ޚަބަރު / ކަޅުވަކަރު މިސްކިތް

ކަޅުވަކަރު މިސްކިތް ބަހައްޓަން ހަވާލުކޮށްފި

ކަޅުވަކަރު މިސްކިތް ބެހެއްޓުމުގެ ބައެއް މަސައްކަތްތައް ދިވެހި ކުންފުންޏަކާ ހަވާލު ކުރުން--- ފޮޓޯ: ހެރިޓޭޖް މިނިސްޓަރީ

އަހުމަދު ސާއިލް އަލީ، މިހާރު

07 އޯގަސްޓް 2019 - 13:14

14 comments

މާލޭ ކަޅުވަކަރު މިސްކިތް އަލުން ރާވައި ބެހެއްޓުމުގެ މަސައްކަތް މިއަދު ބަޔަކާ ހަވާލުކޮށްފި އެވެ.

ހެރިޓޭޖް މިނިސްޓްރީގައި މިއަދު ބޭއްވި ހަފުލާއެއްގައި މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު މުހައްމަދު ތޯރިގެވެ. އެ މަސައްކަތާ ހަވާލުވި އަމޭން މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް ޑިރެކްޓާ އަދި ކުރީގެ މަޖިލިސް މެމްބަރު އިބްރާހީމް މުއްތޮލިބެވެ.

ހަތަރު މަސް ދުވަހުގެ ތެރޭގައި ނިންމާގޮތަށް އެ މަސައްކަތް ހަވާލުކޮށްފައިވަނީ، 2،900،000ރ. އަށެވެ.

ކުންފުންޏާ ހަވާލުކޮށްފައިވަނީ މިސްކިތް ބެހެއްޓުމަށް ކުރަންޖެހޭ ސިވިލް މަސައްކަތްތައް ކުރުމެވެ. އޭގެ ތެރޭގައި މިސްކިތާއި ހަރިންމަ ފާރު އަދި ވަޅުގެ ފައުންޑޭޝަން އެޅުމާއި މިސްކިތް ބަހައްޓާ ސަރަހައްދުގެ ވަށާ ފާރު ރޭނުމާއި ލޭންޑްސްކޭޕިންގެ މަސައްކަތްތައް ކުރުމުގެ އިތުރުން ލޭންޑްސްކޭޕް ޕްލޭންގައިވާ ގޮތަށް ކޮންކްރީޓް ޕޭވްމަންޓް އެޅުމާއި އައުޓްޑޯ އެގްޒިބިޝަން އޭރިއާ ތައްޔާރުކުރުން ހިމެނެ އެވެ.

އަދި ކަރަންޓު ވަޔަރިން އާއި އަލިފާންނިއްވާ އާލާތްތައް ހަރުކުރުމުގެ އިތުރުން ކުލަ އާއި ދޮންވެލި ލުން ވެސް އެ ޕްރޮޖެކްޓްގެ ތެރޭގައި ހިމެނެ އެވެ.

މިސްކިތް އަލުން ރޭވުމުގެ އަމަލީ މަސައްކަތްތައް ކުރަން ނިންމާފައިވަނީ ހެރިޓޭޖް ޑިޕާޓްމަންޓުގެ ޓީމަކުންނެވެ.

ކަޅުވަކަރު މިސްކިތް ބަހައްޓަން ނިންމާފައި ވަނީ ދާރުލް އާސާރާ ޖެހިގެން އޮތް، ދިރާގުގެ ހެޑް އޮފީސް ކުރިން ހުރި ބިމާއި ސަލްޓަން ޕާކުން ބައެއް ނަގައިގެން ކަނޑައަޅާފައިވާ ސަރަހައްދެއްގަ އެވެ.

Kalhuvakaru miskiy beynun kuraanee namaadhu geyakah

The most trusted news source in the Maldives

Mihaaru

ކަޅުވަކަރު މިސްކިތް ނަމާދު ގެއަކަށް ބޭނުން ކުރަން ނިންމުން---

ކުރިން ސަލްޓަން ޕާކްގައި ހުރި ކަޅުވަކަރު މިސްކިތް ކުރީގެ ރައީސް އަބްދުﷲ ޔާމީނުގެ ވެރިކަމުގައި ރޫޅާލައި މާލެ ނޫން ތަނަކަށް ބަދަލުކުރަން އުޅުނު ނަމަވެސް، އެ މިސްކިތް އަލުން ރާވައި މާލޭގައި ބެހެއްޓުމަކީ މި ސަރުކާރުގެ ވައުދެކެވެ. އެ މިސްކިތް ދެން ބޭނުންކުރަން ނިންމާފައިވަނީ ނަމާދު ގެއަކަށެވެ.

ކަޅުވަކަރު މިސްކިތަކީ ތަފާތު ކުރެހުން އަޅައި ފާރުތައް ހިރިގަލުން ހަދާފައި ހުރި ވަރަށް ކުޑަ މިސްކިތެކެވެ. މި މިސްކިތުގައި ހިރިގަލުން ބިންވަޅުނަގައި ލިޔެވިފައިވާ ލިޔުމަކުން އެނގޭ ގޮތުގައި މިސްކިތް ބިނާކުރީ އައްސުލްތާން ހަސަން ނޫރައްދީން އިސްކަންދަރުގެ ރަސްކަމުގެ 10 ވަނަ އަހަރު އެވެ. މި ރަދުން ރަސްކަން ކުރެއްވީ 1779 އިން 1799 އަށެވެ.

މިސްކިތްތައް ކަޅުވަކަރު މިސްކިތް މިނިސްޓްރީ އޮފް އާޓްސް ކަލްޗަރު އެންޑް ހެރިޓޭޖް

14 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދީނީވެއްޖެ

08 August 2019

ކުރީ ސަރުކާރުން ތިޔަ މިސްކިތެއް ނެގީމަ "މިސްކިތެއް" ނެގީތީ ދީނަށް ހުރުމަތްތެރިކޮށް ނުހިތިފަ އޮތީ. މިހާރު ތިޔަ މިސްކިތް މިސްކިތަކަށްނުވާގޮތަށް ނަމާދުގެއަކަށް ބެހެއްޓީމަ އެބަ "ދީނީ" ވޭތަ؟ އޭރު މިސްކިތެއް ނަގައިގެން އަސްލު މައްސަލައަކަށްވީނަމަ މިހާރުވެސް ބަލާނީ މިސްކިތެއްގެ ގޮތުގައި ބެހެއްޓޭތޯ. ވަކި ތަނެއްގައި ބަހައްޓަން އުޅެން ހަދައިގެން ތި ތަނުގެ މިސްކިތްކަން ކެނޑިގެން އެދަނީ. ދީނީވުމަށްވުރެ ހެރިޓޭޖް އޭރުން އެވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯމިސްކިތް

08 August 2019

މިސްކިތަކަށްނުވާ ތަނެއް ތިއީ މިހާރު ނިންމާފައި އޮތްގޮތުން ބަންގިނުގޮވާނެ އަދި ޖަމާއަތުގައި ނަމާދުނުކުރާނެ. ބަހައްޓަންޖެހޭ ތަނުގެ ގޮތުން "މިސްކިތް" ގޮތުގައި ނުބެހެއްޓޭނެ ކަމަށް ކުރިން މި ނޫހުގައި ލިއެފައިވަނީ. އެހެން ތަނެއްގައި ބަހައްޓާނަމަ މިސްކިތެއްގެ ގޮތުގައި ބެހެއްޓިދާނެ ކަމަށް އެހެންވީމަ ބެލެވެނީ. ވީމާ މިހާރު ތިޔަ ބެހެއްޓެން އުޅެނީ ކަޅުވަކަރު ނަމާދުގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮއްބެއިން

07 August 2019

މިއޮތީ ނުފޫޒު ވަދަފައެއް ނޫންބާ؟ މި ތޮއްޔިތުތަކަށް މިހުރިހައި ކަމެއް މިލިބެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަބީދު

07 August 2019

ތަނެއްގަ ހަމަޖެހުމެއްނެއްކަން ނިކަދެކިބަލަ....އެއުޅެނީ އަޅުކަންކުރާ ގެކޮޅު ބަހައްޓާނެ ތަނެއްނޭގިގެން. އެކަމާ ހާސަރު ދަމަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަސް

07 August 2019

މި ދެފުށް ނުފެންނަ މުނާފިގު ސަރުކާރު ސަރުކާރާ ހަވާލުވިތާ އަދި 100 ދުވަސް ހަމަނުވާތީ މިސްކިތް ނުބެހެއްޓި ލަސްވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

07 August 2019

މިވެސްދެން މިނިސްޓްރީއެއް! ހެރިޓޭޖް މިނިސްޓްރީ، ޓްރާންސްޕޯޓް މިނިސްޓްރީ، ޓެކްނޮލޮނޮޖީ މިނިސްޓްރީ، މިހުންނަނީ މިނިސްޓްރީ ހަދަންޖޭހޭކަންކަމެއްނޫން، ޑިޕާރޓްމަންޓަކުންވާނެ! ވަކިބަޔަކަށް މިނިސްޓރުކަން ދޭންވީމާ ވާނީވެސް މިހެން!