04 ޑިސެމްބަރ 2019 - 15:27
49 comments
ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީގެ މަރާ ގުޅިގެން ރިޔާސީ ކޮމިޝަނަށް ދޮގު މައުލޫމާތު ދިން ކަމުގެ ތުހުމަތުގައި ދައުވާކުރަނީ އޭނާގެ ސިޔާސީ މުސްތަގުބަލު ދުއްވާލަން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
ގެއްލުވާލާފައިވާ މީހުންނާއި ގޮތް ނޭނގޭ މަރުތަކުގެ މައްސަލަތައް ބަލަން ރައީސް އިބްރާހިމް މުހައްމަދު ސޯލިހް އުފެއްދެވި ރިޔާސީ ކޮމިޝަނުން ޝަހީމްގެ މައްސަލަ މިއަދު ވަނީ ދައުވާކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ފޮނުވައިފަ އެވެ. ޝަހީމްގެ މައްޗަށް ތުހުމަތު ކުރަނީ އަފްރާޝީމްގެ މައްސަލައިގެ ތަހުގީގަށް ޝަހީމް ދޮގު މައުލޫމާތު ދެއްވާފައިވާތީ އާއި ތަހުގީގަށް ހުރަސް އަޅުއްވާފައިވާތީ ކަމަށް ބުނެ އެވެ.
ޝަހީމް މިއަދު ކުރެއްވި ޓްވީޓެއްގައި ވިދާޅުވީ އަފްރާޝީމްގެ މަރާ އޭނާއާ އެއްވެސް ގުޅުމެއް ނުވާ ކަމަށެވެ.
"ދައުވާކުރަނީ އަޅުގަނޑުގެ މަސައްކަތަށް ހުރަސް އަޅައި ސިޔާސީ މުސްތަގުބަލު ދުއްވާލުމަށް. މާތް ﷲއާ ވަކީލް،" ޝަހީމް ވިދާޅުވި އެވެ.
alhugandaaa evves varakah gulhumeh ney kameh ge thereah alhugandu lai, alhugandu ge aburu kathilai, alhugandu ge mahchah jinaaee dhauvaa kuran fonuveethee ajaybu vameve. PG ofeehuga alhugandu edhenee siyaasee dhauvaa ah jaaga nudhevvumasheve.
— Mohamed Shaheem Ali Saeed (@Mohamedshaheem1) December 4, 2019
ޝަހީމް ކުރެއްވި ޓްވީޓް---
ޝަހީމް ވިދާޅުވީ އޭނާއާ ގުޅުމެއް ނެތް ކަމެއްގައި ދައުވާކުރާތީ އަޖައިބުވާ ކަމަށެވެ. ސިޔާސީ ދައުވާތަކަށް ޖާގަ ނުދެއްވުމަށް ޕީޖީ އޮފީހަށް ވެސް ޝަހީމް ވަނީ ގޮވާލައްވައިފަ އެވެ.
އަފްރާޝީމްގެ ރިޕޯޓު އާއްމުވުމާ އެކު، މަރާ ގުޅިގެން އަލަށް އެންމެ ބޮޑު ތުހުމަތެއް އެޅުނީ ޝަހީމްގެ އިސްތަށިފުޅުގަ އެވެ. ސަބަބަކީ އަފްރާޝީމް، އަވަހާރަކޮށްލި ރޭ ޓީވީ ޕްރޮގްރާމަށް އަރާވަޑައިގަތުމާ ގުޅޭ ގޮތުން ޝަހީމް ދެއްވި ބަޔާނާއި ހެކީގެ ގޮތުގައި ހޯދި ފޯން މެސެޖްތަކުގައި ބޮޑެތި ފުށުއެރުންތަކެއް ހުރުމުންނެވެ.
ދައުވާ ކުރަނީ އަޅުގަނޑުގެ މަސައްކަތަށް ހުރަސް އަޅައި ސިޔާސީ މުސްތަގުބަލު ދުއްވާމުލަށް. މާތް ﷲ އާ ވަކީލް،-- ޝަހީމް
އެކަމަކު މި ތުހުމަތު ދޮގުކުރައްވައި ޝަހީމް ވިދާޅުވެފައި ވަނީ ކޮމިޝަނަށް އޭނާ ދެއްވީ ތެދު މައުލޫމާތު ކަމަށެވެ. އަފްރާޝީމަށް، އިލްމުވެރިންނާ އެއް މޭޒަކުން ބައްދަލުވެވޭ ގޮތާއި ޓީވީ ޕްރޮގްރާމުން ފުރުސަތު ހޯއްދެއްވީ އަފްރާޝީމް އެދިވަޑައިގަތުމުން ކަމަށް ޝަހީމް ވިދާޅުވެފައިވެ އެވެ.
BREAKING: Dr. Shaheem ah dhauvaa kodhinumah edhi PG ah fonuvaifi
The most trusted news source in the Maldives
Mihaaru
ޝަހީމަށް ދައުވާ ކޮށްދިނުމަށް ފޮނުވުން---
އަފްރާޝީމް އަވަހަރާކޮށްލި އިރު ޝަހީމަކީ، ކުރީގެ ރައީސް ޑރ. މުހައްމަދު ވަހީދުގެ ސަރުކާރުގެ އިސްލާމިކް މިނިސްޓަރެވެ. މަރު ކޮމިޝަންގެ ތަހުގީގަށް އޭނާއާ ސުވާލުކުރީ، ދައުލަތުގެ މީޑިއާ، ޓީވީއެމްގެ "އިސްލާމީ ދިރިއުޅުން" ޕްރޮގްރާމަށް އަފްރާޝީމަށް ފުރުސަތު ލިބިވަޑައިގަތް ގޮތާ ގުޅޭ ގޮތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
06 December 2019
ދީނީ ޢިލްމުވެރިން އެހާ ސިޔާސީވުން، ރަގަނޅު ފާލެއް ނޫން!
ދަތްނެތްކުއްޖާ
05 December 2019
ދީނީ ސޭޙުން ސިޔާސީ މައިދާނުގެ ތެރެއަށް ބޯ ކޮއްޕާލަނީ އެވެރިންނަށް ކޯޗެއް ނުލިބިގެންބާ! ރައްޔިތުންނަށް ދީނީ ދަރުސުތައް ދިނުމުގައި ދެމި ތިބެންވީނޫންތޯ!
ހޔއދ
05 December 2019
ޢުޤޫބާތް ލިބޭނީ، ނޫނީ އަންނާނީ އެކިވަޤުތުގަކަން ޤަބޫލުނުކުރުއްވަވާކަމުގައި ނުވަތަ ނުވިސްނަވާކަމުގައި އެބަބެލެވެއެވެ. ބަޣާވާތަކީ ކޮބައިކަމާއި، ކިހާވަރެއްގެކަމެއްކަން ޝެއިޚަށް ރަނގަޅަށްއެނގިވަޑައިގަންނާނެކަމާއިމެދު ޝައްކެއްނުކުރާނަމެވެ. މިސާލުތަކާއި އެކަމުގެވަނަވަރު ރަނގަޅަށް ދެނެވަޑައިގަންނާނެކަން ޔަޤީނެވެ. ޢިލްމުވެރިން ސިޔާސަކުދީންނަށްވެ، މަގުމައްޗަށްނުކުމެ، ސިޔާސަވީމައި ވާނެގޮތް ތިހިރަދަނީ ވަމުންކަމުގައި ބައްލަވައި، ޝަކުވާނުކުރުއްވާށެވެ.
ޔާސްމީން
05 December 2019
ތީ އެއްވެސް ސިޔާސީ މުސްތަގްބަލެއް އޮތް މީހެއްވެސް ނޫން. އަދިވެސް މާ ދީންވެރި މީހަކަށް ހެދިގެން އުޅެ، ދޮގުހަދާ.
އަލީ19
05 December 2019
މިކަލޭގެ ޖަލަށް ލާ ދުވަހަކުން މަ ވަރަށް އުފާކުރާނަން. ޞަދަގާތްވެސް ކުރާނަން.
މޯޑް
05 December 2019
ޔާމީނާއި އެއްގޮޅިއަކުން ބަންދަލު ވެލާނެ ފުރުސަތު ލިބިންޖެއްޔާ ސީޔާސީމުސްތަގުބަލާ މެދު މަސްވަރާކޮށްލާ.
1234
05 December 2019
ދީނީ ޢިލްމުވެރިންނަކީ ސިޔާސީ ކަންކަމާ ދުރުވެތިބެންޖެހޭ ބަޔެއް އެހެނީ އެއިރުން ދުވާލަކު ގޮތަކަށް ފަތުވާނެރޭކަށް ނުޖެހޭނެ ؟
ހުސެން...
05 December 2019
ޢިލްމް ވެރިއެއްގެ ގޮތުގަ ހުރިއްޔާ ކީއްތަ ވަނީ؟....
އަޙުމަދު.
05 December 2019
ތިކީ ސިޔާސީ މުސްތަޤުބަލެއް އޮތް މީހެއް ނޫނޭވެ. ތިމާ އަކީ ސިޔާސީ މުސްތަގުބަލެއް އޮތްމީހެއް ކަމަށް ހީވާނަމަ އެއީ ކުށްހީއެކެވެ. ދީނަށްޓަކައޭ ޤައުމަށް ޓަކައޭ ކިޔައިގެން މީހުންގެ ސިކުޑިތަކަށް ސަވާރުވެ ބުމަރުތަކެއްހެން މާލޭގެ މަގުތަށް ކުޑައަށްލި ދުވަސް މާޒީވެއްޖެ. އުރުއްޕަތެއް ހުރިނަމަ ފިސާރި ކެރިގެން ޖަވާބުދާރީ ވެބަލަ.
TCP 60000
05 December 2019
ސިޔާސީ ބާޒުތަށް، އެމްޑީޕީ އެއްނޫން އަޑީގަ އޮތީ