އެމްއާރުޑީސީގެ ޗެއާމަނަކަށް އައްޔަން ކުރެއްވި ލަތީފު
29 ސެޕްޓެމްބަރ 2016 - 16:44
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)ގެ ޗެއާމަނަކަށް މުހައްމަދު ލަތީފް މިއަދު އައްޔަންކުރައްވައިފި އެވެ.
ގައުމީ އެއާލާއިން، މޯލްޑިވިއަން ހިންގާ އައިލެންޑް އޭވިއޭޝަންގެ ބޯޑު ޑިރެކްޓަރެއްގެ މަގާމުގައި ވެސް ހުންނެވި ލަތީފު ވަނީ ވޮލީ ބޯޅަ އެސޯސިއޭޝަންގެ ރައީސްކަމުގެ މަގާމަށް ވެސް މިހާރު ކުރިމަތިލައްވައިފަ އެވެ.
ޕްރައިވަޓައިޒޭޝަން ބޯޑުގެ ރައީސް މުހައްމަދު ނިޒާރު ކުރެއްވި ޓްވީޓެއްގައި ވިދާޅުވީ ސ. ހިތަދޫ ބްލޫވިލާ، މުހައްމަދު ލަތީފު އެމްއާރުޑީސީގެ ޗެއާމަނަކަށް އައްޔަން ކުރައްވާފައިވާ ކަމަށެވެ. އަދި އެ ކޯޕަރޭޝަންގެ ބޯޑު ޑިރެކްޓަރަކަށް ހ. ފާލަންދޮށުގޭ މުހައްމަދު ހުޝާމް އައްޔަންކުރައްވާފައިވާ ކަމަށް ނިޒާރުގެ ޓްވީޓުގައި ވިދާޅުވި އެވެ. ހުޝާމް ކުރިން ހުންނެވީ ކޮމިޝަނަ އޮފް ޕްރިޒްންސްގެ މަގާމުގަ އެވެ. އެކަމަކު ހުޝާމް އެމްއާރުޑީސީގެ ބޯޑު ޑިރެކްޓަރަކަށް މި އައްޔަން ކުރެއްވީ ކޮމިޝަނަ އޮފް ޕްރިޒްންސްގެ މަގާމުން ވަކިކުރައްވާފައިވާތާ ދުވަސްތަކަކަށް ފަހުގަ އެވެ.
އެމްއާރުޑީސީގެ ޗެއާމަންގެ މަގާމުގައި އިއްޔެއާ ހަމައަށް ހުންނެވީ ވޮލީބޯޅަ އެސޯސިއޭޝަންގެ ރައީސް މުހައްމަދު ރިޔާޒެވެ. ނަމަވެސް މަގާމުގައި ހުންނަން ބޭނުންނުވާތީ ކަމަށްބުނެ ރިޔާޒު ވަނީ އިސްތިއުފާ ދެއްވައިފަ އެވެ.
ވޮލީބޯޅަ އެސޯސިއޭޝަންގައި އެންމެ ފަހުން ބޭއްވި އިންތިހާބުގައި މައްސަލަތަކެއް ކުރިމަތިވެ އިންތިހާބު އަލުން ބާއްވަން ތައްޔާރުވަމުން އަންނަ އިރު، ރިޔާޒު ދެން ވާދައެއް ނުކުރައްވާނެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އިބޫ
30 September 2016
ކުޅިވަރު ސިޔާސީ ކޮށްގެން މިއުޅޭނީ ކިހާބޮޑު ކަމެއް
އިނެވެސްޓަރުން
29 September 2016
ޙުސް ތޮށިގަނޑު މުޅިން ބޯއި އޮނަށް ހަދާފަ ދެން ކުރެވެން ހުރިކަމަކީ ކަރަންޓް އަގު ބޮޑުކޮށް ކާޑުގެ ބާވަތްތައްވެސް ބޮޑު ކުރުން ވެއްޓެނީ
ކާފަ03
29 September 2016
ބަދަލުގަ ލަތީ ދޯ؟
ހުސް
29 September 2016
ތިއީ ކައިކައި ހުސްކޮށްފަ އޮތް ތަނެއްތަ؟؟؟
ރަޝީދުބެ
29 September 2016
ވޮލީބޯޅަކުޅެން އެނގުމަކީ މަގުހެދުމަށް ކޮންމެހެން ހުންނަންޖެހޭ ޝަރުތަކަށް މިވަނީތާއެވެ.