މީހަކު ދޯންޏަކަށް ފިޔާ ބަސްތާއެއް އަރުވަނީ: މިހާރު އިންޑިއާ އިން ކުރިއެކޭ އެއްގޮތަށް ފިޔާ ލިބޭނެ ކަމަށް ވަނީ ބުނެފައި. -- މިހާރު ފައިލް ފޮޓޯ / ނިޝާން އަލީ
13 އޮކްޓޯބަރ 2019 - 18:26
17 comments
މި މަހުގެ 10 ވަނަ ދުވަހުން ފެށިގެން ކުރިއެކޭ އެއްގޮތަށް އިންޑިއާ އިން ރާއްޖެ އަށް ފިޔާ އެތެރެކުރެވޭނެ ކަމަށް، ރާއްޖޭގައި ހުންނަ އިންޑިއާ އެމްބަސީން މިއަދު ބުނެފި އެވެ.
އެމްބަސީން ނެރުނު ބަޔާނުގައި ބުނީ ފިޔާ ދަނޑުތައް ހަލާކުވެ އިންޑިއާ އިން ފިޔާ އެކްސްޕޯޓްކުރުން މެދުޑުކަނޑާލާފައި ވިޔަސް، ރައީސް އިބްރާހިމް މުހައްމަދު ސޯލިހް އެންމެ ފަހުން އިންޑިއާ އަށް ކުރެއްވި ދަތުރުފުޅުގައި އިންޑިއާ ސަރުކާރުން ނިންމާފައިވާ ގޮތަށް، އަސާސީ މުދާ ސަޕްލައިކުރުމުގައި ރާއްޖެ އަށް ކަނޑައެޅި ހާއްސަ އުސޫލުގެ ދަށުން ފިޔާ އެކްސްޕޯޓްކުރާނެ ކަމަށެވެ.
ފިޔާ ލިބުން ދަތިވެ ބާޒާރުގައި އާދަޔާ ހިލާފަށް އޭގެ އަގު އުފުލިގެން ދިޔަ ނަމަވެސް، އެމްބަސީން ބުނި ގޮތުގައި ރާއްޖެ އަށް ފިޔާ އެކްސްޕޯޓްކުރުން މެދުކެނޑުނީ ކުޑަ ދުވަސްކޮޅަކަށެވެ. އެއީ އޮޕަރޭޝަނަލް މައްސަލަތަކެއްގެ ސަބަބުން އައި މެދުކެނޑުމެއް ކަމަށާއި އެކަމަކު މިދިޔަ ބުރާސްފަތި ދުވަހުން ފެށިގެން ކުރިއެކޭ އެއްގޮތަށް ރާއްޖެ އަށް އިންޑިއާ އިން ފިޔާ ލިބޭނެ ކަމަށެވެ.
އެމްބަސީން ބުނި ގޮތުގައި މިއީ އިންޑިއާ އާއި ރާއްޖެއާ ދެމެދު އޮތް ޒަމާންވީ އެކުވެރި ގުޅުމާއި އެއްގައުމު އަނެއް ގައުމަށް ކުރާ އިހްތިރާމްގެ ރަމްޒެކެވެ.
މިދިޔަ ބުރާސްފަތި ދުވަހުން ފެށިގެން ބާޒާރުން ފިޔާ ވަނީ ގާތްގަނޑަކަށް ހުސްވެފަ އެވެ. ހޯލްސޭލް ބައެއް ފިހާރަތަކުން ފިޔާ ކޮންޓްރޯލް ކޮށްގެން ވަކިވަކިން ކިލޯއިން ވިއްކާ އިރު ރީޓެއިލް ފިހާރަތަކުން ފިޔާ ކިލޯއެއްގެ 50ރ. އަށް ވިއްކަ އެވެ. އަދި ފިޔާ ބަސްތާއެއްގެ އަގު 1،200ރ. އަށް އުފުލުނެވެ.
އިންޑިޔާ އަށް ކުރި ވިއްސާރައާ ގުޅިގެން ފެންބޮޑުވެ، އެ ގައުމުގައި އުފައްދާ 35 ޕަސެންޓް ފިޔާ ދަނޑުތައް އެއްކޮށް ވަނީ ހަލާކުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދީދީ
15 October 2019
އިންޑިޔާ މީހުނަށް ޝުކުރިއްޔާ !
މަލިކު ފިޔޮޅު ރީތި މަގު
14 October 2019
ބޮޑުތިލަދުންމަތީގެ މީހުންނަށް ފިޔާ މަދުވެގެން އުޅޭކަށް ނުޖެހޭ މަލިކުން ބޭނުން ވަރަކަށް ފިޔާ ލިބޭ ބޭނުންވަނީ ގޮތް ދޫކޮށް އާޚިޔާލާ އައު މަގުތައް ހުޅުވުން ޔާމީނު ބަންދުކޮށްފަ ހުރި ދޮރުތައް ހުޅުވުން ބޮޑު ތިލަދުންމަތީގެ މީހުންނަށް މަލިކަށް ގޮސް ޞިެްޙީ ފަރުވާއާއި ވިޔާފާރީގެ ރޮނގު ފަހިކުރުން
ހޮޓްކިންގ
14 October 2019
މިހާރު މިއޮތީ އިންޑިއާމީހުން ދިނީމާ ކައިގެން ބޮއިގެން ޢިމާރާތް ކޮށްގެން އުޅެވޭނެ ގޮތަށް އޮތް ސަރުކާރު. އެކަން އެބަވޭ. އެކަމަކު ޔާމީނުގެ ވެރިކަމުގައި ތިޔަ އިންޑިއާއިން ހާވާ ހަޑީގެވާހަަކަ ނުވެސް އަހަން. ބިސް، ފިޔާ، އަލުވި ނުލިބިގެން އުޅުނު އަޑެއް ނާހަން. އިންޑިއާއިން ހިލައާއި ލިލަވެލި ނުދޭންވެސް ނިންމި. އެކަމަކު އިމާރާތްކުރުންވެސް އެހާ ބާރަށް ކުރިއަށް ދިޔަ ވެރިކަމެއް ނެތް.
ހޮޓްކިންގ
14 October 2019
ކާކު ބުނީ ފިޔާ ނުލިބެއޭ. މިހާރުވެސް ލިބޭ ކިލޯއެއް 80 ރުފިޔާއަށް.
މިއަދު
14 October 2019
މިއަދު 14
ޢެޑޯ
13 October 2019
ޝުކުރު ކޮށްބަލަ! އިންޑިޔާ މީހުން އަމިއްލައަށް ކުރި ކަމެއްނޫނޭ ފިޔާދަނޑުތަށް ހަލާކުވުމަކީ. މީ ޔާމީނު ވެރިކަން ނަމަ ވެސް ހަމަ އިންޑިޔާ އިން ފިޔާއަށް އާދޭސް ކުރާނީ. އެކަން ވަރަށް ރަނގަޅަށް އިނގޭ ފެނަށް ޖެހުނު ދުވަހު. ދިވެހިންނަކީ ސައިޒް އޮޅިގެން އުޅޭ ބައެއް. އިންޑިޔާ މީހުން ކިޔަވާދިނީމަ އިނގިރޭސި އަކުރު އަޅަން އިނގުނު ،މީހުން މިރާއްޖޭގަ ގިނައީވެސް! ހަނޑޫ، ހަކުރު، ފުށް، ފިޔާ، އަލުވި އިންްޑީޔާއިން އެތެރެކޮށްގެން ކައި ބޮޑުވީވެސް!
ޢަލީއަހު
13 October 2019
މިއަދު 13
ފިކުރު
13 October 2019
މަލިކަސް ވަދެފަ ފިޔާ އޮޑިއެއް ބަރުކޮށްލައިގެން އާދެވޭ 2 ގަޑިއިރު ތެރޭގައި
މުރާސިލް
13 October 2019
ދެން ތިކަހަލަ ބައިސާ ކަނޑާށެވެ. ތިޔަބުނާ ''ގާތްކަން '' ރައީސް ޔާމީންގެ ސަރުިކާރުގެ ދުވަސްވަރު ނެތް އިރުވެސް ފިޔާގެ އަގު މިވަރަކަށް ނާރައެވެ. ކޮންމެވެސް މޮޅު އެއްޗެކޭ ކިތައިގެން ބައިސާ ކަޑާށެވެ. އަހަރެމެންގެ މުޅި ޤައުމު ހިތަކަށް ދިނީމާވެސް ފިކާކޮޅުވެސް ތިޔަ އުޅެނީ މިޤައުމަށް ސަޕްލައި ކޮށް ނުދެވިގެންނެވެ. ދެން ކަލޭމެންނަށް ކޮށްދެވޭނީ ކޮންކަމެއް ހެއްޔެވެ؟
ފަުޒީން
13 October 2019
ފިޔާ އެބަޖެހޭ އިންޑޮނީޝިތާ މެލޭޝިޔާ ތައިލޭންޑުން ގެންނަން.