ގަވައިދާ ޚިލާފަށް ސައިކަލަށް މުދާ އަރުވައިގެން ދަނިކޮށް، ފުލުހުން ހުއްޓުވި މީހާ.---ފޮޓޯ: ޕޮލިސް
04 ޖެނުއަރީ 2020 - 17:23
29 comments
ގަވައިދާ ޚިލާފަށް ސައިކަލަކަށް ގިނަ އަދަދެއްގެ މުދާ އަރުވައިގެން ދިޔަ މީހަކު، ހުއްޓުވަން މަސައްކަތް ކުރި ފުލުހެއްގެ ގައިގައި ސައިކަލުން ޖައްސައި ފިލަން އުޅުނު މީހަކު މާލޭގައި މިއަދު ހައްޔަރުކޮށްފި އެވެ.
ފުލުހުން ބުނީ، ޗާންދަނީ މަގުގެ ފިހާރައެއްގެ ކުރިމަތިން އެ ފިރިހެން މީހާ ސައިކަލްގައި ގިނަ އަދަދެއްގެ މުދާ ހިފައިގެން ދަަނިކޮށް، މަޑުކުރަން ފުލުހުން އެންގި އެންގުމަށް ތަބާނުވުމުން ހުއްޓުވި ކަމަށެވެ. ދެ މީހަކު ތިބި އެ ސައިކަލް ދުއްވަން އިން މީހާގެ މައުލޫމާތު ދޭން އެންގުމުން އެކަމަށް ވެސް އިންކާރުކޮށް، ފުލުސް މީހާއާ ހުތުރު ބަހުން މުއާމަލާތް ކުރި ކަމަށް ފުލުހުން ބުނެ އެވެ.
އުމުރުން 34 އަހަރުގެ އެ ދިވެހި މީހާ ވަނީ ފުލުސް މީހާގެ ގައިގައި ސައިކަލުން ޖެއްސުމަށް ފަހު ފިލަން ވެސް މަސައްކަތް ކޮށްފައި ކަމަށް ފުލުހުން ބުންޏެވެ.
ފުލުހުން ބުނިގޮތުގައި، އެ މީހާ ހައްޔަރު ކުރުމުގެ އިތުރުން، ގަވައިދާ ޚިލާފަށް ސައިކަލްގައި މުދާ އުފުލި މައްސަލއިގައި އޭނާގެ ލައިސަންސް ވެސް ވަނީ ހިފަހައްޓައިފަ އެވެ.
ފުލުހުން، މީޑިއާއާ ހިއްސާ ކޮށްފައިވާ ފޮޓޯ އިން ފެންނަ ގޮތުގައި، މި މައްސަލައިގައި ހައްޔަރުކުރި މީހާ ދިޔައީ ހަތް ބަސްތާ ފިޔާ ސައިކަލަށް އަރުވައިގެންނެވެ. ސައިކަލްގެ ހުންގާނާއި މަޑިއާ ދެމެދު ހުންނަ ހުސްބައިގައި ފަސް ބަސްތާ ޖަހާފައިވާއިރު، ފަހަތުގައި އިން މީހާ ހުރީ ދެ ބަސްތާ ހިފަހައްޓައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަވް
05 January 2020
މިކަން ގޯހެ މިގޯހާ އެއްގޮތައް ޓުރޮލީތަކުގާ ފުރާމުދާ އުފުލާމީހުން ހުއްޓުވާތަނެއް ދުވަހަކުވެސް ނުފެނެ . އެމީހުން އެކަންކުރަނީ އަގުނަގާގެން ވަންވޭތަކުގަ ދެކޮޅައްދުއްވާ ހަދާ ހާއްސަކޮއް ބާޒާރުމަތީ. ކުރިން ދެކެން ހުއްޓުވާތަން މިހާރު އާމުވެފާވާތަން ފެންނަނީ. މިއަދުވެސް އަލިކިލެގެފާނު މަޖީދީމަގު ޖަގުސަނަކައް ޓުރޮލީއެއްގަ ހުރި ވެލިތައް ފުރޮޅާލާގެން މަގުޖޭމްވެފަ އޮތް. މިކަހަލަ ޓުރޮލީ ތަކަކީ ގުދަންތަކުގެ އެތެރޭގަބޭނުން ކުރާ ތަކެތި
ކަކުނިބޯ
05 January 2020
ޓްރޯލީތަކުން 200% ޑިޔުޓީނަގަން ފެންނަނީ އަދި ބަންގާލިން ދުއްވާނަ މަ އިނާޔަތެއް ސަރުކާރުންދޭންވާނެ އެކުދިންނަށް
އަހުމަދުބޭ
05 January 2020
މިގައުމުގައި އާއްމު އިޖުތިމާއީ ހާލަތު ވަރަށް ދައްވެއްޖެއެވެ، މިއާޓިކަލް އަށް ކޮމެންޓް ކޮއްފައިވާ ބައެއްމީހުން މިކަން ދިފާއުކުރުމަށް މިދައްކާވާހަކަތަށް ބަލައިގަންނަން ހާދަ އުނދަގުލެވެ. މިކަންކަން ހުއްޓުވޭތޯ އެމަސައްކަތް ކުރަނީ ތިމާޔާ ތިމާގެ އާއިލާ ސަލާމަތް ކުރެވޭތޯއެވެ، ސައިކަލަށް ކިތައްމެ ފަރިތަޔަސް މިވަރަށް ސައިކަލަށް އެއްޗެތި އަރުވައިގެން ދަނިކޮށް ދިމާވެދާނެ ހިތާމަވެރި ހާދިސާއަކުން އަނެކުން ރައްކާތެރިކުރުން އެއީ ފުލުހުންގެ ވާޖިބެކެވެ.
މުހުސިން ހަމީދު
05 January 2020
ވަރަށްރަގަޅު ނިއްމުމެއް. ވަރަށްކައިރި މުސްތަގުބަލެއްގައި މަގުމަތި އަމާން ވެދާނެކަމުގެ އުއްމީދު އާވެއްޖެ.
ނަޖްވާ
05 January 2020
ކީއްވެތަ މި މީހާގެ ފޮޓޯ ބްލާރ ކޮށްފަ އޭންދީކީ އެއް! އެންމެނަށް އެނގޭ ގޮތަށް ސާފު ފޮޓޮލެއް ލީމަނު އިނގޭނީ!
ދިއްދޫގަނަށީދުއެޅިމަސްފެކްޓަރީ
05 January 2020
މިފަދަ މައްސަލަތައް ފާހަގަވުން އެއީ ޓްރެފިކްޕޮލިހުން މަގު އަމާންކުރަން މަސއްކަތް ކުރާކަމަުގެ ރިވެތި މިސާލެއް ރައްޔިތުންނަށް އޮތް ހިތްހަމަޖެހުމާއި ޔަގީންކަމެއް
ކަކުނިބޯ
05 January 2020
ތި މީހާ ދަންނަން ތި މީހާ ޒުވާބުކޮށްފާނެ އެކަ މު ފުލުހެއްގައިގައި ސައިކަލުން ޖައްސާ ހިތްވަރެއް ނުހުންނާނެ އަދި 7 ބަސްތާފިޔާ 140 ކިލޯފިޔާ އަދި ފަހަތުގައިން 50 ކިލޯގެމީހާޔާ އޭނާގެ 90 ކިލޯއާއި އެކު އެން މެ ރަނގަޅަށް ފިލޭނީ. ކިހާދެރަކަ މެއް މީ ޕޮލިހުން އާދައިގެ މީހުން ފުރޭ މްކޮށް ދޮގުހެކިދީ ދައުވާކުރުން ކިހިނެއް މިޤައު މު އިސްލާހުވަނީ ޔާ މިނު ގޮޅިޔަށް ލެވިއްޖޭކިޔާފަ. ތަންކޮޅެއް ހަ މަޖިހޭ ވާހަކަދައްކާ ޕޮލިހުންވެސް
ރާވެރިވެ
05 January 2020
ކުޑަ ރުފިޔާކޮޅެއް ޕިކަފު ޑްރައިވަރަކަށް ނުދޭން އުޅެން ހަދައިގެން ޖެހުނު ދަންތުރަ ތިއޮތީ ... ވިޔަފާކުރަން ނޫނީ އެހާ މުދާ އުފުލަންޖެހޭ ސަބަބެއް ނެތް. ވިޔަފާރި ކުރާ މީހަކަށް ތިޔަ ނުދެވޭންވީ ސަބަބެއްވެސް ނެތް. އަދި ޕިކަޕެއްގައި ނަމަ އިތުރު މުދާވެސް އަރުވައިގެން ދަތުރުން ލިބޭ ފައިދާ އިތުރުކޮށްލެވުނީސް.
މަހޭ ފޭން
05 January 2020
މިގައުމުގަ ފުލުހުން ތިބީ ބޮޓުން ނައް ހަދާފަ..ގައުމުގެ ރައްޔިތުން ފެލަން..ދެން ތިކަހަލަ ސްޓަންޓް ހަދާފަ ހަބަރު ހެދޭތޯ ބަލާނީ... މިއޮތީ ވާ ގައުމެއް...
ކަންބޮޑުވާމީހާ
05 January 2020
ގަވާއިދާ ޚިލާފަށް ޢަމަލުކުރާ ފަރާތްތަކާ ދޭތެރޭ އަޅަންޖެހޭ ފިޔަވަޅު ހަމަ އަޅަންޖެހޭނެ. އެކަމަކު ހިތާމައަކީ ގަވާއިދާ ޚިލާފަށް ވެހިކަލްތައް ދުއްވާ ބިދޭސީން ފެންނަލެއް ދިވެހިންނަށްވުރެ ވެސް ގިނަ ކަމަށް ދައްކާއިރު އެއިން މީހަކާ ދޭތެރޭ ފިޔަވަޅެއް އެޅި ކަމުގެ ޚަބަރެއް ނުވާކަން.
ރައްޔިތުކަލޯ
05 January 2020
ތިއީ ކުޑަ ޕިކަޕެއްދޯ . މިހާރު ތިއީ ވަރަށް އާންމުކަމެއް .