ސަޕްލިމެންޓްރީ ބަޖެޓް މަޖިލީހުން ފާސްކޮށްފި

ރައްޔިތުންގެ މަޖިލީހުގައި ޖަލްސާއެއް ކުރިއަށްދަނީ-- ފޮޓޯ: ހުސައިން ވަހީދު/ މިހާރު

ފާތިމަތު ޝަނާ މުހައްމަދު، މިހާރު

27 އޯގަސްޓް 2019 - 23:09

މި އަހަރަށް ކަނޑައެޅި ދައުލަތުގެ ބަޖެޓަށް 1.7 ބިލިއަން ރުފިޔާ އިތުރު ކުރުމަށް ސަރުކާރުން ހުށަހެޅި ސަޕްލިމެންޓްރީ ބަޖެޓް ރައްޔިތުންގެ މަޖިލީހުން މިރޭ ފާސްކޮށްފި އެވެ.

ރައްޔިތުންގެ މަޖިލީހުގެ ޖަލްސާގައި މި ބަޖެޓް ފާސްކުރީ 71 މެމްބަރުންގެ ވޯޓުންނެވެ.

ސަރުކާރަށް ތާއީދު ކުރައްވާ މެމްބަރުން ބަޖެޓް ބަހުސްގައި ވިދާޅުވީ މި ބަޖެޓަކީ ރައީސް އިބްރާހިމް މުހައްމަދު ސޯލިހުގެ ވައުދުތައް ފުއްދަން އެހީތެރިވެދޭނެ ބަޖެޓެއް ކަމަށެވެ. ސަޕްލިމެންޓްރީ ބަޖެޓެއް ފާސްކުރުމަކީ ސަރުކާރުން ބޭނުންވާ މިސްރާބަށްދާ ކަމުގެ ހެއްކެއް ކަމަށް ބައެއް މެމްބަރުން ވިދާޅުވި އެވެ.

އިދިކޮޅު މެމްބަރުން ސިފަކުރެއްވި ގޮތުގައި މި ބަޖެޓުގެ ބޭނުމަކީ ސަރުކާރުގެ އިސް ބޭފުޅުންނާ ގުޅުން ހުރި ކުންފުނިތަކަށް މާލީ ބަދަލު ދިނުމެވެ.

މި އަހަރަށް ލަފާކޮށް ފާސްކުރީ 27.3 ބިލިއަން ރުފިޔާގެ ބަޖެޓެކެވެ. މި ބަޖެޓަށް 1.7 ބިލިއަން މިރޭ އިތުރުކޮށްފައިވާ އިރު، މި އަހަރު ނިމޭއިރު ދައުލަތުގެ ހަރަދު 29 ބިލިއަން ރުފިޔާ އަށް އަރާނެ އެވެ. އަދި ދައުލަތުން މި އަހަރަށް ކަނޑައަޅާފައިވާ ބަޖެޓު 31.9 ބިލިއަން ރުފިޔާ އަށް އިތުރުވާނެ އެވެ. އަދި ބަޖެޓުގެ އޯވަރޯލް ޑެފިސިޓް 4.9 ބިލިއަން ރުފިޔާ އަށް އިތުރުވާނެ އެވެ.

ބަޖެޓަށް ގެނައި މި ބަދަލާ އެކު ދައުލަތުގެ އާމްދަނީ ވެސް ވަނީ އިތުރުވެފަ އެވެ. އެގޮތުން ސައުދީ އަރަބިއްޔާ އިން ހިލޭ އެހީގެ ގޮތުގައި ދިނުމަށް އެއްބަސްވެފައިވާ 618.8 މިލިއަން ރުފިޔާ އާއި އިންޑިޔާ ސަރުކާރުން ދިނުމަށް ނިންމާފައިވާ 100 މިލިއަން ރުފިޔާ އާމްދަނީ އަށް ހިމަނާފައިވެ އެވެ. މިއާއެކު މި އަހަރު ނިމޭ އިރު ދައުލަތުގެ އާމްދަނީ 24 ބިލިއަން ރުފިޔާއަށް އަރަ އެވެ.

ސަޕްލިމެންޓްރީ ބަޖެޓުގައި އެންމެ ބޮޑު ހޭދައެއް ކުރާ ކެޕިޓަލް ޚަރަދަށް 1.1 ބިލިއަން ރުފިޔާ އަރަ އެވެ. ދެ ވަނަ އަށް އެންމެ ބޮޑު ހޭދައެއް ކުރަނީ ރިކަރަންޓް ޚަރަދަށެވެ. އެގޮތުން ގާތްގަނޑަކަށް 588 މިލިއަން ރުފިޔާ ރިކަރަންޓް ޚަރަދަށް ކަނޑައަޅާފައިވެ އެވެ.

ބަޖެޓުގައި ހިމެނި މައިގަނޑު ކަންތައް

- ލޯނާއި ސްކޮލާޝިޕަށް 300 މިލިއަން ރުފިޔާ

- ބާ ކައުންސިލާއި ނޭޝަނަލް އާބިޓަރީ ސެންޓަށް 18.7 މިލިއަން ރުފިޔާ

- ޓާޝަރީ ފަސް ހޮސްޕިޓަލަށް 295.4 މިލިއަން ރުފިޔާ

- އެސްއެމްއީތަކަށް 350 މިލިއަން ރުފިޔާ

- ސަބްސިޑީ ދިނުމަށް 189.4 މިލިއަން ރުފިޔާ

- ބަޖެޓް ކޮންޓިންޖެންސީއަށް 225 މިލިއަން ރުފިޔާ

- ހުޅުމާލެ ހޮސްޕިޓަލް ތަރައްގީއަށް 150 މިލިއަން ރުފިޔާ

- ހެނދުނުގެ ނާސްތާ ޕްރޮގްރާމަށް 81 މިލިއަން ރުފިޔާ

- އިންޑިޔާ ސަރުކާރުގެ އެހީގައި ހިންގާ މަޝްރޫއުތަކަށް 100 މިލިއަން ރުފިޔާ.

ފިނޭންސް މިނިސްޓްރީ ރައްޔިތުންގެ މަޖިލިސް ދައުލަތުގެ ބަޖެޓް

10 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާޒިމު

28 August 2019

ތިބަޖެޓު ހުޝަހަޅާ ފާސްކުރުމުގެ ބޭނުމަކީ ލޯކަލް ކައުންސިލް އިންތިހާބަށް އެމްޑީޕީން ކެންޕެއިން ކުރަން ބޭނުންވާ ފައިސާ ހޯދުމެވެ. ކުރީގަ ވެއްޖެއްޔާ ކައިފަވެސް ރައްޔިތުންނަށް އުމްރާނީ ތަރައްގީ ގެނެސް ދީފައެބަހުރި. މިފަހަރު ނުކާ ބަޔަކު ތިބިއިރު އުމްރާނީ ތަރައްގީއެއް ނުގެނެވޭތާގަ ސިއްސައިގެން ދާވަރުގެ ސަޕްލިމެންޓްރީ ބަޖެޓެއް ފާސްކުރީމަ ތީތިވަނީ އަރަތަކަށް ނޫންހެއްޔެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޑް

28 August 2019

ހުޅުމާލެ ހޮސްޕިޓަލަށް 150 މިލިއަން؟؟؟؟ ކީއްކުރަން ތަރައްގީކުރާތަނެއް 3.5ސްކޮއަރ ކިލޯމީޓަރުގައި އެބަހުރި 25 ބުރީގެ ހޮސްޕިޓަލަކާއި އައިޖީއެމްއެޗާއި ޓްރީޓޮޕް އޭޑީކޭ އެކިފެންވަރުގެ 100 ކްލިނިކް ބްރިޖްއަޅާ ގުޅާފަވެސް މިހަރަދުކުރަނީ މާލެއަށް. މާރަގަޅެއްނޫން އައްޑޫމަގުތައް ހެދިއްޔާ ތިބޭކާރުފައިސާއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާނާ.

28 August 2019

ވަރައްފީކަޅާސަރުކާރެއް ކޮބާ 5 ސަރަހައްދުގަ އަޅަންބުނި ޓާޝެރީ ހޮސްޕިޓާތައް ރައްޔިތުން ވޯޓުނުދޭތި ލޯކަލްކައުންސިލު އިންތިހާބުގަ މިސަރުކާރައް މީވަރައް ދީނާވެސް ދުރުބައެއް މިވީ ފަހުގެ ތާރީހުގަ ލަންކާސޯސަންވިލާގަ އީދުނަމާދުވެސްކުރި އެކަމު މިފަހަރު ނުކުރޭ އެކަމަކު އީދު ކުޅިވަރުތައް އެތާކުޅުނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުޚާން

28 August 2019

ބުނެވެންއޮތީ ހަމަ އެންމެވާހަކައެއް.. އެއީ.. ޔާމީނުގެ ސަރުކާރު ނުބައިކޮއްފާ މިސަރުކާރު ރަނގަޚު ކުރެވޭކައް ނެތޭ.. އެއީވެސް މިއީވެސް ހަމަ އެކައްޗެއް މޫނުމަތީން ފެންނަންހުންނަ ބޭރުފުށުގެ ސިފައެކަނި ތަފާތީ.. މި އެންމެން ރިޕްލޭސް ކުރެވިގެން ނޫނީ މިގައުމުގެ އެއްވެސް ހަގީގީ މައްސަލަތަކައް ނިމުމެއް ނުގެނެވޭނެ. އެކަން ކުރެވެން އޮތް ގޮތަކުބް އެބަޖެހޭ ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނިި

27 August 2019

ބަޖެޓުގައި އޮތީ 59 ބަނދަރު 563 މިލިއަނަށް. ޒީރޯ ޓޯލަރެންސްގެ ދަށުން 19 ބަނދަރު 600 މިލިއަނަށް ސަޅި. 59 ބަނދަރުގެ ގެ 3 ބައިކުޅަ އެއްބައިވެސް މިހެދެނީ ބަޖެޓަށްވުރެ އަގުބޮޑުކޮށް. މިހާތަނަށް ފާސްކުރި އެންމެ ބޮޑު ބަޖެޓުން ކުރެވުނު ކަމެއް ނެތް، އެކަމަކު ސަޕްލިމެންޓަރީ ބަޖެޓަށް އެދެފި. ފިނޭންސް މިނިސްޓަރ ބުނަނީ ޓެންޑަރ ޕްރޮސެސްގެ ސަބަބުން ޕްރޮޖެކްޓްތަކުގެ 57ޕަރސެންޓް އަގުހޮޔޮ ވާކަމަށް؟ ދެން ކީއްވެތަ 59 ބަނދަރުގެ އަގުގަ 19 ބަނދަރު ނެހެދިގެން މިއުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގު .....

27 August 2019

އަވަހަށްކ ައި ހުސް ކޮށްފަ އަނެއްކާ ހުށަހަޅައިގެން ފާސްކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެއއއއއ

27 August 2019

ކޮންމެ ގޮަލަޔަކުވެސް ހޮވުމަށް ފަހު މިވަނީ މާލޭ މެމްބަރަކަށް. މާލޭ ސަރުކާރާ މާލޭ މަޖުލިސް ވެގެން ތިއޮތީ މާލޭ ބަޖެޓް ފަާސްކޮށްފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރޭ ޕާޓީ

27 August 2019

- ޓާޝަރީ ފަސް ހޮސްޕިޓަލަށް 295.4 މިލިއަން ރުފިޔާ..... - ހުޅުމާލެ ހޮސްޕިޓަލް ތަރައްގީއަށް 150 މިލިއަން ރުފިޔާ ދެން މާލޭ ސަރުކާރު ކީމަ ބުނާނީ ކިޔާފިޔޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮލޯމަޖިލިސް

28 August 2019

5ހޮސްޕިޓަލަށް އެކު ޖުމްލަ 800 މ ރުފުޔާ އަރާނެ.ބަޖެޓުގ ވަނީ މިއަހަރަށް ޚަރަދުކުރާނެ މިންވަރު ކަމަށް ބެލެވެނީ. ނޫނީ މދުވާމިންވަރު. ނޫހުގަމިފަދަ ހަބަރުތައް ފުރިހަމަ ނޫންކަން ފާހަގަކުރެވޭ. ސައޫދީންނާއި އިންޑިއާއިން ދިން ލާރީގެ އިތުރަށް ބަޖެޓު ފައިނޭންސްކުރަނީ ޓީ ބިލު ވިއްކައިގެން. އިންޑިއާއަށް. އެ މިއަންނަ އަހަރު ބަދަލުވަނީ އިންޑިއާގެ ހިލޭ އެހީއަށް. ސަރުކާރުން އެއަށް ފއިސާ ދައްކާކަށް ނުޖެހޭ. ބަޖެޓު ފާސްކުރުން ރަނގަޅު. ޚަރަދު ކުރާގޮތްވެސް ބަލަންވާނެ.