމަށް ރައްޔިތުންގެ މަޖިލިހުގެ ރައީސް، ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.
ދައުލަތުގެ ޓެކްސް އިދާރާ، މީރާ އަށް ނުވަ އަހަރު ފުރުން ފާހަގަ ކުރުމަށާއި އެންމެ ގިނަ އިން ޓެކްސް ދެއްކި ފަރާތްތަކަށް "ރަން ލާރި" އެވޯޑު ދިނުމަށް ދަރުބާރުގޭގައި ބޭއްވި ޖަލްސާގައި ނަޝީދު ވިދާޅުވީ އެމްޑީޕީގެ ސަރުކާރު ވައްޓާލާފައި ވަނީ އަމިއްލަ ފަރުދުންގެ އާމްދަނީން ނެގޭ ޓެކްސް ނެގުމުގެ ކުރިން ކަމަށެވެ. އެކަމަކު، އެނބުރި އައިސް މިތިބީ އަމިއްލަ ފަރުދުންގެ އާމްދަނީން ޓެކްސް ނަގަން ކަމަށް އެމަނިކުފާނު ވިދާޅުވި އެވެ.
"އަޅުގަނޑު ބޮޑަށް ބަލަމުން މި ދަނީ މަޖިލިހުގެ މި ދައުރުގެ ތެރޭގައި، މިހާރު ރިސެސް އަށް ދިއުމުގެ ކުރީގައި. ޗުއްޓީ އަށް ދާނީ ސެޕްޓެމްބަރުގައި. ދިއުމުގެ ކުރިން ވަކި ފަރުދުންގެ އާމްދަނީން ޓެކްސް ނެގުމުގެ ބިލް މަޖިލިހަށް ގެންނަން. އެއީ ވަރަށް ބޮޑަށް ކުރާނެ މަސައްކަތެއް،" ނަޝީދު ވިދާޅުވި އެވެ.
ނަޝީދު ވިދާޅުވި ގޮތުގައި މަޖިލިހުގައި މިހާރު ވެސް ބޮޑެތި ބިލްތަކެއް އެބަހުއްޓެވެ. އެކަމަކު، އިންކަމް ޓެކްސް ނެގުމުގެ ބިލް މި އަހަރު ފާސް ކުރަން މަސައްކަތްޕުޅު ކުރައްވާނެ ކަމަށް ނަޝީދު ވިދާޅުވި އެވެ. އަދި އަންނަ އަހަރުގެ ބަޖެޓު ބޮޑަށް އަމާޒުކޮށްފައި ވަނީ އަމިއްލަ ފަރުދުންގެ އާމްދަނީން ލިބޭ ޓެކްސްގެ މައްޗަށް ވަރަށް ބޮޑަށް ބިނާކޮށްފައި ކަމަށް ވެސް އެމަނިކުފާނު ވިދާޅުވި އެވެ.
"އެހެންވެ، މި އަހަރުގެ ތެރޭގައި މި ޓެކްސް އަޅުގަނޑުމެން ނަގަން ޖެހޭ،" ނަޝީދު ވިދާޅުވި އެވެ.
އެމްޑީޕީގެ ތިން އަހަރު ދުވަހުގެ ވެރިކަމަށް އިޝާރާތް ކުރައްވައި ނަޝީދު ވިދާޅުވީ 2008 ވަނަ އަހަރު ވެރިކަމަށް ވަޑައިގެން ހެދި އެންމެ ފުރަތަމަ ބަޖެޓު ހަތް ބިލިއަން ރުފިޔާ އަށް ނާރާނެ ކަމަށެވެ.
ތެލާއި ފެނާއި ކަރަންޓާއި ކުއްޔާއި މުސާރަ އަށް ކެނޑުމުން، ހަތް ބިލިއަން ރުފިޔާ އިން ތަރައްގީގެ މަޝްރޫއުތައް ހިންގުމަށް މާ ބޮޑު އެއްޗެއް ބަޖެޓުގައި އޭރު ނެތް ކަމަށް ނަޝީދު ވިދާޅުވި އެވެ.
ޓެކްސްގެ ނިޒާމު މުޅިން އަލަށް ރާއްޖެ އަށް ތައާރަފްކޮށް ދެއްވި ނަޝީދު ވިދާޅުވި ގޮތުގައި، އެ ނިޒާމު ގާއިމު ކުރައްވަން ޖެހިވަޑައިގަތީ ރާއްޖޭގެ އިޖުތިމާއީ ރައްކާތެރިކަން އެކަށައަޅަން ޖެހިއްޖެ ކަން ދިވެހިންގެ ތެރެއިން އެތައް ބަޔަކަށް ސާފުވާން ފެށުމުން ކަމަށެވެ. އެގޮތުން، ބޭސް ސިޓީއަށާއި ފޮތް ލިސްޓަށް އާދޭސް ކުރުމާއި ފޯނު ބިލާއި ކުލި ނުދެއްކިގެން ރައްޔިތުން އޭރު ތިބީ ހާސް ކަމެއްގައި ނަޝީދު ވިދާޅުވި އެވެ.
އެމަނިކުފާނު ވިދާޅުވި ގޮތުގައި ނިކަމެތިންނާއި މުއްސަނދިންނާ ދެމެދު އޮތް ފަރަގު ފުޅާވަމުންދާ ނަމަ، ގައުމެއް އެ ދަނީ ހަރާބުގެ މަގަށެވެ.
ޓެކްސް ނެގުމާ ބެހޭ ގާނޫނާއި ގަވާއިދުތަކާ އެއްގޮތަށް މިދިޔަ އަހަރުގެ ތެރޭގައި ގަވާއިދުން ޓެކްސް ދެއްކި 17 ކުންފުންޏަކަށް ރޭ ވަނީ އެވޯޑު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލީން
05 August 2019
މާލެގެ ބޮޑުއަގުގާ ކުލި ނަގައިގެން ތިބޭ މާލޭ މީހުން ހާދަ ރުޅިއަންނާނެ ތި އިންކަމް ޓެކްސް ނަގަން ފެށީމާ. ދެން ހަދާނީ ދެ އެގްރިމަންޓް. ޓެކްސް ނުދައްކަން.
ހަގީގަތުދުނަ
05 August 2019
އެނބުރި އައިސް މިތިބީ އިންކަމް ޓެކްސް ނަގަން ބަޔަކު ގަބޫލް ކުރިޔަސް ނުކުރިޔަސް އަނބުރާ އެއައީ ސިދާ ދިވެހިރައްޔަތުން އަޅުވެތިކުރަން ފުރަތަމަވެސް ވެރިކަމައް އައިސް ޖިޒީނަގައިގެން ރަށްޔަތުން އަޅުވެތި ކުރީ ޖީއެސްޓީގެ ނަމުގައި މިހާރު އެބުނާ އިންކަމްޓެކްސް ހަމަ ނަގާނީ ނިކަމެތި ރަށްޔަތުމީހާއަތުން ވިޔަފާރިވެރިއާ އަތަކުން ނޫން ތިޔަބުނާ އިންކަމްޓެކްސް ނަގާނީ މިޔޮއް ތަހުޒީބު ދުނިޔޭގަ އިންޑިއާގައި ފާޙާނާ ތައްޓެއް ނުދެކޭމީހުން ގިނައީ އިންކަމްޓެކްސްނަގާ
ކުލި ކުޑަކުރޭ!
05 August 2019
ތިހާ ރައްޔިތުންނަށް ހެޔޮ އެދެންޏާ މާލޭގެ ގެތަކުގެ ކުލިތަށް ކުޑަވާނެ ގޮތެއް ހަދާ ދިނިއްޔާ މާ ރަނގަޅެއްނު! ޔަގީން އިންކަމް ޓެކްސް ނަގަން ފެށީމަވެސް ހުރިހާ ތުރާލެއް ޖެހޭނީ ކުދި ވިޔަފާރިތައްކުރާ މީހުނަށްކަން. މިހާރުވެސް މިއުޅެނީ ލިބޭ އެތިކޮޅުން ދެކޮޅުނުޖެހިގެން އުޅޭ އިރު ވެސް މީރާ އަށް ޓެކްސް ދައްކަންޖެހޭތީ!
ދާންދޫ
04 August 2019
ސިޔާސީ މީހުން ވޯޓް ގަތުމަށާއި ، ސިޔާސީ މީހުންނަށް މުސާރަޔާއި ޢިނާޔަތް ދިނުމަށާއި އަދި ބައިކުދީންނަށް ބެހުމަށް އިންކަމް ޓެކްސް ނެގުމުގެ ލަދުވެތިކަމާއެ!!!!!
ނެގުނުކަތީބު
04 August 2019
ޓެކުސް ނެގުން އޯކޭ! އެކަމަކު އައުމަށްޓަކައި މަނިކުފާނު ކުރިކަމަކީ ކޮބައިތޯ؟ ބޭސް ފަރުވާއަށް ވަޑައިގެން ފިއްލެވީ ނޫންތޯ؟ ދެން އެމްޑީޕީގެ މަދު އަދަދެއްގެ ކުދިންކޮޅަކާއި ތިއުޅޭ ޢިމްރާނާއި ޤާސިމާ މައުމޫނުގެ އެހީތެރިންނޫންތޯ އެންމެ ބުރަ މަސައްކަތް ކުރީ.
މާރިޔާ
04 August 2019
ކަލޭގެ އެކައުންޓްގަ މިލިއަނުން ހުރި ރުފިޔާގެ ޓެކްސް ދައްކާނީ ކާކުބާ؟
އިބިރިހިންބެއްޔާ
04 August 2019
އަބަދުވެސް މަހުޖަނުން. މަހުޖަނުން ވިޔަފާރިވެރިން. ތިޔަބުނާ ސައިޒުގެ ރާއްޖޭގައި ތިބީ ކިތައް މަހުޖަނުންތޯ؟ ރަގަޅަށްވާއިރު އެކިޔާ 60 ހާސްރުފިޔާއިން މަތީ މުސާރަލިބޭ މީހުން ގިނަވާނީ ރައްޔިތުންގެ މަޖިލީހުގައާއި ސިޔާސީ މަޤާމުތަކުގައި. އުއްމީދުކުރަން އަނބިދަރިންނާއި ވަކިން، ރިޒޯޓްތަކުގައި 24/7 ވަގުތުހޭދަކުރާ ބުރަ މަސައްކަތްތެރިންގެ ޖީބާއި ދިމާުނުކުރާނެކަމަށް.
އިބިރިހިންބެއްޔާ
04 August 2019
ޓެކްސް ޓެކްސް ޓެކްސް. ވިލާތުގައި ކިޔެވިއިރު ޓެކްސްގެ ދާއިރާއިން ކިޔެވިނަމަ ހާދަ ރަގޅުވީހޭ ދޯ. މިހާރިވެސް ރައްޔިތުންއަތުން %6 ޖީއެސްޓީ ޓެކްސް ނަގާފައި ވިޔަފާރިކުރަން އުޅޭމީހުން އަތުން %15 ފައިދާގެ ޓެކްސްނަގާފައި ޤައުމަށް އެއްވެސް ޚިދުމަތެއް ކުރުމެއްނެތި ބަންޑާރަ ބިން ކުއްޔަށް ދީފައި ދެއަތް އުރާލައިގެން ތިބޭމީހުން އަޗާތަޅަން ބައިތިއްބާފައި އަދިވެސް ކޮޅާލަން ތިއުޅުއްވަނީ ރެޔާދުވާލު ބުރަމަސައްކަތްކުރާ މީހުންގެޖީބު. ސަޅިއެއްނުން.
ޢަބްދުﷲ ދީދީ
04 August 2019
ރައީސް ނަޝީދު ދެންވެސް ވައްޓާލާނަން. އިންޝާ ﷲ އެދުވަސްވަނީ ގާތުގައި. ރައްޔިތުން ފެލަން ތިވަރެއް ނޮންނާނެ.
ޓެކްސްފައިސާ
04 August 2019
އަވަހަށް ސަރުކާރުގެ ވަޒީފާގަނޑެއް ލިބޭތޯ އުޅެންވީ. އެއިރުން ރައްޔިތުން އަތުން މިއެއްކުރާ ފައިސާއިން އިނާޔަތްތައް ލިބިގެން ރައްޔިތުން އަޅުވެތިކޮށްގެން ތިބުމުގެ ފުރުޞަތު ބޮޑު.ބަދަލު ދިނުމެއްނެތި ޚަޒާނާއިން ލިބިގަންނަ ކޮންމެ މަންފާއަކީ ވައްކަމެއް.