އޮސްޓްރިއަންގެ މަތިންދާބޯޓެއް-- ފޮޓޯ: އޮސްޓްރިއަން އެއާލައިންސް
14 ޑިސެމްބަރ 2019 - 10:18
2 comments
މި ފަހަރުގެ ކްރިސްމަސް އާއި އާ އަހަރާ ދިމާކޮށް އޮސްޓްރިއަން އެއާލައިންގެ ދަތުރުތައް ރާއްޖެ އަށް އިތުރުކުރަން އެ އެއަލައިނުން ނިންމައިފިި އެވެ.
އޮސްޓްރިއާގެ އެއާލައިނުން ނެރުނު ބަޔާނެއްގައި ބުނީ، ކްރިސްމަސް އާއި އާ އަހަރު ފާހަގަ ކުރުމަށް އެންމެ ގިނައިން މީހުން ދާ ގައުމުތަކަށް ދަތުރުތައް އިތުރު ކުރަން ނިންމާފައިވާ ކަމަށެވެ. މީގެ ތެރޭގައި ރާއްޖެ އާއި މޮރިޝަސް ހިމެނެ އެވެ.
އޮސްޓްރިއަން އެއާލައިނުން ބުނިގޮތުގައި، މި ދެ މަންޒިލަށް އޮތް ޑިމާންޑުގެ ބޮޑުކަމުން ކްރިސްމަސް އާއި އާ އަހަރާ ދިމާކޮށް ހަފްތާއަކު ތިން ދަތުރު ކުރާނެ އެވެ. އަދި މި ދަތުރުތައް، ކްރިސްމަސް އިން ފެށިގެން ދިގު މުއްދަތަކަށް ކުރާނެ ކަމަށް ވެސް އެ އެއާލައިނުން ނެރުނު ބަޔާނުގައި ވެ އެވެ.
އޮސްޓްރިއަން އެއާލައިނުން ރާއްޖެ އަށް ހަފްތާއަކު ތިން ދަތުރު ކުރުމަށް ނިންމާފައި ވަނީ އަންނަ އަހަރުގެ ފެބްރުއަރީގެ ނިޔަލަށެވެ.
އޮސްޓްރިއަން އެއާލައިނުން މިހާރު ރާއްޖެ އަށް ކުރަނީ އެ ގައުމުގެ ވެރިރަށް ވިއެނާއިން މާލެ އަށް ހަފްތާއަކު އެންމެ ދަތުރެކެވެ.
ކޮންމެ އަހަރެއްގެ ޑިސެމްބަރު މަހުން ފެށިގެން ރާއްޖެ އަންނަ ޓޫރިސްޓުންގެ އަދަދު އިތުރުވެ އެވެ. މި ދުވަސްވަރާ ދިމާކޮށް އެކި އެއާލައިންތަކުގެ ދަތުރުތައް އަބަދުވެސް އިތުރުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
15 December 2019
މޯލްޑިވިއަންފްލީޓަށް އަލަށްގެންނަބޯޓްތަކާއިއެކު ކުރާންޖެހޭ ފުރަތަމަކަމަކީ ހިދުމަތްކެޓަގަރައިޒްކުރުން. އެގޮތުން މޯލްޑިވިއަންއިން ބަޖޭޓްފްލައިޓެއްގެ ގޮތުގައި ގޭންއެއަރޕޯޓުން ސައުތުއެފްރިކާގެ Johannesburg އަށް އަދި ގަމުން އޮސްޓްރޭލިއާގެ Perth އަށްދަތުރު ފައްޓައި ކުންފުނީގެ މާލީ ހާލަތު ބަދަލު ކުރާންޖެހޭ. # މިދެންނެވި ދަތުރުތަކާއިއެކު ދެކުނުގެޓްއަރިޒަމަށްކުރިއެރުންލިބި ގަމުގެ ސީޕްލޭން ބޭސް އޮޕަރޭޝަނަށްގެނެސް މޯލްޑިވިއަން ސީޕްލޭން ފްލީޓް ބޮޑުކުރެވޭނެ.
އޮނަރަބްލް އަފީފު ދީދީ
15 December 2019
އެތެރޭގެއުދުހުންތަކުގެ ވާދަވެރިކަންބޮޑުވެ މޯލްޑިވިއަނުންވަނީ ގަމާއި ދެކުނުގެހުރިހާ އެއަރޕޯޓްތަކާއިދެމެދު ދަތުރުފައްޓާފައި. # މޯލްޑިވިއަން ފްލީޓަށް A-330 ގެއިތުރު 2 ބޯޓްގެންނާންނިންމާފައިވާއިރު ގަމުންދަތުރުކުރާންފެއްޓި ސެކްޓާރތަކާއި އަލަށް ފްލީޓަށްގެންނަބޯޓްތައް ކާމިޔާބުކަމާއިއެކުދުއްވުމަށް ގަމާއި ސައުތުއެފްރިކާގެ Johannesburg އަދި ގަމާއި އޮސްޓްރޭލިއާގެ Perth އަށްދަތުރުކޮށް ދުނިޔޭގެބޮޑު 2 ބައްރުގުޅާލަދީފިނަމަ ކާމިޔާބުވިޔަފާރިއެއްހުޅުވިގެންދާނެ.