ގަވައިދާ ހިލާފަށް އުޅޭ ބިދޭސީން ރަޖިސްޓްރީކުރުމުގެ މަސައްކަތް ގަލޮޅު ދަނޑަށް ބަދަލުކުރަނީ

ބިދޭސީން ރަޖިސްޓާވުމުގެ ކަންކަން ގަލޮޅު ދަނޑަށް ބަދަލު ކުރުމަށްޓަކައި އިކޮނޮމިކް މިނިސްޓަރު ފައްޔާޒު އިސްމާއިލް އާއި ޔޫތް މިނިސްޓަރު އަހުމަދު މަހްލޫފް ދަނޑުގައި މަޑުކޮށްލައިގެން-- ފޮޓޯ: މަހްލޫފް

ފާތިމަތު ޝަނާ މުހައްމަދު، މިހާރު

01 އޮކްޓޯބަރ 2019 - 12:21

27 comments

ގަވައިދާ ހިލާފަށް އުޅޭ ބިދޭސީން އަލުން ރަޖިސްޓްރީކޮށް ގަވައިދަށް ފެއްތުމަށް ކުރަންޖެހޭ މަސައްކަތް ގަލޮޅު ދަނޑުގައި ކުރިއަށް ގެންދިއުމާ ބެހޭ ގޮތުން މިއަދު މަޝްވަރާކޮށްފި އެވެ.

މިކަމާ ބެހޭ ގޮތުން އިކޮނޮމިކް މިނިސްޓަރު ފައްޔާޒު އިސްމާއިލް އާއި ޔޫތު މިނިސްޓަރު އަހުމަދު މަހްލޫފް މިއަދު ބައްދަލުކުރެއްވި އެވެ.

މި މަޝްވަރާތައް ފެށީ ރަޖިސްޓްރީވާން ފުރުސަތު ހުޅުވާލުމާ އެކު ގިނަ އަދަދެއްގެ ބިދޭސީން، އިކޮނޮމިކް މިނިސްޓްރީން ކަނޑައަޅާފައިވާ އޮފީސް ސަރަހައްދުގައި ކިޔޫގައި ކޮޅަށް ތިބެން ޖެހޭތީ ކަމަށް މަހުލޫފް ފޭސްބުކްގައި ކުރެއްވި ޕޯސްޓުގައި ވިދާޅުވި އެވެ. މަހްލޫފް ވިދާޅުވީ ވީ އެންމެ އަވަހަކަށް މައްސަލަ ހައްލުކުރައްވާނެ ކަމަށެވެ.

މަހްލޫފް ފޭސްބުކްގައި ކުރެއްވި ޕޯސްޓް

ރާއްޖޭގައި ގަވައިދާ ހިލާފަށް އުޅޭ ބިދޭސީން ގިނަވެ، މިކަމަށް ހައްލެއް ހޯދަން، ރާއްޖޭގައި މިހާރު ގަވާއިދާ ހިލާފަށް އުޅޭ ބިދޭސީންނަށް އިތުރު ފުރުސަތެއް ދީ، އަލުން ރަޖިސްޓްރީކޮށްދިނުމަށް ފުރުސަތު ހުޅުވާލީ މިދިޔަ މަހުގެ 19 ވަނަ ދުވަހު އެވެ.

މަޖީދީ މަގުގައި ކުރިން ޕީޖީ އޮފީސް ހިންގި އިމާރާތުގެ ބައެއްގައި ހަދާފައިވާ އިކޮނޮމިކް މިނިސްޓްރީގެ ރެގިއުލަރައިޒޭޝަން ޔުނިޓް ދޮށުގައި، މިދިޔަ ބުރާސްފަތިދުވަހުން ފެށިގެން ކޮންމެ ދުވަހަކު ވެސް ބަންގްލަދޭޝްގެ އެތަައް ސަތޭކަ ބަޔަކު ކިޔު ޖެހެ އެވެ. ކޮންމެ ދުވަހަކު ދޫކުރަނީ 150 ނަންބަރެވެ.

ގަވާއިދާ ހިލާފަށް އުޅޭ ބިދޭސީން ރަޖިސްޓްރީ ވާން ސަރުކާރުން ދިނީ ހަ މަސް ދުވަހުގެ މުއްދަތެކެވެ. ގަވައިދާ ހިލާފަށް އުޅޭ ބިދޭސީން ގެންގުޅޭ ކުންފުންޏެއް ނަމަ، އަލުން ރަޖިސްޓްރީކުރަން އެ ކުންފުނި ނުވަތަ ބިދޭސީ މީހާ ރާއްޖެ އެތެރެކުރި ފަރާތް މެދުވެރިކޮށް އޮންލައިންކޮށް ވެސް ހުށައެޅެ އެވެ.

އިކޮނޮމިކް މިނިސްޓްރީގެ އޮފީހަށް ގޮސް ރަޖިސްޓްރީވާން ޖެހެނީ މިވަގުތު ވަޒީފާ ނެތި ގަވައިދާ ހިލާފަށް އުޅޭ މީހުންނެވެ. ގަވައިދުގެ ތެރެއަށް ބިދޭސީން ވަނުމަށް ފަހު، ވަޒީފާއެއް ހޯދަން ހަ މަސް ދުވަސް ދެ އެވެ.

ރާއްޖޭގައި ގަވައިދާ ހިލާފަށް 63،000 މީހުން އުޅޭ ކަމަށް ލަފާ ކުރެ އެވެ.

އިގްތިސާދު ބިދޭސީން އިކޮނޮމިކް މިނިސްޓްރީ ފައްޔާޒު އިސްމާއިލް (ކުރީގެ މިނިސްޓަރު)

27 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގޯސް

01 October 2019

މަހަމަކޮސްވެއްޖެ. ޙުސްއަތާ އަންނަ ބިދޭސީންގެ ކިބައިން ސަލާމަތް ނުވެވިގެން ތިޔައުޅެނީ ކީއްވެތަ? އެމީހުން ގެ ގައުމަށް ފޮނުވާލަބަލަ. މިހާރު މިކަން މިދަނީ މާނުބައި ދިމާއަކަށް އެމީހުންނަށް އެގޭ މިގައުމުގެ ދައުލަތްވަނީ އެމީހުންގެ ދަށުގައިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތް އާދަނު

01 October 2019

ތިތަނުން ގިނަމީހުންގެ ލިޔެކިޔުމެއް ނުހުންނާނެ. އެންމެ ކުޑަމިނުން ޕާސްޕޯރޓްވެސް ނުހުންނާނެ. ކާކު ކަން ކަށަވަރު ނުވާމީހުން ގިނައިރު، ކިހިނެތް ތި އެމީހުން ރަޖިސްޓްރީ ކުރަނީ. ދިވެހި އައިޑީކާރޑެއް ދެނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްކާ

01 October 2019

1000 ރުފިޔާއަށް ނަންބަރެއް ދޫކުރާގޮތަށް ހަދަންވީ، އެލިބުނީ 60 މިލިއަން ރުފިޔާ. މާލެއަށް ހަރަދުކޮށްފަ ކުޑައެއްޗަކުން ރަށެއްގެ ވަށާފާރެއް ރޭނޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބާ

01 October 2019

މި ޚަބަރާއި ފޮޓޯތަކަށް ބަލާލީމަ މިނިސްޓަރސް ތަސައްރަފު ނުފުދޭކަން ވަރަށް ރަނގަޅަށް ދޭހަވޭ. ތީ ސަރުދާރު މިނިސްޓަރުންތޯ؟ ތީ ވަރަށް އޯލްޑް ސްޓައިލެއް. މިއީ ވަރަށް ހައިޓެކް ޒަމާނެއް. ދެރަވަރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުއީ

01 October 2019

މަސްދުވަސް ނުވަނީސް ތިކަމާ އުޅޭކަން ރަގަޅު. ކޮންމެ ދުވަހަކު ހީވަނީ އެ ސަރަހައްދުގަ މުޒާހަރާއެއް ހިނގާހެން މަޖީދީމަގު ދެއަރިމަތި ފުރާލާފަ ތިބޭތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falcon_autho

01 October 2019

ބިދޭސީންގެ ފުޓްބޯޅަ މުބާރާތެއް ބާއްވަންވީނުން ދަނޑުގައި. ދެން މަށަށް ފެންނަނީ ދިވެހި ކޮންމެ ޢާއިލާއަކަށް 2 ބިދޭސީން ޙަވާލުކުރަން. އަދި އެމީހުން އިންނާނެ މީހުންނާއި މުސާރަވެސް ދައުލަތުން ހަމަޖައްސައިދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

01 October 2019

ދުވާލަކު 150 ނަމްބަރ. ތި މަސައްކަތްކުރާނެ ވޮލަންޓިއަރ ބަޔަކު ހޯދާލަބަަލަ. ނޫނީ ކޮންޓްރެކްޓަށް 1 މަސްދުވަހަށް ނަމަވެސް ބަޔަކު ނަގައިގެން ވެސް ތިއަށް ވުރެ ފަސޭހައިން ތިކަންވާންވާނެ. ކޮބާތަ ފްލެޓް ކޮމިޓީ މީހުން. އެމީހުން އެތިބީ ކަމެއް ނެތިފަ. އެމީހުންނާއި ތިކަން ހަވާލުކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުރެކިއުލާ

01 October 2019

ރާއްޖޭގެ އެކިހިސާބުހިސާބުން 60 ހާސް ބިދޭސީން ނަންބަރު ނަގަން މާލެއަށް ޖަމާވީމަ މާލޭގައި މީހުން އުޅޭނެގޮތެއް ބުނެދީބަލަ ކަލޭމެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

01 October 2019

ފްލެޓް ކިއުގަ މީހުން ޖެހިގެން މަގުމަތީގަ ތިބެގެން އެކަމާ މިދިޔަ ސަރުކާރު ބަވާފަ މި ނޫހުގައި ޚަބަރު ލިޔުނު ފަރާތަށް ބިދޭސީން ރަޖިސްޓްރީ ވާންކިއުގަ އެތައް ގަޑިއިރަކު ތިބޭތަން ނުފެނުނީ ބިދޭސީ ބަންގާޅުން އެއީ އިންސާނުންނަށް ނުވާތީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ހުސެއިން

01 October 2019

60،000 ފަސްދޮޅަސް ހާސް ބިދޭސީން ރީރެޖިސްޓްރީ ކުރަން ދުވާލަކު 150 ފޯރމް، މިކަމަށް 400 ދުވަސް ބޭނުންވާނެ، 1 އަހަރާއި 1 މަސް ދުވަސް، ސާބަހޭ ތިކުރާ ހިތްވަރަށް