ރިޓަޔަމަންޓް ޕެންޝަން ސްކީމާއި ގުޅޭގޮތުން މައުލޫމާތު ދިނުމަށް ޕެންޝަން އޮފީހުން ބޭއްވި ހަރަކާތެއްގެ ތެރެއިން.- ފޮޓޯ: މިހާރު
02 ސެޕްޓެމްބަރ 2019 - 19:38
11 comments
ޕެންޝަން އޮފީހަށް ފުރަތަމަ ފަހަރަށް މަހެއްގެ ތެރޭގައި 100 މިލިއަން ރުފިޔާ ޖަމާވެއްޖެ އެވެ.
އެ އޮފީހުން ހާމަކޮށްފައިވާ ތަފާސްހިސާބުތަކުން އެނގޭ ގޮތުގައި، މިދިޔަ ޖުލައި މަހު ސަރުކާރުގެ އިދާރާތަކާއި ކުންފުނިތަކުން ޕެންޝަން އޮފީހަށް 41.1 މިލިއަން ރުފިޔާ ޖަމާކޮށްފައި ވެ އެވެ. އަދި އަމިއްލަ ކުންފުނިތަކުން 58.8 މިލިއަން ރުފިޔާ ޖަމާކުރި އެވެ. މިއީ މިދިޔަ ނުވަ އަހަރުގައި ޕެންޝަން އޮފީހަށް އެއް މަހެއްގެ ތެރޭގައި މިހާ ބޮޑު އަދަދެއް ޖަމާވި ފުރަތަމަ ފަހަރެވެ.
މިދިޔަ އަހަރު މަހެއްގެ މައްޗަށް އެންމެ ބޮޑު އަދަދެއްގެ ގޮތުގައި ލިބުނީ އެ އަހަރުގެ ޑިސެމްބަރު މަހު، 98 މިލިއަން ރުފިޔާ އެވެ. އޭގެ ކުރިން، 2017 ވަނަ އަހަރު މަހެއްގެ މައްޗަށް އެންމެ ބޮޑު އަދަދެއް ޕެންޝަން ފަންޑަށް ޖަމާވީ، އެއަހަރުގެ އޮގަސްޓަ މަހު، 94 މިލިއަން ރުފިޔާ އެވެ.
ޕެންޝަން ފަންޑަށް ޖަމާކުރާ ފައިސާ އެއް އަހަރުން އަނެއް އަހަރަށް އަންނަނީ އިތުރުވަމުންނެވެ. މީގެ އެންމެ ބޮޑު ސަބަބަކީ، ޕެންޝަން ފަންޑުގެ ކޮންޓްރިބިއުޓަރުން އިތުރުވުމެވެ.
ޕެންޝަން ފަންޑަށް 2010 ވަނަ އަހަރުން ފެށިގެން ފައިސާ ޖަމާ ކުރަމުންދެ އެވެ. އެ އަހަރު 165 މިލިއަން ޖަމާ ކުރި އިރު މިހާރު އަހަރެއްގެ މައްޗަށް ފަންޑަށް ޖަމާކުރާ ވަރު ވަނީ ބިލިއަނަށް އަރައިފަ އެވެ. ޕެންޝަން ފަންޑަށް އެންމެ ފުރަތަމަ އެއް ބިލިއަނަށް ޖަމާވީ 2017 ވަނަ އަހަރު އެވެ. މިދިޔަ އަހަރު އެ އަދަދު ވަނީ 1.1 ބިލިއަން ރުފިޔާއަށް އިތުރެ އެވެ.
މި އަހަރުގެ އޮގަސްޓާ ހަމަޔަށް ޕެންޝަން ފަންޑަށް ޖަމާ ކުރި ވަރު 691 މިލިއަން ރުފިޔާ އަށް އަރަ އެވެ. ޕެންޝަން ފަންޑަށް ޖަމާކުރާ ފައިސާގެ 79 ޕަސެންޓްގެ ހިއްސާ އަކީ އަމިއްލަ ކުންފުނިތަކެވެ. ސަރުކާރުގެ އިދާރާތަކުގެ ހިއްސާއަކީ 20 ޕަސަންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑު ބުލް
03 September 2019
ތިޔަ ފައިސާއިން ގެދޮރު އެޅުމަށް ފައިސާ ދޫކުރެވެނ ޖެހޭނެ ކަމަށް އަޅުގަނޑު ދެކެން... އުމުރު ހުސްވާއިރުވެސް ގެދޮރު ނޭޅި އުޅޭ މީހުން ގިނައީ ސަރުކާރު ވަޒީފާގައި.
މަގޭ ބުއްދި
03 September 2019
މިއީ ކީއްކުރަނަ ޖަމާ ކުރާ ފަންޑެއް ބާއެވެ. 64 އަހަރު ވުމުން 15 އަހަރު ތެރޭ ލިބޭ ގޮތަށް ކީއްކުރަން ގަދަކަމުން މީގުންގެ މުސާރަ އިން ހިތާ ދެކޮޅަށް އަތުލާ ފައިސާ އެއް ތޯއެވެ؟ މިހާރު ޕޯލެއް ނެގިއަސް ތިކަމާ 100 % މުވައްޒަފުން ދެކޮޚު ވާނެއެވެ..
ގަމާރުކަންމަތީއަބަދަށް
04 September 2019
ރައްޔިތަކަށް ވުމަކީ ރައްޔިތުން ބިކަނުޖެއްސުމަށް ދައުލަތައް ލާޒިމްކުރާކަމެއް. އެކަންކުރެވެނީ މިހަލަގޮތަކަށް. ތިޔަލާރި ނުލިބުންޒަމާނުގައި ބަލިވީމަ ދަނީ މުއްސަނދިންކާރިއަށް ސަލާންޖަހަން. ދުނިޔޭގެ އެހެންގައުމުތަކުން މިސާލު ހޯދާ. އަމިއްލަ އެދުމަކުން ގައުމިއްޔަތެއްނޯންނާނެ. ގައުމޭ ކިޔަނީ ނަމަކަށް، އެހެންވެ ތިބުނާގޮތަށް ވޯޓްލިބޭނީ
ތެދުމަގު
03 September 2019
ތިއީ ކިހިނެއް ހިގާ ކަމެއްތޯ ބަލަން ވެސް ބޭނުމެއް ނޫނެވެ.
ގަބޯ
03 September 2019
އެހެންނުންވާނީ އައިސް ހިތު ހުރިގޮތަކަށް ދައުލަތުގެ ބަޖެޓު ހުރިނެތްގޮތެއް ނުބަލާ ސިޔާސީ އެކްޓިވިސްޓުންގެ އެތައް މަގާމެއް އިތުރުކޮށްފި. ދެން 100 އެއް ނޫން ހާހުންވެސް މިލިއަން އިތުރުވާނެދޯ ތިޔަ ފަންޑަށް. ތީކީ އަދި ބޮޑު ޖަލްސާ ބާއްވާފަ އުފާފާޅު ކުރަންޖެހޭ ކަމެއް ނޫން.
ނަޖުދާ
03 September 2019
ގައުމުގެ އިގްތިސާދު ހަމަ ދައްކަމުންދޯ މިހާވަރު މިވަނީ! އަދިވެސް ޕީޕީއެމްގެ މޮޅެތި އިކޮނޮމިސްޓުން ގޮވާނެ އިގްތިސާދޭ، އެމީހުންނަށް އިގްތިސާދަކީ ވައްކަންކުރުން! ގިނަ ގިނައިން ވައްކަންކުރުން. ދައުލަތް ލޫޓުވާލުން
ސުވާލެއް
03 September 2019
ޕެންޝަން ފަންޑުގައި ފައިސާ ގިނަވާ ވަރަކަށް އެފައިސާ އިންވެސްޓުކޮށްގެން އެމީހާއަށް އަހަރަކަށް ލިބެންވާ މިންވަރު އަހަރުން އަހަރަށް އިތުރުވަމުން ނުދަނީ ކީއްވެ؟ ގައިމު ގިނަ ފައިސާ އިންވެސްޓްކުރި މީހަކަށް އަހަރެއްގެ ފައިދާ ބަހާއިރުވެސް ގިނައިން ލިބެންވާނެއެއްނު!
ޖަވާބެއް
03 September 2019
އެއްފަހަރު ނަމަވެސް ތިމާ މީހާގެ ޕެންޝަން ކޮންޓްރިބިއުޝަން ބަލައިފިންތޯއެވެ.. ޕެންޝަން އެޕް މެދުވެރިކޮށް އިންވެސްޓްކޮށްގެން އެއިން ލިބުނު ފައިދާވެސް އިންނާނެ ފެންނަން... އެއިން އިނގޭނެ އިތުރުވާކަންވެސް...
ތުއްތުނާ
02 September 2019
ޕެންޝަން ފަންޑުގެ ފައިސާއިން ހައްޖަށް ދެވޭ ޝަރުތުތަކުގެ ތެރޭގައި، ހައްޖަށް ދާން ފައިސާ ދޫކުރުމަށް އެދި ހުށަހަޅާ އިރު ރިޓަޔަމަންޓް ސޭވިން އެކައުންޓުގައި 336،000ރ. ހުރުން ހިމެނޭ...... މި ފަންޑުން ވެސް ހައްޖަށް ދެވޭނީ މުއްސަނދިންނަށް......
ދިވެއްސެއް...
02 September 2019
ތިހެން ތިބުނަނީ ކީއްވެގެންކަން އެގޭ. ގިނަމީހުންނަކީ ހައްޖައްދާންވެސް ފައިސާ އެއްނުކުރެވޭ ވަރަށް ދަތިކޮށް އުޅޭމީހުން. އެކަމަކު ހަދާންކޮށްލަދޭން ބޭނުމީ ޕެންޝަން ފަންޑުގެ އަސްލު މަގަސަދަކީ މުސްކުޅި ވާދުވަހު ރައްކާތެރިކަން ދިނުންކަން. ޕެންޝަން ފަންޑުގަ އެއްވެސް ފައިސާއެއްނެތް ނިކަމެއްޗައްވެސް، ޕެންޝަން ފަންޑުގަ ފައިސާހުރި މުއްސަދިންގެ ބައިން ފައިސާލިބޭ. ތިބުނާ ގޮތަށް ފަންޑު ހުޅުވާލާފިއްޔާ މިބުނި ރައްކާތެރިކަން ނުދެވޭ ވަރަށް ފަންޑު ދަތިވެދާނެ.
ދަންނަ ނުދަންނަ
03 September 2019
ދިވެހިމީހާ ތިޔަ ދައްކަނީ ދޮގު ވާހަކައެއް ނޫން. އެކަމަކު މައްސަލައަކީ ތިޔަ ފަންޑަށް ފައިސާ ޖަމާކުރާ މީހެކޭ މުޅި އުމުރު ލާޗާރުބިޗާރަށް ނުހޮރުއްޕާންކުރަން އުޅުނު މީހެކޭ އެއް ގިންތިއަކުން މިނެފައި ރައްކާތެރިކަމުގެ ފައިސާކޮޅު ދޭތީ. ދައުލަތުން ފަސްހާސް ރުފިޔާ ދޭ ކަމަށްވަންޏާ އެވަރު ދީފައި އެމީހާ އެއްކުރި ފައިސާކޮޅު ވަކިން ދޭންވާނެ. އެހެންނޫނީ ތިތަނަކަށް ފައިސާ ޖަމާކުރުމުގެ ބޭނުމެއް ނެތް.