އެމްއައިބީގެ ހިއްސާ ވިއްކުމުގެ މުއްދަތު އިތުރުކޮށްފި

އަހުމަދު އަށް ހިއްސާ ގަތުމަކީ ވަރަށް ބޮޑު ގޯހެއް އެކަމުގެ ހެއްކަކީ އެމް ޓީ ޑީ ސީން ހިއްސާ ގަތް ފަރާތަކަށް ލިބެމުން ދާ ގެއްލުން. އެވާހަކަ ދައްކާނެ މީހަކުވެސް ނެތް. އަތުގަ ލާރި ހުރި ކަމުގައި ވަނީނަމަ ބޭނުންޖެހިފައިވާ ފަރާތަކާއެކު ކުރިއަށް ގޮސްގެން މާރަގަޅު ފައިދާ އެއްނެރެވޭނެ.

ކުރާ މަސައްކަތުން ލިބޭ އާމްދަނީގެ ފުދުންތެރިކަން އިތުރުކުރުމަށް ގިނަކަންކަން ކުރަންޖެހޭ. އެންމެ ފުރަތަމަ ކަމަކީ ލިބޭ އާމްދަނީއަށް ބަލައި ތިމާގެ ޚަރަދުތައް ޕްލޭންކުރުން. ބަޖެޓުކުރުން. ކޮންމެހެން ކުރުން މުހިންމު ޚަރަދެއް ނޫނީ ނުކުރުމާއި، ކުރަންޖެހޭ ޚަރަދުތައްވެސް އޭގެ މުނާސަބު ވަގުތުގައި ކުރުން. އަދި މަދު މިންވަރެއް ނަމަވެސް ފަހަށް ރައްކާކުރުން. މިހާރު ބޭނުންމިކުރާ ކަރުދާހު ފައިސާ (ފިއެޓް ކަރެންސީ) އަކީ އޭގެ ޒާތުގައި އަގެއް ހުރި އެއްޗެއްނޫން 1/3

މިފައިސާގެ މޫނުމަތީގެ އަގަށް ގަނެވޭނެ މިންވަރު ބިނާވަނީ މާލީ ނިޒާމުގެ ހުރި ފަންވަރެއްގެ މައްޗަށް. އިންފްލޭޝަން ނުވަތަ ޑީފްލޭޝަންއަކީ މިދެންނެވުނު ފެންވަރު ވަޒަންކުރެވޭ މިންގަނޑެއް. އެހެންވީމާ މާނަކީ ފައިސާ ރައްކާކުރުމުގެ ނިޔަތުގައި ބާލީސް ދަށަށް ނުވަތަ ގޭގެ ބޮޑު ފޮށީގައި ބަހައްޓާ ފައިސާ އަގު ހުލިވަމުންދޭނެ. މިކަން މިހެންވިޔަ ނުދިނުމަށް ތަފާތު ކަންކަން ކުރެވިދާނެ. މިކަންކަމުގައި އެކި މިންވަރަށް ރިސްކު ހުރި ކަންކަން،. 2/3

މިގޮތުން ބޭންކެއްގައި ބެހެއްޓުން އެއީ އެންމެ ރިސްކު ކުޑަ ގޮތް. މިސާލަކަށް އިސްލާމިކް ބޭންކެއްގައި ސޭވިންގ އެކައުންޓެއްގައި 100 ރުފިޔާ ބެހެއްޓި ނަމަ އަހަރު ވާއިރު، އާންމު އުސޫލުން ލިބުނަސް ލިބޭނީ އެންމެ ގިނަވެގެން އަހަރަށް 2 ޕަސެންޓު ފައިދާ. އެއީ 2 ރުފިޔާ. ދެން އޮތް އެންމެ ރިސްކު ކުޑަ ގޮތަކީ މިސާލަކަށް އިސްލާމިކް ސެކިއުރިޓީއެއްގައި އިންވެސްޓުކުރުން. މިސާލަކަށް ސުކޫކް. އެއީ މުއްދަތު ކަނޑައެޅިފައިވާ ހެލްޑް ޓު މެޗޫރިޓީ އިންސްޓުރޫމަންޓެއް. 3/3

އެއީ. މިފަދަ އިންސްޓުރޫމަންޓެއްގައި 100 ރުފިޔާ 10 އަހަރަށް އިންވެސްޓުކޮށްފި ނަމަ، އާންމު އުސޫލުން އެވްރެޖު ގޮތެއްގައި 6 އިންސައްތަ އާއި 7 އިންސައްތަ އާ ދެމެދު ފައިދާއެއް ކޮންމެ އަހަރަކު ހަމަހުން އެއްްފަހަރު 10 އަހަރުވަންދެން ލިބިފައި 10 އަހަރު ވީމާ އެ 100 ރުފިޔާ އަނބުރާ ލިބޭނެ. ދެންމެ އޮތީ އިސްލާމިކް ސެކިއުރިޓީޒްއެއްގައި އިންވެސްޓުކުރުން. މިފަދަ އިންވެސްޓެއްގަައި އިންވެސްޓުކުރާ ފައިސާ އަނބުރާ ނުލިބޭނެ.

ނަމަވެސް އެފަދަ ހިއްސާ ދޫކުރި ކުންފުންޏަކަށް އަހަރުން އަހަރަށް ފައިދާ ލިބެމުންދާނަމަ، ހިއްސާގެ ފައިދާ ލިބުމުގެ ފުރުސަތު އޮވޭ. ހިއްސާގެ ފައިދާ ނުލިބުނަސް ކުންފުންޏަށް ފައިދާ ވަމުންދާނަމަ، ހިއްސާގެ އަގު މަތިވަމުންދާނެ. އެހެންކަމުން ގަތް އަގަށް ވުރެ ބޮޑު އަގުގައި ހިއްސާ ވިއްކާލާ އިންވެސްޓުމަންޓް އިތުރަށް ފުޅާކުރުމަށް މަގުފަހިވާނެ. ގެއްލުން ވަމުންދާނަމަ، ހިއްސާގެ ބާޒާރުގައި ހިއްސާ ވިއްކާލައި، މުޅި އިންވެސްޓްމަންޓް އެކީގައި ގެއްލުންވުމުގެ..

ބޮޑުބައި ސަލަމާތް ކުރެވިދާނެ. ރާއްޖޭގައި ހިއްސާ ވިއްކާ ފައި ހުރި ކުންފުނިތަކުން ހިއްސާގެ ފައިދާ ބަހަމުން އައިސްފައިވާ ގޮތަށް ބަލާއިރު އެވްރެޖުގޮތެއްގައި ގިނަ ކުންފުނިތަކުން 10 އިންސައްތަ އާއި 12 އިންސައްތަ އާއި ދެމެދުގެ ފައިދާއެއް އަހަރެއްގެ މައްޗަށް ލިބޭ. މާނަކީ 100 ރުފިޔާ އިންވެސްޓުކުރި ނަމަ 10 ރުފިޔާ ނުވަތަ 12 ރުފިޔާވަރު ލިބުމުގެ ފުރުސަތު އޮންނާނެ. ވިޔަފާރިއަކީ ގެއްލުމާ ފައިދާ ވާއެއްޗެއް ހުރިހާ ފަހަރަކު ފައިދާއެެއް ނުވާނެ.

މިއަށް ވުރެ ފައިދާ އިތުރުކުރުން ބޭނުންވާނަމަ ދެން ކުރަންވީ އަމިއްލަ ވިޔަފާރި. ކުރިން ބުނި ގޮތްތަކާއި ޚިލާފަށް އަމިއްލަ ވިޔަފާރިކުރާ ނަމަ އިންވެސްޓްކުރަންޖެހޭ ހަމައެކަނި ފައިސާއެއް ނޫން. ފައިސާއާއި ހުނަރާއި ވަގުތުވެސް އިންވެސްޓްކުރަންޖެހޭނެ. ކަންމަތީ ފިހާރައެއް ނަމަ، ނުވަތަ ޕާޓުނަރުޝިޕެއް ނަމަ، ވިޔަފާރީ ދަރަނިވެރިވާ ހާލަތުގައި ތިމާގެ އަމިއްލަ މުދާލާ ތަކެތި އެދަރަނި އަދާކުރުމަށް ހިފެވޭނެ. ކުންފުންޏެއް ނަމަ، ވިޔަފާރި ދަރާ ހާލަތުގައި ހިފެވޭނީ ...

ހަމައެކަނި އެކުންފުންޏަށް އިންވެސްޓުކުރުމަށް ތިމާ އެއްްބަސްވެފައިވާ މިންވަރަށް އެކަނި. އޭގެ މައްޗަކަށް ޒިންމާވާން ނުޖެހޭނެ. މިކިޔައިދިނީ ފަހަށް ކުރެވިދާނެ ގޮތްތައް އެންމެ ކުރުކޮށް.