އެމްއެމްއޭގެ ގަވަރުނަރު އަލީ ހާޝިމް ނޫސްވެރިންނަށް މައުލޫމާތު ދެނީ- ފޮޓޯ: ނިޝާން އަލީ/ މިހާރު
31 ޑިސެމްބަރ 2019 - 12:50
9 comments
ރާއްޖޭގެ އުފެއްދުންތެރިކަމުގެ ނިސްބަތް އަންނަ އަހަރު ހުންނާނީ 7.5 ޕަސެންޓުގައި ކަމަށް މޯލްޑިވްސް މޮނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
މަރުކަޒީ ބޭންކުން އާންމުކުރި، މި އަހަރުގެ އިގްތިސާދީ އަޕްޑޭޓުގެ ތަފާސްހިސާބުގައި ލަފާކޮށްފައިވާ ގޮތުން، އަންނަ އަހަރުގެ އުފެއްދުންތެރިކަން ކުރިއަރާނެ ކަމަށް ބެލެވެނީ ޓޫރިޒަމް ދާއިރާ އަށް އަންނާނެ ބޮޑު ކުރިއެރުމުގެ ސަބަބުންނެވެ. އަދި ސަރުކާރުގެ ބޮޑެތި މަޝްރޫއުތަކުގެ އަމަލީ މަސައްކަތް އަންނަ އަހަރުގައި ފަށާ އިރު، އިމާރާތް ކުރުމުގެ ދާއިރާ އަށް ވެސް ބޮޑު ކުރިއެރުމެއް ލިބޭނެ ކަމަށް ލަފާކޮށްފައި ވެ އެވެ.
ރާއްޖޭގެ މި އަހަރުގެ އުފެއްދުންތެރިކަމުގެ ނިސްބަތް ހުރީ 5.7 ޕަސެންޓުގަ އެވެ. މިއީ މިދިޔަ އަހަރަށް ވުރެ 1.1 ޕަސެންޓް ދަށް އަދަދެކެވެ. މި އަހަރުގެ އިގްތިސާދީ ދުވެލި އެހާ ބޮޑަށް ދަށްވީ އިމާރާތް ކުރުމުގެ ދާއިރާ އާއި ވިޔަފާރީގެ ދާއިރާ އަށް އައި ބޮޑު ހީނަރުކަމުގެ ސަބަބުންނެވެ. އިމާރާތް ކުރުމަށް ބޭނުންކުރާ ސާމާނު ކަމަށް ވާ ލަކުޑި އާއި ދަގަނޑާއި ސިމެންތި އާއި ހިލަ ފަދަ ތަކެތި އިމްޕޯޓު ކުރި މިންވަރު މި އަހަރުގެ އޮގަސްޓް މަހުގެ ނިޔަލަށް، މިދިޔަ އަހަރަށް ވުރެ 20 ޕަސެންޓް ވަނީ ދަށް ވެފަ އެވެ.
މި އަހަރު ވެސް ފާހަގަކޮށް ލެވުނީ ޓޫރިޒަމް ދާއިރާ އަށް ބޮޑު ކުރިއެރުމެއް ލިބުނު އަހަރެއްގެ ގޮތުގަ އެވެ. އެގޮތުން ޓޫރިޒަމް ދާއިރާ 15 ޕަސެންޓަށް ކުރިއަރާފައިވެ އެވެ.
ރާއްޖޭގެ އުފެއްދުންތެރިކަމުގެ ނިސްބަތް އަންނަ އަހަރު 7.5 ޕަސެންޓުގައި ހުންނާނެ ކަމަށް އެމްއެމްއޭ އިން ލަފާކޮށްފައިވާ އިރު، ވޯލްޑް ބޭންކުން ރާއްޖޭގެ އުފެއްދުންތެރިކަން ހުންނާނެ ކަމަށް ލަފާކޮށްފައިވަނީ 5.2 ޕަސެންޓުގަ އެވެ. އެ ބޭންކުން ލަފާ ކުރަނީ ކުރިއަށް އޮތް ދެ އަހަރު ވެސް ރާއްޖޭގެ އިގްތިސާދު ކުރިއަށް ދާނީ މަޑު ދުވެއްޔެއް ގައި ކަމަށެވެ. އެގޮތުން، އަންނަ އަހަރު 5.5 ޕަސެންޓްގައި އިގްތިސާދު ކުރިއަރާނެ ކަމަށް ލަފާކޮށްފައިވާ އިރު، 2021 ވަނަ އަހަރު އިގްތިސާދު ކުރިއަރާނެ ކަމަށް ލަފާކުރަނީ 5.6 ޕަސެންޓުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލޯގެއާ
01 January 2020
ހާދަރުންކުރު ވައްތަރު އެބަޖަހައޭ ބަލާފަ ހީވަނީ އެއްވެސް އެއްޗެއް ނޭގިގެން ތެޅިބާލަނީހެން ކީކުރާނީ މިއަދުގެހާލަތު
މޫސާމަނިކު
01 January 2020
ވަރަށް ނާގާބިލް އަދި ރުޅިގަދަ ގަވަރުނަރެއް. މަރުކަޒީބޭންކުވަނީ ފުން ވަޅުގަނޑެއްގެ ތެރޭގަ
ހޭބައްޔެއްނުވާނެތަ!
31 December 2019
ތެލުލި ބަނބުކެޔޮތަ، ހޭބައްޔެއްނުވާނެތަ!؟
ގޮހޮރު
31 December 2019
އެކްޓިވްސްޓަކު ގަވަރުނަރަކަށްހުރީމާ އޮޅުވާލުންނޫންކަމެއް ނުކުރާނެ މިފެންނަނީ އޭގެ އަލާމާތްރަށް ވޯލްޑްބޭންކަށްވުރެވެސް ކުރީގަ އެމަނިކުފާނު އެއުޅުއްވަނީ
ޝޮކްތެރަޕީ
31 December 2019
ރާއްޖެގެ ހުރި ލާރިތައް ހުސްވަނީ ޤައުމު އިންޑިޔާގެ މުޝުތެރެޔައް ދަނީ. ކީކޭ ބުނާނީ.
އަލީ ރާޖާ
31 December 2019
މީނަގެ ފިނޭންސް މިނިސްޓަރު ކަމުގަ ރާއްޖެއަށް އެތައް މިލިއްނަ ޑޮލަރެއް ވެއްދި އެއާޕޯޓް އިންޑިއާ މީހުންނަށް ނުއަގުގަ ދިން މޮޅު "އިގްތިސާދީ މާހިރެއް" މިއީ. ޔާމީން ބުނީ ރަނގަޅަށް. ކޮހެއްގެ އަތަށް ރަންގަނޑެއް ލިބުނަސް ހަދާނެ އެއްޗެއް ނޭނގޭނެ. އޭގެ ބައިގަނޑެއް މިއަދު މިގައުމުގަ މިއޮތީ
އޮނަރަބްލް އަފީފު ދީދީ
31 December 2019
އަލީއަށް އަދިވެސް އިތުބާރުކޮށް އުއްމީދު ނަގާނުލަން. ޤަވަރުނަރުގެ އިތުރުން ސޯލިޙްގެ ކެބިނެޓުން އެންމެ ރަނގަޅުވާނެކަމަށް ހީކުރީ މާލީ ވަޒީރު. # ދެބޭފުޅުންވެސް ރާއްޖޭގެ ރިކަރަންޓް ހަރަދު ކުޑަކުރުމަށް ޕްރައިވެޓްސެކްޓަރ ފުޅާކުރަން އުތުރާއި ދެކުނަށް ޓްއަރިޒަމްގެންގޮސް ބިދޭސިންގެ އަދަދު މަދުކޮށް ހަނިމާދޫ އަދި ގޭންއެއަރޕޯޓާއި ތިލަދުންމައްޗާއި ހުވަދޫ އަތޮޅު ރަށްތައް ރިސޯޓް ހެދުމަށް ހުޅުވާލާން މަސައްކަތް ކުރައްވާ ސަރުކާރަށް ހުށަހަޅާތަނެއް ނުފެނޭ!!
އަލީ ރާޖާ
31 December 2019
ސޮވެރިން ފަންޑު ހުސްވަނީ ، ރިޒާވް ދަށަށް ދަނީ. އިގްތިސާދީ މަސައްކަތެއް ނެތް. ކުދި ވިަޔފާރި ފުނޑިއްޖެ. ޔާމީނުގެ އަދާވަތްތެރިން ހޮޓާހޮޓަލުގެ މޭޒު ދޮށުގަ ސިއްރުސިއްރުން އެވެރިން ހިންގާ ކުޑަ ކަޑަ ގަނޑުގެ ކުއްޔާ ގެންގުޅޭ ބޮންދު ސޮރުގެ މުސާރަ ދެވޭނެ ފަދަވެސް ނެތްކަމަށް ބުނާ އަޑު ކިތައްމެ ފަހަރަކު އަހައިފިން. އެކަމަކު ހާލަތު ގެނައީ އަމިއްލައަށް. ދެން ތިބޭ
ޖުލަ
31 December 2019
ވާނުވާ ނޭގޭ މީހެއް. ގާބިލްކަމެއް. ދަރަނި ބޮޑުވަމުންދަނީ. ދެކޮޅުނުޖެހޭ ވާހަކަ ދައްކަން އެނގެނީ އިސްތިއުފާ ދީފަ މަޑުންހުރުވޭތޯ ބަލާބަލަ