ޖަލު ބަންދުގައި ތިބޭ މީހުންނަށް ބޮލާއި ތުނބުޅި ދިގު ކުރެވޭ ގޮތް ހަދައިފި

ގައިދީންތަކެއް މަސައްކަތުގައި: ގައިދީންގެ ބޮލާއި ތުނބުޅި ދިގު ކުރެވޭ ގޮތަށް ވަނީ ހަމަޖައްސާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

24 އޮކްޓޯބަރ 2019 - 12:31

ޖަލު ބަންދުގައި ތިބޭ މީހުންނަށް ބޮލުގެ އިސްތަށިގަނޑާއި ތުނބުޅި އަދި މަތިމަސް ދިގު ކުރެވޭ ގޮތަށް ކަރެކްޝަނަލް ސާވިސުން ހަމަޖައްސައިފި އެވެ.

އެ އިދާރާގެ ބެލުމުގެ ދަށުގައި ބަންދުގައި ތިބޭ މީހުންގެ ސުލޫކީ މިންގަނޑު ބަހައްޓަންޖެހޭ ގޮތުގެ އުސޫލުގައި ކުރިން އޮންނަ ގޮތުން، ފިރިހެނުންގެ ބޮލުގެ އިސްތަށިގަނޑާއި ތުނބުޅި ދެ ސެންޓި މީޓަރަށް ވުރެ ދިގު ނުކުރެވޭނެ އެވެ. އަދި މަތިމަސް ވެސް ހުންނަން ޖެހޭނީ ތުނިކޮށް ކޮށާފައި ނުވަތަ ބާލައިފަ އެވެ.

އެކަމަކު، އެ އުސޫލަށް އިއްޔެ ގެނައި އިސްލާހުގައި، ބޮލުގެ އިސްތަށިގަނޑާއި ތުނބުޅި އަދި މަތިމަސް ދެ ސެންޓި މީޓަރަށް ވުރެ ދިގު ނުކުރެވޭ ގޮތަށް އޮތް ބައިގެ ބަދަލުގައި މިހާރު ހަމަޖައްސާފައިވަނީ އިސްތަށިގަނޑާއި ތުނބުޅި އަދި މަތިމަސް ސާފުތާހިރުކޮށް ބަހައްޓަންޖެހޭ ގޮތަށެވެ.

މީގެ އިތުރުން، އަންހެން ގައިދީންގެ ބޮލުގެ އިސްތަށިގަނޑު ކޮނޑު ހުޅަށް ވުރެ ކުރު ނުވާނެ މިންވަރަށް ކޮށުމުގެ ފުރުސަތު ލިބޭ ގޮތަށް އޮތް ބައި އެ އުސޫލުން މިހާރު ވަނީ އުނިކޮށްފަ އެވެ.

ޖަލުތަކާއި ޕެެރޯލްގެ ގާނޫނުގެ ދަށުން، ކަރެކްޝަންސްގެ ދަށުން ހިންގަނީ ހުކުމް ތަންފީޒު ކުރާ މީހުން ބައިތިއްބާ އާންމު ޖަލުތަކާއި ޝަރީއަތް ނިމެންދެން ބަންދުކުރާ މީހުން ބައިތިއްބާ ރިމާންޑް ޖަލުތަކެވެ. ކަސްޓޯޑިއަލް ޖަލުތައް ބަލަހައްޓަނީ ފުލުހުންނެވެ.

ގައިދީން މާފުށީ ޖަލު ކަރެކްޝަނަލް ސާވިސް ޖަލުތައް

8 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުވާނާ.

24 October 2019

ދެންކީއްވެ ރިސޯޓު ކުދިންނައް ތުނބުޅި ނުބެހެއްޓެންވީ ވަރައް ތަފާތުކުރުންބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

24 October 2019

ވަރަށް ސަކަރާތް ނިންމުމެއް. ހަރުކަށިކަމަށް ވާގިވެރިވާ އެއްކަންތަކަކީ ތުނބުޅި އިސްތަށިގަނޑު ދިގުކުރުން، އަދި މޫނު ބުރުގާ އެޅުންކަމަށްވާއިރު، އެކަންކަމަށް ހިތްވަރު ލިބޭ މިބާވަތުގެ ކަންކަން ނުކުރުން ވަރަށް މުހިންމު. ކުއްވެރިވުމަށްފަހު އެ އިންސާނާ ހުންނަންޖެހޭނީ ވަކި މިންގަނޑުތަކަކަށް ފެތިފައި. ބޯ ތުނިކޮށް ޓްރިމްކުރެވެންވާނެ، 1 ސެންޓިމީޓަރަށް، ތުނބުޅި މަތިމަސްވެސް 1 ސެންޓިމީޓަރަށްވުރެއް ދިގުނުވާގޮތައް ތިނި ކުރަންޖެހޭ. ބައެއް ފަހަރު ބޯ ބާލަންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

24 October 2019

ޖަލުގައި ތިބެނީ ހުކުމެއް ތަންފީޒް ކުރަން. އެހެންކަމަށް ވާނަމަ އަސާސީ ހައްޤުތަކަކުން އެމީހުން މަހުރޫމް ވާނެ. ޖަލުތަކުގައި ތުނބިޅި މަތިމަސް އަދި ބޮލުގެ އިސްތަށިގަނޑު ބޭނުން ގޮތަކަށް ބެހެއްޓިގެންނުވާނެ.