ިއިކޮނޮމިކް މިނިސްޓަރު ފައްޔާޒް އިސްމާއީލް . އޭނާ ވިދާޅުވީ ވަޒީފާއާ ބެހޭ ގާނޫނަށް ގެންނަ އިސްލާހު އެކުވަލައިލީ އިކޮނޮމިކް މިނިސްޓްރީން ކަމަށް.
16 ފެބުރުއަރީ 2020 - 19:27
61 comments
ވަޒީފާއާ ބެހާ ގާނޫނަށް އިސްލާހު ގެނައުމަށް ރައްޔިތުންގެ މަޖިލީހަށް މިހާރު ހުށަހަޅާފައިވާ އިސްލާހުގެ ބިލް އެކުލަވައިލީ އެޓާނީ ޖެނެރަލްގެ އޮފީހުން ނޫން ކަމަށާއި އެ ބިލް އެކުލަވައިލީ އިކޮނޮމިކް މިނިސްޓްރީން ކަމަށް މިނިސްޓަރު ފައްޔާޒް އިސްމާއީލް މިއަދު ވިދާޅުވެއްޖެ އެވެ.
މީހަކު ކުރި ޓްވީޓަކަށް ޖަވާބު ދެއްވަމުން ފައްޔާޒް މިއަދު ވިދާޅުވީ އެ ބިލް އެކުލަވައިލީ އޭނާގެ ބެއްލެވުމުގެ ދަށުން ކަމަށާއި އެޓާނީ ޖެނެރަލް އިބްރާހީމް ރިފްއަތާ އެ ބިލާ އެއްވެސް ގުޅުމެއް ނެތް ކަމަށެވެ. ރައްޔިތުންގެ މަޖިލީހަށް ބިލު ހުށަހެޅުއްވި، ކެނދިކުޅުދޫ ދާއިރާގެ މެމްބަރު އަހުމަދު އީސާއާ ވެސް ބިލާ ގުޅުމެއް ނެތް ކަމަށް އޭނާ ވިދާޅުވި އެވެ.
The bill was drafted by MoED and overseen by me. It has nothing to do with @ibriffath or @MPahmedeasa Our proposals are what we believe to be practical solutions to many issues. We are a democratic country and that is why we are open to debate and alternative view points. https://t.co/an9wgGVFau
— Fayyaz Ismail (@faya_i) February 16, 2020
ފައްޔާޒު މިމޭރުމުން ޖަވާބު ދެއްވީ ބިލަށް ފާޑުކިޔައި މީހަކު ކުރި ޓްވީޓަކަށެވެ. އެ ޓްވީޓް ކުރި މީހާ ބުނީ އެއަށް ވުރެ އެ ރަނގަޅަށް ބިލުގެ މަސައްކަތް ކުރައްވަން ފައްޔާޒަށް އެނގިވަޑައިގަންނަވާނެ ކަމަށާއި އެޓާނީ ޖެނެރަލް ފުރަތަމަ އެކުލައިލެއްވި ދެލިކޮޕީ ފައްޔާޒާ ހިއްސާ ނުކުރެއްވީ ކީއްވެބާއޭ، ހިތަށް އަރާ ކަމަށެވެ.
"ބިލް ޑްރާފްޓް ކުރީ އިކޮނޮމިކް މިނިސްޓްރީން، އަޅުގަނޑުގެ ބެލުމުގެ ދަށުން. އެ ކަންތަކާ [ބިލުގެ މަސައްކަތާ] އިބްރާހީމް ރިފްއަތު ނުވަތަ އަހުމަދު އީސާއާ އެއްވެސް ގުޅުމެއް ނެެތް. އަޅުގަނޑުމެންގެ ހުށަހެޅުންތަކަކީ ގިނަ މައްސަލަތަކަކަށް ހައްލުކަމަށް އަޅުގަނޑުމެން ގަބޫލުކުރާ ކަންތައްތައް. އަޅުގަނޑުމެންނަކީ ޑިމޮކްރެޓިކް ގައުމެއް. ތަފާތު ނަޒަރިއްޔާތަކާއި ބަހުސަށް ހުޅުވާލައިގެން މިތިބެނީ އެހެންވެ،" ޓްވީޓްގައި ފައްޔާޒު ވިދާޅުވި އެވެ.
އޭނާ ކުރެއްވި އެހެން ޓްވީޓެއްގައި ވިދާޅުވެފައި ވަނީ އިސްލާހުތަކާ މެދު ފާޅުކުރި ކަންބޮޑުވުންތައް ބަލައިގަންނަ ކަމަށާއި އިސްލާހުތަކަށް ބަދަލު ގެންނަވާނެ ކަމަށެވެ.
ވަޒީފާގެ ޕްރޮބޭޝަން މުއްދަތު ހަ މަހަށް އިތުރުކޮށް، ސަލާމް ބުނުމުގެ އުސޫލުތަކަށް ބަދަލު ގެންނަން ވަޒީފާއާ ބެހޭ ގާނޫނަށް ސަރުކާރުން ހުށަހެޅި އިސްލާހުތަކާ އެކު އާއްމުންގެ ފާޑުކިޔުން އެ ބިލަށް ވަނީ އަމާޒުވެފަ އެވެ.
ވަޒީފާއާ ބެހޭ ގާނޫނު މިހާރު އޮންނަ ގޮތުން ވަގުތީ ގޮތުން ވަޒީފާގައި ގެންގުޅެވޭނެ އެންމެ ދިގު މުއްދަތަކީ ތިން މަހެވެ. އެކަމަކު ސަރުކާރުގެ ފަރާތުން ކެނދިކުޅުދޫ ދާއިރާގެ މެމްބަރު އަހުމަދު އީސާ ހުށަހެޅުއްވި ބިލުގައި ހުށަހަޅާފައި އޮތީ އެ މުއްދަތު އިތުރު ކުރުމަށެވެ.
އެ ބިލްގައި ހުށަހަޅާފައި ވަނީ ޕްރޮބޭޝަނަށް ގިނަވެގެން ހިމެނޭނެ މުއްދަތު ހަ މަހަށް އިތުރު ކުރުމަށެވެ. އަދި މިހާރު ވެސް ގާނޫނުގައި އޮންނަ ގޮތަށް ޕްރޮބޭޝަންގެ މުއްދަތުގައި އެއްވެސް ނޯޓިހެއް ދިނުމެއް ނެތި އެއްބަސްވުން ބާތިލް ކުރުމުގެ ބާރު އޮންނާނެ ކަމަށް ވެސް އެ ބިލުގައިވެ އެވެ.
ބިލުގައިވާ މިނޫން ވެސް ބައެއް ބަދަލުތަކާ މެދު އާއްމުން އަންނަނީ ފާޑުކިޔަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިލް
17 February 2020
މީނައަށް ގައުމު ހިންގަން ހަވާލުކޮށްފައި އެންމެން ދެފައި ދޮވެ އެނދަށް އަރާ ރަޖާލާ!
ބޮޑު މުހައްމަދު
17 February 2020
ވާނުވާ ނޭނގޭ ސަރުކާރޭ ކިޔައިގެން ޔާމީން ސަރުކާރަށް ޖޯކުޖެހި ބައިގަނޑަށް ވަކި ވާނުވާ އެނގޭތަ އެބަ. އަނެއްހެން ވެދާނެ ކަމެއް ހަމަ. އެއީ ގިނަވާނި ރޭގަނޑު ނުނިދާ އުޅޭ ބޭފުޅުންވިއްޔާ. މެންދުރުފަހު ހަމަހޭވެރިކަންވާއިރު މިއޮންނަނީ ފޮށާ ބޭލިފަ.
ނަޖްވާ
17 February 2020
މީ ދެން މާ މޮޅުވެގަނެގެން އުޅޭ މިިިނިސްޓަރެކޯ! މީނަ ކައިރިން އޮޅުން ފިލުވަންވެއްޖެ ބުލީ ކުރިމަކީ ކޯންޗެއްތޯ!
ދޮން ކަބުލޮ
17 February 2020
ސިވިލް ސާރވިސް ކޮމިސަން އުވާލަން ފެނޭ.
އެކްޓިވިސްޓް
17 February 2020
މިވޭތުވެދިޔަތަނުގެ ތަޖްރިބާއަށް ބަލާއިރު މިޢަމަލަކީ ސަރުކާރުގައި ޖެހުނު ވަރަށް ބޮޑު ލައްގަޑެއް، މިލައްގަޑު ދެންދުވަހަކުވެސް ރައްޔިތުންގެ ހިތުން ފިލައިގެނެއްނުދާނެ، ރައީސް ޔާމީންވެސް އެހާބޮޑުތަނުން ބަލިވެ ފެއިލްވެގެން ދިއައީ އެކިފަހަރުމަތިން މުޥައްޒަފުންނަށްކޮށްފައިވާ މިފަދަގޯނާ ތަކުގެ ޞަބަބުން، ކޮއްމެ މުޥައްޒަފަކީ އެތައް ބައެއް ބަލަހައްޓާ ބަލަދުވެރިފަރާތަކަށްވާތީ އެއީ އެތައް ވޯޓެއް، އެއީ އެއްމެ މީހެއް އެއްމެ ވޯޓެއްނޫން، އަދިވެސް ވިސްނަވާލައްވާ!
ދަރަވަންދޫ ނަޝީދު
17 February 2020
ފައްޔާޒު އެކުލަވާލެއްވި ބިލަކަސް އެބިލް އަނބުރަ ގެންގޮސް އަލުން އިޞްލާހް ކޮށްލައްވާފަ ފޮނުވުން އެދެން. ކޮންމެގޮތެއްވިޔަސް އޮފީހަށް ސަލާމް ބުނާ ކޮންމެ ފަހަރުަކު މެޑިކަލް ސަޓިފިކެޓް ހުށެޅުމާ 6 މަސްދުވަހުގެ ޕްރޮބޭޝަން ޕީރިއަޑް ދިނުމުގައި ފައްޔާޒްގެ ޚިޔާލަށް ތާޢީދެއް ނުކުރެވޭނެ. ބިރުގަންނުވަން ނޫނީ ދޭ އިންޒާރެްނޫން މީކީއެއް. އެކަމަކު ބުނެލަންބޭނުވަނީ ވަޒީފާގެ ބިލަށް ގެންނަ ބަދަލާ ކައުންސިލް އިންތިޚާބުގެ ނަތީޖާޔާ އަޅާކިޔަން ފައްޔާޒު ހުންނަވާށޭ
ހިޔާ
17 February 2020
އަހަރެއްގެ ތެރޭގައި 30 ސަލާމްބުނުމަކީ ތިމާއަށް ލިބެންޖެހޭ ޗުއްޓީކަމަށް ދެކިގެން އެއަދަދަށް ސަލާމްބުނާ މީހުން ވަރަށްގިނަ. އެހެންކަމުން އެކަން ހުއްޓުވޭނެގޮތެއް ހޯދަންޖެހޭ. އެކަމަކު ސަލާމްބުނާ ކޮންމެ ދުވަހަކަށް ޑޮކްޓަރު ސެޓިފިކެޓް ގެންނަންޖެހުމަކީވެސް ހައްލެއް ނޫން. މީގަ 30 ސަލާމްބުނާ މީހުންގެ މެޑިކަލް ޓެސްޓް ހެދުން މާރަނގަޅުވާނެ.
ިމުން
17 February 2020
މެންބަރުންގެ ޕްރޮބޭޝަން މުއްދަތުވެސް އިތުރު ކުރަންވީ
ހިންނަވަރު ސޮރު
17 February 2020
ސިވިލްގެ ގާނޫނަށާއި ގަވާޢިދަށް ބަދަލުތަކެއް މިހާރުން މިހާރައްވެސް ގެންނަންޖެހޭ. ބޭނުންނެތްގޮތުގައި ސަލާމް ބުނާ މީހުން ވަރަށް ގިނަ. ސަލާމް ބުނުމުގައި ހައްދެއްނެތް. އެހެންކަމުން މިފަދަ ބަދަލެއް މިހާރުން މިހާރަށްވެސް ގެންނަންފެނޭ. 1. ޖެހިޖެހިގެން 2 ދުވަހު ސަލާމް ބުނެފިނަމަ ޑރ، ސެޓްފިކެޓް ހުށަހެޅުން. 2. ސަލާމުގައި ހުންނަ ދުވަސްތަކުގަޔާއި، އަދި، ޗުއްޓީގައި ހުންނަ ދުވަސްތަކުގައި މުސާރަ ފިޔަވައި އިތުރު އެލަވަންސްތައް ނުދިނުން.
މުޥައްޒަފުމީހާ
17 February 2020
ކޮއްމެތަނެއްގައިވެސް ގޯސްމީހުންނާއި ތަނަށް ގެއްލުންކުރަންއުޅޭމީހުން އުޅޭނެ، އެހެނޭކިއާފައި އަދަބުދޭންވީ އަކީ މުޅި އިންޑަސްޓްރީއަކަށްނޫން، އިސްލާހުކުރުމަށް ފިޔަވަޅުއަޅާ އަދަބުދޭންވީ ގޯސްކޮށް ކަންތައްކުރާމީހުނަށް، އެއްމެންނަށް އަދަބު ދިނުމުން އޭގެ ނޭދެވޭ އަސަރު ސީދާ މިފޯރަނީ އެއިރެއްގަ އޮންނަ ސަރުކާރެއްގެ ރައީސަށް، އިކްނޮމިކް މިނިސްޓަރަކަށްނޫން އަދި އެހެން ވަޒީރުންނާއި މެމްބަރުންނާއި އެފަދަކަންކަމަށް ހިތްވަރުދޭމީހުންނަށްވެސްނޫން، އިތުރަށް ވިސްނަވާ
ވަތުބަތާނަ
17 February 2020
ދިވެހިރައްޔިތުންނަށް ހޭ ވެރިކަމެއް އެބަކޮށްދެއެއް ނޫންތޯ؟ 2 އަހަރު ވެގެން މިދަނީ ކޮންދާއިރާއަކުންތޯ ކުރިއެރުމެއް ލިބުނީ؟ ލިބޭނަމަ ލިބޭ ކުރިއެރުމެއް ލިބެނީ ޣަނީމާ މުދާލިބޭ މީހުންނަށް.