28 ސެޕްޓެމްބަރ 2019 - 13:40
13 comments
ރާއްޖޭގެ ޑިޖިޓަލް އާޓިސްޓު އަލީ ޝިމްހާގުގެ ކުރެހުމަކީ އަމިއްލަ އެއްޗެއް ކަމަށް ހަދައި ބޭނުންކުރި އެމެރިކާގެ އާޓިސްޓް އާރޮން ކާޓާ އަށް ފާޑުކިއުން އަމާޒުވުމުން އެ ކުރެހުން އޭނާ އިންސްޓަގްރާމުން ޑިލީޓްކޮށްލައިފި އެވެ.
އެމެރިކާގެ މަޝްހޫރު ބޭންޑް "ބެކް ސްޓްރީޓް ބޯއިސް" ގެ މެމްބަރު ނިކް ކާޓާގެ ކޮއްކޮ މިއަދު ކުރި ޓްވީޓެއްގައި ބުނީ އޭނާ އިންސްޓަގްރާމްގައި ޕޯސްޓްކުރި ސިންގާގެ ކުރެހުމާ ގުޅިގެން އެއީ ވަގަށް ނަގާފައިވާ ފޮޓޯއެއް ކަމަށް ބުނެ ބުލީކުރާތީ ފޮޓޯ ޑިލީޓްކޮށްލާފައިވާ ކަމަށެވެ. އަދި އޭނާ އަށް ބުލީކުރި މީހުންނަށް ދައުވާކުރާނެ ކަމަށާއި އެ ކުރެހުން އަމިއްލަ އަށް ތައްޔާރުކުރާނެ ކަމަށް ވެސް ބުންޏެވެ.
I’m pulling the lion image I was accused of stealing this and bullied and I’m throwing it in the trash and suing everyone coming st me for clout I’m going to render a new one for myself pic.twitter.com/demnIHl22Z
— Aaroncarter (@aaroncarter) September 28, 2019
އާރޮން "ވަގަށް ނެގި" ސިންގާގެ ޑިޖިޓަލް ކުރެހުން މީގެ ފަސް އަހަރު ކުރިން ކުރެހި ކުރެހުންތެރިޔާ ޝިމްހާގް މިއަދު ބުނީ އޭނާގެ އެ ކުރެހުން އާރޮން "ވަގަށް ނަގައިގެން" އުޅޭކަން އެނގުނީ ޓްވިޓާ އިން ފޮލޯވަރަކު އެކަން ހިއްސާކުރުމުން ކަމަށެވެ. އެހެންވެ ޝިމްހާގް ވެސް ވަނީ އެއީ ވައްކަމެއް ކަމަށް ބުނެ ޓްވީޓްކޮށްފަ އެވެ.
އޭނާ މިއަދު "މިހާރު" އަށް ބުނީ ކުރެހުމުގެ މައްސަލާގައި އާރޮންގެ ގާތު ޝަކުވާކުރުމުން އެއީ އޭނާގެ އެއްޗެއް ކަމަށް ދައުވާކޮށް، އެއީ ގަނެފައިވާ އެއްޗެއް ކަމަށް ބުނެފައިވާ ކަމަށެވެ. ނަމަވެސް ކުރެހުން އެއްވެސް މީހަކަށް ވިއްކާ ނުލާ ކަމަށާއި އެ ބޭނުން ކުރުމުގެ ހުއްދަ ވެސް އެއްވެސް މީހަކަށް ދީފައި ނުވާ ކަމަށް ބުންޏެވެ.
އުމުރުން 31 އަހަރުގެ އާރޮންއަކީ 90 ގެ އަހަރުތަކުގެ ތެރޭގައި ވިދައިލި ލަވަކިޔުންތެރިއެކެވެ. އޭނާ މިހާތަނަށް ފަސް އަލްބަމް ނެރެފައިވާ އިރު އެންމެ ފަހުން ނެރުނު އަލްބަމަކީ މިދިޔަ އަހަރުގެ "ލަވް" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދދދދދ
29 September 2019
ދިިވެއްސެއްގެ އެއްޗެއް ވީމަ ދިވެހިންނަށް އެނގުނީ. ތިނޫނަސް ތިކަހަލަ ވައްކަން ތިމީހާވެސް ކުރާނީ. ތީ ކޮންބައެއް!
ޓްވަރިޒަމް
29 September 2019
ދިވެއްސެއް އަދި އާރޓިސްޓެއްގެ ދިފާއުގައި ދިވެހިން ދެއްކީ ރީތި މިސާލެއް. އަދި އެކުވެރިކަން. ބައެއްމީހުން އޭނާޔަކީ ބަލިމީހެއްކަން މީގެ 20 ގަޑި އިރުކުރިން ސީއެން އެން އިން ގެނެސްދިނުމުން ހަމްދަރުދީ ފާޅުކުރަމުންދާއިރު އޭނާޔާއި ދިމާކުރުން އަދި ސައިބަރ ބުލީ ކުރުން ހުއްޓލައްވާ. ދިވެހިންނަކީ މީހުންނަށް އިހްތިރާމްކުރާ ބައެއްކަން މުޅިދުނިޔެއަށް ދެއްކުމަށް އިލްތިމާސް ކުރަން.
ކިނބޫ
29 September 2019
އެމީހުންގެ މީހކު ނުބައި ކަމެއް ކޮށްފިއްޔާ އެވާނީ "ވަލި" މީހަކަށް. ބައްޔެއްނު
ހައްޕުނޑު
28 September 2019
ބޮޑު ނުވާ ތުއްތު ކުއްޖެއް
ގޮގް މެގޮގް
28 September 2019
ފޮޓޯ ވަގު.
ނުކި
28 September 2019
ހިނގާ އެންމެން އޭނަގެ އިންސްޓަގްރާމް އަށް މެސެޖް ކުރަން. ވަގު ކިޔާފަ!
ަސދަ
29 September 2019
ކަލެއެކޭ އޭނާއެކޭ ނެތެއްނުން ތަފާތެއް. ބުލީކުރުން ހުއްޓުވަން ހިނގާ.
ރަދީފް
29 September 2019
ހެހެހެހެ.އެއީ ވެރިފައިޑް އެކައުންޓް ހޯލްޑަރއެއް ދޯ.އަދި އެއީ އެމެރިކާގެ ސެލެބްރިޓީއެއް.ޓްވިޓާއިން ކަލޭގެ އެކައުންޓް ބްލޮކްވެސްކޮށްލަފާނެ އެކަހަލަ މީހަކަށް ފުރައްސާރަކުރަން ނިޔަތްގަނެގެން ތިއުޅެނީ.
މިވަރު ފުދޭ
28 September 2019
މި ކުރެހުން " އާރޮން" އަށް ވެސް ކަމުދިޔާތީ ޝުކުރިއްޔާއެވެ. އެ ވެސް ކުޑަކަމެއް ނޫން ތާއެވެ.
ރަދީފު ބިން ރަފައިދާ
28 September 2019
ރާއްޖެއިން ކެންޕޭނެއް ނުވަތަ މުޒާހަރާއެއް ކޮށްފިއްޔާ މުޅި ދުނިވެސް ޖެހޭނީ ކުޑަކަކޫމައްޗަށް ތިރިވާން.
ސަބުދެލިއަލީ
29 September 2019
އިންޑިއާގެ 50 ސިފައިންނާ ހެލިކޮޕްޓަރުގަނޑެއް މިގައުމުން ފޮނުވާ ނުލެވުނު ސަރުކާރުން އެތައްފަހަރަކު އަންގައިގެން ވެސް. ކުޑަކަކޫ ކޮބާ؟
އިންޑިޔާ އައުޓް
29 September 2019
އިންޑިޔާ މސިފައިން ބޭރުކުރަން ޓްވީޓްކުރަން ތާއީދު. ޜާއްޖެޔަށް ހަދިޔާކުރި އެއްޗެއް ދިވެހިންނަށް އަތްނުލެވޭ ގޮތަށް އެމީހުން އައިސް އުދުއްސަން ޖެހޭ ސަބަބެއް ނެތް.
މަލް
28 September 2019
އޭނަގެ ވެބްސައިޓުގައި އަދިވެސް އެބައިން މި ފޮޓޯ. ފޮޓޯ ވަގު!