މާފުށީ ޖަލު: ޖަލުގައި ބައްދަލު ކުރެވޭ ވަކީލުންގެ އަދަދު ވަނީ އިތުރު ކޮށްފައި -- ފޮޓޯ/މިހާރު
14 ފެބުރުއަރީ 2020 - 14:17
2 comments
މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުގައި ތިބޭ ގައިދީންނާއިި ބަންދު މީހުންނަށް އެއް ފަހަރާ ތިން ވަކީލުންނާ ޖަލުގައި ބައްދަލުކުރެވޭ ގޮތަށް އެ އިދާރާ އިން ހަމަޖައްސައިފި އެވެ.
ކުރިން އޮންނަ ގޮތުން ކަރެކްޝަންސްގެ ބެލުމުގެ ދަށުގައި ޖަލުގައި ހުކުމް ތަންފީޒުކުރާ މީހުންނާއި ބަންދުގައި ބައިތިއްބާފައިވާ މީހުންނަށް ރަޖިސްޓަރީ ކުރެވޭނީ އަދި އެއްފަހަރާ ޖަލުގައި ބައްދަލު ކުރެވޭނީ ވެސް ގިނަވެގެން ދެ ވަކީލުންނާ އެވެ.
އެ އުސޫލަށް އިއްޔެ ގެނައި އިސްލާހުގައިވާ ގޮތުން، ޖަލުގައި ހުރި ކޮންމެ މީހަކަށް ވެސް އެއްފަހަރާ ފަސް ވަކީލުން ހަމަޖެއްސިދާނެ އެވެ. އަދި އޭގެ ތެރެއިން ތިން ވަކީލަކާ އެއްފަހަރާ ބައްދަލު ކުރެވިދާނެ ކަމަށް ވެސް އާ އުސޫލުގައިވެ އެވެ.
ޤައިދީންނާއި ބަންދުމީހުންނަށް އެއްފަހަރާ 5 ލޯޔަރުން ރަޖިސްޓްރީކޮށް އެއްވަގުތެއްގައި 3 ލޯޔަރުންނަށް ބައްދަލުކުރެވޭ ގޮތް ހަމަޖެއްސުމާއިއެކު، މީގެކުރިން ލޯޔަރުންގެ ބައްދަލުވުންތައް ބޭއްވުމަށް ހުރި ދަތިތަކަށް ހައްލު ލިބޭގޮތައް އުސޫލަށް އިސްލާހުގެނެސް އަމަލުކުރަން ފަށައިފިން. https://t.co/sSyCZnAfGK
— Ahmed Mohamed (@ahumadhumohamed) February 13, 2020
ގައިދީންނާ ވަކީލުންނަށް ބައްދަލުކުރެވޭ އުސޫލަށް ގެނައި އާ އިސްލާހާ ގުޅޭ ގޮތުން ޕްރިޒްންސް ކޮމިޝަނަރު އަހުމަދު މުހައްމަދު ކުރެއްވި ޓުވީޓް
ވަކީލުން ހަމަޖެއްސޭ އަދަދާއި އެއްފަހަރާ ބައްދަލު ކުރެވޭ ވަކީލުންގެ އަދަދު އިތުރު ކުރިއިރު، ޖަލުގައި ތިބޭ މީހުންނަށް އާއިލާތަކުން އަންނައުނު ފޮނުވޭނެ އިންތިޒާމު، ދެ އަހަރު ފަހުން މިދިޔަ ހަފުތާގައި ވަނީ ހަމަޖައްސައިފަ އެވެ. ކުރިން އެ ޚިދުމަތް ދެމުން އައުމަށް ފަހު، އޭރު އެކަން މެދުކަނޑާލީ އަންނައުނުގައި ފޮރުވައިގެން ޖަލަށް މަސްތުވާތަކެތި ވައްދަން މަސައްކަތް ކުރާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޝީދު.
14 February 2020
ހާދަ ޕްރެޝަރ ބޮޑޭ ދޯ ބޭރު މީހުންގެ. ބޭރު ޖަލުތަކުގަ ލަނީ ޖަލު ހެދުން. އެކަމު ޔާމީނަށް އަމިއްލަ ހެދުން ލެވޭގޮތައް ބޭރުމީހުން ސަރުކާރަށް ޕްރެޝަރ ކޮށްގެން އެއޮތީ އެވެސް ބަދަލުކޮށްފަ. މިހާރު ވަކީލުންގެ އަދަދުވެސް ހަަމަ ބޭރުމީހުންގެ ޕްރެޝަރުން ބަދަލު ގެނައީ. މިދާވަރުން އަދި ޔާމީނު ނިކުންނާނެ ޖަލުން ވަރަށް އަވަހަށް.
މަރޭމިތުރާމީ
14 February 2020
ގައިދީންނަށް ނަމާދުކުރުމަށް ބޭނުންވާ ސާމާނު މުންޑު، ތާކިހާ، ކުނާ، މުސައްލަ ފަދަތަކެތި ސަރުކާރުން ފޯރުކޮށްދިނުމަށް ގޮވާލަން. މީމުސްލިމު ގައުމެކޭ ކިޔައިގެން ހަމަ އެކަނި ތިބުމަކުން ނުފުދޭ! އަދި ރޯދަމަސް އަންނައިރު ރޯދަމަހުގައި ގައިދީންނަށް ތަންކޮޅެއް ރަނގަޅަށް ކެވޭނެ ތަކެތިވެސް ފޯރުކޮށްދިނުމަށް ގޮވާލަން.