ގައުމީ ބެޑްމިންޓަން ފައިނަލުގައި ނިބާލާއި އަޖުފާން ބައްދަލުކުރި މެޗުގެ ތެރެއިން: މި ދެ ކުޅުންތެރިންގެ ޕެއާ އިން ވަނީ ޕާކިސްތާން މުބާރާތުގެ ކުއާޓާ އިން ފުރުސަތު ހޯދާފައި.-- ފޮޓޯ: ނިޝާން އަލީ/ މިހާރު
08 ނޮވެމްބަރ 2019 - 11:08
ޕާކިސްތާނުގެ ވެރިރަށް އިސްލާމްއާބާދުގައި އިއްޔެ ފެށި ޔޮނެކްސް ސަންރައިސް ޕާކިސްތާން އިންޓަނޭޝަނަލް ސީރީސް ބެޑްމިންޓަން މުބާރާތުގެ އަންހެން ސިންގަލްސް ބައިން ފާތިމަތު ނަބާހާ އާއި ފިރިހެން ޑަަބަލްސްގެ ބައިން މުހައްމަދު އަޖުފާން އާއި ނިބާލް އަހުމަދުގެ ޕެއާ ކުއާޓާ ފައިނަލުގެ ފުރުސަތު ހޯދައިފި އެވެ.
އަންހެން ސިންގަލްސް ބައިން ނަބާހާގެ އިތުރުން ނީލާ ނަޖީބާއި އައިމިނަތު ނަބީހާ ވެސް ކުއާޓާ ފައިނަލުގައި ކުޅޭނެ އެވެ. ގައުމީ ޗެމްޕިއަންކަން މި އަހަރު ދިފާއުކުރި ނަބާހާ ކުއާޓާގެ ފުރުސަތު ހޯދީ ޕާކިސްތާންގެ އަނިލާ އިރުޝާދު އަތުން ސީދާ ދެ ސެޓުން މޮޅުވެގެންނެވެ. އަނިލާ އަތުން ނަބާހާ ސެޓުތައް ގެންދިޔައީ 21-11، 21-11 އިންނެވެ.
މުބާރާތުގެ ކުއާޓާ ފައިނަލް މެޗުތައް މިއަދު ކުޅޭއިރު، ނަބާހާ ކުޅޭނީ މި މުބާރާތުގައި އެއް ވަނަ އަށް ސީޑްކޮށްފައިވާ އީރާނުގެ ސުރައްޔާއާ ދެކޮޅަށެވެ. ނަބީހާ ވާދަކުރާނީ ޕާކިސްތާނުގެ ޕަލްވިޝާ ބަޝީރާ ދެކޮޅަށެވެ. އަދި ތަޖުރިބާކާރު ކުޅުންތެރިޔާ ނީލާ ބައްދަލުކުރާނީ ބުޝްރާ ގައްޔޫމްއާ އެވެ.
ޕާކިސްތާން މުބާރާުތުގެ ފިރިހެން ސިންގަލްސް ބައިގައި ރާއްޖޭގެ ޒަޔާން ޒަކީ ކުޅުނު މެޗުން ވަނީ ނޭޕާލުގެ ދެ ވަނަ ކުޅުންތެރިޔާ ކަމަށްވާ ދިޕޭޝް ދާމީ އަތުން ބަލިވެފަ އެވެ ދިޕޭޝް ސެޓުތައް ގެންދިޔައީ 21-07، 21-13 އިންނެވެ. ގައުމީ ޗެމްޕިއަން އަޖުފާން ބަލިވީ ޕާކިސްތާނުގެ އަޒީމް ސަރުވާރް އަތުން 21-16، 21-12 އިންނެވެ. އަދި ޒުވާން ކުޅުންތެރިޔާ ނިބާލް އަހުމަދު ބަލިވީ ވާދަވެރި ކުޅުމަށް ފަހު ޕާކިސްތާންގެ ރާޖާ މުހައްމަދު އަތުން ދެ ސެޓު އެއް ސެޓުންނެވެ. މެޗުގެ ފުރަތަމަ ސެޓު ނިބާލް އަތުން 21-16 އިން ގެއްލުނު ނަމަވެސް ދެ ވަނަ ސެޓު އޭނާ ވަނީ 17-21 އިން ގެންގޮސްފަ އެވެ. އެކަމަކު ފަހު ސެޓުން 21-12 އިން ބަލިވުމުން ކެޓީ އެވެ.
ފިރިހެން ޑަބަލްސް ބައިގައި ނިބާލާއި އަޖުފާންގެ ޕެއާ މޮޅުވީ އަފްގާނިސްތާނުގެ އަހުމަދު ނަދީމް އާއި ފަގީރީ ޝުޖާﷲގެ ޕެއާ އަތުންނެވެ. މެޗުގެ ސެޓުތައް ނިބާލާއި އަޖުފާންގެ ޕެއާ ގެންދިޔައީ 21-09، 21-12 އިންނެވެ. މިއަދު ކުޅޭ ކުއާޓާގައި ނިބާލާއި އަޖުފާންގެ ޕެއާ ބައްދަލުކުރާނީ ދެ ވަނަ އަށް ސީޑްކޮށްފައިވާ ތައިލެންޑުގެ ޕްރަދް އާއި އަޕިޗަސިތުގެ ޕެއާއާ ދެކޮޅަށެވެ.
އަންހެން ޑަބަލްސް ބައިގެ ކުއާޓާގައި ރާއްޖޭގެ ދެ ޕެއާ ވާދަކުރެ އެވެ. އެއީ ގައުމީ ޗެމްޕިއަން ނަބީހާ އާއި ނަބާހާގެ ޕެއާގެ އިތުރުން ނީލާ އާއި މައިސާ ފަތުހުﷲގެ ޕެއާ އެވެ. އަދި މިކްސް ޑަބަލްސް ބައިގައި ޒަޔާނާއި ނަބާހާގެ ޕެއާ އާއި އަޖުފާން އާއި މައިސާގެ ޕެއާ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހަސީ
09 November 2019
ބައެއް ކުޅުންތެރިން ބޭނުންވަނީ އަބަދުވެސް ބޮޑުގަހެއްގެ ނިވަލުގައި ހުރެގެން ކޮންމެފަދަ މުބާރާތެއްގައި ވިޔަސް އަދި ހުރިހާ އިވެންޓެއްގައި ކުޅެގެންވިޔަސް މެޑަލް ހޯދަން. ސިންގަލް ނުލިބުނިއްޔާ ޑަބަލްސް ނޫނީ މިކްސް އޮންނާނެތާ! އެކަމަކު މިއީ އެންމެ ރަނގަޅުގޮތެއް ނޫންދޯ. އަހަރެމެންގެ ކުޅުންތެރިންވެސް އެބަޖެހޭ މިއަށްވުރެ ދުރަށް ވިސްނައިގެން ހުރިހާ އިވެންޓެއް ކުޅުމުގެބަދަލުގައި ކޮންމެވެސް އެއް އިވެންޓަކަށް ސްޕެޝަލްވާން. މެޑަލެއްނޫން ފެންވަރު މަތިކުރަންވީ.
ނީޒާ ސަރީފް
08 November 2019
ޓުވިންސް އަށް ވުރެ ކުރިޔަށް ނީލާ
ނާނި
08 November 2019
ކޮބާ ނާ ސިންގަލްސް ކިހިނެއް ތިހެދީ
ޒުހުރީބެ
08 November 2019
ސާބަހޭ ނީލާ...ތި ހޯދި ބޮޑު ކާމިޔާބަށް...ސެމީ ގަ ވެސް މޮޅުވުމަށް ގަދަ އަޅާ މަސައްކަތް ކުރާތި
ނާނި
08 November 2019
ޚިޔާލުތަފާތުވުން ދޫކޮށް ހުރިހާކުދިން އެކީގައި މަސައްކަތްކުރަން އަދިވެސް ނުވިސްނަނީބާ! ރާއްޖެއަކީ ކުޑަކުޑަ ތަނެއް އަދި ކުޅޭކުދިން އެހާމަދު. ދެންކީއްވެބާ އެކިކުދިން އެކިގޮތަށް މި މަސައްކަތް ކުރަނީ؟
އަލޫ
08 November 2019
ސާބަސް ނިބާލް މިފަހަރުވެސް އެންމެ ރަނގަޅު ފައިޓެއް މިދިނީ މިސޮރުދޯ! އިންޝާﷲ ހުރިހާ ކުދިންނަށްވެސް ކާމިޔާބު ލިބޭނެ.
ރައިޓޭ
08 November 2019
ގާލްކުދިން ނިސްބަތުން މަދުވީމަ އެގޮތަށް ދިމާވަނީ އެކަމަކު ބޯއީކުދިން ގިނަވެފަ ފެންވަރުވެސް ތަންކޮޅެއް ތަފާތުވީމަ މެޑަލްހޯދަން އުނދަގޫވާނެ. އެހެންވިޔަސް ދިވެހި ކުދިންނަށްވެސް މިހާރު ފައިޓްކުރެވޭނެކަން ނިބާލްމެން އެދަނީ ސާބިތުކޮށްދެމުން ގުޑްލަކް އޯލް.
ދޮންބި
08 November 2019
ކްއާޓަރ އަށްވުރެ މައްޗަށް ދިއުމަށް ބޯއީޒް ގަދައަޅާ މަސައްކަތްކުރަން އެބަޖެހޭދޯ. މިބުނީ ނަތީޖާ ގޯސްވާހަކައެއްނޫން. ގާލްކުދިން ތަންކޮޅެއް ތަފާތުކޮށް ފެންނާތީ.
ޒޫޓް
08 November 2019
ސާބަސް ހުރިހާ ކުދިންނަށް. އަޅެ މިކުދިން މިކުރާ ހިތްވަރަށް ސާބަސްދީ ހިތްވަރުގެ ބަހެއްބުނެލާނެ ވެރިޔަކު ނެތީބާ! އެންމެން ސިޔާސީވެގެން ކަމަކުނުދާނެ. ރެކެޓްގަނޑެއް ހަދިޔާއެއް ދިއްކޮށްލާނެ ވިޔަފާރިވެރިޔަކުވެސް ބެޑްމިންޓަން ކުދިންނަކަށް ނުލިބޭ. ދެރަކަމެއްނު.