ރައީސް އިބްރާހިް މުހައްމަދު ސޯލިހް: ލާމަރުކަޒީ ގާނޫނަށް ގެނައި އިސްލާހުތައް ރައީސް މިއަދު ވަނީ ތަސްދީގު ކުރައްވާފައި.
15 ޑިސެމްބަރ 2019 - 15:07
8 comments
ކައުންސިލްތައް ހަގީގީ މާނައިގައި ލާމަރުކަޒުކޮށް، މާލީ ބާރުވެރިކަން ދޭން ގާނޫނަށް ގެނައި އިސްލާހުތައް ރައީސް އިބްރާހިމް މުހައްމަދު ސޯލިހް މިއަދު ތަސްދީގު ކުރައްވައިފި އެވެ.
މި އިސްލާހުތައް ތަސްދީގު ކުރެއްވީ ކައުންސިލަރުންނާ އެކު މިއަދު ކްރޮސްރޯޑްސްގައި މިއަދު ފެށި މަހާސިންތާގަ އެވެ. މި މަހާސިންތާގައި 200 އަށް ވުރެ ގިނަ ކައުންސިލަރުން ބައިވެރިވެވަޑައިގަތެވެ.
ލާމަރުކަޒީ އުސޫލުން އިދާރީ ދާއިރާތައް ހިންގަމުން އައި ނަމަވެސް މިހާތަނަށް އޮތީ، ގާނޫނުން ކަނޑައަޅާފައިވާ ބާރުތައް ހިފަހައްޓައި ކައުންސިލްތަކުން މައި ސަރުކާރަށް ބަރޯސާވާ ގޮތަށް މަޖުބޫރުކޮށްފަ އެވެ. މިކަން ބަދަލުކުރަން، މި ސަރުކާރުން ހުށަހަޅައިގެން ރައްޔިތުންގެ މަޖިލީހުން ވަނީ ލާމަރުކަޒީ ގާނޫނަށް ބޮޑެތި އިސްލާހުތަކެއް ގެނެސްފަ އެވެ. އެންމެ ބޮޑު އެއް ބަދަލަކީ ކައުންސިލްތައް މާލީ ގޮތުން ބާރުވެރި ކުރުމެވެ. އަންނަ އަހަރުގެ ބަޖެޓުގައި ކައުންސިލްތަކަށް ހިލޭ އެހީގެ ގޮތުގައި 1.6 ބިލިއަން ރުފިޔާ ވަނީ ކަނޑައަޅައިފަ އެވެ.
ކައުންސިލްތަކުގެ ތިން އަހަރުގެ ދައުރު ވެސް ވަނީ ފަސް އަހަރަށް ބަދަލު ކޮށްފަ އެވެ. އެއާއެކު، ކައުންސިލްތަކުގެ 33 ޕަސެންޓަކީ އަންހެނުން ކަމުގައި ކަނޑައަޅައި ގާނޫނަށް ވަނީ އިސްލާހު ގެނެސްފަ އެވެ. ފަސް މިލިއަނަށް ވުރެ ކުޑަ މަޝްރޫއުތައް ހިންގުމުގައި ބަޖެޓާއި މަޝްރޫއުގެ ޕްލޭންތައް ވެސް ކައުންސިލްތަކާ ހަވާލުކޮށްގެން ކުރިއަށް ގެންދަން ސަރުކާރުން ވަނީ ނިންމައިފަ އެވެ.
މީގެ އިތުރުން، ވެސް ކައުންސިލްތަކުން ވަކިކުރި ބާރުތައް އަލުން އިޔާދަކޮށްދީ ރައްޔިތުންގެ މަންދޫބުންގެ ބައިވެރިވުމާ އެކު ކައުންސިލްތައް ހިންގޭނެ މަގުފަހިކޮށްދޭން ގިނަ އިސްލާހުތަކެއް ވަނީ ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
8585
16 December 2019
ޖޭއެސްސީގެ ކޮމްޕޮޒިޝަން. 7 މީހުން ހެމެނެނީ. އޭގެތެރެއިން 5 މީހުނަކީ މޑޕ ގެ ލީޑަރޝިޕް. ބައްލަވާލައްވާ: (1) ނަޝީދު، (2) އޭޖީ ރިފްއަތު، (3) ނަޝީދުގެ ލޯޔަރު، ހިސާން އަދި (4) ނަޝީދުގެ ލޯޔަރު މަސްތޫރު. (5) ސުޕްރީމްކޯޓުން އެކްޓިވިސްޓެއް. ދެން ތިބޭނީ، ދަށުކޯޓުން ފަނޑިޔާރަކާއި، އާއްމުންގެ ތެރެއިން ލޯޔަރެއް.
މުހަންދިސް
15 December 2019
ދައުލަތުގެ މުދާ ބޭކާރު ކުރާ ނިޒާމް
އޮނަރަބްލް އަފީފު ދީދީ
15 December 2019
ރާއްޖެ 3 ޕްރޮވިންސަކަށް ބަހާލާ ތިލަދުންމަތިން ފާދިއްޕޮޅަށް ނޯތުޕްރޮވިންސް، ކ. ޢަތޮޅުން(މާލެވެސްހިމަނައި)ދާލަށް ސެންޓްރަލްޕްރޮވިންސް، އަދި ކޮޅުމަޑުލުން އައްޑުއަށް ސަދާރންޕްރޮވިންސް ކަޑައަޅާ މިރީޖަންތަކަށް ފުރަތަމަ ކަޑައަޅުއްވާ ޤަވަރުނަރުން މަޖިލީހުގެރުހުމާއިއެކު ރައީސް އައްޔަންކޮށް އަދި 5 އަހަރުފަހުން ރީޖަންތަކުން ވޯޓްލައިގެން ޤަވަރުނަރު އިންތިޙާބު ކުރައްވާ. ފެޑަރަލް ބާރުވެރިކަންދެއްވާ.
އުދުރުތައްޙާނުގެއަލިމަނިކުފާނު
15 December 2019
މޮޔައިންތައް އަތައް އަވަހަށް ކަނޑިހަވާލުކުރޭ. އޭރުން ކުޅިސަމާ ދައްކާލާނެ.
އުމަރުބެ
15 December 2019
ދެން ވާނެގޮތް ބަލަންތިބޭތި، މާލީ ބާރުވެރިކަން ދިނީމަ، އޭގެ ނާޖައިސް ފައިދާ ނަގަންފެށުން، އެހެންކަމުން ޕްލޭންތަށް އެކަށައަޅައި ކައުންސިލްތަކަށް އެކަށީގެންވާ ތަމްރީންދީ ބަލަހައްޓަންވާނެ، ބާރުދިނަސް ބާރުގެ ބޭނުންކުރާނެ ޕްލޭނެއް އޮންނަންޖެހޭ
ރަންނަ
15 December 2019
ރައީސް ހޮވާބައެއްނޫން އެއީ. ރަށުރައްޔިތުން އިންތިހާބު ކުރާ ބައެއް. ޖަވާބުދާރީ ކުރުވުމުކީ ރައްޔިތުންގެ ޒިންމާއެއް. ކަންތައް ނުކޮށްދިނޭ ކިޔާފަ ސަރުކާރާ ސިޔާސީ ފަރާތްތައް ބޮލަށް ކަނޑާލާ ބޯދަމައިގަންނަ ޒަމާން ނިމުމަކަށް އައީ. ދެން އޮންނާނީ އެރަށެއްގެ ބައެއްގެ ހަރުދަނާކަމާ ގާބިލްކަންމައްޗަށް ބިނާވާ ތަރައްގީ އާއި ތަހުޒީބު
ބަންނަ
16 December 2019
ކައުންސިލަރުން ސައިޒްކުރުމުގެ ބާރު އޮތީ އެލްޖީއޭއަށް. އެލްޖީއޭގެ މެޖޯރިޓީ އޮތީ ސަރުކާރަށް. ސަރުކާރުގައި މެޖޯރިޓީ ވަކި ކުލައެއް ހުރެއްޖެނަމަ އެހެން ކުލަތައް ގިނަވެފައި އޮންނަ ކައުންސިލްތަކުން ކުރާ ކަންކަމަށް ހުރަސްއަޅާނެ ކަމީ އެއްވެސް ޝައްކެއް އޮތްކަމެއް ނޫން. ރީިތިރީތި ގާނޫނުތައް ހަދާއިރު ދެފޮޅުވަތް ދޭތެރޭ ފިލުވާފަ އޮންނަނީ ތިމަންނަމެންނަށް އެންމެ ފަހުބަސް ކިޔޭ ގޮތަށް.
ބޮނދު
15 December 2019
ލާދީނީ ލާމަރުކަޒީ ،ލާ އިންސާނީ ހުރިހައި އެއްޗެއްގައިވެސް ލާ އެހެންވީމަ ލާ ލާ ވޯޓް އެމްޑީޕީ