އައްޑޫގައި 1.6 މެގަވޮޓްގެ ސޯލާ މަޝްރޫއެއް ފަށައިފި

އައްޑޫގައި ސޯލާ އިން 1.6 މެގަވޮޓްގެ ކަރަންޓް އުފެއްދުމަށް ކުރިއަށް ގެންދާ މަޝްރޫއު މިއަދު ފެށުމުގެ ރަސްމިއްޔާތުގެ ތެރެއިން. ފޮޓޯ/ އަހުމަދު އަދުޝަން

އަހުމަދު އަދްޝަން، މިހާރު

30 މެއި 2016 - 20:50

5 comments

ސޯލާ ޕެނަލް ހަރުކޮށްގެން އައްޑޫގައި 1.6 މެގަވޮޓްގެ ކަރަންޓް އުފެއްދުމަށް ސަރުކާރުން ކުރިއަށް ގެންދަން ނިންމާފައިވާ މަޝްރޫއުގެ އަމަލީ މަސައްކަތް މިއަދު ފަށައިފި އެވެ.

ސޯލާ ޕެނަލް ހަރު ކުރުން އިފުތިތާހު ކުރަން ހިތަދޫގައި ސްކޫލްގެ ބޭއްވި ޖަލްސާ އަށް ފަހު، އެންވަޔަރުމެންޓް މިނިސްޓަރު ތޯރިގް އިބްރާހީމް ވަނީ އެ ސްކޫލްގެ ފުރާޅުގައި މިއަދު ފުރަތަމަ ޕެނަލް ހަރުކޮށް ދީފަ އެވެ.

މިނިސްޓަރުގެ އިތުރުން ޕެނަލްތައް ހަރުކޮށް ދިނުމަށް ހިތަދޫ ސްކޫލާއި އައްޑޫގެ ބައެއް އެހެން ސްކޫލްތަކުގެ ދަރިވަރުން ވެސް ބައިވެރިވި އެވެ.

ޕެނަލްތައް ސްކޫލްތަކާއި ސަރުކާތުގެ އެކި އޮފީސްތަކުގެ ފުރާޅުތަކުގައި ހަރުކުރަން ވަނީ ނިންމައިފަ އެވެ.

މިނިސްޓަރު ތޯރިގް ވިދާޅުވީ އައްޑޫގައި އިޔާދަކުރަނިވި ހަކަތައިން ކަރަންޓް އުފައްދަން ކުރިއަށް ގެންދާ މަޝްރޫއުގެ ސަބަބުން، ދުވާލުގެ ވަގުތުތަކުގައި އައްޑޫގައި ބޭނުން ކުރާ ކަރަންޓްގެ 30 ޕަސަންޓް އިޔާދަކުރަނިވި ހަކަތަށް ބަދަލުވާނެ ކަމަށެވެ.

ސަރުކާރުގެ އަމާޒަކީ ވެސް ރާއްޖޭގެ މީހުން ދިރިއުޅޭ ރަށްރަށުގައި އިޔާދަކުރަނިވި ހަކަތަ އުފައްދައި، އެކަމަށް ބާރު އެޅުން ކަމަށް މިނިސްޓަރު ވިދާޅުވި އެވެ.

އެގޮތުން 2018 އާ ހަމައަށް އަންނަ އިރު ރަށްރަށުގައި ބޭނުން ކުރާ ކަރަންޓްގެ 30 ޕަސަންޓަކީ އިޔާދަކުރަނިވި ހަކަތަ އަށް ހެދުމަކީ ރައީސް އަބްދުﷲ ޔާމީން ސަރުކާރުގެ އަމާޒެއް ކަމަށް މިނިސްޓަރު ވިދާޅުވި އެވެ.

ތޯރިގް ވިދާޅުވީ އައްޑުއާ އެކު އިތުރުން އެހެން ހަތަރު ރަށެއްގައި ވެސް އަވިން ކަރަންޓް އުފެއްދުމުގެ މަޝްރޫއު އިފުތިތާހުވެގެން ގޮސްފައިވާ ކަމަށެވެ. އެއީ ބ. ގޮއިދޫ، ގއ. ވިލިގިލި، ދ. ރިނބިދޫ އަދި ޅ. ކުރެންދު އެވެ. އައްޑުއާ އެކު ފަސް ރަށުގައި ޖުމްލަ 2.5 މެގަވޮޓްފެ ކަރަންޓް ސޯލާ އިން އުފައްދާނެ އެވެ.

މިނިސްޓަރު ވިދާޅުވީ އިޔާދަ ކުރަނިވި ހަކަތަ އަށް ދާން ޖެހޭ ވަރަށް ގިނަ ސަބަބުތައް އެބަހުރި ކަމަށެވެ. އޭގެ ތެރޭގައި ތެލަށް ކުރަން ހަރަދު ބޮޑުކަމުން އިގުތިސާދީ ގޮތުން ގެންނަން ޖެހޭ ތަރައްގީ އަށް ހުރަސްތަކެއް ހުރި ކަމަށް ތޯރިގް ވިދާޅުވި އެވެ.

އެހެންވެ ތެލަށް ކުރަން ޖެހޭ ހަރަދު ކުޑަވުމަކީ ތަރައްގީގެ އެހެން ކަންކަމަށް ބޭނުންވާ ފައިސާ ލިބުމަށް މަގުފަހިވާނެ ކަމެއް ކަމަށް އޭނާ ވިދާޅުވި އވެެ.

މިނިސްޓަރު އަދި ވިދާޅުވީ ރާއްޖެ ކަހަލަ ޖަޒީރާ އަދި ތިމާވެށީގެ ތަފާތު މައްސަލަތައް ކުރިމަތިވެފައިވާ ގައުމަކަށް އިޔާދަކުރަނިވި ހަކަތައަކީ ވަރަށް މުހިއްމު ވަސީލަތެއް ކަމަށެވެ.

އައްޑޫ އެންވަޔަރްމެންޓް މިނިސްޓްރީ އަވިން ހަކަތަ އުފެއްދުމުގެ މަޝްރޫއު ތޯރިގް އިބްރާހިމް (އެންވަޔަރުމެންޓް މިނިސްޓަރު) އިއާދަކުރަނިވި ހަކަތަ

5 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

31 May 2016

ދަންނަވަންތޯ ވާހަކައެއް ލިންކްސާރވްއިން އައްޑޫގައި ސޯލާޕަވަރ ޕްރޮޖެކްޓްފަށައިގެން އުޅޭތާ ދުވަސް ގަނޑެއްވެއްޖެ ، އެހެންވީމާ އެކަމުގެ ކުރެޑިޓްވެސް ތިޔައުޅުއްވަނީ ސަރުކާރުން ނަންގަވަންތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

30 May 2016

ރައްޔިތުމީހާގެ ކަރަންޓު ބިލުން ކުޑަވާނީ ކިތައްލާރިތޯ؟ އަނެއްކާ ތިޔަ އެއްޗެއް ހަރުކުރުމަށް ހިނގި ޚަރަދު އަންނަ މަހުގެ ކަރްނޓު ބިލުގައި ކޮންމެވެސް ނަމެއްގައި އިތުރު ނުކޮށްފިއްޔާ ކިތަްނމެހާވެސް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔަ

31 May 2016

ކޮއްކޮއަކަށް ނޭނގޭތަ. މިއަންނަ މަހުން ފެށިގެން ސަރުކާރުން ފިއުލް ސާރ ޗާރޖް ދިނުން ހުއްޓާލާ. މިކަން ފެނަކައިގެ 2 މުވައްޒަފަކު ޔަޤީންކޮށް ބުނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަައ ލ ޤ

30 May 2016

މި ޖަލްސާ ބޮޑަށް ހީވީ ޕީޕީއެމްގެ ޖަގަހަ ބައްދަލުވުމެކޭ. ގާތް ގަނޑަކަށް 85 ވަރަކަށް މީހުން ތިބި ޖަލްސާގައި 50 ވަރަކަށް ސުކޫލުކުދިން ތިއްބެވެ. އެކަކަމު އެކުދިންނަށް އެކަށޭނެ މެސެޖެއް ނުދެވެއެވެ. ފެނުނީ ފުލުފުލުން އިތުރު ފުޅު ހެއްދެވި ތަނެވެ. 1- އައްޑޫގައި ނަރުދަމާ ޤާއިމު ކުރަން ފެއްޓެވީ ޔާމީން- އެކަން އެހެންވާނީ 2010 ގައި ޔާމީން ވެރިކަމުގައި ހުރިނަމަ 2- އައްޑޫގައި ސާފު ބޯފެން މަޝްރޫޢު ފެއްޓެވީ ޔާމީން- އެކަން އެހެންވާނީ 2010 ގައި ޔާމީން ވެރިކަމުގައި ހުރިނަމަ 3- އިޢާދަކުރަނިވި ހަކަތަ އުފެއްދުމަށް އެކަށޭނެ މަސައްކަތެއް ކުރީ ސަރުކާރުތަކުން ނުކުރޭ- މައުމޫނާއި ނަޝީދު އެރޮނގުން ކުރި ޚިދުމަތް ހަނދާން ނައްތާނުލެވޭ 4- އައްޑޫ ސިޓީ 2018 އަށް ފުރިހަމަ ސިޓީ އަކަށް ހައްދަވާނީ ޔާމީން- 3 އަހަރުން ހޮސްޕިޓަލެއްގެ ބިންގާވެސް ނޭޅޭއިރު މާލެއިން ބޭރުގައި ހުރި އެންމެ އަގުބޮޑު އީސީސީ ހުރީ ހުހަށް ދެންތޯއެވެ. ސްޓޭޓް މިނިސްޓަރަށް ސާބަހެވެ. ހަމަ ޔަޤީނުންވެސް ޕާޓީގެ ހާޑްކޯރ މެމްބަރުން އެބަތިބިކަން ޔަޤީނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަށީރު

30 May 2016

ހުސް ފޭކު. އައްޑޫގައި އެތައްބަޔަކު ސޯލާ ބަހައްޓާ ގުރިޑަށް ގުޅަން އެދުނީމާ ފެނަކައިން އަޅާވެސް ނުލާ އެތިބެނީ. މީ ހިތުން އެހެންމީހުނަަށް ވާނުވާ ނެގޭ ކަމަށް ހީކޮށް ޖައްސާ ގޭމު ތީ