ބޮޑު ޖަމާއަތުގައި އީދު ނަމާދުކުރާނެކަން 10 ރަށަކުން އަންގާފައިވޭ: މިނިސްޓްރީ

މިދިޔަ އަހަރުގެ އަޟްހާ އީދު ނަމާދު، މާލޭގައި ބޮޑު ޖަމާއަތުގައި ކުރަނީ.-- ފައިލް ފޮޓޯ: އަހުމަދު ނިޝާތު/ މިހާރު

އާސިމާ ނިޒާރު، މިހާރު

06 އޯގަސްޓް 2019 - 15:39

ބޮޑު ޖަމާއަތުގައި އަޟްހާ އީދު ނަމާދު ކުރާނެކަން 10 ވަރަކަށް ރަށުން މިހާތަނަށް އަންގާފައިވާ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

އެ މިނިސްޓްރީގެ ޑެޕިއުޓީ މިނިސްޓަރު އަހުމަދުﷲ ޖަމީލް ވިދާޅުވީ މާލޭގެ އިތުރުން ރަށްރަށުގައި ބޮޑު ޖަމާއަތުގައި އީދު ނަމާދުކުރުމުގެ އިންތިޒާމްތައް ހަމަޖައްސަމުން އަންނަ ކަމަށެވެ. އެކަމަށް ސަރުކާރުގެ ކަމާބެހޭ އިދާރާތަކާއި ގާލް ގައިޑާއި ސްކައުޓް އަދި އަމިއްލަ ޖަމިއްޔާތަކުގެ އެހީތެރިކަން ލިބެމުން އަންނަކަމަށް ވިދާޅުވި އެވެ.

މާލޭގައި އީދު ނަމާދުކުރަން ނިންމާފައިވަނީ ސްޓޭޑިއަމާއި އިސްލާމީ މަރުކަޒު ސަރަހައްދުގަ އެވެ. ވިލިމާލޭގެ ބޯޅަ ދަނޑުގައި އަދި ހުޅުމާލޭގައި ބޮޑު ޖަމާއަތް އޮންނާނީ ސްޓޭޑިއަމް ސަރަހައްދުގަ އެވެ.

ސްޓޭޑިއަމްގެ ޓާފު ތިން ދަނޑުގެ ތެރޭން ދެ ދަނޑު ހާއްސަކޮށްފައިވަނީ ފިރިހެނުންނަށެވެ. އޭގެ އިތުރަށް ޓާފު އެއް ދަނޑު ހާއްސަކޮށްފައިވަނީ އަންހެނުންނަށް ނަމާދުކުރުމަށެވެ.

އަހުމަދުﷲ ވިދާޅުވީ ފުލުހުންނާއި ސިފައިން އަދި އަމިއްލަ ފަރާތްތަކާ ގުޅިގެން އީދު ނަމާދުގެ އިންތިޒާމްތައް ހަމަޖައްސަމުން އަންނަކަމަށެވެ. އަދި ނަމާދަށް ދާ މީހުންނަށް އެމްޑަބްލިއުއެސްސީ އަދި މާލެ އެރޭޓެޑް ކުންފުނިން ފެން ފޯރުކޮށްދޭނެ ކަމަށް ވިދާޅުވި އެވެ.

"އުއްމީދަކީ އާއްމުންނަށް ފަސޭހަވާނެ ގޮތަކަށް، އާއްމުންނަށް ހަމަޖެހިގެން ބޮޑު ޖަމާއަތުގައި އީދު ނަމާދުކުރެވޭނެ އިންތިޒާމް ހަމަޖެއްސުން. އެ މަގުސަދުގައި އަޅުގަނޑުމެންގެ ހުރިހާ މުވައްޒަފުން މަސައްކަތް ކުރަމުން އެ ދަނީ،" އަހުމަދުﷲ ވިދާޅުވި އެވެ.

އަޟްހާ އީދު އިސްލާމިކް މިނިސްޓްރީ އީދު ނަމާދު

3 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަބީދު

06 August 2019

މޫސުމާބޭ އެޕުތަކުން ދައްކަނީ މިއަންނަ ހޯމަވާ އީދުދުވަހު މާލެއަށް ވަރަށް ވިއްސާރަވާނެކަމަށް. ފިތުރު އީދުގަވެސް އެއްވެސް ބެލުމެއްނެތި އެތައް މަސައްކަތަކާ ޚަރަދެއްކޮށް އައުޓްޑޯގަ އީދުނަމާދު ބާއްވަން އުޅެގެން ލަނޑުލިބުނީ. އެހެންވީމާ ދުރާލާ މިކަހަލަ މޫސުމީ ކަންތައްތަކަށް ވިސްނާފަ ކުރާކަމެއް ކުރުން ރަގަޅު. މިހާރު މިކަންވެސް ދަސްވާހާވެސް ދުވަސްވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮންދު

06 August 2019

މިަކަމަށް ވަރު ހުންނަ ފަދައިން ސުންނަތާ އެއްގޮތަށް ފިތުރު ޒަކާތްނަގައި ބަހާހެދުމަށް ބާރު ނާޅަނީ ކީއްވެބާ! މިބުނަނީ އީދުވީލޭރެއަށް އިރު އޮްސުމުން ޒަކާތްވާޖިބުވާކަމަށް އޮންނައިރު ރަމަލާން މަހުގެ 1 ން ފެށިގެން ޒަކާތްނަގާ މުއަްސަސާތައް ރަމްލާން މަހުގެ 28 ގައި ބަންްދުކުރާތީއެވެ. އަދި އޭރު ވާޖިބްްވާ ވަްްުތު ކޮބާތޯ؟