ރަސްމިއްޔާތެއްގައި މިނިސްޓަރު ސައީދު ވާހަކަ ދައްކަވަނީ:ނުއަގުގައި ކާޑު ވިއްކާ ކަމުގެ ޝަކުވާ ލިބޭ ކަމަށް ވިދާޅުވި -- ފޮޓޯ: ނިޝާން އަލީ/ މިހާރު
03 އޮކްޓޯބަރ 2016 - 14:07
20 comments
ކާޑު ސަބްސިޑީ ހަމައެކަނި ފަގީރުންނަށް ދޭ ގޮތަށް ނިންމުމާ ގުޅިގެން، ސަރުކާރުން ކަނޑައަޅާފައިވާ އަގަށް ވުރެ ބޮޑު އަގުގައި ކާޑުގެ ބާވަތްތައް ވިއްކާކަމުގެ ޝަކުވާ ލިބޭ ކަމަށާއި އެކަމާ މެދު ފިޔަވަޅު އަޅާނެ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.
"މިހާރު"އާ ވާހަކަ ދައްކަވަމުން ސައީދު ވިދާޅުވީ ކާޑުގެ ބާވަތްތަކުގެ އަސްލު އަގު ގެއްލޭ ގޮތަށް، މާލެ އާއި ރަށްރަށުގައި ނުއަގުގައި ވިއްކާކަން އެނގިވަޑައިގެންފައިވާތީ އެކަން މިނިސްޓްރީން ބަލަމުން އަންނަ ކަމަށެވެ.
"އަޅުގަނޑުމެން ރަށްރަށުގެ ކައުންސިލްތަކާއި ވިޔަފާރިވެރިންގެ ޖަމިއްޔާތައް މެދުވެރިކޮށް އެކަން ބެލުމުގެ މަސައްކަތް ފަށާފައިވާނީ،" މިނިސްޓަރު ވިދާޅުވި އެވެ.
ސައީދު ވިދާޅުވީ ކާޑުގެ އަގަށް ގެނައި ބަދަލާ ގުޅިގެން އޭގެ ނާޖާއިޒު ފައިދާ ސައި ހޮޓާތަކުން ނަގާ ކަމަށާއި ރައްޔިތުންނަށް ގެއްލުންވާ ގޮތަށް ވިޔަފާރި ކުރުމަކީ މުޅިން މަނާ ކަމެއް ކަމަށެވެ.
ސައިހޮޓާ ފަދަ ތަންްތަނުގެ އިތުރުން، ސަބްސިޑީ އުނި ނުކުރާ ބާސްމަތީ ހަނޑުލުން ތައްޔާރު ކުރާ ކާތަކެތީގެ އަގު ބައެއް ރެސްޓޯރަންޓުތަކުގައި ވަނީ ބޮޑުކޮށްފަ އެވެ.
ސައީދު ވިދާޅުވި ގޮތުގައި ކާޑުގެ އަގަށް ސަރުކާރުން ގެނައި ބަދަލާ ގުޅިގެން ރައްޔިތުން އަދި ހާސްވާކަށް ނުޖެހެ އެވެ. އޭނާ ވިދާޅުވީ ކުރިން ސަބްސިޑީ ދެމުން އައިގޮތުން އެ ހައްގު ނުވާ ގިނަ ބަޔަކަށް މަންފާ ކުރި ކަމަށާއި އެކަމަކު މިހާރު އޭގެ ފައިދާ ކުރާނީ އޭގެ އެންމެ ހައްގުވެރީންނަށް ކަމަށް ކަމަށެވެ. އަދި ސަބްސިޑީން ބައެއް އުނި ކުރުމުން ލިބޭ ފައިދާ ހަރަދު ކުރާނީ ހުރިހާ ދިވެހިންގެ ތަރައްގީ އަށް ކަމަށް ވިދާޅުވި އެވެ.
ކާޑުގެ އަގަށް ގެނައި ބަދަލާ ގުޅިގެން މާލޭގައި ހަނޑޫ ކިލޯއެއް ދެން ގަންނަން ލިބޭނީ 7.96ރ. އަށެވެ. މިހާތަނަށް ހަނޑޫ ކިލޯއެއް ވިއްކީ 3.98ރ. އަށެވެ. ހަކުރު ކިލޯއެއް އަށް ރުފިޔާ އަށް އަދި ފުށް ކިލޯއެއްގެ އަގު 5.96 އަށް ވަނީ އަރާފަ އެވެ. ފުށް ކިލޯއެއް މިހާތަނަށް ވިއްކީ 2.96ރ. އަށެވެ. ހަކުރު ކިލޯއެއް ވިއްކީ ހަތަރު ރުފިޔާ އަށެވެ. މިއީ ހަމައެކަނި މާލޭގައި ކާޑު ވިއްކާ އަގެވެ. ރަށްރަށުގައި މި އަގު އަދި މިއަށް ވުރެ ބޮޑު ވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަދުރު ބަސްތާ
26 October 2016
ޙަމަ ހިނި އަންނަނީ .... މިރާއްޖޭގެ އެންމެންނަަކީ ވެސް އިކޮނޮމިސްޓް އިން ކަން އިނގޭ ކޮމެންޓް ކޮޅު ކިއާލީމަ ..
ހަސަން
03 October 2016
އެސްޓީ އޯ އިން 398 ރުފިޔާ އަށް ހަޑޫ ބަސްތާ އެއް ގަނެގެން ކުޑަ ޕިކަޕަކަށް 40 ރ ދީފައި ފިހާރައަށް ގެނެސް 15 ރުފިޔާ އަށް ބޮޑިދޭ ކޮތަޅުގެ 50 ކޮތަޅަށް 50 ކިލޯ އަޅާފައި ކަސްޓަމަރަށް ތިޔަ ބުނާ ރޭޓުގައި ވިއްކެއިޔާ މުން ސައީދު މެންނަށް އިގިލި ލަންބައިގެން ވެސް ހިސާބު ހަދަން ނޭގެނީ.
ނެޝަނަލިސްޓް
03 October 2016
ބޮޑު އަގުގައި ކާޑު ވިއްކާކަމަށް އަޑުއިވެނީ އެސް.ޓީ.އޯ. ޢިން! އެއީ ސަރުކާރުން އަންގައިގެން ކަމަށް ލަފާކުރެވެނީ!
ހަރީފް މޫސުމް
03 October 2016
ސަރުކާރު ތެރޭގަ އޮތް ކޯޅުމާ ސިޔާސީ ކަންތަކާހުރެ ޖާޑީގަ ބޮޑުވެ ގައުމު ނުދަންނަ ބަޔަކަށް އެއްކަމެއްވެސް އިސްލާހުކުރާކަށް ނޫޅެވޭނެ ގައު އޮޔާދަނީ
ބަންގާޅި
03 October 2016
ރައްޔިތުންނައްގެއްލުންވާގޮތައްސަރުކާރުން ކަންކުރަން ހުއްދަތޯ އެގިލައްވާތޯ ފިހާރަތަކުގެ ކުލިބޮޑުވީމަ ވިއްކާމުދާއަގުބޮޑުވާކަނަ އިންކަމް ޓެކްސްނަގަންނުކެރިގެންތިޔައުޅެނީކީއްވެތޯ
އަލްޖިބްރާ
03 October 2016
އެއްފިޔަވަޅެއްވެސް ނޭޅޭނެ ! ފިޔަވަޅެއް އެޅޭނެމީހަކު އެވާހަކައެއް ނުގޮވާނެ ! ފިހާރަތަކުގައި ބިދޭސީން ތިބޭތީ ވެސް ފިޔަވަޅު އަޅާނަމޭ ގޮވި ! ވީކަމެއް ދައްކަބަލަ ! އަދިވެސް ހަމަތިބީ ބިދޭސީން ! ކަލޭމެނަކީ ވެރިމީހާގެ ޕަޕެޓުން ! އޭނާއަންގާ ކަމެއްކުރަން ފައިނަގައިގެން ތިބިބައެއް ! ދިވެހިރައްޔިތުންނަށް ހަރާންކޯރު ވާބައެއް !
ޙހަބީބު މީދޫ
03 October 2016
ޚޮންފިޔަވަޅެއް އަޅާނީ ހުރިހާނުބައެއް ހަދާފަ ބަޔަކު ޖަލައް ލާންދޯ ޕޕމ ގެ ސަރުކާރުން ހުރިހާ ކަމެއް ރާވާ ހިންގަނީ ސައީދޫ ވެރިޔަކައް ހުރީ ކޮންކަހަލަ އިކޮނަ މިސްޓެއްތަ
modaf
03 October 2016
ދައްކާ ކޮސް ވާހަކަ. އެހޮޓަލަކުން ވިއްކާނެ އަގެއް އިނގޭނީ އެތަނަކަށް. ސައިދަށް އެންގޭނީ ފިހާރަތަކުން ކާޑު ވިއްކާނެ ކޮންޓްރޯލް އަގު އެކަނި. ދެން މީހުން އޮޅުވާލަން ފިޔަވަޅު އަޅާނަމޭ ކިޔަކަސް ވާނެކަމެއް ނޯންނާނެ. މީނަޔަށް ނޭނގުނު ކަމަކީ ކާޑުގެ އަގު ދެގުނަ ބޮޑުކުރުމުން މިރާއްޖޭގަ ދޭ ހުރިހާ ޚިދުމަތަކަށް އޭގެ އަސަރު ކުރާނެކަން. މިކަމާއި ގުޅިގެން މަސް މާރުކޭޓުން މަސް ވިއްކާ އަގުވެސް ބޮޑުވާނެ. ލޯކަލް މާރުކޭޓުން ކަރާ ވިއްކާ އަގުވެސް ބޮޑުވާނެ. އެކަމަކު މީނަ މިބުނަނީ ރައްޔިތުން ހާސްވާކަށް ނުޖެހެޔޯ. މީދެން އަރަތެއްނު.
ގބދ
03 October 2016
ކުރީގެ ހެންވޭރު އަވަށު އިފޯސްކައިރީ ލޮނުޒިޔާރަތް މަގަށްވާގޮތަށް ހުންނަ ފިހާރަތަކުގަ 10 ރުފިޔާއަށް ހަނޑޫ ހަކުރު ފުށްވިއްކާއެބަ..
ދާދިފަސް
03 October 2016
ސަރުކާރުންވެސް ރައްޔިތުންނަށް ހަދަނީ ހަދާނޭ އެއްޗެއް. ދެން ވިޔަފާރިވެރިންވެސް އެމަގުން ހިނގާނޭނޫންތޯ. ސައީދުމެން އެބަޖެހޭ އެހެންމީހުން ކުށްވެރިކުރުމުގެ ބަދަލުގައި ތިމާމެންނަށް މިކުރެވޭ ކަމެއް ބަލަން. އިކޮނޮމިކް ކައުންސިލެކޭ ކިޔާފައި ބޭރު ދަތުކުރާ މީހުން ބޭތިއްބިޔަސް އެމީހުންނަށް ވާނުވާ ނޭގޭނެ. އެހެންވީމާ ނޫންތޯ އަދީބު 1.2 ބިލިއަން ރުފިޔާ ދަމައިގަތީވެސް.