ބޮލީވުޑްގެ ޚަބަރުތައް ކުރުކޮށް

އަހުމަދު އަދްޝަން، މިހާރު

13 އޮކްޓޯބަރ 2019 - 06:25

ސުނިލް ޝެޓީގެ އަންހެން ދަރިފުޅު އާތިޔާ ޝެޓީގެ ތިން ވަނަ ފިލްމު "މޯޓީޗޫރް ޗަކްނަޗޫރް" ގެ ޓްރެއިލާ ދައްކާލައި، ފިލްމު ރިލީޒްކުރާ ތާރީހު އިއުލާންކޮށްފި އެވެ.

އާތިޔާ އާއި ނަވާޒިުއްދީން ސިއްދީގީ ލީޑް ރޯލް ކުޅެފައިވާ މި ރޮމޭންޓިކް ކޮމެޑީ ސިނަމާތަކަށް ގެންނަން ނިންމާފައި ވަނީ އަންނަ މަހުގެ 15 ގަ އެވެ. "މޯޓީޗޫރް ޗަކްޗޫރް" އަކީ 2015 ގައި ފިލްމު "ހީރޯ" އިން ބޮލީވުޑަށް އާތިޔާގެ ތިން ވަނަ ފިލްމެވެ.

އޭނާ އެންމެ ފަހުން ފެނިފައި ވަނީ 2017 ގައި ރިލީޒްކުރި "މުބާރަކަން" އިންނެވެ.

ސެބާމިތުރާ ބިސްވާލް ޑައިރެކްޓްކޮށްފައިވާ "މޯޓީޗޫރް ޗަކްނަޗޫރް" އަކީ ފިރިހެނަކު އަންބަކު ހޯދަން ކުރާ މަސައްކަތުގެ ތެރޭގައި ދިމާވާ ހެއްވާ މަޖާ ހާދިސާތަކެއް ކިޔައިދޭ ފިލްމެކެވެ.

Aapko bhi mubarak ho yeh shaadi ka anokha ladoo! Dekhiye #MotichoorChaknachoor trailer out now! https://t.co/f2RIo3nDr1 @Nawazuddin_S @MotichoorMovie @viacom18studios #WoodpeckerMovies @AndhareAjit #RajeshBhatia #KiranBhatia @ZeeMusicCompany
— Athiya Shetty (@theathiyashetty) October 11, 2019

މީގެ އިތުރު ކާސްޓުންގެ ތެރޭގައި ވިނާ ޗިބާރް، ނަވްނީ ޕަރިހާރް، ވިވެކް މިޝްރާ، ސަޕްނާ ސާންދު އަދި އޫޝާ ނަގަރް ހިމެނެ އެވެ.

މީގެ އިތުރުން ފިލްމުގެ އައިޓަމް ލަވައަކުން ސަނީ ލިއޯނީ ވެސް ފެންނާނެ އެވެ.

"ޑްރައިވް" ގެ އާ ލަވައެއް

އަންނަ މަހު 1 ވަނަ ދުވަހު ނެޓްފްލިކްސް އިން ސްޓްރީމްކުރާ ކަރަން ޖޯހަރުގެ ދަރުމާ ޕްރޮޑަކްޝަންގެ ފިލްމު "ޑްރައިވް" ގެ އާ ލަވައެއް އަނެއްކާ ވެސް ދައްކާލައިފި އެވެ.

Setting the floor on fire - none other than the gorgeous, @Asli_Jacqueline!🔥#Karma full song out now - https://t.co/1ug7le90PA #Drive on #Netflix 1st Nov.@apoorvamehta18 @itsSSR @Tarunmansukhani @DharmaMovies @NetflixIndia @ZeeMusicCompany @BoboRahut @Sukritikakar pic.twitter.com/2UfmXmUVy5
— Karan Johar (@karanjohar) October 10, 2019

ފިލްމުގެ ލަވަތަކުގެ ތެރެއިން މި ފަހަރު ދޫކޮށްލީ ބަތަލާ ޖެކްލިން ފެނަންޑާޒްގެ ނެށުންތައް ހިމެނޭ ލަވަ "ކަރުމާ" އެވެ. އަމަރުތިއާ ބޯބޯ ރާހަތުގެ މިއުޒިކަށް ހަދާފައިވާ ލަވަކިޔާފައި ވަނީ ސުކްރިތީ ކައްކަރެވެ.

"ޑްރައިވް" ގައި ޖެކްލިންއާ އެކު ބަތަލުގެ ރޯލު ކުޅޭނީ ސުޝާންތު ސިންގް ރާޖްޕޫތެވެ. މި ފިލްމަކީ 2008 ވަނަ އަހަރު "ދޯސްތާނާ" ގެނެސްދިން ތަރުން މަންސުޚާނީ ޑައިރެކްޓްކޮށްފައިވާ އެކްޝަން ތުރިލާއެކެވެ.

ސޫރަޖަށް ދެ ފިލްމަކާ ވާދަކުރަން ޖެހޭނެ

ރިލީޒްކުރާ ތާރީހު އެކި ފަހަރުމަތިން ލަސްވަމުން ގޮސް ޒުވާން އެކްޓަރު ސޫރަޖް ޕަންޗޯލީގެ އާ ފިލްމު "ސެޓެލައިޓް ޝަންކަރު" އަންނަ މަހުގެ 15 ގައި ރިލީޒްކުރާ ގޮތަށް ނިންމައިފި އެވެ.

This soldiers incredible journey of India has been personally heart-warming for me! Cannot wait to take on the road with #SatelliteShankar See you all in cinemas on Nov 15th! 🇮🇳❤#IrfanKamal @MuradKhetani @ashwinvarde @akash_megha @Cine1Studios #SCIPL @SatelliteSMovie pic.twitter.com/RF2Ry9dOrh
— Sooraj Pancholi (@Sooraj9pancholi) October 11, 2019

ތާރީހަށް މި އައި ބަދަލާ އެކު މި ފިލްމަށް ބޮކްސް އޮފީހުގައި ސިދާތު މަލްއުތުރާގެ "މަރުޖާވާ" އާއި ސޫރަޖްގެ އަލަތު ފިލްމު "ހީރޯ" ގެ ބަތަލާ އާތިޔާ ޝެޓީގެ "މޯޓީޗޫރް ޗަކްނަޗޫރް" އާ ވާދަކުރަން ޖެހޭނެ އެވެ.

އިރުފާން ކަމަލް ޑައިރެކްޓްކޮށްފައިވާ "ސެޓެލައިޓް ޝަންކަރު" އަކީ ސޫރަޖްގެ ދެވަނަ ފިލްމެވެ. މީގައި އޭނާ ފެނިގެންދާނީ އަސްކަރީ އޮފިސަރެއްގެ ރޯލުންނެވެ.

"ގޯސްޓް" ގެ އާ ޓްރެއިލާއެއް

މި މަހުގެ 18 ވަނަ ދުވަހު ރިލީޒްކުރާ ޑައިރެކްޓަރު ވިކްރަމްގެ ބަޓްގެ ބިރުވެރި ފިލްމު "ގޯސްޓް" ގެ އާ ޓްރެއިލާއެއް ދައްކާލައިފި އެވެ.

He is the master of horror and this trailer shows you how. @TheVikramBhatt gives another sneak peak into why #Ghost has to be on your watchlist come #October18. @vashubhagnani Production https://t.co/WhFOex27kz
— Komal Nahta (@KomalNahta) October 11, 2019

މި ފިލްމުގެ ތަރިންނަކީ ސަނާޔާ އިރާނީ އާއި ޝިވަމް ބާރްގަވާ އެވެ.

އިނގިރޭސިވިލާތުގެ ލަންޑަނުގައި މަންޒަރުތައް ނަގާފައިވާ "ގޯސްޓް" އަކީ މިދިޔަ އަހަރު ރިލީޒްކުރި ބިރުވެރި ފިލްމު "1921" އަށް ފަހު، ވިކްރަމް ގެނެސްދޭ ފުރަތަމަ ފިލްމެވެ. އޭނާއަކީ މީގެ ކުރިން ވެސް ވަރަށް ކާމިޔާބު ބިރުވެރި ފިލްމުތަކެއް ގެނެސްދީފައިވާ ޑައިރެކްޓަރެކެވެ.

އޭގެ ތެރޭގައި "ރާޒް" ސީރީޒާއި "ހޯންޓެޑް 3ޑީ" އަދި "1920" ހިމެނެ އެވެ.