އީރާނުގެ ރިވޮލިއުޝަނަރީ ގާޑުގެ އެއަރޯސްޕޭސް ކޮމާންޑަރު އާމިރު އަލީ ހާޖިޒާދާ، ބޯޓަށް މިސައިލް ހަމަލާ އެރި ގޮތް ޗާޓެއްގެ އެހީގައި ދައްކުވައިދެނީ. --ފޮޓޯ:އޭއެފްޕީ
12 ޖެނުއަރީ 2020 - 11:34
20 comments
ތެހެރާން (ޖެނުއަރީ 12) - ޔުކްރޭނުގެ މަތިންދާ ބޯޓު ވައްޓާލީ މިސައިލް އޮޕަރޭޓަރަށް އެއީ މިސައިލެއް ކަމަށް ހީކޮށް ކަމަށާއި ހަމަލާ ދިނުމާ މެދު ގޮތެއް ނިންމަން އޭނާ އަށް ލިބުނީ 10 ސިކުންތު ކަމަށް ރިވޮލިއުޝަނަރީ ގާޑުގެ އެއަރޯސްޕޭސް ކޮމާންޑަރު ބްރިގޭޑިއާ ޖެނެރަލް އާމިރު އަލީ ހަޖިޒާދާ ވިދާޅުވެއްޖެ އެވެ.
"އީރާނަށް ކްރޫޒް މިސައިލް ހަމަލާ ދޭކަން އޮތީ ރިޕޯޓްކޮށްފައި،" އީރާނުގެ ގައުމީ ޓީވީގައި ވާހަކަ ދައްކަވަމުން އޭނާ ވިދާޅުވި އެވެ.
ޔުކްރޭން އިންޓަނޭޝަނަލް އެއާލައިންސްގެ ބޯޓު މިދިޔަ ބުދަ ދުވަހު ވައްޓާލީ، އިރާގުގައި ތިބޭ އެމެރިކާ ސިފައިންގެ މަރުކަޒުތަކަށް އީރާނުން މިސައިލް ހަމަލާ ދިންތާ ކުޑަ ވަގުތުކޮޅެއް ފަހުންނެވެ. އެ ހަމަލާގައި ވަނީ ބޯޓުން ދަތުރުކުރި 176 މީހުން މަރުވެފަ އެވެ.
ވެއްޓުނު ޔުކްރޭން އެއާލައިނުގެ ފްލައިޓް ޑޭޓާ ރެކޯޑަރު. --ފޮޓޯ:އޭއެފްޕީ
"މިސައިލް އޮޕަރޭޓަރަށް މައުލޫމާތު ފޯރުކޮށްދީފައި ވަނީ އެއީ ހަނގުރާމައިގެ ހާލަތެއްގެ ގޮތުގައި. އެ ހާލަތުގައި އެންމެ ބަޓަނަކަށް ފިތާލައިގެން ހަމަލާ ދެވޭ މިންވަރަށް އެލާޓް ލެވެލް ވަނީ މަތިކޮށްފައި. އަދި މިސައިލް ހަމަލާ ދޭކަން އޭނާ އަށް އޮތީ އަންގާފައި. މިސައިލް އޮޕަރޭޓަރަށް ބޯޓު ފެނުނީ ކްރޫޒް މިސައިލެއްގެ ގޮތުގައި،" ހަޖިޒާދާ ވިދާޅުވި އެވެ. "ހަމަލާ ދިނުމުގެ ކުރިން މިސައިލް އޮޕަރޭޓް އެޕްރޫވަލް ހޯދަން ޖެހޭނެ. އެކަމަކު މުވާސަލާތީ އޮޅުމަކުން ގުޅުންތައް ކެނޑިފައި ވަނީ."
އޭނާ ވިދާޅުވީ މުވާސަލާތީ އޮޅުން އެރީ، ސިސްޓަމް ޖޭމްވެގެން، ނުވަތަ ނެޓްވޯކް ބިޒީވެގެން ކަމަށެވެ. އެހެންވެ އެއްވެސް ފަރާތަކާ އޭނާ އަށް މުވާސަލާތު ނުކުރެވުނު ކަމަށް ބުންޏެވެ.
"ގޮތެއް ނިންމަން އޭނާ އަށް ލިބުނީ 10 ސިކުންތު،" އީރާންގެ ޖެނެރަލް ވިދާޅުވި އެވެ.
ހަޖިޒާދާ ވިދާޅުވީ އެ ހާލަތުގައި އޭނާ އަށް ގޯސް ނިންމުމެއް ނިންމައި، ބޯޓަށް މިސައިލެއް ފޮނުވާލެވުނީ ކަމަށެވެ.
ބޯޓު ވެއްޓުނީ އޮޅުމަކުން ދިން މިސައިލް ހަމަލާއަކުން ކަމަށް އީރާނުން އިއްޔެ އެއްބަސްވީ، ބޯޓަށް މިސައިލެއް އަރާ ވީޑިއޯއެއް އާއްމުވި ފަހުންނެވެ. އޭގެ ކުރިން އީރާނުން ދިޔައީ އެކަން ދޮގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
13 January 2020
ތިހުރިހާކަމެއްގެ ޒިންމާ ނަގަންޖެހެނީ އެމެރިކާގެ ކިބުރުވެރި ވެރިޔާ.
މަރޭ
13 January 2020
މިޢީރާނަށް އެރި އެންމެ އޮޅުމެއް އެކަމަކު އެމެރިކާމިކަހަލަ އަދަދު ނުކުރެވޭކަންކަން ކޮށްފަ ވަނީ.މިކަން ފެށުނީވެސް އެމެރިކާއަށް ގޯސް މީހަކު ފެނުނީމަ އްމިއްލަ ގާނުނުގެ ދަށުން މަރާލުމުން. އަމިއްލަ ގައުމުގަ ޑިމޮކުރަސީ އެހެން މިހުންނަށް ހުދުމުހުތާރު ކަނމުން ދަނީ..
ދޮންމަނިކު
13 January 2020
މިކަހަލަ ކަންކަން ކަ މުގައި ކޮ މެންޓު ކުރަން ވާނީ މިކަ މުގެ އިލް މު ހުރެގެން .........!!!
ދޮންމަނިކު
13 January 2020
މިހާރު އިންޓަނޭސަނަލް ބެސްޓް ޕުރެކްޓަސް ( ވާރ ޓައި މް 0 މިނަޓް، ޕީސް ޓައި މމް މމެކްސި މަ މް 2 މިނަޓްސް) އިޓް މީންސް....... . ޑިޓެކްސަން ، އައިޑެންޓިފިކޭސަން .އިންޓަސެޕްސަން ، ޑިސްޓުރެކްސަން :
ސައިފް
13 January 2020
އިރާގާއި، ސީރިޔާ، ފަލަސްތީން، ޔަމަންގައި ދުވާލަކު ކިތައް މީހުން އެމަރަނީ އެކަންކަމާ ބަހެއް ބުނަނީ ކާކު
ާވަހީދު
13 January 2020
އެމެރިކާއިން ޖެނެރަލް މަރާލީމަ ހިނގައިގެން ކުރިއަށްދާ ކަންކަން މިހުންނަނީ.
ހަކީމް
13 January 2020
ފެންވަރު އޮޅި ތިމާމެންގައިގައި ނެތްފެންވަރު ދައްކަން ހަދައިގެން ލިބުނު ދެރައެއް.
ފެންވަރު
13 January 2020
ފެންވަރު މަތިވެގެން އުޅޭ އެމެރިކާމީހުން ދުވާލު އެމެރިކާގެ މަތިންދާބޯރޓް ވައްޓާލާ އެތައްބަޔަކު މަރާލި. އަދި އެއިރުގެ ހާލަތާ ޔޫކުރޭން ބޯޓް ވައްޓާލި ހާލަތާ ތަފާތު. އީރާނުން އެެމެރިކާގެ އަޅުވެތިކަމަށް ދާންބޭނުން ނުވަނީ ފެންވަރު ހުރީމަ. އެމެރިކާމީހުންވެސް މަރުވާނެ. ފެންވަރުހުރިއްޔާ މަރުނުވެ ތިބެބަލަ.
ކޮމެންޓޭ1
12 January 2020
ތީގަ މައްސަލައަކީ ހަނގުރާމަވެރި ހާލަތެއްގަ މަދަނީ އުދުހުންތައް ހުއްޓާނުލާ ކުރިއަށް ގެން ދިއުން. ދެން މިސައިލް ޖެހި މީހާ އުލު ބައިންދާ
ަަކޮޔާ
12 January 2020
ދެން ތާލިބާނުން އެމަރިކާ ތެޅީ ކިހިނަކުން ? ކޮބާ އެމަރިކާ އިން ހަމަލާ ދޭން ބުނި 52 ތަން ? ތީތި ބުނާ ޑައިނަސޯ ގެ ބާރު ?
ޠާލިބާން
14 January 2020
ޠަލިބާނަކީ އެމެރިކާއިން ހަދައިގެން އުޅެނަމެއް. އެމީހުން ބޭނުންވާ ތަންތަނަށް ބޮންއަޅަން. އޭގެ ފަހުގެ ވަރޝަން އައި.އެސް.އައި.އެސް އަކީ. ރަނގަޅަށް ދިރާސާކޮށްލައްވާ!
އަލީމޫސަ
12 January 2020
ކޮންމެއަކަސް ވަރަށް ދެރަ މައްސަލައެއް!