13 ޑިސެމްބަރ 2019 - 11:06
9 comments
މެޑްރިޑް (ޑިސެމްބަރު 13) - ޗެމްޕިއަންސް ލީގުގެ ދެ ވަނަ ބުރުގައި އެންމެ ފަހުގެ ޗެމްޕިއަން ލިވަޕޫލާ ދެކޮޅަށް ކުޅެން ޖެހިއްޖެނަމަ އެ ޓީމު ކަޓުވާލާނެކަމަށް ބުނެ މުބާރާތުގެ އެންމެ ކާމިޔާބު ޓީމު ރެއާލް މެޑްރިޑްގެ ކޯޗު ޒިނެދިން ޒިދާން ލިވަޕޫލަށް އިންޒާރެއް ދީފި އެވެ.
ޒިދާންގެ ކޯޗުކަމުގައި މިދިޔަ އަހަރު ލިވަޕޫލްގެ މައްޗަށް ރެއާލުން ވަނީ ޗެމްޕިއަންސް ލީގުގެ ފައިނަލުގައި 3-1 އިން ކުރިހޯދައިފަ އެވެ. އެކަމަކު އޭގެ ފަސް ދުވަސް ފަހުން ޒިދާން ކުއްލި ގޮތަކަށް ރެއާލް ކޯޗުކަން ދޫކޮށްލިއިރު، އެނބުރި އައީ މި އަހަރު މާޗް މަހުގަ އެވެ. އަލުން އައިސް ޒިދާން އެންމެ ބޭނުންވާ ވަރަށް މަސައްކަތް އަދި ނުކުރެވިދާއިރު، މި ފަހަރުގެ ޗެމްޕިއަންސް ލީގުގައި ރެއާލް ވާދަކުރި ގްރޫޕުގައި އެ ޓީމަށް ލިބުނީ ދެ ވަނަ އެވެ.
ޗެމްޕިއަންސް ލީގުގެ ދެ ވަނަ ބުރުގެ ގުރުއަތުލުން ހޯމަ ދުވަހު އޮންނައިރު، ގަވާއިދު އޮންނަ ގޮތުން ކުޅެން ޖެހޭނީ ގްރޫޕްގެ އެއް ވަަނަ އާއި ދެ ވަނަ ޓީމުތަކެވެ. މި ބުރުގައި އެއް ގައުމެއްގެ ދެ ކްލަބެއް ވާދަކުރަން ނުޖެހޭނެ އެވެ. އެހެން ކަމުން ލިވަޕޫލާއި ރެއާލް ބައްދަލުކުރުމުގެ ފުރުސަތެއް އެބައޮތެވެ.
"އަހަރެމެން ލިވަޕޫލާ ކުޅެން ޖެހިއްޖެނަމަ އެ މީހުން ކަޓުވާލާނަން. އެކަމަކު ގުރުއަތުލުމާ ބެހޭގޮތުން އަހަރެމެންނަށް ކުރެވޭނެ އެއްވެސް ކަމެއް ނެތް،" ޗެމްޕިއަންސް ލީގުގައި އެންމެ ފަހުން ކުޅުނު މެޗަށް ފަހު ޒިދާން ބުންޏެވެ.
ރެއާލުން ލިވަޕޫލް ބަލިކުރުމަށް ފަހު ޗެމްޕިއަންސް ލީގުގެ ތަށި އުފުލާލި ފައިނަލަށް ފަހު ދެ ޓީމުގެ މެދުގައި ގިނަ ބަހުގެ ހަމަލާތަކެއް ބަދަލުކުރިއެވެ. އޭގެ އެންމެ ބޮޑު ސަބަބަކީ އެ މެޗުގައި ލިވަޕޫލްގެ މުހައްމަދު ސަލާހު އަށް ރެއާލްގެ ކެޕްޓަން ސާޖިއޯ ރާމޯސް ކުރި ފައުލަކާ ގުޅިގެން ސަލާހު ބަދަލުކުރަން ޖެހުމުންނެވެ. އެ މައްސަލައިގައި ލިވަޕޫލްގެ ކޯޗު ޔާގެން ކްލޮޕާއި ރާމޯސްގެ މެދުގައި މީޑިއާގައި ގިނަ ބަހުގެ ހަމަލާތަކެއް ބަދަލުކުރެވުނެވެ.
ޗެމްޕިއަންސް ލީގުގައި މިހާތަނަށް ރެއާލާއި ލިވަޕޫލުން ވާދަކުރި ހަ ފަހަރުގެ ތެރެއިން ތިން ފަހަރު ލިވަޕޫލް މޮޅުވެފައިވާއިރު ރެއާލުން ވެސް ވަނީ ތިން ފަހަރު މޮޅުވެފަ އެވެ. އެންމެ ފަހުން ކުޅުނު ތިން މެޗުގައި ވެސް މޮޅުވީ ރެއާލުންނެވެ. ލިވަޕޫލް އެންމެ ފަހުންމި މުބާރާތުގައި ރެއާލް އަތުން މޮޅުވީ 2009 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަވަސް
14 December 2019
ގައުމުގެ ހާލަތު. މީހަކު އެއްޗެއް ބުނާއިރަށް ލިޔާއިރަށް ދެން ހަމަ ތިބެގެން ހީވާނީ އެހެންފަދަ ކަމެއްހެން ކޮމެންޓްކުރާއިރު. އެއީ ޒިދާނުކުރި ސަމާސާއެއް.
ކުލޮޕު
13 December 2019
އޭބަލަ ޒިދާނޫ މިހާރު މޮޔަ ގޮވަން ފެށީ އުތަ. މަހީހީ ހަލާކު ވެއްޖެ
އަސްލު ހަގީގަތް
13 December 2019
ޒިދާނަކަށް ނޭނގޭތަ ލިވަޕޫލަކީ މިވަގުތު ދުނިޔޭގެ އެންމެ ވަރުގަދަ ކްލަބުކަން. އެމީހުން ބަލިކުރަން ވަރަށް އުނދަގޫވާނެ. އެކަމަކު ބަލިކުރުމަކީ ނުވާނެ ކަމެކޭ ނުބުނެވޭނެ. އުންމީދުކުރަން ރިއަލް މެޑްރިޑަށް ކޮންމެވެސް ހިސާބަކުން ލިވަޕޫލާއި ޖެހި ފޯރިގަދަ ދެ ލެގު ފެންނާނެކަމަށް. އެންމެ ފުރަތަމަ ބާސެލޯނާ ބަލިކޮށްފަ ލިވަޕޫލާ ކުޅެން އުޅެބަލަ.
އޮޒިލް
15 December 2019
ބާސާ މާ މޮޅީތަ؟؟
ބާބަ
13 December 2019
އަހަރެން ކުރީގަ ވަރައް އިޙްތިރާމް ކުރިމީހެއް ޒިދާން އަކީ އެކަމަކު މީނަގެ މިހިރަ ބޮޑާކަމަކުން މުޅިން ފޫހިވެއްޖެ ރިއްލް މަތިންވެސް.
ވނސ
13 December 2019
މިތާ ކޮމެންޓް ކުރާ މީހުންނަކީ ހާދަހާވާ މޮޅު ބައެކޭ. މަ ހަމަ ކޮސްވެ އަންތަރީސް ވެފަ މިހުރީ. މި މީހުންނަށް ފޫޓް ބޯޅައިގެ ކަންތައްތައް އިގޭލެއް ބޮޑުވީމަ.
ޒަބަހ
13 December 2019
ޖެހިއްޖިއްޔާ ފޯރިގަދަވާނެ.
އިބީ
13 December 2019
އަހަރެން ކުރިން ހިޔެއްނުކުރަން ޒިދާން ތީ އެހާ ކިބުރުވެރި ބޮޑާ ކޯޗެއް ކަމެއް. އެކަމް މިހާރު އެނގިއްޖެ. ކޮންމެ ޓީމަކަށް ވެސް އިހްތިރާމް ކުރަން ޖެހޭނެ. އިރާދަކުރެއްވިއްޔާ ރެއާލް، ލިވަޕޫލް އަތުން ބަލިވެ ކަޓައިގެން ދިއުން ވަރަށް ގާތް.
އާރީ
13 December 2019
ރިއަލުމެޑްރިޑަކަށް މިހާރު ލިވަފޫލު ބައްޔެއް ނުކުރެވޭނެ. ފޮނި ނުކަޑާ ޒިދާނޫ. ސުފެއިން ލީގުގަވެސް ކިރިޔަކިރިޔާ ތި މޮޅުވަނި އަދުތޯ މާދަށްތޯ ތި ހުންނަނި މަގާމް ގެންލޭހިސާބުގަ.