މިއަދު ރިޓްޒްބަރީ ޗޮކްލެޓްގެ ރަހަ ދައްކާލަނީ

ޕިރަމިޑްގެ ޕްރޮމޯޝަންތަކުގެ އެމްބެސެޑަރަކަށް ފިލްމީ ތަރި މަރިޔަމް އައްޒަ ހަމަޖެއްސުމުގެ ރަސްމިއްޔާތުގައި އޭނާ ބައިވެރިވަނީ: މިއަދު ބާއްވާ ސާމްޕްލިން ސެޝަންގައި އައްޒަ ބައިވެރިވާނެ.-- ފައިލް ފޮޓޯ: މިހާރު

މަރިޔަމް ސާލިޔާ، މިހާރު

29 ސެޕްޓެމްބަރ 2016 - 14:05

1 comments

ގިނަ ބާވަތްތަކެއްގެ ކާބޯތަކެތި ރާއްޖެ އަށް އެތެރެކުރާ ޕިރަމިޑުން ވިއްކާ ރިޓްޒްބަރީ ޗޮކްލެޓްގެ ރަހަ ދައްކާލުމުގެ ހަރަކާތްތަކެއް މިއަދު ބާއްވަން ހަމަޖައްސައިފި އެވެ.

ޕިރަމިޑް ފިހާރަ ހިންގަމުން އަންނަ އޭރީސް އެންޓަޕްރައިޒަސްގެ މާކެޓިން މެނޭޖަރު މުހައްމަދު ސޮބާހް ވިދާޅުވީ ރިޓްޒްބަރީ ޗޮކްލެޓްގެ ސާމްޕްލިން ހަރަކާތްތަކެއް އެސްޓީއޯ ސުޕަމާޓާއި ހުޅުމާލޭގައި ހުންނަ ހަތްތަރި މާޓުގައި ބާއްވަން ނިންމާފައިވާ ކަމަށެވެ. އެ ހަރަކާތް އޮންނާނީ ހަވީރު 4:30 އިން ރޭގަނޑު 9:30 އަށް ކަމަށް އޭނާ ވިދާޅުވި އެވެ.

އެސްޓީއޯގައި ބާއްވާ ސާމްޕްލިން ސެޝަންގައި ޕިރަމިޑްގެ ޕްރޮމޯޝަންތަކުގެ އެމްބެސެޑަރަކަށް ހަމަޖައްސާފައިވާ ފިލްމީ ތަރި މަރިޔަމް އައްޒަ ވެސް ބައިވެރިވާނެ އެވެ.

ސޮބާހް ވިދާޅުވީ އެ ސެޝަންތައް ކުރިއަށް ދާއިރު ރިޓްޒްބަރީ ޗޮކްލެޓެއް ގަންނަ ކޮންމެ މީހަކަށް މާރީ ބިސްކޯދު ޕެކެޓެއް ހިލޭ ލިބޭނެ ކަމަށެވެ.

ޕިރަމިޑުން އަންނަނީ 1984 ވަނަ އަހަރުން ފެށިގެން މަންޗީ މާރީ ބިސްކޯދާއި ކްރާފްޓް ޗީޒް އާއި ޓުޑޭސް ޓޭސްޓު ސައިފަތާއި މިއުޒިކް ވޭފާ އަދި ރާނީ ޖޫސް ފަދަ ގިނަ ބައެއްގެ މަގުބޫލުކަން ހޯދާފައިވާ އެއްޗެހި ރާއްޖެ އަށް އެތެރެކުރަމުންނެވެ.