ޓީވީއެމް އެންޓަނާ: 42 އަހަރުވީ އެ އެންޓަނާ ނެގުމަށް ވަނީ ނިންމައިފައި-- ފޮޓޯ: އަހުމަދު އަވްޝަން
25 ފެބުރުއަރީ 2020 - 12:33
42 comments
ޓީވީއެމްގެ ސިގްނަލް މުޅި ރާއްޖެ އަށް ފޮނުވުމަށް މީގެ 42 އަހަރު ކުރިން ޖަހާފައިވާ އެންޓަނާ ނެގުމަށް، އެ ސްޓޭޝަން ހިންގާ ޕަބްލިކް ސާވިސް މީޑިއާ (ޕީއެސްއެމް) އިން ނިންމައިފި އެވެ.
ޓީވީއެމް ގޯތި ތެރޭގައި 1978 ވަނަ އަހަރު ޖަހާފައިވާ 60 މީޓަރު އުސް އެ އެންޓަނާއަކީ މާލޭގެ އެއް ލޭންޑް މާކެކެވެ. ގިނަ އަހަރުތަކެއް ވަންދެން މާލޭގެ މަލަމަތިން ފެންނަން ހުރި އެންމެ އުސް އެއްޗަކީ އެ އެންޓަނާ އެވެ.
ޕީއެސްއެމްގެ މެނޭޖިން ޑިރެކްޓަރު އަލީ ހާލިދު ވިދާޅުވީ އެންޓަނާ ނެގުމަށް ނިންމާފައި ވަނީ އެ ސްޓޭޝަން ޑިޖިޓައިސް ކުރުމަށް ނިންމާފައިވާތީ ދެން އެ އެންޓަނާގެ ބޭނުމެއް ނެތުމުން ކަމަށެވެ. އެގޮތުން 2022 އަށް ޑިޖިޓައިސް ކުރުމުގެ މަސައްކަތް ނިންމާލެވޭއިރު އެހާތަނަށް އެންޓަނާ ނަގާނެ ކަމަށް އޭނާ ވިދާޅުވި އެވެ.
"އެންޓަނާ ނެގޭނެ ސީދާ ދުވަހެއް ނޭންގެ. މި ޕްރޮޖެކްޓް ނިމޭއިރު އެންޓަނާ ނަގާނެ. އަސްލު މިވާގޮތަކީ އެންޓަނާގެ ބޭނުން ކެނޑެނީ،" އަލީ ވިދާޅުވި އެވެ.
ޑިޖިޓަލް ކުރުމާ އެކު ޕީއެސްއެމްގެ ޗެނަލްތައް ދޫކުރުމަށް ނިންމާފައި ވަނީ ޑިކޯޑަރު މެދުވެރިކޮށެވެ. މިހާރު އެ ޗެނަލްތައް ދައްކަމުން ދަނީ ސެޓްލައިޓް ބޭނުންކޮށްގެންނެވެ.
ޓީވީއެމްގެ ގޯތިތެރޭގައި ހުންނަ އެންޓަނާގެ އިތުރުން ދިވެހިރާއްޖޭގެ އަޑުގެ ގޯތި ތެރޭގައި ވެސް އުސް އެންޓަނާއެއް ހުރެ އެވެ. އެއީ ރޭޑިއޯގެ ޓްރާންސްމިޝަން ހިންގުމަށް ބޭނުން ކުރާ އެންޓަނާ އެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުވާލި އާދަނުގެ ސިޔާސީހާސަރު
26 February 2020
ވިޔަފާރި ކުންފުނިތަކަށް ތިޔަ އައްޔަނު ކުރާ ވެރިންގެ " ބޯ " ދޮންނަ ތަނެެއް ރާއްޖޭގައި ހެދުން ފިސާރި މުހިއްމު. 1978 ގެ ބިނާ 2022 ގައި ބޭނުންކެޑުނީމާ ތަޅާ ތިރިކޮށް ބިމާ ހަމަ ކުރަން ނިންމާ އިރު އިގި ލައްވާތޯ 10 ބުރި އިމާރާތް ތަކުން ރޫފް ޓޮޕް ގައި އެންޓަނަރ ޖަހަން ޓެލެކޮމް ކުންފުނިތަކުން ހަރަދު ކުރާ ވަރާއި އިމާރާތުގެ ވެރިން އެކަމުން ނަފާ ހޯދާ ވަރު. އޫރިދޫ އަދި ދިރާގަށް ތިޔަ އެންޓަނާ ރެންޓް ކުރީމާ ދާއިމަށް ނަފާ ލިބޭނެ ނޫންތޯ ؟
ބާބެ
25 February 2020
ކޮބާ އެންޓަނާއަކީ? ކޮބާ ޓަވަރަކީ? ނޫސްވެރިޔާ ދަސްކުރޭ!!
އަހުމަދު 222
25 February 2020
ކުޑައިރު ބުނާނެ ލޯރަތްބެ އަންނާނޭ! އެއިރު ނޭގެ އެއީ މި އެންޓަނާކަން
ލަދުކުޑޭ
25 February 2020
ދެލޯފުޅާ މިއީ އެންޓަނާއެއް ނޫން. މިއީ ޓަވަރެއް. ކީކޭދެން ބުނާނީ!
ރަދީފު ބިން ރަފައިދާ
25 February 2020
ދެން ތިއެންޓަނާ ވެދުމަށްދީ އިންޑިޔާއަށް. އޭރުން ބޮޑަށް ގުޅުންތައް ބަދަހިވާނީ.
މޯޑު މމ
25 February 2020
ކުޑައިރު ގެޔަށް ދާން ބޭނުން ކުރި މާކް ޕޮއިންޓް. އޭރު ވަރަށް ދުރަށް ތިއެންޓަނާ ފެންނަންހުރޭ. ދުރުތާކަށްގޮސް ގެޔަށް އަންނަން ނޭންގު މުން އެންޓަނާ ހޯދާގެން ގެޔަށް އަންނަނީ. ވަރަށްދެރަ ތި ނަގާތީ.
އެންޓެނާ
25 February 2020
ތިޔަ އެންޓެނާ ބަހައްޓާފައިވެސް ޑިޖިޓަލް ކުރެވިދާނެ. ތިޔަ އެންޓެނާއަކީ އަންނަން އޮތް ޖީލުތަކަށް ގައުމުގެ ހާލަތާއި ޓެކްނޯލޮޖީގެ ހާލަތު ބަޔާންކޮށްދީ އެވާހަކަ ކިޔައިދޭނެ ރަމްޒަކަށް ހެދުން ނެގުމަށްވުރެ މާރަނގަޅުވާނެ. ތިޔަ އެންޓެނާއަކީ ފައިދާ ހޯދޭނެ ރަމްޒަކަށްވެސް ހެދިދާނެ. ދާރުލްޢުލޫމް ތަޅާނުލައި މިއަދާ ހަމައަށް ބަހައްޓާފައި އެހުރީވެސް ސަބަބުތަކަކާހުރެ ނޫންތޯ. ތިވެސް އެއްފަދަ އެއްޗެއް ނޫންތޯ.
ފާސްނުވާ ޑރ
25 February 2020
ތިޔަކީ ކުރިން މަބޭނުންކުރި ޖީޕީއެސް. ތިޔައްބަލާގެން ގެޔަށްދަނީ.. ވަރަށް ދެރަވާނެ ނަގާފިޔާ އެކަމަކުވެސް އޯކޭ.
ދޮންމަނިކެ
25 February 2020
ތިޔަ އެންޓަނާ ނަގާފަ ޓޫރިޒަމް މިނިސްޓަރަށް ވެދުންކުރަން ފެނޭ
ބޭޓާ
25 February 2020
ކުއްލިއަކަށް ހަނދާންވީމަ، ސަރުކާރުގެ މިނިސްޓަރުން އެކަކު އަނެކަކާ މުޚަތަބު ކުރުމުގަ ވަކީ އަޚުލާގީ މިންގަޑެއް އޮވޭބާ؟ އެމިނިސްޓަރު އެހެން މިނިސްޓަރަކާ ވާހަކަ ދައްކަން ގެންގުޅުނު އަޚުލާގީ މިންގަޑު ހާދަ ސަކަރާތޭ، އެއީ މިސަރުކާރުން ގަބޫލު ކުރާ މިންގަޑު ކަމުގައިވާނަމަ އެއީ ހާދަ ހަޑި މިންގަޑެކޭ.
ރަސްމާދޫ އެންޓަނާ
25 February 2020
އެންޓަނާ ރަސްމާދުއަށް ދޭންވީނު.. އަހަރުމެން ވަރަށް އުންމީދުކޮށްގެން މިތިބީ ތީގެ އެންޓަނާ އަކަށް..