އަދީބު މިިރޭ އައިޖީއެމްއެޗަށް ވައްދަވާއިރު، އޭނާގެ ބޮލުގައި ގޮނބިލާފައި ހުރި ތަން ފާހަގަކޮށްފައި
18 އޯގަސްޓް 2019 - 13:45
16 comments
މާފުށީ ޖަލުގައި ލިބިވަޑައިގަތް އަނިޔާއަކާ ގުޅިގެން އައިޖީއެމްއެޗުގައި ފަރުވާ ދެމުން އަންނަ ކުރީގެ ނައިބު ރައީސް އަހްމަދު އަދީބުގެ ހާލު ރަނގަޅު ކަމަށް ކަރެކްޝަނަލް ސާވިސް އިން މިއަދު ބުނެފި އެވެ.
އަދީބު މިވަގުތު އޮންނެވީ އޮބްޒަވޭޝަންގަ އެވެ. ހޮސްޕިޓަލުން ދޫކޮށްލާނެ އިރެއް އަދި ނޭނގެ އެވެ.
ކުރިން އަޑު ފެތުރިފައި އޮތީ، އޭނާ ގޮޅި ތެރެއަށް ވެއްޓުނީ ކަމަށެވެ. އެކަމަކު އެނގިފައިވާ ގޮތުގައި އަދީބު އައިޖީއެމްއެޗަށް ގެންދިޔައީ ޖަލު ގޮޅީގެ ފާޚާނާ ތެރޭގައި ޖެހި ނިތްކުރި ދުޅަވުމުންނެވެ.
އާއިލާ އިން މިދިޔަ ބުރާސްފަތި ދުވަހު ބުނިގޮތުގައި އަދީބުގެ ހާލު ސީރިއަސް އެވެ.
އަދީބު ވަނީ ލޮލުގެ ބައްޔަކަށް ދާދި ފަހުން އިންޑިއާގައި ތިން ހަފުތާ ވަންދެން ފަރުވާ ހޯއްދަވައިފަ އެވެ. ހަ މަސް ފަހުން އަލުން ދައްކަން ޑޮކްޓަރު ލަފާ ދެއްވި ކަމަށް ވެސް އާއިލާ އިން ވަނީ ބުނެފަ އެވެ.
އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ހިޔާނާތުގައި އިސްކޮށް އުޅުއްވި އަދީބަށް އިއްވި ހުރިހާ ހުކުމްތަކުން މިނިވަންވެފައި ވަނިކޮށް އެމަނިކުފާނު އަލުން ހައްޔަރުކުރީ ޕާސްޕޯޓް ހިފަހައްޓާފައި ވަނިކޮށް ޓަގެއްގައި މި މަހުގެ ކުރީކޮޅު ރާއްޖެ އިން ފިއްލެވުމުންނެވެ.
އެ ކުށް ކުރެއްވީ، އަދީބު ވިދާޅުވެފައިވާ ގޮތުގައި، ޚިޔާނާތާ ގުޅުން ހުރި ނުފޫޒު ގަދަ ފަރާތްތަކުން އޭނާ އަށް ދެމުން ދިޔަ އިންޒާރުތަކާ ހެދި އެވެ. ސުޕްރީމް ކޯޓުގެ އަމުރަކާ ޚިލާފުވެވަޑައިގެން ފިއްލެވި މައްސަލަ ވެސް ވަކި މައްސަލައެއްގެ ގޮތުގައި ތަހުގީގު ކުރާނެ ކަމަށް ފުލުހުން ވަނީ ބުނެފަ އެވެ.
އެމްއެމްޕީއާރުސީގެ މުޅި ތަހުގީގު ފުލުހުން އަލުން ހިންގަމުން އަންނަ އިރު، މި ތަހުގީގަށް އަދީބާ ސުވާލުކޮށް ގިނަ މައުލޫމާތުތަކެއް ފުލުހުން ވަނީ ހޯދައިފަ އެވެ.
ކްރިމިނަލް ކޯޓުގައި އަދީބު ވިދާޅުވެފައިވާ ގޮތުގައި އެމްއެމްޕީއާރުސީ މެދުވެރިކޮށް ދޫކުރި ފަޅުތަކާއި ރަށްތަކުގެ އިކުއިޒިޝަން ކޮސްޓުގެ ގޮތުގައި ލިބުނު ފައިސާ އަށް ޚިޔާނާތްތެރިވެ އެ ފައިސާ ލޯންޑަކޮށް އެކަމުގައި މަންފާ ލިބުނު މީހުންގެ މައުލޫމާތު ފުލުހުންނަށް ވާނީ ކިޔައިދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޒީމް
18 August 2019
ދެން އަދީބު ވެއްޖެއެއްނު ޕަބްލިކަށް މިހާރު ޚިޔާނާތުގެ ލާރި ބޭނުންކުރި މީހުންގެ ނަންތައް ކިޔައިދެން! ކީއްވެގެންތަ ކިޔާ ނުދެވިގެން ތިޔައުޅެނީ!
ޓަކިޔާ ދޮރެގޭ އިބިރާ
18 August 2019
މަޝްހޫރު ބުނުމެއްގަ އޮވޭ "ގައުމު ކަލެއަށް ކޮށްދިނީ ކޮންކަމެއްތޯ ނައަހާށޭ ކަލޭ ގައުމަށް ކޮށްދިނީ ކޮންކަމެއްތޯ އަހާށޭ" ސުވާލަކީ އަދީބު މިގައުމަށް ކޮށްދިނިނީ ކޮންކަމެއްތޯ؟ ތިތާ ހޮސްޕިޓަލުގެ އެނދުގަ އޮވެގެން ސުވާލުކޮށްލަބަލަ. އިސްލާހުވާން އެދޭނަމަ ފުރުސަތުނަގާނުލާ ބްރޯ.
ޑޮއްޑަ ގައުޑާ ދޭވަ ގައުޑާ
18 August 2019
މަށަށް އެގޭ އެއްޗަކީ ޖަލުގަ އޮންނަހާ ހިނދަކު އަދީބުގެ ފައެއް ބިމުގަ ހަރެއްނުލާނެ. އަބަދު ވެއްޓޭނީ. ގެއަށް ދޫކޮއްލާއިރަށް ޔޫޓިއުބުގަ ގިޓާޖަހާތަން ފެންނާނީ.
ލަޓީފް
18 August 2019
ހަމަ ގަސްތުގަ ފާހާނާ ބިތުގަ ބޯޖަހައިގެން ގޭމް ޖައްސަނީ.ނުރައްކާ ސޮރެއް.އަޅުގަނޑު ލަފަދެން ހޮސްޕިޓަލްގަވެސް އެދާ އެއްކޮށް ބިޑި އަޅުވާފަ ބާވަން
ފުންނާބް
18 August 2019
"އާއިލާ އިން މިދިޔަ ބުރާސްފަތި ދުވަހު ބުނިގޮތުގައި އަދީބުގެ ހާލު ސީރިއަސް އެވެ. އަދީބު ވަނީ ލޮލުގެ ބައްޔަކަށް ދާދި ފަހުން އިންޑިއާގައި ތިން ހަފުތާ ވަންދެން ފަރުވާ ހޯއްދަވައިފަ އެވެ. ހަ މަސް ފަހުން އަލުން ދައްކަން ޑޮކްޓަރު ލަފާ ދެއްވި ކަމަށް ވެސް އާއިލާ އިން ވަނީ ބުނެފަ އެވެ." ޓަގުގަ ގޮސްފަ ބޭސްފަރުވާ ނިންމާފަ ނޫންތޯ އެނބުރި ވަޑައިގަތީ ހީހީހީހީހީ
ހަބީބާ
18 August 2019
ޑްރާމާ ކުއީން.
ކަބަޑު
18 August 2019
ގަޓް ބުރޯ ޓަގް ބޯޓަކަށް އަރައިގެން ފިލަންޖެހުނީ ޚިޔާނާތުގެ މަންފާ ލިބުނު މީހުން އިންޒާރުދޭތީއޭ؟ ކުއްލިއަކަށް ހާދަ ބިރުގަންނަން ފެށީ. އޭކޮން ބައެއްބާ؟ މިގައުމުގަ އެބައުޅޭދޯ ތިބުނާ ބައެއް؟ އެކަމަކު އެނުވާނެދޯ އަހަރުމެންކަހަލަ އާދައިގެ މީހުންނަށް އެވާނީ ނުފޫޒުގަދަ މަތީ މަގާމުތަކުގަ ތިބޭ މީހުން...ހޫ ހިގާ ލޯމަރާފަ ވިސްނާލަން މިދިޔަ ސަރުކާރުގަ މާތީ ފަޑީގަ ތިބި މީހުންގެ މޫނުތަކަށް މަޖުލީހުގަ ތިބި މެންބަރުންނަށް..ޖުޑިޝަރީ ދެންކޮންތަނެއް...
ފަނޑިޔާރުބޭ
18 August 2019
ވެމްކޯ މީހުން ގާތު ބުނެބަލަ ހަވީރު ގަޑީ ގައި ކުނިއުކަން ނުކުމެ ކުނިކޮޅު ޓަގު ބޯޓުން ބޭރު ކޮށްލާށޭ،ރައްޔިތުން ބޭނުމެއްނުވޭ ބާދަނގަޑަށް ކިރަން ވެފައި އޮތް ޓަގެއް،
މަރިޔަބު
18 August 2019
"ކުރިން އަޑު ފެތުރިފައި އޮތީ، އޭނާ ގޮޅި ތެރެއަށް ވެއްޓުނީ ކަމަށެވެ." މީދެންވަރަށް ދެރަކަމެއް ފެތުރޭ އަޑަށް ޚަބަރު ލިޔަންވެއްޖެއްޔާ.
ޖަނާ
18 August 2019
"އެ ކުށް ކުރެއްވީ، އަދީބު ވިދާޅުވެފައިވާ ގޮތުގައި، ޚިޔާނާތާ ގުޅުން ހުރި ނުފޫޒު ގަދަ ފަރާތްތަކުން އޭނާ އަށް ދެމުން ދިޔަ އިންޒާރުތަކާ ހެދި އެވެ." އަދީބު އަދިވެސް އިސްލާހު ވާން ނުވަނީތަ. ދެދުނިޔޭގަވެސް ބިރުގަންނަންޖެހޭ އެންމެ ފަރާތެއް ވާނީ.