އޮޅުވާލައިގެން އެތެރެވާން މަސައްކަތްކުރި މީހެއް: އޮޅުވާލައިގެން އެތެރެވާން އުޅުނު ދެ މީހަކު ވަނީ ހިފަހައްޓާފައި -- ފޮޓޯ/އިމިގްރޭޝަން
06 ޖެނުއަރީ 2020 - 14:12
5 comments
ސައްހަ ނޫން ލިޔުންތަކެއް ބޭނުންކޮށްގެން ރާއްޖެ އެތެރެވާން މަސައްކަތްކުރި ދެ ބިދޭސީއަކު އިމިގްރޭޝަނުން ހިފަހައްޓައިފި އެވެ.
އިމިގްރޭޝަނުން ބުނީ ސައްހަ ނޫން ރެސިޑެންޓް ކާޑުތަކެއް ބޭނުން ކޮށްގެން ވެލާނާ އިންޓަނޭޝަނަލް އެއާޕޯޓުން ރާއްޖެ އެތެރެވާން މަސައްކަތް ކުރަނިކޮށް އަތުލައިގަތީ 21 އަހަރުގެ މީހަކާއި 29 އަހަރުގެ މީހެއް ކަމަށެވެ. އެކަމަކު އެއީ ކޮން ގައުމަކަށް ނިސްބަތްވާ ބައެއް ކަމެއް، އިމިގްރޭޝަނުން ނުބުނެ އެވެ.
ސައްހަ ނޫން ލިޔުންތައް ބޭނުން ކޮށްގެން ރާއްޖެ އެތެރެވާން އުޅުނު ބިދޭސީންތަކެއް މިދިޔަ އަހަރު ވެސް އިމިގްރޭޝަނުން ހިފެހެއްޓި އެވެ. އޭގެ ތެރޭގައި އެހެން ބައެއްގެ ޕާސްޕޯޓް ބޭނުން ކޮށްގެން ރާއްޖެ އެތެރެވާން އުޅުނު ބަޔަކާއި ސައްހަ ނޫން ވޯކް ވިސާ ކާޑުތަކެއްގައި ރާއްޖެ އެތެރެވާން އުޅުނު ބަޔަކު ވެސް ހިމެނެ އެވެ.
ބިދޭސީން ގެނައުމުގައި އޮޅުވާލުމުގެ ގޮތުން ސައްހަ ނޫން ލިޔުންތަކެއް އިމިގްރޭޝަނަށް ހުށަހެޅި ކަމަށް ތުހުމަތުކުރެވޭ ކުންފުނިތަކެއްގެ މައްސަލަ އިމިގްރޭޝަނުން ދާދި ފަހުން ވަނީ ފުލުހުންނަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
06 January 2020
މިފަދަ ކަންކަން މަދުކުރުމަށްޓަކާ ތިކަންކުރީކޮން ޤައުމެއްގެ ބައެއްކަމާއި އެމީހުން މާލެއައި އެއަރޕޯޓާއި ކޮން ފްލައިޓަކުން އައި ބައެއްކަން ހާމަކުރާންޖެހޭ.
މޮގޮމްބޯ
06 January 2020
ތިވާނީ މެދު އިރުމަތިން އަންނަ މީހުންނަށް. އެމީހުން ޔޫރަޕަށް ނުދެވިގެން މޮޔަވަނީ
ހަމަހަމަކަން
06 January 2020
މިހާރު ވަގަށް އުޅޭ މީހުންނަށް ލީގަލް ވާން ފުރުސަތު ހުޅުވާފަ އޮތިއްޔާ އެ މުއްދަތު ހަމަވަންދެން ބޭރުން ވަގަށް އަންނަ މީހުންނަށްވެސް އެފުރުސަތު އޮންނަންވާނެ؟
ސެފް
06 January 2020
ދެން މާލެތެރެއަށް ދޫކޮށްލާ
ރަންދެލި
07 January 2020
އޮފްކޯސް... ބަންދު ކޮށްފަ ބައިތިއްބާނެ ތަނެއް ނެތޯ... ލޮލް