ކަރަންޓް ޔުނިޓަކުން ހަތަރު ލާރި ފިއުލް ސާޗާޖުގެ ގޮތުގައި ނަގަން ނިންމައިފި

އަމީނީމަގުގައި ހުންނަ ސްޓެލްކޯގެ މައި އޮފީސް އިމާރާތް: މިމަހުގެ 19 ވަނަ ދުވަހުން ފެށިގެން ވަނީ ފިއުލް ސާޗާޖު ނަގަން ނިންމާފައި.

އަބްދުﷲ ޖަމީލު، މިހާރު

28 ސެޕްޓެމްބަރ 2016 - 13:47

76 comments

ކަރަންޓު ޔުނިޓަކުން ހަތަރު ލާރި ފިއުލް ސާޗާޖުގެ ގޮތުގައި މިމަހުން ފެށިގެން ނަގަން ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ނިންމައިފި އެވެ.

މިއީ މިއަހަރުގެ ފެބްރުއަރީ މަހުން ފެށިގެން ކަރަންޓުގެ އަގަށް ބަދަލު ގެނައި ފަހުން ފިއުލް ސާޗާޖު ކަރަންޓް ބިލުގައި ހިމަނާ ފުރަތަމަ ފަހަރެވެ. މި ޗާޖު ހިމަނަން ފަށާނީ މިމަހުގެ 19 ވަނަ ދުވަހުން ފެށިގެންނެވެ.

ކަރަންޓުގެ ހިދުމަތް ދޭ ސަރުކާރުންގެ ކުންފުނީގެ ތަފާސްހިސާބުތައް ދައްކާ ގޮތުން އެ ކުންފުންޏަށް މިމަހުގެ 19 ވަނަ ދުވަހުން ފެށިގެން ޑީސަލް ލީޓަރެއް ގަންނަން ލިބޭ އަގު ވަނީ 8.12ރ. އަށް ބޮޑުވެފަ އެވެ.

ސްޓެލްކޯއަށް ޑީސަލް ގަންނަން ލިބޭ އަގު ލީޓަރެއް 8ރ. އަށް ވުރެ ބޮޑުވާނަމަ އިތުރުވާ ކޮންމެ 10 ލާރިއަކަށް ތިން ލާރި ފިއުލް ސާޗާޖުގެ ގޮތުގައި ނެގުމުގެ ހުއްދަ މޯލްޑިވްސް އެނާޖީ އޮތޯރިޓީން ވަނީ ދީފަ އެވެ.

STELCO .::. Fuel Surcharge

State Electric Company Limited

ސްޓެލްކޯއިން ގަންނަ ތެލުގެ އަގަށް އަންނަ ބަދަލުގެ ތަފުސީލްތައް.

އެ ކުންފުންޏަށް މިއަހަރުގެ ފެބްރުއަރީ މަހު ޑީސަލް ލީޓަރެއް ގަންނަން ލިބުނީ 7.05ރ. އަށެވެ. އެކަމަކު އެޕްރީލް މަހު މި އަގު ވަނީ 7.50ރ. އަށް ބޮޑުވެފަ އެވެ. އަދި އޭގެ ފަހުން ޖޫން މަހު ތެޔޮ ލީޓަރެއްގެ އަގު 7.97ރ. އަށް ބޮޑުވެފައިވެ އެވެ.

މި އުސޫލުން ފިއުލް ސާޗާޖް ނަގާ ނަމަ، މިހާރު 1،000ރ. އަރާ ބިލަކަށް ގާތްގަނޑަކަށް 33ރ. އިތުރުވާނެ އެވެ.

މިދިޔަ ޖެނުއަރީ މަހު އާއްމުން ބޭނުންކުރާ ކަރަންޓްގެ އަގުތަކަށް ގެނައި ބަދަލާ ގުޅިގެން ކަރަންޓް ބިލުގެ ބޮޑުވާ ކަމުގެ ޝަކުވާ ގިނަ ބަޔަކުކޮށްފައިވެ އެވެ. އަދި އޭގެ ފަހުން 500 ޔުނިޓުން ފެށިގެން ދަށުގެ ޔުނިޓްތަކުގެ އަގު ހެޔޮކޮށްފައިވެ އެވެ. އަދި އެއާއެކު ވެސް ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މިއަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ. ނަމަވެސް ކަރަންޓުގެ އަގަށް އޭގެ ފަހުން އެއްވެސް ބަދަލެއް ގެނެސްފައެއް ނުވެ އެވެ.

ކަރަންޓު ހަކަތަ ސްޓެލްކޯ ސަރުކާރުގެ ކަރަންޓް ޚަރަދު ކުޑަކުރުން

76 ކޮމެންޓް, 287 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާ

29 September 2016

މިދޭތެރޭން ކަރަންޓް ބިލުގަ ޖޫރިމަނާއޭކިޔާފަ އިން އަދަދެއްޖަހާރަ... ގުޅާފަ ޖޫރިމަނާއެއް ނުއިންނާނެޔޭ ބުނީމަ ބޫނީ އާނެތޯ ޖުރިމަނާއެއް.... އެއީ އޮޅުމަކޯ.... ކީކޭބުނާނީ.... މިގޮތަށް ކިތައްގެެެއިން އޮޅިގެން ޖޫރިމަނާ ދެއްކިފަ ހުންނާނެ... އާއްމުކޮށް ޖުމުލަ އިންނަވަރެއްއެކަނި ގިނަ މީހުން ބަލާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިންކޭ

29 September 2016

މި ލެވުނު ވޯޓަކުން ހަނާވެ ނިމިއްޖެ. -/500 ދީފަ ޒިންދަގީ ދޮވެލައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

29 September 2016

ރައްޔިތުން ފެލާލާ. ބޮޑުންގެ ޖީބު ފުރާލާ. ފާޑު ފާޑުގެ ޓެކްސް ތައް ނަގާ ކިޔައްތަ ތިޔަކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީދު

29 September 2016

ޢެކޮނުމިސްޓް ކޮބާ ؟ ފަސް އަހަރު ކުދަކުއްޖަކައްވެސް މިގޮތައް ގައުމް ހިންގަން އެގޭނެ ރައްއިތުންގެ ދިޔަފެލާއިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Sanam

29 September 2016

ޢިންތިހާބު ކައިރިވާ ވަރަކަށް ހެޔޮފުޅުކަމުން ކަނޑުއްވައި ދެއްވަން އިތުރު ކުރާ އެއްޗެއް. ތިކަން ތިގޮތަށް ކުރިކމެއް އަދި އެނގިނުލައްވާނެ. މިއަންނަ އަހަރު ތިޔަކަން އެނގިލޢްވާއިރަށް ކަނޑުއްވާނެ. :ޕ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުޅިބައްތި

29 September 2016

މަދުވި ޑޮލަރު ހަމަކުރަން އަނެއްކާވެސް އިތުރު އެތައް % އެއް މިއީ ކިހާ ރަނގަޅު ފޯމިއުލާއެއް ތޯ ހެއު މެނޭޖްމަންޓް އެބަ ދައްކާ އުދަރެހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިޓުހައުސް

29 September 2016

އަޅެ ކުންފުންޏައް ފައިދާނުވަނީތަފަހެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބެ

29 September 2016

ދިވެހިންނަކީ ވަރަށް އަވަހަށް ހަނދާން ނެތޭ ބައެއްވީމަ މަވެސް މީ ދިވެއްސަކަށްވާތީ މިހާރަކު ހަނދާނެއްނެތް، މިވާހަކައެއް. "ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މިއަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ. ނަމަވެސް ކަރަންޓުގެ އަގަށް އޭގެ ފަހުން އެއްވެސް ބަދަލެއް ގެނެސްފައެއް ނުވެ އެވެ."