ދުނިޔޭގެ ޓޫރިޒަމް ދުވަސް ފާހަގަކުރުމުގެ ގޮތުން، އިއްޔެ ހެނދުނު ރާއްޖެ އައި ޓޫރިސްޓަކަށް ހަދިޔާއެއް ދެނީ.-- ފޮޓޯ: ނިޝާން އަލީ/ މިހާރު
28 ސެޕްޓެމްބަރ 2016 - 15:49
29 comments
ރާއްޖޭގެ ޓޫރިޒަމް ހީނަރުވެފައި ވާތީ، މި އަހަރު އަންނާނެ ކަމަށް ލަފާކުރި 1.5 މިލިއަން ޓޫރިސްޓުން ހަމަ ނުވާނެ ކަމަށް ސަރުކާރުން ނިންމައިފި އެވެ.
ޓޫރިޒަމް މިނިސްޓަރު މޫސާ ޒަމީރު މިއަދު ނޫސްވެރިންނަށް ވިދާޅުވި ގޮތުގައި މިހާރުގެ އަމާޒަކީ މިދިޔަ އަހަރެކޭ އެއްވަރަށް 1.4 މިލިއަން ޓޫރިސްޓުން ގެނައުމެވެ.
ޓޫރިޒަމް ހީނަރުވުމަށް ދިމާވާ އެންމެ ބޮޑު ސަބަބަކީ، މިނިސްޓަރު ވިދާޅުވި ގޮތުގައި، އިދިކޮޅު ފަރާތްތަކުން ކުރާ ކެމްޕޭންތަކާއި ރާއްޖެ އަކީ ޓެރަރިޒަމްގެ ބިރު އޮތް ތަނެއްގެ ގޮތުގައި ބޭރު ދުނިޔެ އަށް ދެއްކުމެވެ. ދިވެހި ސަރުކާރުން ހިންގާ ކަމަށް ބުނާ ކޮރަޕްޝަންގެ އަމަލުތަކާ ގުޅޭ ގޮތުން އަލް ޖަޒީރާ އިން މި މަހު ނެރުނު ޑޮކިއުމެންޓްރީ އަށް ވުރެ ވެސް އެ ކަމުގެ އަސަރު ޓޫރިޒަމަށް މާ ބޮޑަށް ކުރާކަން އޭނާ ފާހަގަކުރެއްވި އެވެ.
އެެހެންވެ، ޓޫރިޒަމް އިޝްތިހާރު ކުރުމަށް ކަނޑައަޅާފައިވާ ބަޖެޓު ބޮޑުކޮށް، ޕީއާރު ކުންފުނިތަކާއި ކޮންސަލްޓެންޓުން ހަމަޖައްސާފައިވާ ކަމަށް މިނިސްޓަރު ވިދާޅުވި އެވެ. ރާއްޖެއާ ދެކޮޅަށް ހިންގާ ކެމްޕެއިންތަކުގެ ދޮގުކަން ބަޔާންކޮށް، ރާއްޖެއާ ބެހޭ ހަގީގީ މައުލޫމާތު ޓްރެވަލް އެޖުންޓާއި ޓުއާ އޮޕަރޭޓަރުންނަށް ކޮންމެ ދުވަހަކުހެން އެ ފަރާތްތަކުން ދެމުން ގެންދާނެ ކަމަށް އޭނާ ވިދާޅުވި އެވެ.
"... މެދުއިރުމައްޗާއި އެހެން ސަރަހައްދުތަކުގައި ހިނގި ހާދިސާތަކާއި އަޅުގަނޑުމެންގެ ބޮޑު މާކެޓުތައް ކަމަށްވާ ޖާމަނީ، ފްރާންސް ފަދަ ގައުމުތަކުގައި ހިނގި ހާދިސާތަކުން ވެސް ޝޮކް އައި،" ޓޫރިޒަމް އިޝްތިހާރު ކުރުމާ ގުޅޭ ގޮތުން ރާއްޖޭގައި ބާއްވާ އެންމެ ބޮޑު ކޮންފަރެންސްގެ ތެރެއިން މިނިސްޓަރު ނޫސްވެރިންނަށް ވިދާޅުވި އެވެ.
ރާއްޖެ އައި ޓޫރިސްޓުންގެ އަދަދު މިލިއަނަކަށް އެރީ 2013 ގަ އެވެ. ޖެހިގެން އައި އަހަރު 1.2 މިލިއަން ޓޫރިސްޓުން އައި އިރު، މިދިޔަ އަހަރު ވަނީ 1.4 މިލިއަން ޓޫރިސްޓުން ހަމަކޮށްފަ އެވެ. އަދި މިއީ "ވިޒިޓް މޯލްޑިވްސް އިޔާ" ކަމަށް ހަމަޖައްސައި 1.5 މިލިއަން ޓޫރިސްޓުން ރާއްޖެ ގެނައުމުގެ އަމާޒު މިދިޔަ އަހަރު ފަހުކޮޅު ސަރުކާރުން ވަނީ އިއުލާންކޮށްފަ އެވެ.
ރާއްޖެ އަށް 750،000 ޓޫރިސްޓުން އައި ކަމަށް ބުނެ އެކަން ސަރުކާރުން ވަނީ މިދިޔަ މަހުގެ ހަތެއްގައި ފާހަގަކޮށްފަ އެވެ. އެކަމަކު، އެއީ ސައްހަ އަދަދެއްތޯ އޭރު ވެސް އޮތީ ސުވާލު އުފެދިފަ އެވެ. މީގެ އިތުރުން، މިދިޔަ މަހު ރާއްޖެ އައި ޓޫރިސްޓުންގެ ތަފާސްހިސާބު، މި މަސް ނިމެން ކައިރިވެފައި ވާއިރު ވެސް ޓޫރިޒަމް މިނިސްޓްރީން މިހާތަނަށް އާއްމުކޮށްފައެއް ނުވެ އެވެ.
ރާއްޖޭގެ ޓޫރިޒަމް އަޑިއަޅާލާފައި އޮތުމަށް ފަހު މިހާރު އަނެއްކާ ވެސް ވަނީ ރަނގަޅުވާން ފަށައިފަ އެވެ. އެކަމަކު، ރާއްޖެ އަށް އެންމެ ގިނައިން ޓޫރިސްޓުން އަންނަ ޗަައިނާ ފަދަ މުހިއްމު މާކެޓުތައް ދަށަށް ދިއުމުގެ ބިރު އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުނދަލި
07 October 2016
މިހާރު މިއޮތް ސަރުކާރު މިހާރުވެސް އެއޮތް ގޮތަށް އޮވެގެން ނުވަތަ އިސްލާހުނުވެ އޮވެގެން މިގައުމު މިނޫން ހާލަތަކަށް ނާންނާނެ ކަމަށް މަވެސް ގަބޫލް ކުރަމަވެ. އެންމެ ދެރަ އާދައިގެ މީހާޔާވެސް ޖައްސާލަނީއެވެ. މީހުންގެ ހައްގެއް އަބުރެއް އުންމީދަކަށް އަންބަކަށް ދަރިޔަކަށް ނުބަލައެވެ.
ވވހ
28 September 2016
އިދިކޮޅު ފަރާތްތަކުން ކުރާ ކެންޕޭނޭ ނުކިޔަ ކަންކަން ހަމަ މަގުން ކުރެވޭތޯ ބަލާބަ. ދެން އެހެންނޫނީ ޓްއަރިސްޓުންގެ ގޮތުގަ ރާއްޖެ ނާއްނަ ގައުމުތަކުގެ މީހުންނަށް ފިޔަވަޅުއަޅާދޭށޭ ރިޔާޒު ކައިރީ ބުނެބަ... ލޮލް
ލަދުކޮބާ
28 September 2016
1.5 ކަށް ހިފި އަމާޒު 1.4 އަކަށް ބަދަލު ވީމާ ދެންކިޔާ މީހަކު ނައިސްގެން ރިސޯޓު ތަޢް ބަންދު ކުރަނީ ޢޭ ތި އެމް ޑީ ޕީ ބައިގަނޑު ތީ ހަމަ ތިވައްތަރު ބައިގަނޑެއް . ޢެވަރުވީމަވެސް މޭކަރާ ވަރުން ތި އުޅެނީ ހައް
އައްޑޫ ރަދުން
28 September 2016
ބަލަ އިދިކޮޅު މީހުން ބުނީ ގައުމުގަ ހިނގާ ކަންކަމުގެ ވާހަކަ.ތިބޭފުޅުންގެ ރެސްޕޮންޑަކަށްވީ ބައެއްމީހުން ގެއްލުވާލުމާ މީހުން އޮއްޓުއެޅުމާ ދަނޑިމާރު އެޅުމާ ތަޅުއެޅުވުމާއި މިކަހަލަ ކަންކަން މިއީކީ އެއްވެސް ހާލެއްގަ ސުލްހައަށް މަސައްކަތްކުރާ މީހުންކަންތައް ކުރާގޮތެނޫން،އަނިޔާވެރިވާނަމަ އޭގެ ހިތި ފެންނާނެ.އަދި ގަޔަށް ބޮލަށް އަރާތަންވެސް އަންނާނެ ވީމާ ލަސްނުކޮށް ގޯސްކަންތައް ރަނގަޅުކުރޭ އޭރުން ޓޫރިޒަމް އާއި އެހެނިހެން ކަންކަންވެސް ރަނގަޅުވާނެ.މިއީ އެންމެގެވެސް ގައުމު ކާކުތޯ ރުހޭނީ އެމީހެއްގެ ހައްގުބައި އެހެންމީހަކު ކާލާތަން ދެކެން.
އަދުރޭ
28 September 2016
ކިހިނެއް މިހެދީ، ކޮބާ ޕަލެޓް ޕަލެޓް އަވަހަށް ގެނޭ،
ބޯދާ
28 September 2016
ޖާހިިލިއްޔަ ޒަމާނުގައި ބަނޑުހައިވުމުން އަމިއްލަ އަހުންގެ މަސްވެސް ރޯވެސް ނުފިލުވައި ކޭކަމަށް ވޭ!!!!
މުޙައްމަދު
29 September 2016
ތިޔައީ ރޯމަރު ބުހުތާން ދޮގެއް.
މަައުސޫމު
28 September 2016
ހެޔޮވެރިކަން ކޮށްދޭން ފޫގެޅި ބޭފުޅުން މިހާރު ބައިކޮޅަށް ގޯލް ޖައްސަވަނީ، ވަރަށް ކަޑަ. ވެރިކަން ބަދަލު ކުރެވޭނެ ވޯޓު ފޮށިން.... ކޮންމެހެން ނުޖެހޭ މިގައުމުގެ އަގު ވައްޓާލާ ރައްޔިތުން ބިކަހާލުގައި ޖައްސާކަށް. އަޅުގަނޑު ދެނެއް އިސްލާހުނުވާހާ ހިނދަކު އެމްޑީޕީއަކަށްވެސް ވޯޓެއް ނުލާނަން. ޕާޓީން ވިސްނަންޖެހޭނީ އެންމެ މީހެއްގެ ހައްގުތޯ ނުވަތަ އެންމެހާ މެންބަރުންގެ ހައްގުތަށް ތޯ؟
ރަތްވިލާ
28 September 2016
އަޅުގަނޑުމެންގެ އަދީބު ހުރިނަމަ މިހެން ނުވީސް. އަދީބަކީ ފިސާރި ހީވާގި ބޭފުޅެއް. ދެންވެސް ގޮވާލަން އަދީބާއި ނަޝީދު މިނިވަންކޮށް އަވަސް އިންތިހާބެއް ބޭއްވުމަށް. އިކޮނޮމިސްޓަކަށް އަހަރެމެން ނުހިފޭއްޓޭނެ. ވެއްޓެނީ ވެއްޓެނީ.
ރައްފުށުމީހާ
28 September 2016
އެކަކު ނަޔަސް އަޅުގަނޑުމެންގެ ރައީސް އާއި އެމްއޯޔޫ ލީޑާރުންނަށް އަނބުރާ ރާއްޖެ އާދެވެނިކޮށް ނިމުނީ. ދެތިކި ޕީ.
ޕެެރޭޑު
28 September 2016
މިއީ ވަރަށް ވެސް އުފާވެރި ދުވަހެއް. އަޅުގަނޑުމެންގެ ރައީސް ނަޝީދު މިނިވަން ނުވަންޔާ އަޅުގަނޑުމެންނަށް އޯކޭ ނުކައި ނުބޮއެ ތިބެންވެސް. ކޮން ފަތުރުވެރިކަމެއް. މިފަހަރު އޮންނާނެ ހޭއަރާފަ އިކޮނޮމިސްޓަށް.