ގާސިމްގެ މަރުގެ ދައުވާލިބޭ އަދުހަމް: އޭނާ ވަނީ ދައުވާއަށް އެއްބަސްވުމަށް ފަހު އެކަމަށް އިންކާރު ކޮށްފައި
18 ފެބުރުއަރީ 2020 - 12:51
72 comments
ޓެކްސީ ޑްރައިވަރު ގާސިމް ހަސަން މަރާލި ކަމަށް ކުރިން އެއްބަސްވީ މަސްތުގެ ހާލުގައި ހުރެގެން ކަމަށާއި ނަމަވެސް އޭނާ މަރާލާފައި ނުވާނެ ކަމަށް އެ މައްސަލާގެ ދައުވާ ލިބޭ އަދުހަމް މުހައްމަދު ކްރިމިނަލް ކޯޓުގައި މިއަދު ބުނެފި އެވެ.
މިދިޔަ އަހަރުުގެ ޑިސެމްބަރު މަހު، ގާސިމްގެ ކާރުގައި ހުޅުމާލެއަށް ގެންގޮސް ކަރަށް ތޫނު އެއްޗަކުން ހަމަލާދީ އޭނާ މަރާލި މައްސަލާގައި ދައުލަތުން ދައުވާ ކުރަނީ ޅ. ހިިންނަވަރު ބޮޑުހިޔާގޭ އަދުހަމްގެ މައްޗަށެވެ. އެ ދައުވާއަށް އޭނާ ކުރިން ވަނީ ކޯޓުގައިި އެއްބަސްވެ، އެކަމަށް މައާފަށް ވެސް އެދިފަ އެވެ.
އަދުހަމް ކުށަށް އެއްބަސްވެފައި އޮތުމުން އެ މައްސަލައިގެ ހުކުމް އިއްވަން މިއަދު ބޭއްވި މަޖިލީހުގައި އަދުހަމްގެ އިއުތިރާފާ ގުޅޭ ގޮތުން ގާޒީ އިސްމާއިލް ރަޝީދު ސުވާލު ކުރެއްވުމުން އަދުހަމްގެ މުޅި ވާހަކަ ބަދަލުވި އެވެ. އޭނާ ބުނީ އެ ދައުވާއަށް އިންކާރުކުރާ ކަމަށާއި ގާސިމް މަރާލީ އޭނާ ނޫން ކަމަށެވެ.
މިހާރު ކަރެކްޝަންސްގެ ބެލުމުގެ ދަށުގައި ހުރި އަދުހަމް ބުނި ގޮތުގައި ކުރިން ފުލުހުންގެ ބެލުމުގެ ދަށުން އޭނާ ކޯޓަށް ގެންދަނީ މަސްތުވާއެއްޗެހި ދީގެންނެވެ. އެހެންވެ، މަސްތުގެ ހާލުގައި ހުރެގެން ކޯޓުގައި ދެއްކިފައިވާ ވާހަކަތައް އޭނާއަށް ނޭނގޭ ކަމަށް ބުންޏެވެ.
އަދުހަމް ބުނި ގޮތުގައި ފުލުހުންގެ ބެލުމުގެ ދަށުގަައި އޭނާ ބެހެއްޓީ ވެސް ޚާއްސަ އިނާޔަތްތަކެއް ލިބޭ ގޮތަށެވެ. އެކަމަކު އޭނާއަށް ހަމަ ހޭވެރިކަން ލިބުނީ ކަރެކްޝަންސްގެ ބެލުމުގެ ދަށަށް ދާދި ފަހުން ބަދަލު ކުރުމުން ކަމަށް ބުންޏެވެ.
"ހަމަ ބުއްދީގައި ހުރެގެން އަޅުގަނޑު މިހާރު މި ބުނަނީ އަޅުގަނޑު ކުރި ކަމެއް ނޫން އެއީ،" ކުށުގެ އެތައް ރެކޯޑެއް އޮތް އަދުހަމް ބުންޏެވެ.
ދައުލަތުގެ ފަރާތުން އޭނާއަށް ހަމަޖައްސައިދިން ވަކީލް ވިދާޅުވީ އަދުހަމް ދައުވާއަށް އިންކާރު ކުރާކަން އެނގިވަޑައިގަތީ ވެސް މިއަދު ކަމަށެވެ. އޭނާ ފުލުހުންގެ ބެލުމުގެ ދަށުގައި ހުރިއިރު ބައްދަލުވި ކަމަށާއި އެކަމަކު ޖަލަށް ބަދަލުކުރި ފަހުން ބައްދަލު ނުވާ ކަމަށް ވަކީލް ވިދާޅުވި އެވެ.
ވަކީލް ވިދާޅުވީ އަދުހަމް ކުރާ ތުހުމަތުތައް ބަލަން ޖެހޭ ކަމަށެވެ. އެކަމަކު އެފަދަ ވާހަކައެއް ކުރިން އޭނާ ބުނެފައި ނުވާ ކަމަށް ވަކީލް ވިދާޅުވި އެވެ. އެހެންވެ އެދިވަޑައިގަތީ އެކަންކަން އިތުރަށް ބެލުމަށް ފުރުސަތު ދޭށެވެ.
އަދުހަމް ދައުވާއަށް އިންކާރު ކުރުމުން ތަހުގީގު ފުރިހަމަ ކުރަން އިތުރު ފުރުސަތެއް ބޭނުން ވޭތޯ ގާޒީ ސުވާލު ކުރެއްވުމުން ދައުލަތުން ބުނީ ބޭނުންވަނީ މައްސަލަ ކުރިއަށް ގެންދަން ކަމަށާއި ދައުލަތުން ހުށަހަޅާފައިވާ ހެކިތަކަށް ރިއާޔަތް ކުރަން އެދޭ ކަމަށެވެ.
ގާޒީ އިސްމާއިލް ވިދާޅުވީ ދެން އޮންނާނީ އެ މައްސަލާގެ އިބްތިދާއީ އަޑުއެހުންތައް ކަމަށެވެ.
ދައުވާއަށް އަދުހަމް އިންކާރު ކުރިއިރު، އަދުހަމްއާ އެކު ދައުލަތުން ކުރިން އޮތީ އިއުތިރާފްގެ އެއްބަސްވުމެއް ވެސް ހަދައިފަ އެވެ. އެ އެއްބަސްވުން އޮތް ގޮތުން ގާސިމްގެ ވާރިސުން މަރަށް މަރު ހިފަން ބޭނުން ނުވާ ނަމަ، އަދުހަމްގެ މައްޗަށް އަންނާނީ 17 އަހަރުގެ ޖަލު ހުކުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނރުޓޭ
19 February 2020
ކީކޭ ދެން ބުނާނީ!
މިއޮތީވާކަމެއް
19 February 2020
ދެންހަމަ ދިމާވާ ކޮންމެ މިހަކަށް ކަލޭ މަސްތުކޮށްލެވޭ އަދި ތާއަބަދު މަސްތުގަ ހުންނަންޏާ ކިހިނެއްތަ ނުމަރާކަން ޔަޤީންވަނީވެސް. ކީއްވެތަ ޤާސިމު ތިމަންނާއަށް މަސްތުވާ އެއްޗެހިދިނިއްޔޭ ނުބުނީ. އޭނައަކަށް ނާދެވޭނެތަ އެކަން ދޮގު ކުރާކަށް ހެކިބަސްދޭކަށްވެސް. ޝަރީޢަތުގެ މަޖްލީހަށް ވެއްދުމުގެ ކުރިން ކޯޓުގެ މުވައްޒަފުންވެސް މަސްތުވާ އެއްޗެހި ދިންތަ
ނޫސް ބަލާމީހާ
18 February 2020
ތިމަންމަ ތައުބާވެ ނަމާދުވެސް ކުރީމޭ ބުނިދޯ. އާއިލާގެ ފަރާތުން މަޢާފަށްވެސް އެދެމޭ ބުނި. މަޢާފު ދީފިނަމަ ތިމަންނާގެ އަދަބަކީ 17 އަހަރުގެ ޖަލުހުކުމެކޭވެސް ބުނިދޯ. މިހުރިހާވާހަކައެއް ޝަރީޢަތުގެ މަޖިލީހުގައި އެދުވަހު އެބުނީވެސް މަސްތުގެޙާލަތުގައި ހުރެގެންނޭ މިހާރު އެބުނަނީ. އެހެންވެ މަބުނަނީ ވަކީލުންނަކީ ޙަޤީގަތް އެނގިތިބެ މިކަހަލަމީހުން ހިމާޔަތްކޮށްދޭ ނބއ ނލފ ބައެކޭ. ނރކ އެމީހުންނަށް އިންތިޒާރުކުރަމުން އެބަދޭ
1828
19 February 2020
ދައުވާ ލިބޭ ފަރާތަށް ދިފާއުވާން ފުރުސަތު ދޭންޖެހޭނެ. ސާބިތު ކުރަމަކީ ދައުލަތުގެ ޒިންމާއެއް. ޑިފެންސް ލޯޔަރ ކިތައްމެ މޮޅަށް ކުރިކަމެއް ނުކުރާކަމަކަށް ބަދަލު ނުކުރެވޭނެ. ކޯޓްގައި ދައުލަތަށް ސާބިތު ނުކުރެވޭނީ މިމައްސަލާގައި ރަނގަޅަށް ހެކި ހޯދިފައި ނެތިއްޖެއްޔަ. ކޯޓުން ބޭރުންވެސް ދޮގު ހެދުން ބަލައެއް ނުގަނެވޭނެ.
ނޫސް ބަލާމީހާ
18 February 2020
މިސޮރު ފުރަތަމަ ޝަރީޢަތުގެ މަޖިލީހުގެ ފަނޑިޔާރު ކުރިމަތީ ވީއިއުތިރާފަކީވެސް އެއްޗެއްބޯންދީގެން ފަނޑިޔާރުން ކުރުވިކަމެކޭ ނުބުނީ ކީއްވެ. ކޮންމެއަކަސް މިސޮރަށް ވިސްނައިދިންބަޔަކު އާއިރަތުގެ މަތިން ހަބާންވާބައެއްނޫން އެތިބީއެއް. ޢެއްފާފައިން އަނެއްފާއިން އަނެއްފާފައަށް ދަތުރުކުރުން މިއޮތީ. މިބައިމީހުންގެ ނިމުން ﷲ ހިންމަވާނެގޮތެއް އެކަލާންގެ މެނުވީ ދެނެވޮޑިގެންނުވޭ. ދުނިޔޭގަ ތިބިބަޔަކަށް އެދުވަސްވެސް ފެންނާނެ.
ގިޔާސް
18 February 2020
މީހާދަ ނުލަފާ މަކަރުވެރި ސޮރެކޭދޯ، މަސްތުގެ ހާލުގައި ހުރެގެން ކޯޓުގައި ދެއްކިފައިވާ ވާހަކަތައް އޭނާއަށް ނޭނގޭ ކަމަށް ބުނަވެސް އެގިއްޖެ، ކުށަށް އިއުތިރާފްވީކަންވެސް ބުންނަ އެގިއްޖެ، ގާސިމް މަރައިގެން ދައުވާ ކުރިކަންވެސް އިނގޭ އުތަ! މިހާރު އަނެއްކާ ދައުވާއަށް އިންކާރުކުރީ މަސްތުގެ ހާލުގަ ހުރެގެން ނޫންކަމެއްވެސް ނޭގޭނު، ދެން ހަމަ މީނަ ދައްކާހާ ވަހަކައެއް އަޑުއަހަން އަނެއް ފަސް އަހަރު ދުއްވާލީމަ ހުންނާނީ ހަތަރެސްކަން ހަމަވެފަ.
ލުބްލާ
18 February 2020
މީ ގަސްތުގަ ވަކީލު ދަސްކޮށްދީގެން ކުޅުވާ ޑްރާމާ. އަފްރާޝީމްގެ މަރުގެ ކޭސްގަ ހުމާމު ހެދިގޮތަށް (ރައްޔިތުންގެ މެދުގަ ކޭސްއާމެދު ޑައުޓް އުފައްދަން) ކުރުވާ ކަމެއް. އެއްދުވަހު އެސްބަސްވެފަ އަނެއްދުވަހު އެއްބަސްނުވެ. އިއުތިރާފަށާއި ހެއްކަށް ބަލައި ޓައިމް ވޭސްޓް ނުކޮށް އަވަހަށް ހުކުމް އިއްވަވާ. މިކަހަލަ މަކަރު ތަކުގައި ޖެހި މަރުވި މީހާއާއި އޭނަގެ އާއިލާއަށް އިންސާފު ނުލިބި ކުއްވެރިން މުޅި ސިސްޓަމް ޖޯކަކަށް ހެދުން ހުއްޓުވާ.
ބޮޑު މުހައްމަދު
18 February 2020
ނަޝީދު ބަސްމަގު ހުންނަ ގޮތަށް މީނަގެ ބަސްމަގު މިހުރީ. ހަސަން ލަތީފާ ހިސާނު ނުދޭބާ މީނަގެ ވަކީލަކަށް
މަގުފުޅާޓިނު
18 February 2020
ވަރުގަދަ ބަލިމަޑުކަމެއް ޖެހިފަ ތިތިބީދޯ، އާނފަހެ ރައީސް ނަޝީދުގެ ނަން ނުކިޔާ ދަތްކޮއްޓާވެސް ނުލެވޭ.
އަދުރޭޓިނު
18 February 2020
ބަލަ ތިކިޔާ "ހަސަނެއް" ގެދެފައި މުޅި އޮޑީގައި. ބުނެބަލަ އެހަސަނު ބެހި ނުގަންނަކަމެއް. މަގުމަތިން މީހަކު ނުގޮތަކަށް ހިގާލިޔަސް މީހަކު ދަތްކޮއްޓާލިޔަސް އޭނަޔަށް ބާރުކުރޭ. އިއްޔެ އޭނަޔަށް ބާރުކުރީ ކޮންމެވެސް ބޭރުމީހަކު ރާއްޖެ ގެންނާތީ. ޢޭނަގެ ދެފައި މުޅިއޮޑީގައި އޮންނައިރު އޮޑީގެ ކައްޕި ތޮފިއަޅައިގެން ބީޗްވޮލީ ކުޅެންއުޅެނީ. ދެން ހަސަންގެ ވާހަކަ ނުދައްކައި ތިބެވޭތަ؟
ދޮން ބުޅާ
20 February 2020
ކަލޭމެން ދައްކަން ވާނީ ޔާނު ގެ ވާހަކަ.
އަލީ ހުސައިން
18 February 2020
މަރާލި އިރުވެސް ހުރީ މަސްތުގެ ހާލުގަ
މެތުސް
18 February 2020
ތީނާ ތައުބާވީ ކިހިނެއް؟
ބޮޑުހުސޭނު
18 February 2020
މަސްތުގެ ޙާލުގަ ކޯޓަށް ވަދެ މީހެއްގެ މަރުގެ ތަޙްގީގަށް ބަޔާންނަގާ ބަޔާން ދޭއިރު ކާރީގަ ތިބޭ މީހުންނަށް ދަޢުވާ ލިބޭމީހާ ހުރީ މަސްތުވެފައިކަން ނޭގެންޏާ ދެން ކީކޭ ބުނާނީ. ހުރިހާކަމެއް ހައްދުން ނައްޓާފަ...
ޢަބްދުﷲނާފިޒް
18 February 2020
ކާރީގަ ތިބި މީހުނަށް އިނގެޔޭ، މިބުނީ ބަޔާން ދިންއިރު އޭނާހުރީ މަސްތުގެ ހާލަތުގަ ނޫންކަން އިނގެޔޭ.