14 ނޮވެމްބަރ 2019 - 23:51
173 comments
ދީނީ އިލްމުވެރިޔާ އަދި ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެންބަރު ޑރ. އަފްރާޝީމް އަލީ އަވަހާރަކޮށްލި ހަމަލާ ރޭވީ މާލޭގައި ކުށުގެ އަމަލުތައް ހިންގަމުން ދިޔަ އަޒްލިފް ރައޫފް ކަމަށާއި އޭނާއާ އެކަން ހަވާލުކުރީ ދީނީ ގޮތުން އަފްރާޝީމާ ޚިޔާލު ތަފާތުވާ ބަޔަކުކަން، ގެއްލުވާލާފައިވާ މީހުންނާއި ގޮތް ނޭނގޭ މަރުތަކުގެ މައްސަލަތައް ބަލާ ރިޔާސީ ކޮމިޝަންގެ ތަހުގީގުން ހާމަވެފައިވާކަން "މިހާރު" އަށް އެނގިއްޖެ އެވެ.
އޮކްޓޯބަރު 2، 2012 ގައި އަފްރާޝީމް އަވަހާރަކޮށްލި މައްސަލައިގެ ތަހުގީގު ނިންމައި، މިއަދު ވަނީ ކަމާ ގުޅުން ހުރި އިދާރާތަކަށް ފޮނުވައިފަ އެވެ.
އަޒްލިފް ރައޫފް
އަފްރާޝީމްގެ މަރާ ގުޅިގެން މިހާތަނަށް ކުށް ސާބިތުވެފައިވަނީ ހ. ލޮބީ ހުސައިން ހުމާމް އަހުމަދުގެ މައްޗަށެވެ. އޭނާގެ މައްޗަށް އިއްވި މަރުގެ ހުކުމް ސުޕްރީމް ކޯޓުން ވެސް ވަނީ ދަމަހައްޓައިފަ އެވެ. ނަމަވެސް ކޮމިޝަންގެ ތަހުގީގުގައި ބުރަވެފައި ވަނީ ހުމާމާ އެކު ދައުވާ ލިބި ކުށް ސާބިތު ނުވި ހ. ހިކޯސްޓް އަލީ ޝާން (ސަޓޯ) ވެސް ހުމާމާ އެކު ބައިވެރިވެފައިވާ ކަމަށެވެ. ޝާން އަކީ، މިހާރު ވެރިކަން ކުރާ ކޯލިޝަންގެ މައި ޕާޓީ އެމްޑީޕީގެ އިސް އެކްޓިވިސްޓެކެވެ. އަދި އޭނާ އަކީ މިހާރުގެ ސިޔާސީ ބައެއް އިސްބޭފުޅުންގެ ގާތް އެކުވެރިއެކެވެ.
އަފްރާޝީމް އަވަހާރަކޮށްލި ކަމުގެ ތުހުމަތުގައި ކުރިން ހައްޔަރުކުރި އަލީ ޝާން (ސަޓޯ). އޭނާ ދޫކޮށްލީ ކުށް ސާބިތު ނުވުމުން. ނަމަވެސް ކަމާ ގުޅުން ހުރި އިދާރާތަކަށް ރައީސް މިއަދު ފޮނުއްވި ރިޔާސީ ކޮމިޝަންގެ ތަހުގީގުގައި ބުރަވެފައި ވަނީ އަފްރާޝީމް އަވަހާރަ ކޮށްލުމުގައި ޝާންގެ ބައިވެރިވުން ވެސް އޮތް ކަމަށް.
ޝާން އާއި ހުމާމްގެ އިތުރުން އޭރު އުމުރުން 18 ނުފުރޭ ކުއްޖަކަށް ވެސް ދައުވާކުރި އެވެ. އޭނާގެ ބައިވެރިވެރިވުން ވެސް ވަރަށް ބޮޑަށް އޮތްކަން ވަނީ ހާމަވެފަ އެވެ. އަފްރާޝީމަށް ހަމަލާ ދިނުމަށް އަޒްލިފް ބޭނުންކޮށްފައިވަނީ އޭނާ އިސްކޮށް އުޅޭ ގޭންގުގައި މަސްތުވާތަކެއްޗާއި ބަނގުރާ ވިއްކުމުގައި އޭނާ އަށް އެހީވާ މީހުންނާއި ކުދިންނެވެ.
ޑރ. އަފްރާޝީމް އަލީ: އޭނާގެ މަރަށް ހަތް އަހަރު ވި އިރު ވެސް އެ މަރުގެ ފަހަތުގައި ތިބި މީހުން ތިބީ ސިއްރުވެފައި. --ފޮޓޯ/މަޖިލީސް
އަފްރާޝީމް އަވަހާރަކޮށްލި ރޭ، އޭނާ އުޅުއްވި ހ. ފުންވިލުގޭ ކައިރީގައި އެ ރޭ ސައިކަލެއްގައި އިންނަ މީހެއްގެ ވީޑިއޯ ކޮމިޝަނުން ހާމަކޮށްފައި ވާއިރު އެ މީހަކީ އަޒްލިފް ކަމަށާއި އޭނާ ގެންދިޔައީ އަފްރާޝީމަށް ހަމަލާ ދޭނެ ގޮތްތައް ރާވައި އެކަމުގައި ބައިވެރިކުރި މީހުންނަށް އިރުޝާދުތައް ދެމުންކަން ވެސް ތަހުގީގަށް އެނގިފައިވެ އެވެ.
އަފްރާޝީމްގެ މަރުގެ މައްސަލާގައި އަޒްލީފުގެ މައްސަލަ ފަހުން ތަހުގީގުކުރަމުން ދަނިކޮށް އޭނާ ވަނީ 2015 ވަނަ އަހަރު ފުރައިގެން ރާއްޖޭން ބޭރަށް ގޮސްފަ އެވެ. ފަހުން ޚަބަރު ފެތުރުނު ގޮތުގައި އޭނާ ވަނީ ސީރިއާ ހަނގުރާމާގައި މަރުވެފަ އެވެ. ނަމަވެސް އެކަން ރަސްމީ ގޮތެއްގައި ކަށަވަރުވެފައެއް ނުވެ އެވެ.
އަފްރާޝީމްގެ މަރުގެ މައްސަލާގައި ކުށް ސާބިތުވެ މަރުގެ ހުކުމް އައިސްފައިވާ ހުސެން ހުމާމް (ކ) ކޯޓަށް ވައްދަނީ. --ފޮޓޯ/މިހާރު
"މިހާރު" އަށް އެނގިފައިވާ ގޮތުގައި އަފްރާޝީމް އަވަހާރަކޮށްލަން އަޒްލިފާ ހަވާލުކުރީ އަފްރާޝީމާ ދީނީ ގޮތުން ޚިޔާލު ތަފާތުވާ ބަޔަކު އެވެ. ތަހުގީގަށް، އެއީ ކޮން ބައެއްކަން ވެސް އެނގިފައިވެ އެވެ. އަދި މިއީ ސިޔާސީ ބޭނުމެއްގައި ކުރި ގަތުލެއް ކަމަށް ބާރު ލިބޭ އެއްވެސް ހެއްކެއް ލިބިފައެއް ނުވެ އެވެ.
އަފްރާޝީމް އަވަހާރަކޮށްލީ އޭނާ ގެޔަށް ވަދަވެވަޑައިގަތުމާ އެކު ގޭގެ ސިޑި ކައިރީގަ އެވެ. އޭނާގެ ކަރަށާއި ބޮލަށް ވަޅިން ހަމަލާދީ ވަރަށް ބޮޑަށް ޒަހަމްކޮށްލާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
16 November 2019
ކުރިން ތުންތުންމަތިން ދެއްކިވާހަކައިގެ އިތުރުން އިތުރުވާހަކައެއް ތިޔަކޮމިޝަނުގެ ވާހަކަޔަކުން ނުފެނެ
ސަހަރޯ
16 November 2019
ތިޔައީ ދީނީ ކަމެކޭކިޔާ ފަސްއަޅާ ފޮރުވަން އުޅޭއިރު ސުވާލަކީ އަފްރާޝީމް ދީނަށް ފުރައްސާރަކުރިހެއްޔޭ؟ ނުވަތަ ދީނީގޮތުން ޚިޔާލުތަފާތުވެ ފިތުނައުފެދޭވަރަށް މައްޗަށް ދިޔަހެއްޔޭ؟ މިޤައުމުގައި ދީނަށް ފުރައްސާރަކޮށް ފާޅުގައި އެކަން ހާމަކުރިބަޔަކުވެސް ހަމަނެތީހޭ؟ ކީއްވެހޭ ހަމައެކަނި ދީނޭކިޔައިގެން އަފްރާޝީމަށް އެޓޭކް އަންނަންވީ؟ ތިޔަ ކޮމިޝަނުން ތިޔަނިންމަނީ ކުރިންވެސް މައްސަލަތައް ނިންމާފައިހުރިގޮތަށް. ވަކި ތަފާތެއްނުފެނޭ. ބޭނުމެއްނެތް ކޮމިޝަނެއް.
ގޯޓާބޭ
19 November 2019
ކީބޯޑަކާއި އިގިއްޔެއް އޮތީމަ އެއްޗެއް ލިޔުނަކަސް ދެކޮޅެއް ނުޖެހޭނެއެވެ. 2012 އޮކްޓޯބަރ އެއްވަނަ ދުވަހުން ފެށިގެންވެސް ގިނަދިވެހިންގެ ހިތުގައި އުފެދިފައި އޮތް ޝައްކެއް ކޮމިސަންގެ ރިޕޯޓުން އެވަނީ ކަށަވަރުވެފައެވެ. ފަހަރެއްގައިވެސް ޑރ.ޝަހީމަކީ އަފްރާޝިމްގެ ޤާތިލެކޭ ރިޕޯޓްގައި ބުނެފައެއްނެތެވެ. ޢެހެނަސް އިތުރުފުޅު ހައްދަވާފައިވާކަން ޔަޤީނެވެ. ޢެދުވަހުގައި ޑރ އަފްރާޝީމް އަށް މުޢާމަލާތު ކުރިކަމާއި އެހެންބަޔަކުނަށް ކަމެއްގައި މަގުފަހި ކޮށްދީފައިވެއެވެ
ހުސެން...
16 November 2019
އަޒްލީފް އާ ހަވާލު ކުރި މީހުންގެ ނަންތައް ހާމަކޮށް އެމީހުން ހައްޔަރުކޮށް ތަހުގީގު ހިންގުން ލަސް ކުރަނީ ކީއްވެބާ އޭ ހިތަށް އަރާ.... މި ކޭސް ނިންމަން ވެއްޖެނު،،،
މޮޅުދޯ
15 November 2019
ރާއްޖޭގެ ފުލުހުންގެ ބޭނުމެއްނެތް. ފުލުހުންނަށް ވަކިގޮތެއް ނުހޯދި ހުރި ހުރިހާ މައްސަލަތަކެއް މިނިންމާލީ އެންމެ100 ދުވަސްތެރޭ . ވަރަށް މޮޅު.. މިކޮމިޝަނުން ނިންމާފައިވާާ މައްސަލަތައް ފަހުގެ ތާރީޚެއްގައި އެހެންގޮތަކަށް ނިމިގެންދާނަމަ. ދައުލަތުން މިކޮމިޝަނަށް ހޭދަކޮށްފައިވާ ހުރިހާ ޚަރަދަކާއި މުސާރައެއް ދައުލަތަށް ލިބިދޭންޖެހޭ.
ޕޮލިސް
18 November 2019
މި ހަބަރު ކޮމިޝަންގެ ތަހުގީގާ ހަވާލާދީފައިވާ ހުރިހާ ވާހަކަތަކަކީ މީގެކުރިން ފުލުހުން، މީޑިޔާ މެދުވެރިކޮށް، ހާމަކޮށްފައިވާ މައުލޫމާތު!
ވަރަށް މޮޅު
15 November 2019
100 ގެ ކޮމެންޓެއް. ކޮމެންޓުގެ މޮޅުކަމަކީ, ތިޔަ ވިދާޅުވާ ހައްދު ފަހަނަ އެޅި މީހުންވެސް މި ކޮމެންޓަށް ލައިކު ކުރާނެ. ފަހަރެއްގަ އެމް ޑީ އެން ވެސް ވަނުވާ ނޭންގި ލައިކް ކޮއްފާނެ.
އަލީ-12
15 November 2019
މިކަހަލަ ކޮންމެ މައްސަލައެއް މަރުކޮމިޝަން ހަދއިގެން ދީނީ އިލްމް ވެރިންގެ ބޮލަށް ޖަހަނީ މިޤައުމުގެ ދީން ބަލިކަށިކޮށް މިބައިމީހުން ބޭނުންވާ ގޮތައް މިޤައުމުގެ ކަންކަން ގެންދިއުމުގެ ބޭނުމުގަ.. އަފްރާޝީމް ގެ މަރުގެ ފަހަތުގަ ސިޔާސީ މީހުން ގެ އަތެއްވާކަން ވަނީ ހުމާމް ގެ ބަޔާނުގަ ފުރަތަމަވެސް ބުނެފަ.. 4މިލިއަން ރުފިޔާ ރީކޯމޫސަގެ ދަނބިދަރި ހުށައެޅިކަމަށްވެސް ވަނީ އިއުތިރާފް ވެފަ.. މި ސަރުކާރުން މިކަމަށް ފަސް އަޅަން މަރުކޮމިޝަން ހެދީ..
އެސް
15 November 2019
ދީނީ ފިކުރުގެ އާދައިގެ ބަޔަކު ކުރި ކަމެއްނަމަ ، ތަޙުޤީޤު ކުރަން މިހާ ދުވަހެއް ނުނަގާނެ ، މިހާރު ކިތައް އަހަރުވީ. އަދިވެސް އެބަޔަކު ހާމައެއްނުކުރެވޭ ، މާނައަކީ މިކަމުގެ އަޑީގައި އިސްކޮށް ތިބީ ސިޔާސީ ނުފޫޒު ގަދަ ބައެކޭ... ކޮމިޝަނުން މި އުޅެނީ ކޮންމެސް ގޮތަކުން ދީނީ ބައެއްގެ ބޮލަށް މިކަން ކެނޑޭތޯ ، ޑރ. އަފްރާޝީމް އެންމެ ބޮޑަށް މަސައްކަތް ކުރެއްވީ ސެކިއުލަރިސްޓުންނާ ދެކޮޅަށް... ވަރަށް ސާފު ،
ބޭހޮއްކޮ
15 November 2019
ބޮޑު ހަރަދު ކޮށް ކޮމިޝަން ހަދާފަ އާކަމެއް ނުކުރެވުނު
އަލީ-12
15 November 2019
މަރުކޮމިޝަން ހެދީ މިކަހަލަ ކަން ކަމަށް ފަސްއަޅާ ފޮރުވަން.. ހުރިހާ ކަމެއް ދީނާ ގުޅުވާ އިލްމުވެރިންގެ އަގުވައްޓާލާ އަސްލު މިކަމުގެ ފަހަތުގަ ތިބި މީހުން ފޮރުވުން މަރުކޮމިޝަނުގެ ބޭނުމަކީ.. އެކަމު ހުމާމް ވަނީ އޭނަގެ ފުރަތަމަ ބަޔާނުގަ މީ ސިޔާސީ ބަޔަކު ފަންޑް ކޮށްގެން ހިންގި ކަމެއްކަމަށް އިއުތިރާފް ވެފަ.އަދި މިކަމަށް ފަންޑް ކުރީ ރީކޯމޫސަގެ ދަނބިދަރި ކަމަށްވެސް ބުނެފަ..
ޢިސްހާގް
15 November 2019
ކޮބާހޭ ތިބުނާ ހަވާލު ކުރިބަޔަކީ؟ ކީއްވެތަ އެބަޔަކު ހާމަކުރަން ނުކެރިގެން ތިއުޅެނީ؟
ޖުލައި
15 November 2019
އަންނި ބުނީ އެމީހުން އެރޭ ފުރައިގެން ގޮއްސިޔޯ ، އޭނާ އާ ސުވާލު ކުރަން ޖެހޭ
ހަޒާނާ
15 November 2019
ހުރިހާވެސް މައްސަލަ އަކީ މައުމޫން ސަރުކާރުން ފެށިގެން ބަޔަކު އުފައްދަމުން އައި ގޭންގުތަކާއި, ދޯހަޅި ސިޔާސަތުގެ ތެރެއިން އަމިއްލައަށް އުފެދިގެންއައި ގޭންގުތަކެވެ. ކޮން އަޒުލީފެއް ހެއްޔެވެ. އޭނާ އެއީ ކާކުހެއްޔެވެ. މުޅި ހެންވޭރުގަ އޭނާގެ ކަޅު ރަސްކަން ހިންގިއެވެ. ފުލުހުންގެ އިންޓެލިޖެންސް އަށްވެސް އެކަން އެނގޭނެއެވެ. އެކަހަލަ އެތައް ދާދާއިންނެތް ފުލުހާއި ސިފައިންގެ ތެރޭގަވެސް އެބައުޅެއެވެ. އެމީހުން ކުރާކަމަކީ ގޭންގުތައް ބާރުވެރި ކުރުވުމާއި ހެކި ފޮރުވުމެވެ. ޤައުމެއްނެތެވެ.
މި މަހުގެ
15 November 2019
އަޒްލިފް އަންނިގެ ބޮޑީގާޑަކަށްވެސް އުޅުނު
ކީކޭބުނާނީ
15 November 2019
ފުލުހުންނާއި ކަމާއިބެހޭ އެހެން ފަރާތްތައްވެސް ގޭންގުތައް ދެކެ ބިރުގަނޭ. އެކަމަކުވެސް ރާއްޖޭގެ މުސްތަޤްބަލަށްޓަކައި އެބަޖެހޭ އެމްއެންޑީއެފް ނެރެގެން ވިޔަސް ގޭންގުތައް ރޫޅާލައި މުޖްތަމައުން ބޭރުކުރަން. ޢެހެންނޫނީ އެމީހުންގެ ބާރު ދާނީ ހަމަ ގަދަ ވަމުން. އެއްވެސް ސަރުކާރަކުން މިކަމަށް ސަމާލުކަންދޭ ތަނެއް ނުފެނޭ.