އާދަޔާޚިލާފަށް ވިސްނުންތޫނު 18 މަހުގެ ކުއްޖެއް

އަދްވިކާ: ކާޑުތަކެއްގައި ލިޔެފައިވާ ބަސްތަކެއް ކިޔަނީ

ފާތުމަތު އަނީސާ، މިހާރު

23 ސެޕްޓެމްބަރ 2016 - 06:42

އިންޑިއާގެ ނާގްޕޫރްގައި ދިރިއުޅޭ އަދްވިކާ ބާލޭ އަށް މިހާރުވެސް 26 ގައުމެއްގެ ފައިސާ ވަކިކުރަން އެނގެ އެވެ. އަދި ދުނިޔޭގެ ހަތް އަޖައިބާއި އެތަންތަން ހުންނަ ގައުމު ވެސް ބުނެދޭން އެނގެ އެވެ. އަދި ޖަނަވާރުންގެ ނަން އިނގިރޭސި ބަހުން ބުނުމުން އެ ނަން މަރާޓީއަށް ބަދަލުކޮށްގެން ކިޔައިދޭން އެނގެ އެވެ.

ބޮޑެތި މީހުންގެ ތެރެއިން ވެސް ގިނަ މީހުންނަށް މިއީ ދަސްކުރަން އުނދަގޫ އެއްޗެހި ނަމަވެސް އެންމެ ދޮޅު އަހަރުގެ މި ކުއްޖާއަށް މިއީ އެއްވެސް ކަމެއް ނޫނެވެ.

މިދިޔަ މަހު ކުއްލިއަކަށް އަދްވިކާ ވާހަކަ ދައްކަން ފެށުމުން އޭނާގެ މަންމަ އާސާވަރީ ބާލޭ އަށް ހުރީ ގަބޫލުކުރަން ވެސް ދަތިވެފަ އެވެ. ނަމަވެސް އަދްވިތަ އަކީ އުމުރުން ހަ މަހުން ފެށިގެން އޭނާގެ މަންމަ ކިޔައިދޭ ހުރިހާ އެއްޗެއް ރީތިކޮށް ނުކިޔުނަސް އޭނާއަށް ކިޔުނު ގޮތަކަށް ކިޔާ ކުއްޖެކެވެ.

އަދްވިކާ އަށް ފިރުކެވެން ފެށުމުން އޭނާގެ މަންމަ އޭނައަށް އޭބީސީޑީގެ އަކުރުތަކާއި މޭވާ އާއި ޖަނަވާރުގެ ފޮޓޯތައް ޖަހާފައިވާ ޗާޓްތައް ދައްކަން ފެށީ އެވެ. އަދި އުމުރުން އަށް މަސް ފުރުމުން އެކި ގައުމުތަކުގެ ނަންތަކާއި އެ ގައުމުތަކުގެ ފައިސާ އާއި ދުނިޔޭގެ ހަތް އަޖައިބު ފަދަ އެއްޗެތި އޭނާއަށް ކިޔައިދޭން ފެށީ ކަމަށް އަދްވިކާގެ މަންމަ ބުންޏެވެ.

ޓައިމްސް އޮފް އިންޑިއާ ނޫހަށް އަދްވިކާގެ މަންމަ ދީފައިވާ އިންޓަވިއުއެއްގައި ބުނެފައިވާ ގޮތުގައި އުމުރުން 10 މަސް ވީއިރު ހަށިގަނޑުގެ ހުރިހާ ގުނަވަންތަކެއްގެ ނަން އަދްވިކާ އަށް އެނގެ އެވެ.

މި ރިޕޯޓު ލިޔުމަށްޓަކައި އަދްވިކާއާ އެކު ދެ ގަޑިއެއްހާއިރު ނޫސްވެރިން ހޭދަކުރި އެވެ. އެ ވަގުތުކޮޅުގެ ތެރޭގައި 100 ވަރަކަށް ސުވާލު ކުރި އެވެ. އެ ސުވާލުތަކަކީ އަދްވިކާގެ މައިންބަފައިން ތައްޔާރުކޮށްފައިވާ ސުވާލުތަކެކެވެ.

ލިޔެފައި ހުންނަ ބަސް ފެނުމުން ކިޔަން އަދްވިކާ އަށް އެނގެ އެވެ. އެގޮތުން ބަސްތަކެއް ލިޔެފައިވާ ޗާޓެއް ދެއްކުމުން އެންމެ ދެ ސުވާލަށް ނޫނީ ހުރިހާ ސުވާލަކަށް ވަރަށް އަވަހަށް އަދި ރަނގަޅަށް ޖަވާބު ދީފައިވެ އެވެ.

އަދްވިކާގެ ބައްޕަ ސާގަރް ބުނި ގޮތުގައި އަދްވިކާ އަބަދުވެސް ފޮތް ބެލުމަށާއި އޭގައި ހުންނަ އެއްޗެހި ދަސްކުރުމަށް ޝައުގުވެރިވެ އެވެ.

ތައުލީމް އިންޑިއާ ކުޑަކުދިން

6 ކޮމެންޓް, 274 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާބަސް

24 October 2016

ރާއްޖޭގައިވެސް ތިކަހަލަ ކުދިން އުޅޭ، އެކަމަކު ހުރިހާ ބެލެނިވެރިންނަކީ ދަރިންގެ މި ކަންތައްތައް އާންމުންގެ ކުރިމަތީ ފާޅު ނުކުރާ މީހުން. ރާއްޖޭގަ އެކަހަލަ ކުއްޖަކު ފެނުނަސް ހަސަދަ ވެރިވާ މީހުން ގިނައީ، ޢާއިލާ ތެރޭގަވެސް.