ރައީސް އޮފީހުގެ އަންޑަ ސެކްރެޓަރީ އަހްމަަދު ހަމްދާން. އޭނާ ވިދާޅުވީ އިންޓަނެޓް އަގުހެޔޮކުރުމުގެ މަޝްވަރާތައް އަދި ނުނިނޭ ކަމަށް. ފޮޓޯ:ހުސައިން ވަހީދު/މިހާރު
16 އޮކްޓޯބަރ 2019 - 15:36
30 comments
ސަރުކާރުގެ އެކްޝަން ޕްްލޭނުގައި އިންޓަނެޓް އަގު ހެޔޮކުރުމުގެ މަސައްކަތް މި އަހަރަށް ކަނޑައަޅާފައި ނެތުމުން، އެކަން މި އަހަރުގެ ތެރޭގައި ނުވާނެ ކަމަށް ބެލެވެން ފަށައިިފި އެވެ. އެކަމަކު ރައީސް އޮފީހުން ބުނީ އެކަމާ ބެހޭ ގޮތުން ޓެލެކޮމް ކުންފުނިތަކުން ހުށަހަޅާފައިވާ ހުށަހެޅުންތަކާ މެދު ކުރާ މަޝްވަރާތައް އަދިވެސް ނުނިމޭ ކަމަށެވެ.
ނޫސްވެރިންނަށް މައުލޫމާތު ދިނުމަށް އޮފީސްތަކުން ބާއްވަމުން އަންނަ "ނުވަ ގަޑި" ސިލްސިލާގެ ތެރެއިން ރައީސް އޮފީހުގައި މިއަދު ބޭއްވި ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ރައީސް އޮފީހުގެ އަންޑަ ސެކްރެޓަރީ އަހުމަދު ހަމްދާން ވިދާޅުވީ އިންޓަނެޓްގެ އަގު މި އަހަރު ހެޔޮކުރަން ސަރުކާރުގެ ސްޓްރެޓެޖިކް އެކްޝަން ޕްލޭނުގައި ނެތް ކަމަށެވެ.
ސްޓްރެޓީޖިކް އެކްޝަން ޕްލޭން (އެސްއޭޕީ)ގައި އޮތީ އަތްފޯރާ އަގެއްގައި ފެންވަރު ރަނގަޅު އިންޓަނެޓް ޚިދުމަތް ލިބޭކަން ކަށަަަވަރު ކުރުމަށް ކުރަން ޖެހޭ މަސައްކަތްތައް އަންނަ އަހަރާއި 2021 ވަނަ އަހަރު ކުރުމަށެެވެ. އިންޓަނެޓްގެ އަގު ހެޔޮކުރުމަށް ކުރަން ކަނޑައަަޅާފައިވާ ކަމަކީ ރާއްޖޭގައި އިންޓަނެޓްގެ ހިދުމަތް ދޭ ފަރާތްތަކުގެ މެދުގައި ވާދަވެރިކަން އުފެދޭ ފަދަ ފިޔަވަޅުތަކެއް އެޅުމެވެ. ހަމްދާން ވިދާޅުވީ އެ މަ މަޝްވަރާތައް މިހާރު ވެސް ކުރިއަށްދާ ކަމަށެވެ.
އިންނެޓްގެ އަގު މި އަހަރު ހެޔޮ ކުރަން ސަރުކާރުގެ އެކްޝަން ޕްލޭންގައި ހިމަނާފައި ނުވިޔަސް، ވެރިކަމުގެ ފުރަތަމަ އަހަރު އިންޓަނެޓް އަގުހެޔޮ ކުރުމަކީ ރައީސް އިބްރާހީމް މުހައްމަދު ސޯލިހުގެ ރިޔާސީ ވައުދެކެވެ.
"އަޅުގަނޑުމެންގެ އެކްޝަން ޕްލޭންގައި ކަނޑައަޅާފައި އޮތީ މި އަހަރު އެކަން [އިންޓަނެޓް އަގުހެޔޮކުރުމުގެ ކަންތައް] ކުރާކަށް ވެސް ނޫން. އަޅުގަނޑަށް ހީވަނީ މިސްކޮމިއުނިކޭޝަނެއް ހެން، އަޅުގަނޑު ދުށިން މީޑިއާގައި ޖައްސަވާފައި އޮއްވާ މި އަަހަރުގެ ތެރޭގައި އެކަން ކުރާ ކަަމަށް ރަައީސް ވިދާޅުވިއޭ،" ހަމްދާން ވިދާޅުވި އެވެ.
އޭނާ ވިދާޅުވީ އިންޓަނެޓް އަގުހެޔޮކުރުމުގެ ކަންތައް ރައްޔިތުން އުއްމީދުކުރާހާ އަވަަހަށް ނުވެގެން އުޅެނީ އެއީ އުނދަގޫ ގިނަ ކަންތައްތަކަށް ބަލައިގެން ކުރަން ޖެހޭ ކަމަކަށް ވާތީ ކަމަށެވެ.
އިންޓަނެޓް އަގުހެޔޮކުރުމާ ބެހޭ ގޮތުން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހް ޖަމާލް އެންމެ ފަހުން ވިދާޅުވެފައި ވަނީ އިންޓަނެޓްގެ ޚިދުމަތުގެ އަގުހެޔޮ ކުރުމަށް އެ މިނިސްޓްރީން ކުރަން ޖެހޭ ހުރިހާ ކަމެއް ނިންމާފައިވާ ކަމަށާއި ފަހުގެ ނިންމުން ނިންމުމުގެ ހުރިހާ ބާރެއް އޮތީ ރައީސް އޮފީހުގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާލަތުހުރިގޮތް
16 October 2019
ކީއްކުރަން ދޭ ސަބްސިޑީއެއް. މިހާރުވެސް ރާއްޖޭގަ އެންމެ ޕްރޮފިޓް ބޮޑު ދެ ކުންފުންޔަކީ ދިރާގު އަދި އުރީދޫ.. އިތުރަށް އަދިވެސް ސަބްސިޑީ ދޭންވީ އެމީހުންނަށް.. އެއިތާ މި ޤައުމިގެ ނިކަމެތިންނަކީ
މުރާސިލް
16 October 2019
މުޅިންވެސް ދޮގާއި ބުޚުރތާނު ހަދައިގެން ވެރިކަން ކުރަމުން ގެންދާށެވެ. ތިކަންވެސް ތިޔަ ދިޔައީ 100 ބަންދު ދުވަސްތައް ނުލާ ގުނި ގޮތަށެވެ. މިއޮތީވޤ ސަރުކާރެކެވެ. އެތައް ވަޢުދަކާއި އަޚުދެއްވެގެން ރައްޔިތުންގެ ރުހުން ހޯދައިގެން ވެރިކަމށް އައިސް ތިޔަހެން ރައްޔިތުން ރުޅި ނާރުވާށެވެ.
ޙުސެން އަލީ ސަމީމް
16 October 2019
ރައީސް އޮފީހުގެ ހުންނަ ޕޮލިސީ އޮފީހަށް މިހާ ކުޑަ ކުދީން ލީމަ ވާނެގޮތް މިފެންނަނީ. ނެޓް ހެޔޮކުރަން ޖެހެނީ 5 ވަނަ އަހަރަކު ނޫން. ޢަވަސް ކުރޭ.
ނާއްޓޭ
16 October 2019
ހުސް އަނގަ. ޢެއް ކަމެއްވެސް ނުވާނެ. ކަމެއް ކުރަން އެނގިގެނެއްނު ވާނީވެސް މި ސަރުކާރަށް.
ާއުނިމާ
16 October 2019
އެހެންވެގެންދޯ މިކަންކުރަން މިނިސްޓްރީއެއް ހަދައިގެން މިއުޅެނީ! ކަޅުވަކަރު މިސްކިތް ބަހައްޓަން މިނިސްޓްރީއެއް! ސްކޮލަރޝިޕް ދޭން މިނިސްޓްރީއެއް! ޕާކިން ޒޯން ހަދަން މިނިސްޓްރީއެއް! ހަމަ ސުލޯއީ! ހަޔާތުގަވެސް ނުދެކެން މިހައި ސުލޯ ސަރުކާރެއް! މިސަރުކާރު އައުމުން ހީކުރީ ލައްކައޭ، ނަަމަވެސް، މަޤާމުތައް ދޭން ފެށި މިންގަނޑުން މިހާރު ޔަޤީންވީ ރައްޔިތުންގެ އުއްމީދުތައް ފުއްދައިދެވޭނެ ފަންވަރާއި ޤާބިލްކަމެއްނެތްކަން! ޖަޒީރާދިރިއުޅުމަށް ވަރަށް ސަލާމް!
ވާލުސޮރު
16 October 2019
ސަބްސިޑީ ދީގެން އަގުހެޔޮކުރާކަށް ނުޖެހޭ، ތިއީ ތަނަވަސް ފޯރާ މީހުން ބޭނުން ވަރަކަށް ޖީބީ އަޅައިގެން ޕަބްޖީތަކާ ޓިކްޓޮކް ކުޅެން ގެންގުޅޭ އެއްޗެއް. މުހިއްމު ބޭނުން ނުކުރާ ވާހަކައެއްނޫން، އެކަމަކު ބޯހިޔާވަހިކަން ފަދަ ޒަރޫރީ ބޭނުންތައް ގުރުބާންކޮށްފަ އަގުހެޔޮކުރާނެ ކަމެއްނެތް
ނަސީދުބެ
16 October 2019
ނޯ ކޮމެންޓް... ކުރަން ނޭންގޭ ކަމެއްނުވާނެ އުމުރު ހުސްވިއަސް... ދިރާގަށް ވިކިހުސްވެފަ... ބޯހަލާކު...
އައްޔުބެ
16 October 2019
މަބޭނުންވަނީ ސަބްސިޑީދީގެން އިންޓަރނެޓް އަގުހެޔޮކުރާކަށްނޫން. އެއަށްވުރެ މުހިންމު މަށަށް ބޯހިޔާވަހިކަން ލިބޭނެގޮތެއްވުމާއި ރަށުން ރަނގަލުފެންވަރެއްގައި ސިއްހީ ހިދުމަތާއި ތައުލީމު ލިބޭނެގޮތްވުން. މިހާރު އަތަށް ކީލިގަނޑެއްވަނަސް ކަރަށް ކައްޓެއް ހެރުނަސް ދަތެއް އުފުރާލަންވިޔަސް ޖެހެނީ މާލެދާން.
ކައުންސެލަރު
16 October 2019
"އަޅުގަނޑަށް ހީވަނީ މިސްކޮމިއުނިކޭޝަނެއް ހެން، އަޅުގަނޑު ދުށިން މީޑިއާގައި ޖައްސަވާފައި އޮއްވާ މި އަަހަރުގެ ތެރޭގައި އެކަން ކުރާ ކަަމަށް ރަައީސް ވިދާޅުވިއޭ،" ބަލަ ރައީސް ވިދާޅުނުވިޔަސް އެއީ ރިޔާސީ ވަޢުދެއް. ކުޑަކުދިން އުޅޭހެން ނޫޅެބަލަ. ތިޔައުޅެނީ އެއްކަލަ ބޮޑުވަޒީރުގެ ޕާސްޕޯޓް ހިފަހައްޓައިފިއޭ ބުނީމާ ޕާސްޕޯޓް މައަތުގަ އެބައޮތޭ ބުނާހެން. މިއިރު ނޭނގޭ ސިސްޓަމުން ކަމެއް އެކަން ކުރަނީ؟ ވޯޓުދިން މީހުން މޮޔަހައްދާ! އެންމެނެއް މޮޔައެއް ނުވާނެ!
ވާދަވެރިކަން އިތުުރުކުރުން
16 October 2019
އިންޓަރނެޓް އަގުހެޔޮ ކުރު މަށްޓަކައި އިތުރު ދެ ޓެލެކޮ މް ކުންފުންޏަށް ލައިސަންސް ދޭންވީ އެއްނުން....... މިއީ މިހާ ފަސޭހަ ކަ މެއް...... ބައެއް މެންބަރުން ބުނާހެން ސަބްސިޓީ ދޭކަށް ނުޖެހޭ?
ވާލުސޮރު
16 October 2019
އެތައް މިލިޔަންގެ އާބާދީއެއް އޮވޭތޯ ތިވަރަށް ކުންފުނިތައް ގެނެސް ހިދުމަތްދޭން