އީރާނުގެ ތެޔޮ ހުރި ޓޭންކަރު އެޑްރިއަން ޑަރިއާ -1 ގެ ކެޕްޓަނަށް ރިޝްވަތު ދޭން އެމެރިކާ އިން ކުރި މަސައްކަތް ކާމިޔާބެއް ނުވި.
07 ސެޕްޓެމްބަރ 2019 - 12:30
8 comments
ވޮޝިންޓަން (ސެޕްޓެމްބަރު 7) - އީރާނުގެ ތެޔޮ ހުރި ޓޭންކަރަށް އެމެރިކާ އިން ބާރު ފޯރުވެވޭ ސަރަހައްދަކަށް ގެންގޮސްދީފި ނަމަ އެ ޓޭންކަރުގެ ކެޕްޓަނަށް ހުށަހަޅާފައި ވަނީ 15 މިލިއަން ޑޮލަރު ކަމަށް ސްޓޭޓް ޑިޕާޓްމަންޓުގެ އޮފިޝަލުން ޔަގީންކޮށްދީފި އެވެ.
އެމެރިކާ އިން ބޭނުންވާ ތަނަކަށް ތެޔޮ ޓޭންކަރު ގެންގޮސްދީފި ނަމަ ފަޅުވެރިންގެ ރައްކާތެރިކަން ކަށަވަރުކޮށްދޭނެ ކަމަށް ވެސް ބުނެފައިވެ އެވެ.
"މި ފައިސާ އިން ބޭނުން ކޮންމެ ދިރިއުޅުމެއް އުޅެލެވޭނެ،" ތެޔޮ ޓޭންކަރުގެ އިންޑިއާ ކެޕްޓަން އަކިލޭޝް ކުމާރަށް ސްޓޭޓް ޑިޕާޓްމަންޓުގެ އީރާން އެކްޝަން ގްރޫޕުގެ ވެރިޔާ ބްރިއަން ހޫކް ފޮނުއްވި އީމެއިލްގައިވެ އެވެ. "މި ފަސޭހަ ގޮތް އިޚްތިޔާރު ނުކޮށްފި ނަމަ ކަލޭމެންނަށް ދެން މާ އުނދަގޫވާނެ."
ސްޓޭޓް ޑިޕާޓްމަންޓުން ބުނެފައި ވަނީ އީރާނުގެ އެހެން ތެޔޮ ޓޭންކަރުތަކުގެ ކެޕްޓަނުންނަށް ވެސް އެފަދަ ހުށަހެޅުންތައް ހުށަހަޅާފައިވާނެ ކަމަށެވެ.
ގްރޭސް 1 ގެ ނަމުގައި ދަތުރުކުރި ޓޭންކަރު ޖިބްރޯލްޓާގެ ބޭރުން އިނގިރޭސި ސިފައިން އަރާ މިދިޔަ ޖުލައި މަހު 19 ވަނަ ދުވަހު ހިފެހެއްޓީ އެ ޓޭންކަރުގައި ހުރީ ސީރިއާ އަށް ގެންދާ ތެޔޮ ކަމަށް ބުނެ އެވެ. ޓޭންކަރުގައި ހުރީ ސީރިއާ އަށް ގެންދާ ތެޔޮ ނޫން ކަމުގެ ގެރެންޓީ އީރާނުން ދިނުމުން ޓޭންކަރު ދޫކޮށްލަން ޖިބްރޯލްޓާގެ ސުޕްރީމް ކޯޓުން ނިންމުމުން ވެސް އެމެރިކާ އިން ވަނީ އެ ޓޭންކަރު ހިފެހެއްޓޭތޯ މަސައްކަތްކޮށްފަ އެވެ. ޓޭންކަރު އޮގަސްޓް 15 ވަނަ ދުވަހު ޖިބްރޯލްޓާ އިން ފުރީ ނަން ބަދަލުކޮށް އެޑްރިއަން ޑަރިއާ 1 ގެ ނަމުގަ އެވެ. އެމެރިކާ އިން ފަހުން ވަނީ އެ ޓޭންކަރަށް އެއްވެސް އެހީތެރިކަމެއް ފޯރުކޮށްދޭ ގައުމަކާ ދެކޮޅަށް ވެސް ފިޔަވަޅު އަޅާނެ ކަމުގެ އިންޒާރު ދީފަ އެވެ.
ސްޓޭޓް ޑިޕާޓްމަންޓުގެ އީމެއިލް އަށް ޓޭންކަރުގެ ކެޕްޓަން އިޖާބަ ނުދިނުމުން އެމެރިކާ އިން ދެން ވަނީ ކެޕްޓަނާ ދެކޮޅަށް ފިޔަވަޅު އަޅައި ޓޭންކަރު ބްލެކްލިސްޓް ކޮށްފަ އެވެ.
އީރާނުގެ ޚާރިޖީ ވަޒީރު ޖަވާދު ޒަރީފް ވިދާޅުވީ ކަނޑުފޭރުން ނާކާމިޔާބުވުމުން އެމެރިކާ އިން މަސައްކަތްކޮށްފައި ވަނީ ރިޝްވަތު ދޭން ކަމަށެވެ.
އީރާނުން ބުނެފައި ވަނީ ޓޭންކަރުގައި ހުރި 2.1 މިލިއަން ފީފާ ތެޔޮ ވިއްކާލާފައިވާ ކަމަށެވެ ޓޭންކަރުގެ މިސްރާބު ހުރި ދިމާލެއް ޔަގީނެއް ނޫނެވެ. ކަނޑުގެ އުޅަނދުތައް މޮނިޓާ ކުރާ ޓޭންކާޓްރެކާސް އިން ލަފާކުރާ ގޮތުގައި ޓޭންކަރު ވަނީ ސީރިއާއާ މާދުރު ނޫން ހިސާބެއްގަ އެވެ. ޓޭންކަރުގެ ޓްރާންސްޕޮންޑާ ނިއްވާލާފައިވާތީ އޭގެ މިސްރާބު މޮނިޓާއެއް ނުކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
08 September 2019
ފައިސާއަކީ "ފޯމްއޮފްއެނަރޖީ" ދުނިޔޭގައިވާ އެންމެ ބާރުގަދަ ހަތިޔާރު، ފައިސާގެ ބާރުގަ އެމެރިކާ ބޭނުންވާ ގޮތައް ކަންތައް ކުރެވުނީސް، ނަމަވެސް އެމެރިކާއަށް އެކަން ކުރަންނޭންގުނީ، ނުވަތަ ކުރަންބޭނުންނުވެ ދަޅަދައްކާލީ، ފައިސާއަކީ ދެދުނިޔޭގެ ބާއްޖަވެރިކަން ހޯދުމަށް މަގުފަހިކޮށްދޭ އެންމެ މުހިންމު ބާރު "ކުރުކޮށްބުނާނަމަ ހުރިހާވެސް އެއްޗަކީ ފައިސާ" ފައިސާއާނުލާ ކުރެވޭނެ އެއްވެސް ކަމެއް ނޯންނާނެ، އަޅުކަންވެސް ފުރިހަމައަށް ނުކުރެވޭނެ!
ރަކްސަންޖާނީ
08 September 2019
ރައީސް ޔާމީނު މާލިމީ ކަމުގަ ހުންނެވިނަމަ ތިޔައްވުރެ މާ ޗީޕްކޮށް ވިކޭނެ
ހުސެން
08 September 2019
ޔާމީނު ހާދަ ފޭމަހޭ އަދިވެސް، ކޮމެންޓެއްގަ އިބޫގެ ނަން އޮއްވަކާ ނުފެނޭ، ނަމަވެސް ކޮންމެ އާޓިކަލެއްގެ ކޮމެންޓްސްގަވެސް ޔާމީނު ޔާމީނު، ހަގީގަތުގަ ޔާމީނުގެ ތާއީދު މިހާރު ވަރަށްބޮޑު، މިހެން ދިމާވާ ސަބަބަކީ މިހާތަނަށް އިބޫގެ ސަރުކާރުން، ރައްޔިތުން ބަލައިގަންނަވަރުގެ ކަމެއް ކޮށްދެވިފައި ނުވާތީއާއި، ޔާމީނުގެ ދައުރުގަ ހިންގާލާފަ ހުރި ބޮޑެތި ބިޔަ ކާމިޔާބު ޕުރޮޖެކްޓްތައް މިހާރު ރައްޔިތުން ބަލައިގަތުން، "ކުށްސާބިތުނުވާހާހިނދަކު އެމީހަކީ ކުއްވެރިއެއްނޫން"
ޫޔިތު
07 September 2019
ޥަޓްއިޒް ދިސް
ހުދުހުދު
07 September 2019
މި ގައުމުގެ މީހެއްނަމަ ވިކިފަ ހުންނާނީ
ޢަހްމަދު007
07 September 2019
15މިލިއަން ޑޮލަރަށް ނުވިކުނު ކެޕްޓަނަށް ސާބަސް
ކަށަވަރު
07 September 2019
އެމެރިކާއިން ކޮށްފިއްޔާ ކޮންމެ ކަމެއްވެސް އެއްބަޔަކަށް ހަމަ ހެޔޮވެއެވެ. އެކަމަކު ހަމަ އެކަންތައް އެހެން ބަޔަކު ކޮށްފިނަމަ އެ ކުރީ އަދަބު ދޭންޖެހޭ ބޮޑު ކުށެކެވެ. ދުނިޔޭގެ މަސްލަހަތަށް އޮތް އެންމެ ބޮޑު ނުރައްކަލަކީ އެމެރިކާއެވެ. އެމީހުންގެ ހަންފެތުރުން ނެތްނަމަ ދުނިޔެއަކީ އެތައް ގޮތަކުން މިހާރަށްވުރެ އަމާން ރައްކާތެރިތަނަކަށް ވާނެކަން ކަށަވަރެވެ.
ބަޑީ
07 September 2019
އެއީ "އިންޑިޔާ" ކެޕްޓަނެކޯ. ކިހިނެއް މަމެން މިކަން ހަޖަމްކުރާނީ.