ޕްލޭނިން މިނިސްޓަރު މުހައްމަދު އަސްލަމް ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަނީ. އޭނާ ވިދާޅުވީ ބައެއް މަގުތައް ހަދާފައި ހުރީ މަތިންދާބޯޓް ޖެއްސޭ ވަރަށް ކަމަށް.
18 ފެބުރުއަރީ 2020 - 12:19
76 comments
ރާއްޖޭގެ ބައެއް ރަށްރަށުގައި މަގުތައް ޑިޒައިންކޮށް ހަދާފައި ހުރީ ބޭނުންވާ ވަރަށް ވުރެ މާ މަތީ ފެންވަރެއްގައި ކަމަށް ޕްލޭނިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި ވަޒީރުންނާ ސުވާލުކުރުމުގެ ވަގުތުގައި ތިމަރަފުށީ ދާއިރާގެ މެމްބަރު އަބްދުﷲ ރިޔާޒް ކުރެއްވި ސުވާލަށް ޖަވާބު ދެއްވަމުން އަސްލަމް ވިދާޅުވީ މަގުތައް އޯވަ ޑިޒައިންކޮށްފައިވާ ކަމަށާއި އެއީ ދައުލަތަށް އެންމެ ފައިދާ ހުރި ގޮތް ކަމަށް ގަބޫލުނުކުރައްވާ ކަަމަށެވެ. ލ. ފޮނަދޫގެ މަގުތައް ހެދުުމުގެ މަސައްކަތް ލަސްވާ ސަބަބާ ބެހޭ ގޮތުން ފޮނަދޫ ދާއިރާގެ މެމްބަރު މޫސާ ސިރާޖު ކުރެއްވި ސުވާލަކަށް އަސްލަމް ޖަވާބު ދެއްވުމަށް ފުރުސަތު އެރުވުމުގެ ކުރިން މަޖިލީހުގެ ރައީސް މުހައްމަދު ނަޝީދު ވިދާޅުވީ ބައެއް ރަށްތަކުގައި ތާރު އަޅަމުން އަންނަ އިރު، މަގު ހަދާ ފެންވަރާ ދޭތެރޭ ބައެއް މީހުން ސުވާލު އުފައްދާ ކަމަށެވެ.
މާލޭގެ މަގެއް ހަދަނީ. ޕްލޭނިން މިނިސްޓަރު އަސްލަމް ވިދާޅުވީ ބައެއް މަގުތައް ހުރީ މަތިންދާބޯޓް ޖެއްސޭ ވަރަށް ކަމަށް.
"ރާއްޖޭގެ ބައެއް ރަށްރަށުގައި މިހާރު މިދަނީ ތާރު އެޅެމުން. އެއް ބަޔަކު ދެކޭ ގޮތުގައި އެއީ ބޭނުންވާ މިންވަރަށް ވުރެ ބޮޑު މިންވަރެއްގެ ޑިޒައިނެއް،" އެމަނިކުފާނު ވިދާޅުވި އެވެ.
ނަޝީދުގެ އެ ވާހަކަފުޅަށް ޖަވާބު ދެއްވަމުން އަސްލަމް ވިދާޅުވީ ދުނިޔޭގެ އެހެން ގައުމުތަކުގައި ވެސް މަގުތައް ހަދަނީ އެތަނެއްގައި ޓްރެފިކް އޮންނަ ވަރަށް ބަލައިގެން ކަމަށާއި ރާއްޖޭގައި މަގުތައް ހެދުމުގެ މަސައްކަތް ކޮށްފައި ހުރީ އެގޮތަށް ނޫން ކަަމަށެވެ.
"މަގުތަކުގެ ޑިޒައިންގައި އަޅުގަނޑު ވަކި ރަށެއްގެ ނަން ކިޔާކަށް ނެތިން. އެހެން ނަމަވެސް ބައެއް ރަށްރަށުގައި މަގުތައް ހެދިފައި އެބަހުރި މަތިންދާބޯޓް ޖެއްސޭ ފެންވަރަށް. އެވަރަށް ޑިޒައިން އެބަހުރި. އެއީ ހަަމަ ވަރަށް ބޮޑަށް އޯވަ ޑިޒައިން،" އަސްލަމް ވިދާޅުވި އެެވެ.
އޭނާ ވިދާޅުވީ ރާއްޖޭގެ ރަށްތަކުގައި އެނޫން ގޮތަކަށް މަގު ހަދާ ނަމަ މަގުގެ ފެންވަރު ދަށް ކަމުގެ ޝަކުވާ އަންނަ ކަަމަށާއި އެހެން ނަަމަވެސް ޓްރެފިކް ނޯންނަ ރަށްރަށުގައި މަގުތައް ހަދާ އިރު ބަރު ވެހިކަލްތަކަށް ދުއްވޭ ފެންވަރަށް މަގު ހެދުން މުހިއްމު ކަމަށް ދެކެވަޑައިނުގަންނަވާ ކަމަށެވެ.
"އެއް ހާސް މީހުންގެ އާބާދީ އުޅޭ ރަށެއްގައި އަޅުގަނޑަކަށް ނުފެނޭ ހަމަ އެއްގޮތަކަށް ވެސް 25 ޓަނުގެ ކްރޭނެއް އެތަަނަށް އަރާނެ ތަނެއް ދުވަހަކު ވެސް. އެހެންވީމާ އެ މަގު 25 ޓަނުގެ ކްރޭނެއް އަރާނެ ކަމަށް ޑިޒައިން ކުރުމަކީ ހަމަ ޔަގީނުން ވެސް އޯވަ ޑިޒައިން ކުރުން،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޯނުއަދުރޭ
19 February 2020
ދެންހަދާ މަގުތަށް ކިހައިވަރަކުން ދާނެބާ؟ ނަސީބެއް ބަރޯއެއް ނޫނީ ދަމާ ގާޑިޔާ ގަނޑެއް ދުއްވޭވަރު ވިޔަސް! މިބޭފުޅާގެ ވާހަކައިން އެނގުނީ މީނަގެވިސްނުމެއްނެތޭ މިޤައުމު ލިޓްލް ސިންގަޕޯރ ފެންވަރަށް ގެންދިއުމުގެ! 2050ގެ ތަސައްވުރެއް ހަމަ އެއްގޮތަކަށްވެސްނެތް!
ދަގަތްފާނު
18 February 2020
ހެހެހެ، އެހެންބުނާމީހުން ލައްކައެއް ކިރިއާ ހަމަވާތާކު ސްކޫޓަރުކޮޅެއް ދުއްވާލަން ކަނޑުހުރަސްކޮށް 4 ބުރިޖުއަޅަން ދިމާކޮށްގެން އެތިބީ. އެއޯކޭދޯ ކަލެއަށް.
އަޝްރަފު
18 February 2020
ދެން ކީއްކުރަން ތިޔަ ރަށްރަށުގަ އެއަރޕޯޓް ހަދަނީ ބޮޑު ޚަރަދުކޮށްގެން؟ ތިޔަ ވިދާޅުވާ މަގުތަކަށް ބޯޓް ޖައްސަންވީނު!
ދަގަތްފާނު
18 February 2020
އެއާޕޯޓު ހަދަނީ މާލޭ ކޮޓަރިކުލި ވިޔަފާރި ފުޅާކުރަން މާލެއަށް މީހުން އުފުލަން ފަސޭހައަށް.
ޒީރޯޓޮލެރެންސް
18 February 2020
ފްރީ ރައީސް ޔާމީން. ވީ މިސް ހިމް
ސަލީމް
18 February 2020
އަސްލަމުމެންގެ ކޮރަޕްޓު ކަތިނަޒަރުން ބެލީމަ ފެންވަރު ރަނގަޅައް ކޮއްފައި ހުންނަ މަސައްކަތްތައް ހީވާނީ ހައިރާންވާކަހަލަ މޮޅުކަންކަން ކަމުގައެވެ.
ނަސީދު
18 February 2020
ޢަސްލަމް ވެސް ޔާމިންއައް ޖޯކްޖަހަންހަދައިގެން އަމިއްލައައް ޖޯކަރަކައް ވެފައި ތިހިރީ މަމީ އެއްވެސް މީހެއްގެ ސަޕޯޓަރެއްނޫން އެކަމަކު ޔާމިން އާގާތައްވެސް އަސްލަމް މެއްންނައް ގައުމް ތަރައްގީނުކުރެވޭނެ މޑޕ ގައި އުރައްޕެއް ހުރިމީހެއް ނެތޭ
ސަނީޒާ
18 February 2020
ބަލަ ކަލޭމެން ހަދާ ގޮތައް އިންޑިޔާގެ ބަޖާޖް ފެންވަރަކައް ނޫނޭ ރައީސް ޔާމީން ޕުރޮޖެކްޓައް ނިންމަވަނީ.. ކަލޭމެން ހަދާ ބުރިޖުވެސް އޮންނާނީ ފުލައިވުޑު ފިލާއިން.. ރައީސް ޔާމީންގެ މަގު ޕުރޮޖެކްޓުތަކުގެ ފެންވަރު ރަނގަޅުކަން ކަލޭމެންނައްވެސް ތިޔޮއްގެން އިއުތިރާފު ވެވެނީޔޭ. އެއީ ތަރައްގީއަކީ ކޮހުންނޭ..
ކަލޭ ވާހަކަ ނުދައްކާ
18 February 2020
މާލޭން ކަރަންޓް ކެނޑޭތީ ޔާމީން ސަރުކާރުން ވާނުވާ ބެލި އިރު، ބައެއް ސަރަހައްދުގައި މައުމޫނު ދުވަސްވަރު ވަޅު ލައިފައި ހުރީ އިސްޕީކަރު ގުޅާ ސައިޒުގެ ނަރު. އެހެންވެ ފަލަ ވަޔަރު އަޅާފައި އެހުރީ ކުރިއަށް އޮތް 40- 50 އަހަރު ވެސް މައްސަލަ ނުޖޭނެ ކަމަށް ބަލާފައި. ކޮންމެ ކަމެއްގައި ވެސް އެގޮތް އޮންނާނެ. ތާރަ ކުނާ އަޅައިގެން މަގު ހެދީމަ ވަޅުގަނޑު ހެދިފައި ހުންނާނީ.
ނޭފަތުކުރި
18 February 2020
އެއްހާސްމީހުންއުޅޭ ރަށަކަށްވެސް 25 ޓަނު ކެރޭނެ އަރަންޖެހޭފަދަދުވަހެއް އަތުވެއްޖެނަމަ ކިހިނެއްބާހަދާނީ. ނޭފަތުކުރިއަށް ވިސްނައިގެން 30 އަހަރު ވެރިކަންކުރި މީހަކު ދެވަނަރަންވޭއެއް އަޅާކަށް ވިސްނުމަކަށް ނާންނާނެ. އެހެންވެ އެތާ ސީޕްލޭން ޓާމިނަލެއްހެދުމުން މުއްދަތު ހަމަވީމަވެސް އެއިން ސަލާމަތްނުވެވިގެން މިއުޅެނީ.
ފުދިފަހުންނަ ވަޢުދުވާ
18 February 2020
ދުނިޔޭގައި ރަނގަލަށް ތަރައްގީވެފައިވާ ގައުމެއްވިއްޔާ މަތިންދާބޯޓު ޖެއްސޭ ފެންވަރުގެ މަގެއްހަދާނެ. ހާއްސަކޮށް މިލިޓަރީ އެއާރޕޯޓް ތަކުގެ ވަކި ދުރުމިނެއްގައި އެފެންވަރުގެ މަގެއް ހަދާނެ. ސަބަބަކީ ހަމަލައެއް ނުވަތަ ހާދިސާއެއް ދިމާވެއްޖެނަމަ އެމަގަށް ބޯޓުޖެއްސުން. 100 އަހަރަށް ވިސްނައިގެން ތަރައްގީކުރާމީހުން އެފެންވަރުގައި ކުރާނެ.