އާ ރަންވޭގެ ބިން ހިއްކުމުގެ 30 ޕަސެންޓް ނިންމައިފި، އިތުރު ދެ ޑްރެޖަރު ގެންނަނީ

އެއާޕޯޓުގެ އާ ރަންވޭ އަށް ބޭނުންވާ ބިން ހިއްކުމުގެ މަސައްކަތް ކުރަނީ: މިހާރު ވަނީ 30 ޕަސެންޓް މަސައްކަތް ނިމިފައި.-- ފައިލް ފޮޓޯ: މުހައްމަދު ޝަރުހާން/ މިހާރު

މަރިޔަމް ސާލިޔާ، މިހާރު

09 އޮކްޓޯބަރ 2016 - 19:15

10 comments

އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ)ގެ އާ ރަންވޭގެ ބިން ހިއްކުމުގެ މަސައްކަތުގެ ގާތްގަނޑަކަށް 30 ޕަސެންޓް މިހާރު ނިމިފައިވާ ކަމަށާއި މަސައްކަތް ހަލުވި ކުރުމަށް އިތުރު ދެ ޑްރެޖަރު މި ހަފުތާގެ ތެރޭގައި ގެންނާނެ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިއަދު ބުނެފި އެވެ.

އާ ރަންވޭގެ މަސައްކަތް ކުރިއަށްދާ ތަން ނޫސްވެރިންނަށް ދައްކާލައްވަމުން އެމްއޭސީއެލްގެ މެނޭޖިން ޑިރެކްޓަރު އާދިލް މޫސާ ވިދާޅުވީ ބިން ހިއްކުމުގެ މަސައްކަތަށް ގެންނަ އިތުރު ދެ ޑްރެޖަރު އަންނަ ބުރާސްފަތި ދުވަހު ރާއްޖެ އަށް ފޯރާނެ ކަމަށެވެ. އޭގެ ފަހުން ޖުމްލަ ތިން ޑްރެޖަރު ބޭނުންކޮށްގެން މަސައްކަތް ކުރެވޭނެ ކަމަށާއި އަދި ހުރިހާ އިރަކު ވެސް މަދުވެގެން ދެ ޑްރެޖަރު އެއްފަހަރާ ބޭނުން ކުރެވޭނެ ކަމަށް އޭނާ ވިދާޅުވި އެވެ.

"އޭރުން މަސައްކަތް ޑަބަލް ވެގެން ދާނެ،" އާދިލް ވިދާޅުވި އެވެ.

އާދިލް ވިދާޅުވި ގޮތުގައި ރަންވޭ އަށް ބޭނުންވާ ބިން ހިއްކުމުގެ މަސައްކަތް ގޮންޖެހުންތަކެއް ވެސް އެބަހުއްޓެވެ. އެ ގޮތުން، ސީޕްލޭން ޖައްސާ ދިމާލުން ވެލި ނަގަން ޖެހުމާއި 24 ގަޑިއިރު ފްލައިޓް އޮޕަރޭޓް ކުރާ އެއާޕޯޓަކަށް ވުން ހިމެނޭ ކަމަށް އޭނާ ވިދާޅުވި އެވެ. އޭގެ އިތުރުން، ރަންވޭއަކަށް ބިން ހިއްކާތީ، އާންމުކޮށް ބިން ހިއްކާ ވަރަށް ވުރެ ރަނގަޅު ފެންވަރެއްގައި މަސައްކަތްކޮށް، ފަސްގަނޑު ވަރުގަދަ ކުރުމަށް ވެސް އިތުރު މަސައްކަތްތަކެއް ކުރަންޖެހޭކަން އޭނާ ފާހަގަކުރެއްވި އެވެ.

"އާންމުންނަށް އެހެން މަސައްކަތްތަކާ މިކުރާ މަސައްކަތްތަކާ ނުފެންނަ ސަބަބަކީ އެއާޕޯޓެއް ވީމަ، މަސައްކަތްތައް ކުރެވެމުން މި އަންނަނީ ރެސްޓްރިކްޓެޑް އޭރިއާ އެއްގައި،" އާދިލް ވިދާޅުވި އެވެ.

ހިއްކާ ނިމިފައިވާ ސަރަހައްދުގެ ޝީޓް ޕައިލް ކުރުމުގެ މަސައްކަތް ފެށުމަށް ތައްޔާރުވެފައިވާ ކަމަށް ވެސް އޭނާ ވިދާޅުވި އެވެ.

އެއާޕޯޓުގެ އާ ރަންވޭ ތަރައްގީކުރުމުގެ މަޝްރޫއު އެމްއޭސީއެލް އިން ހަވާލުކޮށްފައިވަނީ ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އާ އެވެ. އެ ކުންފުނިން ސަބް ކޮންޓްރެކްޓަރެއްގެ ގޮތުގައި ޔޫއޭއީގެ ގަލްފް ކޮބްލާ ހަމަޖައްސައި ބިން ހިއްކުމުގެ މަސައްކަތް ފެށީ މިދިޔަ މިދިޔަ ޖުލައި 25 ގަ އެވެ.

އެމްއޭސީއެލް އިން ކުރިން ބުނެފައިވާ ގޮތުގައި ގާތްގަނޑަކަށް ފަސް މަސްދުވަހުގެ ތެރޭގައި ބިން ހިއްކާ ނިމޭއިރު އެއާޕޯޓުގެ ބިމަށް ގާތްގަނޑަކަށް 30 ޕަސެންޓް ނުވަތަ 62 ހެކްޓަރު އިތުރުވެގެންދާނެ ކަމަށެވެ.

އެއާޕޯޓުގެ އާ ރަންވޭ ތަރައްގީކުރުމުގެ 373 މިލިއަން ޑޮލަރު (5.7 ބިލިއަން ރުފިޔާ) ގެ މަޝްރޫއުގެ ދަށުން ހަދަނީ 3،400 މީޓަރު ދިގު 60 މީޓަރު ފުޅާ ރަންވޭއެކެވެ. މިއީ އެންމެ ބޮޑެތި މަތިންދާބޯޓު ކަމަށްވާ އެއާބަސް އޭ380 ވެސް ޖެއްސޭ ވަރުގެ ރަންވޭއަކަށް ވާއިރު، މި މަޝްރޫއުގެ ދަށުން 120،000 ޓަނުގެ ކާގޯ ޓާމިނަލަކާއި 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމެއް ހެދުން ވެސް ހިމެނެ އެވެ.

މާލޭ އިންޓަނޭޝަނަލް އެއާޕޯޓް ތަރައްގީގެ މަޝްރޫއުތައް އައިއެންއައިއޭ ވީއައިއޭގެ އާ ރަންވޭގެ މަޝްރޫއު އެމްއޭސީއެލް

10 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިބެނަފީސަ

10 October 2016

ޔާމިނަކައް ދުވަހަކުވެސް އިތުބާރެއް ނުކުރާނަން ހދ ކުޅުދުއްފުށީގަ 2 އަހަރުން އެއާޕޯޓެއް އަޅާފަ ޓުވެރިޒަމު ގެނެސްދޭނެކަމައްބުނި މަގޭވޯޓުހަރާންވާނެ މަދައްކާ ޓެކްސްގެ ފައިސާކޮޅުނަގައިގެން މާލެ ސަރަހައްދު ތޮއްޖެއްސީމަ މަށައްކޮންފައިދާއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޒް123

10 October 2016

ދެން ނެތްތަ ހިއްކާނެ ފަޅެއް ދިވެހިންނަށް ލިބޭ ލާރިކޮޅުއަޅާފަ؟ މާލެ ސަރުކާރަށް ސާބަހޭ...މަށަށް ފެނޭ އާ ރައީސް އޮފީހެއް އަޅަންވެސް...އާކޮށްފަ ނުކުރާނީ އަޅެ ކޮންތަނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލީ މީހާ

10 October 2016

ބަލަގަ މުލީގެ ބިންހިއްކާތާ 03 އަހަރު އަދިވެސް ދެބައިކުޅައެއްބައި ހިއްކާ ނުނިމޭ. ސަރުކާރުން ބޭނުން ރައްރަށުގެ ބިން އެއްހަފްތާ ތެރޭގައި ހިއްކާ ނިންމާ. މުލީގައިވެސް އުޅެނީ ހަމަ ދިވެހި ރައްޔަތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަކަރަންފޫ

10 October 2016

މީ ކޮރަޕްޝަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީނާ

09 October 2016

ދެން ބުނޭ ކޮބާހޭ ތިޔަ ބުނާ އިންޖިނިއަރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި

09 October 2016

ކޯއްޗެއް ރަށްކާކުރަން ތޯ 120،000 ޓަނު ކާގޯ ޓަމިނަލް އެއް އަޅަނީ؟ އާމްކޮށް އިންބައުންޑް ވަނީ ޕެރިސަބަލް ނޫން ތޯ، އެއީ ވަގުތުން ނެރެގެން ގެންދާ އެއްޗެއް، އެކްސްޕޯޓް ކުރަނީ ވެސް މަސް، އެއީވެސް ވަގުތުން ފްލައިޓަށް އަރުވާ އެއްޗެއް. އަދި މީކީ އެއް ކާގޯ މާ ބޮޑު ފްލައިޓެއް އޮޕަރޭޓް ކުރާ ތަނެއްވެސް ނޫން، މަދު ފަހަރަކު ކުރާނީ ވެސް 20 ޓަނުގެ ފްލައިޓެއް. ނުޅިން ކާގޯ ގެނެސް، ގެންދާނީ ޕެސެންޖަރ ފްލައިޓް ތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް

10 October 2016

ތިއީތާ މައްސަލަޔަކީ.ދުރަށް ނުވިސްނާތީ. މުސްތަގުބަލުގަ އަންނާނެ ޓްރެފިކަށްވިސްނައިގެން ދޯ މިހާރު ކުރާކަމެއްކުރަންވާނީ. ތިކަހަލަ ކޮށި ވިސްނުންގެންގުޅޭމީހުންނާ ހެދި ކަންކަން ނުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލުވަނީ

09 October 2016

ހުޅުލޭ އެއާރޕޯރޓްގެ އާ ރަންވޭ ގެ ބިން ހިއްކެނީ އެވެ. ހުޅުލެ ވެސް ބޮޑުވެގެން ދަނީ ދިހަ ގުނަ އަށް. ދެން ހުޅުލެ ހިއްކަން ގެންނަ ދެ ޑްރެޖަރުން އެނބޫދޫ ފަޅު ވެސް އެއްކޮށް މާލޭން ފެށިގެން ގޮސް ގުޅި އާއި ޖެހެން ދެން ހިއްކާލުމަށް ފަހުގައި ދޫކޮށްލުމުން ހުންނާނީ ރަނގަޅަށެވެ. މަމެންގެ ގައުމު މިއުޅެނީ މިހާރު ލިޓިލް ސިންގަޕޯރ އަށް ބަދަލުވާ މަގުމަތީގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރު އެންޑް ޒުބޭރް

09 October 2016

މަބުނާނެވާހަކައެއް ނެތް. ކުރާކަމެއް ރަގަނޅަށް ކުރާތި. ހެޔޮ ގޫގަލް ސްޕީޑިގާކުރިޔަސް. އެކަމަކު މުޅިއުމުރަށް މަރާމާތުކުރަންޖެހޭ ގޮތަށް ކަންކަން ނުކުރާތި.