އާ އުސޫލާ މެދު ހިތްހަމަނުޖެހި ޓެކްސީ ޑްރައިވަރުން ކޯޓަށް!

ބްރިޖުގައި ޓެކްސީއެއް ދަތުރުކުރަނީ-- ފޮޓޯ: ހުސެއިން ވަހީދު/ މިހާރު

ފާތިމަތު ޝަނާ މުހައްމަދު، މިހާރު

06 އޯގަސްޓް 2019 - 14:45

ޓެކްސީ ދަތުރުތަކަށް އަގު ނަގަން ޓްރާންސްޕޯޓް މިނިސްޓްރީން ކަނޑައެޅި އާ އުސޫލާ މެދު ހިތްހަމަ ނުޖެހިގެން އެއަށް އަމަލުކުރުން ހުއްޓުވައިދޭން އެދި ޓެކްސީ ޑްރައިވަރުން ސިވިލް ކޯޓަށް މައްސަލައެއް މިއަދު ހުށަހަޅައިފި އެވެ.

ޑްރައިވަރުންގެ ޖަމިއްޔާގެ ވަގުތީ ރައީސް އަބްދުﷲ އިބްރާހީމް "މިހާރު" އަށް ވިދާޅުވީ ސިވިލް ކޯޓަށް މައްސަލައެއް ހުށަހެޅީ އާ އުސޫލުގެ ސަބަބުން ޓެކްސީ ޑްރައިވަރުންގެ އާމްދަނީ އަށް ބޮޑު ހީނަރުކަމެއް އަންނާނެ ކަމަށް ގަބޫލުކުރެވޭތީ ކަމަށެވެ.

ކޯޓަށް މައްސަލަ ހުށަހެޅުމުގެ އިތުރުން ޓްރާންސްޕޯޓް މިނިސްޓަރު އާއިޝަތު ނަހުލާއާ މި މައްސަލައިގައި ބައްދަލުކުރަން އެދި ޑްރައިވަރުން ވަނީ ސިޓީ ފޮނުވައިފަ އެވެ. އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ވެސް މަޝްވަރާކުރަން ބޭނުންވާ ކަން ޑްރައިވަރުން ހުށަހަޅާފައިވާ ކަމަށް އޭނާ ވިދާޅުވި އެވެ.

އާ އުސޫލާ ދެކޮޅަށް ހިތްހަމަނުޖެހުންފާޅުކުރަން މާދަމާ އިހްތިޖާޖް ކުރަން ޑްރައިވަރުން ވަނީ ނިންމައިފަ އެވެ.

ޓްރާންސްޕޯޓުން އެކުލަވާލި އާ އުސޫލުގެ ދަށުން ހުރިހާ ޓެކްސީތަކުން ވެސް ޓެކްސީ އެޕްލިކޭޝަން ބޭނުން ކުރަންޖެހެ އެވެ. މި އުސޫލުގެ ދަށުން މާލެ އާއި ހުޅުމާލޭގައި ކުރާ ދަތުރުތަކަށް ނަގާނީ 25 ރުފިޔާ އެވެ. އަދި ޑިކީއަށް އެއްޗެއް އެރުވި ނަމަވެސް އެއަށް އިތުރު ފައިސާއެއް ނުނެގޭނެ އެވެ.

ބްރިޖް ދަތުރު ފެށުމާ އެކު މާލެ އާއި ހުޅުލޭގެ ދަތުރުތަކަށް ޑްރައިވަރުން އާއްމުކޮށް ނަގަމުން އަންނަނީ 100 ރުފިޔާ އެވެ. އެކަމަކު އާ އުސޫލުގެ ދަށުން އެ އަގު ވަނީ 75ރ. އަށް ދަށްކޮށްފަ އެވެ. އަދި ހުޅުމާލެ-ހުޅުލެ ނުވަތަ މާލެ-ހުޅެލަށް ދިޔުމަށް ނަގަންޖެހޭނީ 60 ރުފިޔާ އެވެ.

މާލެ ސަރަހައްދުގައި ޓެކްސީކުރުމުގެ ހުއްދަ 1،200 ޓެކްސީއަކަށް ދީފައިވެ އެވެ.

ޓެކްސީ ހިދުމަތް ޓެކްސީ އަގު ޓެކްސީ ޑްރައިވަރުން ދަތުރުފަތުރު

24 ކޮމެންޓް, 59 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަޖުބޫރު

07 August 2019

25 ރުފިޔާ އަށް ދަތުރެއް ކޮށްގެން މެންދުރު ކުރިން ދަތުރުކޮށް ދުވަހުގެ ޙަރަދާއި ވެރިމީހާއަށް ދައްކަންޖެހޭ އަދަދު ހަމަކުރުމަށްފަހު މެންދުރުފަހު ކިތައް ޓެކްސީތޯ ޕާރކް ކޮށްފަ އޮންނަނީ!! ޕްޓްރޯލް ލިޓަރަކުން މާލެ/ހުޅުމާލެ ދަތުރެއް ވަރަށް ރީއްޗަށް ކޮށްލެވޭ!! އެހެންވީމަ މާލެ/ހުޅުމާލެ ޓެކްސީ ދަތުރެއް 50ރ އަށް ކުރިޔަސް ގެއްލުމެއް ނުވާނެ!! މި އަމިއްލައެދުން ބޮޑު ޑްރައިވަރުންނާ ބައްދަލު ނުކޮށް ކުޑަ ހިތްވަރެއް ކޮށްލަންވީ!! ލަހެއްނުވެ ހަމަބިމަށް ފައިބަފާނެ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރި

06 August 2019

ޜަނގަޅު .އެއްގޮތެއްވެސްނެއިތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްފާ ސިއެރާ

06 August 2019

ކިތަންމެ ގިނަ ދުވަސް ތަކެއް ވަންދެން ހިތުހުރިހާ އަގެއްގަ ޓެކްސީން އަގުނެގި ކަމުގައި ވިއަސް އާމު ޚިދުމަތުގެ އަގު ރަނގަޅަށް ބެލިގެން ބަދަލު ކުރަން ވެއްޖެތާ ކިތަންމެ ދުވަހެއް. ބައެކުމީހުން ރުޅިއަޔަސް ރަނގަޅުބަދަލަކަށް މަރިހަބާ ކިޔަމާ. ދެން އަވަހަށް އަވެއްޓެރި ޤައުމު ތަކުގަހެން ފޯނުގެ އެޕުން ދައްކާ އަދަދަށް ދަތުރުގެ ކުލިނެގޭގޮތް ހަމަޖެހޭ ދުވަހަކަށް އިންތިޒާރު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

06 August 2019

ކޯޓުން ވެސް މިކަމުގައި އިންސާފްވެރި ގޮތެއް ނިންމާދޭނެ ކަމަށް އުއްމީދު ކުރަމެވެ، އަދި ޑުރައިވަރުން މިފަހަރު ސައިޒް ވާނެކަމަށް އުއްމީދު ކުރަމެވެ، ސަރުކާރުން މިފަހަރު ޑުރައިވަރުންނަށް ފުރުސަތު ނުދޭނެ ކަމަށްވެސް އުއްމީދު ކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަކުޑި ހަމީދު

06 August 2019

މަޖިލިހާ އިދިކޮޅަށް ނިންމާނެ ކޯޓެއް ނޯންނާނެ. ތިއުޅެނީ ހުވަފެނެއްގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަށަންބެ

06 August 2019

ތިހެދި ޤަވާޢިދުތަކާއި ދެފަރާތުން ކަންކުރަމުންތިދާގޮތުން އެއްވެސްބައެއްގެ ހަރުދަނާކަމެއް ހުއްޓެކޭ ބުނެވޭކަށެއްނެތެވެ. ސަރުކާރުގެ ޢަމަލުތައްވެސް، އަދި ޓެކްސީޑުރައިވަރުންގެ ޢަމަލުތައްވެސް ރަނގަޅެކޭ ބުނެވޭކަށްނެތެވެ. ރައްޔިތުން ގޮތެއްހޯދަން އެބަޖެހެއެވެ. ދައުލަތުން ޓެކްސީ ސެންޓަރެއް ހަދަންވެއްޖެއެވެ. މިހާރުހުރިހައި ސެންޓަރުތަކެއް ބަންދުކުރަންވީއެވެ. ވާހަކަދައްކައިގެން ކަމެއް ނިންމޭތަނެއް ނުފެނެއެވެ. ރައްޔިތުންނަށް ޙައްލެއް ލިބެންވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްލެއްނެތޭ

06 August 2019

އޮޓޯ ތަޢާރަފު ކުރާށޭ ނޫބީ އެމްޓީސީސީއިން ޓެކުސީގެ ޚިދުމަތް ފަށާށޭ... އޭރުން ހަމަ ބިމަށް ތިރިވާނޭ އޮޓަމެޓިކުނަ މި ނޫން ހައްލެއް ނެތޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

06 August 2019

ހެހެހެ. ހަމަ ދާދި ދެންމެ 1 އޯގަސްޓުން ފެށިގެން އަލައް ރެޖިސްޓްރާ ކާރުތަކުގައި އެޕް ބޭނުންކުރަން ނިންމައި ކުރީގެ ޓެކްސީތަކުގައި އެޕްބޭނުންކުރަން އޮތް އޮތުން ކެންސަލްކޮށްފި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހުސިން ހަމީދު

06 August 2019

އެއްވެސް ބޭފުޅަކު މި ދަހި އަމިއްލައެދުން ބޮޑު ޑްރައިވަރުންނާ ބައްދަލުކުރާނެކަމެއްނެތް! އާ އުސޫލާ ދެކޮޅުހަދާ ޑްރައިވަރުންގެ ހުއްދަ ބާތިލްކުރީމަ ނިމުނީ!