ޔުނިވާސަލް އިން އަލަށް ހުޅުވާ ބ. މިލައިދޫގެ ހިތްގައިމު ވޯޓާ ވިލާއެއް: މި ރިސޯޓު އަންނަ ނޮވެމްބަރުގައި ހުޅުވާނެ. ފޮޓޯ: މިލައިދޫ ޑޮޓްކޮމް
20 ސެޕްޓެމްބަރ 2016 - 10:25
7 comments
ބ. އަތޮޅުގައި ޔުނިވާސަލް އެންޓަޕްރައިސަސް އިން އަލަށް ހަދާ މިލައިދޫ އައިލެންޑް ރިސޯޓުގެ އެކި ވަޒީފާތަކަށް މީހުން ހޯދުމުގެ ދެވަނަ ބުރެއް މާދަމާ ބާއްވަން ނިންމައިފި އެވެ.
ރާއްޖޭގައި އެންމެ ގިނަ ދުވަސްވީ އަދި އެންމެ ބޮޑު ޓޫރިޒަމް ކުންފުނި ކަމަށްވާ ޔުނިވާސަލްގެ އޮފިޝަލަކު މިއަދު ވިދާޅުވީ އަންނަ ނޮވެމްބަރު މަހު ހުޅުވަން ނިންމާފައިވާ ފަސް ތަރީގެ ރިސޯޓުގެ ޕްރީ އޮޕެނިން ޓީމުގެ ގޮތުގައި އެކި ވަޒީފާތަކަށް ހޯދާ 200 އެއްހާ މީހުންގެ ތެރެއިން 75 ޕަސެންޓް މީހުން ލިބިފައިވާ ކަމަށެވެ. އަދި އިތުރަށް ބޭނުންވާ މީހުން ހޯދަން އޯޕަން ޑޭއެއް މާދަމާ ހެނދުނު 9:00 އިން ފެށިގެން ރޭގަނޑު 8:00 އަށް ސޯލްޓް ރެސްޓޯރަންޓްގައި ކުރިޔަށް ގެންދަން ނިންމާފައިވާ ކަމަށް ވެސް އޭނާ ވިދާޅުވި އެވެ.
"މިދިޔަ މަހު އަޅުގަނޑުމެން ބޭއްވި އޯޕަން ޑޭއަށް ވަރަށް ބޮޑު ތަރުހީބެއް ލިބުނު. ނަމަވެސް އަޅުގަނޑުމެންގެ ހުރިހާ ވަޒީފާތަކަށް ބޭނުންވާ އަދަދަށް މީހުން ކުރިމަތިލާފައި ނުވާތީ އިތުރު ބުރެއް ބާއްވަން ނިންމީ،" އޮފިޝަލް ވިދާޅުވި އެވެ.
އޭނާ ވިދާޅުވީ ވަޒީފާއަށް ކުރިމަތިލާން ބޭނުންވާ ފަރާތްތަކަށް މާލޭގައި އޮޕަންޑޭއެއް ބާއްވަނީ ވަޒީފާއަށް ކުރިމަތިލާ ގިނަ ބަޔަކު ތިބީ މާލޭގައި ކަމަށް ވާތީ ކަމަށެވެ.
މިލައިދޫގައި ހަދާފައިވާ ބީޗް ވިލާއެއް: މިއީ ޔުނިވާސަލް ގްރޫޕުން 1992ގެ ފަހުން ހުޅުވާ ފުރަތަމަ ރިސޯޓް. ފޮޓޯ: މިލައިދޫ ޑޮޓްކޮމް
"މި ވަޒީފާތަކަށް އެކަށީގެންވާ ރަނގަޅު މުސާރަ އާއި ތަމްރީނު ދެވޭނެ. މިއީ ވަޒީފާ ބޭނުންވާ ފަރާތްތަކަށް ލިބޭ ވަރަށް ރަނގަޅު ފުރުސަތެއް،" އޮފިޝަލް ވިދާޅުވި އެވެ.
އޭނާ ވިދާޅުވީ ވަޒީފާއަށް ޝައުގުވެރިވާ ފަރާތްތަކާ އިންޓަވިއުކުރުމަށް ފަހު ހޮވޭ މީހުންނަށް އެކަން ވަގުތުން އަންގާނެ ކަމަށެވެ.
ސަތޭކަ އެނދުގެ މިލައިދު އަކީ 1992 ގެ ފަހުން ޔުނިވާސަލްއިން ހުޅުވާ ފުރަތަމަ ރިސޯޓެވެ. އެ ކުންފުނީގެ ހިއްސާ އޮންނަ މަތީ ފެންވަރުގެ ނުވަ ރިސޯޓް ރާއްޖޭގައި ހިންގަ އެވެ. އޭގެ ތެރޭގައި ބޭރުގެ މަޝްހޫރު ބްރޭންޑްތަކުން ހިންގާ ރިސޯޓްތަކެއް ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
21 September 2016
އިންޓަރވިއު އަށް ގެންގޮސްސަ މަހެއް ވަންދެކަ ވެސް ހަބަރެއް ވާ ތަނެއް ނުން ތީކީ.. މެއިލް އެއް ކުރީމަ ރިޕްލައި އެއް ކުރަނީކީ ނުން.. އެތައް އުނދަގުލެއް ކުރީމަ ރެފަރެންސް ކަޑާއޭ ނުހޮވުނޭ ކިޔާފަ ގަރުނެއް ފަހުން އެ އަންގަނީ. އެވެސް ރެފަރެންސް ހޯދަން އެއްވެސް ތަާކަށް ގުޅައިންނެއްވެސް ނުން. އެއްވެސް އިންސާފެއް އޮތްތަނެއް ނުން ތީކީއެއް.
ރާއްޖެތެރެ މީހާ
20 September 2016
މާލޭގަ އެކަނިތަ ވަޒީފާ ބޭނުންވާ މީހުން ތިބީ؟؟؟؟؟
ދިވެހިންނޭ މިއީ
20 September 2016
މިގައުމު ކުރިއަރުވަން ބޭނުންނަމަ ގިނަ ދިވެހީންނަށް ވަޒީފާދޭން އެބަޖެހޭ ކައިރީގައޮތް ފަޅުރަށުގަ ރިސޯޓު އަޅާފަ އެތަނަށް ލަންކާ މީހުނާ ފިލިޕީންސް އަދި ބަންގާޅީން އެޅީމަ މީ ބަލައިގަނެވޭނެ ކަމެއްނޫން.
އުދުހޭ
20 September 2016
ދިވެހިން ނުލިބިގެން ވަރަށް އުޅޭނެ. އެކަމަކު މިއިން ތަނަކަށް އެޕްލައިކުރާ ދިވެހިންގެ އަދަދު ބަލާލީމަ އެނގޭނެ ވަޒީފާ ހޯދަން ދިވެހިން އުޅޭކަން. މިހެން މީޑިޔާގަ ގޭސް އަރުވާފަ ބޭރުމީހުންތަށް ގެނެސް އަޅާލާނީ. މިއީ ކަންކަން ވާގޮތް.
ހަސަން
20 September 2016
ކީއްކުރަން ބާއްވާ އެއްޗެއް. ބޭކާރު ޙަރަދާ ވަގުތު. އިންޑިއާ ލަންކާ ނޭޕާލް ފިލިޕީންސްއިން ކޮންޓެއިނާ ގެނޭވޭނެނު. އަޑުއިވިފަވާގތުގާ ޓޫރިޒަމްގެ ގަވާއިދުވެސް ބަދަލުކޮށްފި ދިވެހިން %45 ބޭރުމީހުން %55. ކުރީގަ އޮންނަނީ ދިވެހިން %55 ބޭރުމީހުން %45. "މީހާރު" އިން މީތި ކްލަރިފައި ކޮށްދީފާނަންތަ؟
މުގާބޭ
20 September 2016
ތީކީ ގައުމުތަކުގެ ލިސްޓަށް ބަންގާލުވެސް އިތުރުކޮށްލަންޖެހޭނެ.
ހުސޭނު
20 September 2016
ސާކިއުލާއެއް ނެރުނީ، ހަނދާން ވާގޮތުގަ އެކަން އެހެން ވީ ޑރ. ވަހީދު ވެރިކަމާ ހަވާލުވިފަހުން. މަޓީ އިސްވެ އޮވެކުރި ކަމެއް ކަމަކީ،