ވަޒީރުންގެ ކަންބޮޑުވުންތަކަށް ޖަވާބުދާރީވުމުގެ ފުރުސަތަކަށް ސީއެސްސީން އެދިއްޖެ

ސީއެސްސީގެ ރައީސް މަޖިލީހުގެ ކޮމެޓީއެއްގައި: ވަޒީރުންގެ ކަންބޮޑުވުންތަކަށް ޖަވާބުދާރީވުމުގެ ފުރުސަތަކަށް އެ ކޮމިޝަނުން ވަނީ މަޖިލީހުގައި އެދިިފަައި -- ފޮޓޯ/މިހާރު

މުއިއްޒު އިބްރާހިމް، މިހާރު

13 ފެބުރުއަރީ 2020 - 15:15

15 comments

ސިވިލް ސާވިސް ކޮމިޝަން (ސީއެސްސީ) ގެ ސަބަބުން މިނިސްޓްރީތަކުގެ މަސައްކަތްތައް ލަސްވަމުންދާ ކަމަށް ވިދާޅުވެ، ރައްޔިތުންގެ މަޖިލީހުގެ ކަމާގުޅޭ ކޮމިޓީގައި ވަޒީރުން ފާޅުކުރެއްވި ކަންބޮޑުވުންތަކަށް ޖަވާބުދާރީވުމުގެ ފުރުސަތަކަށް އެ ކޮމިޝަނުން ރައްޔިތުންގެ މަޖިލީހުގައި އެދިއްޖެ އެވެ.

ސީއެސްސީގެ މަސައްކަތްތައް ލަސްވުމުން މިނިސްޓްރީތަކަށް ދަތިތައް ކުރިމަތިވެ އަދި ބައެއް ކަންކަމާ މެދު އެ ކޮމިޝަނާ ދެމެދު އެއްބަސްވުމަކަށް ނާދެވިގެން ބައެއް ކަންކަން ހުއްޓިފައި ހުރި ކަމަށް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި ގިނަ ވަޒީރުންތަކެއް ވަނީ މިދިޔަ ހޯމަ ދުވަހު ވިދާޅުވެފަ އެވެ. ވަޒީރުންނާ އެކު، ކޮމިޓީން ބޭއްވި ބައްދަލުވުމަށް ފަހު، ދެން އޮތް ބައްދަލުވުމުގައި އެ ކޮމިޓީން ވަނީ ސީއެސްސީގެ ބައެއް މެމްބަރުން މަގާމުން ވަކިކުރަން ފާސްކޮށްފަ އެވެ. އެކަމަކު، އެ މެމްބަރުން ވަކިކުރުމާ މެދު ގޮތެއް ނިންމާނީ މަޖިލީހުގެ ތަޅުމުންނެވެ. އަދި އެ މައްސަލަ މަޖިލީހުގެ ތަޅުމަކަށް ނުފޮނުވަ އެވެ.

ސީއެސްސީން ވަކިކުރަން ކޮމިޓީން ފާސްކުރީ، އެ ކޮމިޝަންގެ ރައީސް ޑރ. އަލީ ޝަމީމާއި ނައިބު ރައީސް ޝަހީދު މުހައްމަދާއި މެމްބަރު އިބްރާހިމް ޝަހީގާއި މެމްބަރު ޒަކަރިއްޔާ ހުސައިން އެވެ.

CSC aa gulhey mashvaraa ah hurihaa vazeerun majileehugai

The most trusted news source in the Maldives

Mihaaru

މި މައްސަލައިގައި، ސީއެސްސީން ނެރުނު ބަޔާނެއްގައި ބުނީ، އެތައް ހާސް ސިވިލް ސާވިސް މުވައްޒަފުންގެ ކަންކަން ބެލެހެއްޓުމުގައި އެ ކޮމިޝަނުން ކުރަމުންދާ މަސައްކަތްތަކާ ބެހޭގޮތުން ބައެއް ވަޒީރުން ފާޅުކުރެއްވި ކަންކަމާ ގުޅިގެން އެ ކޮމިޝަނުން ކަންބޮޑުވާ ކަމަށެވެ. އަދި އެ ކަންބޮޑުވުންތަކާ ގުޅިގެން މަޖިލީހުގެ ކޮމިޓީގައި ޖަވާބުދާރީވުމުގެ ފުރުސަތަކަށް އެދި މަޖިލީހުގެ ރައީސް މުހައްމަދު ނަޝީދުގެ ކިބައިން އެ ކޮމިޝަނުން އެދިފައިވާ ކަމަށް ސީއެސްސީން ބުނެ އެބެ. މިނިސްޓްރީތަކުގެ ކަންބޮޑުވުންތައް ދެނެގަތުމަށްޓަކައި ވަޒީރުންނާ ބައްދަލު ކުރަން ބޭނުންވާތީ އެ ފުރުސަތަށް ވެސް ވަޒީރުންގެ ކިބައިން އެދިފައިވާ ކަމަށް އެ ބަޔާނުގައި ވެ އެވެ.

Noos bayaan/ 13.02.2020 pic.twitter.com/N1as5RmLPK
— Civil Service Commission (@cscmaldives) February 13, 2020

ސީއެސްސީގެ ނޫސްބަޔާން

އެ ބަޔާނުގައިވާ ގޮތުން، ސީއެެސްސީން އަބަދުވެސް މަސައްކަތް ކުރަނީ ގާނޫނުއަސާސީ އާއި ގާނޫނުތަކުގެ އިމުގެ ތެރެއިންނެވެ. އަދި އޮފީސްތަކުގެ މަސައްކަތްތައް އަވަސް ކުރަން އެ ކޮމިޝަނުން ދޭންޖެހޭ އެއްބާރުލުން ދެމުންދާ ކަމަށާއި އެކަމަކު ރާއްޖޭގެ މާލީ ހާލަތު އޮތްގޮތުން އެކަށީގެންވާ މިންވަރަށް މުވައްޒަފުން ހޯދައި ނުދެވުމާއި ސިޔާސީ މާހައުލު އޮތްގޮތުން މުވަައްޒަފުންގެ ސުލޫކީ މިންގަނޑު ހިފަހައްޓަން އެ ކޮމިޝަނަށް ގިނަ ދަތިތައް ކުރިމަތިވެފައިވާ ކަމަށް ވެސް ސީއެސްސީން ބުންޏެވެ.

ސިވިލް ސާވިސް ރައްޔިތުންގެ މަޖިލިސް ވަޒީރުން ސިވިލް ސާވިސް ކޮމިޝަން މިނިވަން މުއައްސަސާތައް މިނިވަން މުއައްސަސާތަކުގެ ކޮމިޓީ ސިވިލް ސާވަންޓުން

15 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

2011

14 February 2020

އަސްލު ހަމަ މިކޮމިޝަން ފެއިލް ވެފައި އޮތީ . އަބަދު ގަވާއިދު ހަދަން އެގެންނީ. މުއައްޒަފުންނަށް ނިކަމެތި ވާނެ ހާ ގޮތް ގޮތް ދުވަސްވީ ތަޖްރިބާ މުއައްޒަފުން މަސައްކަތު މީހުންނަށް ބަދަލް ކުރާނެ އުޞޫލް ހަދާ ސަރުކާރު ހިންގުމަށް ނާގަބިލް މީހުން އައްޔަނުކޮށް ސަރުކާރު ފެއިލް ކުރާނެ ވިސްނުން ގެންގުލޭތީ ހިތާމަ ކުރަން ތައުލީމީ ފެންވަރެއް ނެތޭ ކިޔާފައި ކިތައް ގާބީލް ތަޖްރިބާ ހުރި މުއައްޒަފުން މޯޓީވޭޓް ގެއްލުވާލައިފިތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

20000

14 February 2020

ސިވިލް ސާރވިސް އަށް އުޅެނީ ސަރުކާރުން ހިންގުމުގައި އަތް ބޭނުމުގައި، މިސާލަކަށް ރަށްރަށުގެ ކައުންސިލް އިދާރާތަކުގެ ހިންގާނެ އޮނިގަޑުވެސް ހަދަނީ ސިވިލް ސާރވިސް ކޮމިޝަން އިން. އެކަމަކު ޤާނުނުން ކައުންސިލް އަށް ބާރުދީފައި އޮންނަނީ. އެއިދާރާއިން އަކުން ހަދާނެ އޮނިގަޑު އެގޭނި އެއިދާރާއަކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރވަންޓް

14 February 2020

މިިނިސްޓަރ ބޭނުންވާ މުވައްޒަފުން މުސާރަ ބޮޑުކުރުމަށް ސިވިލް ސަރވިސް ދައިމީ ވަޒީފާގައި ހުރެގެން ކުރަމުން ދިޔަ މަސައްކަތް ކުރުމަށް މިނިސްޓަރ އަށް ފެންނަ މުވައްޒަފުން ކޮންޓްރކްޓަރއަށް ބަދަލުކޮށް މިނިސްޓަރ އަށް ފެންނަ މުސާރައއް ކަނޑައަޅައި ބައެެއް މުވައްޒަފުންނަށް ވަނީމުސާރަ ބޮޑުކޮށްފައި. އެން.ސީ.އައި.ޓީގައި މަސައްކަތްކުރާ މުވައޒަފު ބީއެމްއެލް އަށް 18000 މުސާރަ ލިބޭ ވަޒީފާއަކަށް ދާން އުޅުމުން ވަނީ 23500ރ މުސާރަ ބޮޑުކޮށްކޮންޓްރކްޓްމުވައްޒަފަކަށް ބަދަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުހިޔާއީ

13 February 2020

ސިވިލްސަރވަންޓުންގެ ސަޕޯރޓް ނެތް ފެއުލްވެފައި އޮތް ކޮމިޝަނަކާއި އެކު މަސއްކަތްކުރަން އުނދަގޫވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިނު

13 February 2020

ކަމިޝަނުގެ މެމްބަރުންގެ އިތުރުން ކޮމިޝަނުގެ އިދާރާގައިތިބި ބައެއް މުވައްޒަފުން ބަދަލުކޮށްގެން ނޫނީ އެތަން ތަރައްގީއެއް ނުވާނެ. ފަސޭހައިން ރަގަޅުކުރެވޭވަރަށްވުރެ ބޮޑަށް ފާރުވެފައިވާތަނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޯގޭ މޫސަ

13 February 2020

ބަރާބަރު ތީ ވަކިކުރަން ޖެހޭ ބައެއް. މާލަސްވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

13 February 2020

މި ދިޔަ ސަރުކާރު ގައި އިސްލާމިކް މިނިސްޓްރީ އިން ހުޅުމާލެ އަށް އިމާމަކު ހޯދުމަށް އިޢުލާން ކުރުމުން އަޅުގަނޑު ކުރިމަތި ލިން. ޑިޕްލޮމާ ފޮރ އިމާމްސް ފެންވަރުގައި. އެކަމަކު ހޮވީ އެއިރު ވަގުތީ މަގާމުގަ ހުރި ޕީ ޕީ އެމް ސަޕޯރޓަރެއް. ސްޓޭޓް މިނިސްޓަރ އަދި މިނިސްޓްރީ ގެ ބޭފުޅަކުވެސް ވިދާޅުވި ކަމަށް ވަނީ އެއީ އެމީހާ ދާއިމީ ކުރުމަށް ކުރި އިޢުލާނެއް ކަމަށް. ފަހުން މި އިމާމު ގާތު އެހުމުން ޚުދު އޭނަ ވެސް ބުނީ އެއީ ތެދެއް ކަމަށް. އޭނަ އަތުގަ ޑިޕޮލޮމާ ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބާ

13 February 2020

އެހެދީ ރަނގަޅަށް. އެސެސްކުރުމުގައި ގިނަމާކްސް ލިބޭނެ ތަޖުރިބާޔަށްވެސް. އެކެޑެމިކް އޮނިގަނޑުގައި ޑިޕްލޮމާޔަކީ މާމޮޅު ސަރޓިފިކެޓެއްނޫން. އެއީ އެޑްވާންސް ސެޓިފިކެޓަށް އޮންނަ ލެވެލް 4 އާ ޖެހިގެން އޮންނަ ލެވެލް 5 ގެސެޓިފިކެޓެެއް. އަނެއްމީހާ އަތުގައި ލެވެލް 4 ގެ އެޑްވާންސް ސަޓިފިކެޓެއް އޮވެފައި ތަޖުރިބާހުރުމުން އެސެސިންކްރައިޓީރިއާގައި މާކްސްގިނަވެ އިސްކަންދޭންޖެހޭނެ. އެހެންވީމަ ހޮވާފައި އޮތީ ރަނގަޅަށް. ޑިގްރީއެއް އޮތްނަމަ ރަނގަޅު ތިމައްސަލަ ޖައްސަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުޒަންގު

13 February 2020

ތިއީ ކަނޑައެޅިގެން ދޮގަކާ ވައްތަރީ. މުދިމް އަދި އިމާމް މަގާމަކީ ސިވިލްސާވިސް މަގާމެއް. ތިކިޔާ މީހާ އަތުގައި ޑިޕްލޮމާ ނެތަސް، ޝަރުތު ހަމަނުވާ މީހަކަށް ސިވިލްސާވިސް ކޮމިޝަނުން އެމަގާމް ނުދޭނެ. ޑިޕްލޮމާ ނެތަސް ޕޮއިންޓް ގިނަވާ ގޮތްތައްވެސް ހުރެދާނެ. ކޮމިޝަނުގައި ނުވަތަ އޭސީސީގައި މައްސަލަ ޖައްސާ އަވަހަށް. އޭރުން ހޮވާފައި އޮތްގޮތް އެނގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

13 February 2020

މިހާރުވެސް އަދި އޭރުވެސް އަހަރެންނަކީ އިމާމެއްގެ ވަޒީފާގައި ހުރި މީހެއް. އަނބި ދަރިން މާލޭގަ އުޅެންޖެހުމުން މާލެ ބަދަލުވާން ބޭނުންވީ. މިވާހަކަ ކޮމެންޓް ބައިގަ ހިމަނާ ނުލެވުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޮ

13 February 2020

"ސިޔާސީ މާހައުލު އޮތްގޮތުން މުވަައްޒަފުންގެ ސުލޫކީ މިންގަނޑު ހިފަހައްޓަން އެ ކޮމިޝަނަށް ގިނަ ދަތިތައް ކުރިމަތިވެފައިވާ ކަމަށް ވެސް ސީއެސްސީން ބުންޏެވެ." މިއީ ގަބޫލު ކުރެވޭ އުޒުރެއް ނޫން. މި ބުނެވުނީ ސަޔާސީ ބަޔަކު ދެކެ ބިރުން ތިމަންނަ ވަޒީފާ ގެއްލިދާނެތީ ބިރުން ބަޔަކު ވަކި ކޮށް އަނެއް ބަޔަކު ވަޒީފާއިން ވަކި ނުވެ ތިބިޔޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްގޮވާ

13 February 2020

ބޭކާރު ވާހަކަ ނުދައްކާ. ތިތަން ޖެހޭނީ ދޮއްނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލިޝް

13 February 2020

ސަރުކާރަށް އެއްބާރުލުން ނުދެޔޭ ކިޔާފަ އާމިރާ ފިޔަވައި ދެންތިބި 4 މެންބަރުން ވަކިކުރަން ތިނިންމީ އޭނާއަކީ ރޮޒޭނާގެ ބޮޑުދައިތަ ވީމަދޯ؟ ތިއީ އާމިރާއަށް ކޮމިޝަނުގެ ރައީސްކަން ދޭންވެގެން ރޮޒޭނާ ހިންގާ ބޮޑު ޖަރީމާއެއް! ބޭނުމަކީ އާމިރާ ޖޭއެސްސީ ގައި ބައިންދާގެން ޖުޑީޝަރީއަށް ރޮޒޭނާގެ ބާރު ފޯރުވުން!