ސުޕްރީމް ކޯޓު: މެރިން ޕޮލިސްގެ ކުރީގެ ވެރިޔާ އަދުނާން ފުލުހުންގެ ވަޒީފާއިން ވަކިކުރި މައްސަލަ ވަނީ ސުޕްރީމް ކޯޓުގައި އިސްތިއުނާފް ކޮށްފައި -- ފޮޓޯ/މިހާރު
26 އޯގަސްޓް 2019 - 13:51
9 comments
މެރިން ޕޮލިސް ކުރީގެ ވެރިޔާ އަދުނާން އަނީސް ފުލުހުންގެ ވަޒީފާ އިން ވަކިކުރި މައްސަލަ ސުޕްރީމް ކޯޓުގައި އިސްތިއުނާފްކޮށްފި އެވެ.
ޗީފް ސުޕްރިޓެންޑެންޓް އޮފް ޕޮލިސް އަދުނާން ފުލުހުންގެ ވަޒީފާ އިން ވަކިކުރީ އޮގަސްޓް، 2012 ގައި އޭރުގެ އިދިކޮޅު ފަރާތްތަކުން ރިޕޯޓެއް ނެރުމުގައި ބައިވެރިވި ކަމަށް ތުހުމަތުކޮށެވެ. އެ މައްސަލާގައި އޭނާ ވަކިކުރީ ގާނޫނާ ޚިލާފަށް ކަނޑައަޅައި، އޭނާ ވަކިކުރަން ފުލުހުން ނިންމި ނިންމުން ސިވިލް ކޯޓުން ބާތިލްކޮށްފައި ވަނިކޮށް ހައި ކޯޓުން މިދިޔަ އަހަރު ވަނީ ދަށު ކޯޓުގެ ހުކުމް ބާތިލްކޮށްފަ އެވެ.
ހައި ކޯޓުގެ އެ ހުކުމް އަދުނާންގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެ މައްސަލާގެ ޝަރީއަތް ބުރާސްފަތި ދުވަހު ފަށަން ސުޕްރީމް ކޯޓުން ވަނީ ހަމަޖައްސައިފަ އެވެ.
ސުޕްރީމް ކޯޓުގައި އެ މައްސަލަ ބައްލަވަނީ ފަނޑިޔާރު އާދަމް މުހައްމަދާއި ފަނޑިޔާރު އަބްދުﷲ އަރީފްގެ އިތުރުން ފަނޑިޔާރު އަބްދުލްޣަނީ މުހައްމަދެވެ.
ފުލުހުންގެ ވަޒީފާއިން ވަކިކުރި ގިނަ އަދަދެއްގެ އިސް އޮފިސަރުންތަކަކަށް އަލުން ވަޒީފާދޭން މިދިޔަ އަހަރު ކޯޓުތަކުން ވަނީ ހުކުމްކޮށްފަ އެވެ. އެ ހުކުމްތަކާ އެއްގޮތަށް އެ މީހުންނަށް އަލުން ވަނީ ވަޒީފާ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު އިބްރާހިމް
27 August 2019
ސްޕްރީމް ކޯޓުން މައްސަލަ ބަލައިގަންނަން ބޭނުން ވެއްޖެނަމަ 10 ދުވަސް ވެސް ގުނުން ހުއްޓެނީތޯ؟ ގަވާއިދުގައިވާ 10 ދުވަސް އެޕްލައި ވަނީ ވަކި ބަޔަކަށްތޯ؟ ނިކަމެތި މީހެއްގެ މައްސަލަ ހައިކޯޓުން ނިމޭތާ 10 ދުވަސް ވުމުން ސްޕްރީމް ކޯޓުން ބަލައި ނުގަނެ ، ބާރުވެރި ފަރާތްތަކުގެ މައްސަލަ ބަލައިގަތުމުން އެނގެނީ އެޖެންޑާ 19 އިން ހޯދައިދޭން ބުނި އަދުލު އިންސާފް މި ލިބެނީ ވަކި ބަޔަކަށް ކަން... ހިތާމަ ހުރި
ފަހުމީ
27 August 2019
މިފަދަ ނުރަނގަޅު ނިންމުންނިންމާ ދައުލަތުގެ މުވައްޒިފުންގެއަތުން އެމުވައްޒިފުންގެ މިފަދަ ނުރަނގަޅު ނިންމުންތަކުގެ ސަބަބުން ދައުލަތަށްލިބޭ ގެއްލުން އެފަރާތްތަކުން ނުދައްކައި، ދައުލަތުން ދައްކަންޖެހޭގޮތަށް އޮންނައޮތުމަކީ ނައްތާލަންވެއްޖެެ ކަމެކެވެ. އެމުވައްޒިފެއްކުރި ކަމެއްގެ ޒިންމާ އެމުވައްޒިފަކު ނަގަންޖެހޭގޮތަށް ޤަވާޢިދު ބަދަލުކޮށް އެފަދައިންލިޔެ ސޮއިކުރުވަންއެބަޖެހެއެވެ. މިގޮތަށް ރައްޔިތުންގެބޮލަށް ގެއްލުންކަނޑައިލުން ހުއްޓުވާ! ކޮބާ މަޖިލީސް!
ދީމާހު
27 August 2019
އަނެއްކާވެސް ބަދަލުގެ ގޮތުގައި ލާރިގަނޑެއް ފެންމަތިވަނީ
ނަޖްވާ
27 August 2019
ނުހައްްޤުން ވަޒީފާ އިން މީހުން ވަކި ކުރާ ދައުލަތުގެ މުވައްސަސާގެ އިތުރުން، އެ ކަމުގަ ގޮތް ނިންމުގައި އުޅުނު އެންމެންނަށް ފިޔަވަޅު އެޅޭނެ ނިޒާމެއް ބޭނުންވޭ!
ދިވެހިމީހާގެ ދަރި
26 August 2019
މިގޮތަށް ވަޒީފާ އިއާދަކޮށްދީ މުސާރަ ދީ މެޑެލް ދޭންވެއްޖެނަމަ މިގައުމުގައި ދުވަހަކުވެސް ހަރުދަނާ މުވައްސަސާއެއް ނުހުންނާނެ. ކޮންމެ ވެރިކަމެއްގައި ކުރީގަ ވަކިކޮށްފައިވާ މީހުންނަށް ބަދަލުދީ މަގާމުތައް ދޭނަމަ މުވައްސަސާތަކުގެ ހަރުދަނާ ކަމާއި ނަޒާހަތްތެރިކަން ގެއްލި ހަލާކުވެގެން ހިނގައިދާނެ. މިއީ ދުނިޔޭގެ ކޮން ގައުމެއްގައި ކޮންތަނެއްގައި އޮތް އުސޫލެއްތޯ؟
އަބުދުބެއްޔާ
26 August 2019
ޢަނިޔާ ލިބޭ ފަރާތަށް ހައްގު ބަދަލު ހޯދައިދިނުމުގެ ބޭނުމުގަ ޝަރުއީ ނިޒާމެއް އޮންނަނީ
މުހައްމާ
27 August 2019
އަނިޔާ ލިބޭ ފަރާތަކަށް އެކަށީގެންވާ ބަދަލު ދިނުމަކީ މައްސަލައެއް ނޫން. އެކަމަކު މައްސަލައަކީ އެއްވެސް ކަމެއް ނުކޮށް ހުއްޓައި ބައިވަރު މެޑެއްޔާއި މަގާމުގެ ކުރިއެރުން ދިނުން. މަގާމުން ވަކިކޮށްފައި ހުންނައިރު އެމީހާ ކުރި މަސައްކަތަކާ ނުލައި ހުރިހައި ދުވަހަކަށް ބަރާބަރަށް މުސާރަ ދިނުން. އެދުވަސްތަކުގައި އެމީހަކު އުޅޭނީވެސް ކޮންމެވެސް ކަމެއް ކޮށްގެން. މިކަންކަމަށް ނުބަލައި ބަދަލުދިނުމަކީ ދިވެހިރާއްޖެ ފިޔަވައި އެހެންތަނެއްގައި ކުރާ ކަމެއްތޯ؟
1828
26 August 2019
އެމް.ސީގެ ކޭސް ސްޕްރީމް ކޯޓްގައި ވިންވި. އެހެންކަމަށް ވާނަމަ އަދުނާންގެ ކޭސް ވިންނުވަންވީ އެއްވެސް ސަބަބެއް ފެންނާކަށް ނެތް. އޮތީ އެންމެ ސަބަބެއް. އެއީ ސިޔާސީ ބޭނުމަށް ވަޒީފާ އިއާދަކޮށް ނުދިނުން.
ދޮބާސީ
26 August 2019
އަނެއްކާ އަނެއްލާރިގަނޑު.