ބާޒާރުގައި ޑޮލަރުގެ އަގު މައްޗަށް ދަނީ

ބީއެމްއެލްގެ މުވައްޒަފަކު ޑޮލަރު ގުނަނީ: ކަޅު ބާޒާރުގައި ޑޮލަރުގެ އަގު ވަނީ އުފުލިފައި.---މިހާރު ފޮޓޯ

ފާތިމަތު ޝަނާ މުހައްމަދު، މިހާރު

15 މާޗް 2020 - 15:11

ކޮވިޑް-19 އާ ގުޅިގެން ޓޫރިޒަމަށް ކުރިމަތިވި ހީނަރުކަމާ އެކު ބާޒާރުގައި ޑޮލަރުގެ އަގު ކުއްލިއަކަށް މައްޗަށް އަރައިފި އެވެ.

މި ވަގުތު ކަޅު ބާޒާރުގައި ޑޮލަރު ވިއްކަނީ 16.35ރ. އާއި 16.20ރ. ދެމެދުގެ އަގުތަކެއްގަ އެވެ. ޑޮލަރު ގަންނަން ހުރީ 16.10ރ. އާއި 16ރ. އާ ދެމެދުގެ އަގުތަކެއްގަ އެވެ.

މީގެ ހަފްތާއެއް ކުރިން ކަޅު ބާޒާރުގައި ޑޮލަރުގެ އަގު ހުރީ 15.50ރ. އާއި 15.70ރ. އާ ދެމެދުގެ އަގުތަކެއްގަ އެވެ. ވިޔަފާރިވެރިޔަކު ބުނީ، ޑޮލަރު މާކެޓުގައި އަގު އެހާ ބޮޑަށް އުފުލުނީ، އިޓަލީން އަންނަ ޓޫރިސްޓުން މަދުވެ، ޑޮލަރު މާރުކުރުން މަދުވުމުގެ ސަބަބުން ކަމަށެވެ. މީގެ އިތުރުން ރިސޯޓުތަކަށް އަންނަ ޓޫރިސްޓުން މަދުވުމުގެ ސަބަބުން މާކެޓުގައި ޑޮލަރު ލިބޭ އަދަދު ވަަރަށް ބޮޑަށް މަދުވެފައިވާ ކަމަށް އޭނާ ބުންޏެވެ.

މިދިޔަ ގާތްގަނޑަކަށް އަހަރެއްހާ ދުވަހު ކަޅު ބާޒާރުގައި ޑޮލަރު ލިބެން ހުރީ 15.70ރ. އަށެވެ. މިއީ އެހާ ދުވަހަށް ފަހު ޑޮލަރުގެ ރޭޓަށް މިހާ ބޮޑު ބަދަލެއް އާއި ފުރަތަމަ ފަހަރެވެ.

ރާއްޖޭގައި ޑޮލަރު ރޭޓަކީ 15.42ރ. އެވެ. އެހެން ނަމަވެސް އަބަދުވެސް ކަޅު ބާޒާރުގައި ޑޮލަރު އުޅެނީ އެ ރޭޓަށް ވުރެ މަތީގަ އެވެ.

ހުއްދަ އޮވެގެން ޑޮލަރު ވިއްކާ ބައެއް ތަންތަނުން ވެސް ޑޮލަރު ވިއްކާ ރޭޓްތަކަށް ވަނީ ބަދަލު ގެނެސްފަ އެވެ. ޑޮލަރު ނުލިބޭތީ ބައެއް ތަންތަނުން ޑޮލަރު ވިއްކުން ވަނީ ވެސް ހުއްޓާލައިފަ އެވެ.

"ޑޮލަރު ރޭޓު ކުރިއަށް އޮތްތަނުގައި އުފުލޭނެ ކަމަށް މި ބެލެވެނީ. ޑޮލަރު ލިބޭ ވަރު މިހާރު ވަރަށް މަދު،" ޑޮލަރު ވިއްކާ މީހަކު ބުންޏެވެ.

ޑޮލަރުގެ އަގަށް މި އައި ބަދަލާ އެކު އިމްޕޯޓް ކުރާ ފަރާތްތަކުން ތަކެތި ވިއްކާ އަގުތައް ވެސް ބޮޑުވާނެ އެވެ. އެހެންވެ ކުރިއަށް ދުވަސްކޮޅު ރާއްޖޭގެ ބާޒާރުގައި މުދަލުގެ އަގު ވެސް ބޮޑުވުން އެކަށީގެންވެ އެވެ.

ކޮވިޑް-19 އާ ގުޅިގެން ރާއްޖޭގެ ގައުމުތަކުން ރާއްޖެ އަށް އަންނަ މީހުން ވަރަށް ބޮޑަށް މަދުވެ، ޓޫރިޒަމް ދާއިރާއަށް ބޮޑު އަސަރެއް ކުރާނެ ކަމަށް އެ ދާއިރާގައި ހަރަކާތްތެރިވާ ފަރާތްތަކުން ބުނެ އެވެ. އެ ދާއިރާ އަށް ކުރާނެ އަސަރު މި ވަގުތަށް އަންދާޒާ ކުރަން ވެސް ނޭންގޭ ކަމަށް ރިސޯޓުތަކުގެ އިސްވެރިން ބުނެ އެވެ.

ކޮވިޑް-19 އަށް ރާއްޖޭގެ ހަތަރު ރިސޯޓަކުން 13 މީހަކު މިހާތަނަށް ވަނީ ޕޮޒިޓިވް ވެފަ އެވެ.

ޑޮލަރުގެ އަގު ޑޮލަރު ބީއެމްއެލް ބޭންކިން

62 ކޮމެންޓް, 125 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާ

17 March 2020

މިހާރު ޑޮލަރެއް ނުލިބޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަފަރު

16 March 2020

ޑޮލަރަށް ބަރޯސާވުން ހުއްޓާލާ ސާކް ގައުމުތަކުގެ ވަކި ކަރަންސީއެއް އުފައްދަންވީ. ޔޫރޯހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡަހުމީނު

16 March 2020

ޢެމީހަކު މަސައްކަތް ކޮަްގެން ހޯދާއެއްޗެ ވިއްކާނީ އެމީހަކު ބޭނުން ވަރަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުއްލަޠީފު

16 March 2020

އަހަރެން ލިޔަންހުރި އެތިވަރު ގިނަވެފަ އެ ލިޔުމަކުން އެއްވެސް ފައިދާއެއް ނުކުރާނެކަން ޔަގީންވާތީ މިހިސާބަށް ކުރުކޮށްލައިފިން. ނަމަވެސް ބުނެލަން އޮތީ މަރުކަޒީ ބޭންކް ހައެއްކަ މަހުޖަނުންގެ ހިސާރުން ނެއްޓިގެން ނޫނީ ދުވަހަކުވެސް ޑޮލަރުގެ އަގު ދަށް ނުކުރެވޭނެ އޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރޯޔޯ

16 March 2020

ކޮރޯނާ ވައިރަސް އަޔަސް ނުވަތަ ނަޔަސް، ދިވެހިރާއްޖޭގެ އިގްތިސާދީ ހާލަތަށް ބަލާއިރު 2020ގެ ފަހުކޮޅުގައި ނުވަތަ 2021ގެ ކުރީކޮޅުގައި ދިވެހިފައިސާގެ އަގުވެއްޓޭނެ.... އެހެންވީމާ ވަގުތުގެ ބޭނުން ހިފައިގެން ޑޮލަރު އަގުބޮޑު ކުރަނީ ކަމަށް ބެލެވެނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖުދާ

16 March 2020

މިކަން ކުރާ މީހުންނަށް ހަރުކަށި ފިޔަވަޅު އެޅުމަށްފަހު، ބުރަ މަސައްކަތާއިއެކު ޖަލުގައި ބޭތިއްބުމަށް ގޮވަލަން. ހަރުކަށި ބޮޑެތި އަދަބުދޭންވީ! މިކަހަލަ ބަލިމަޑުކަމުގައި، ކާރިސާތަކުގައި މިހެން އުޅެނީ އިޒްރޭލްގެ ޔަހޫދީން! އެމީހުންނާއި އެއްދަރަޖައަކަށް މިރާއްޖޭގައި ޗާންދަނީ މަގުގައި ޑޮލަރު ވިއްކާ މީހުން ވެއްޓެން ޖާގަނުދީ! ރައްޔިތުން މިބައި މީހުން ހުއްޓުވަން ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

16 March 2020

އަގުބޮޑުކޮށް ޑޮލަރުވިއްކުމަކީ މަނާކަމެއް ނަމަވެސް ކޮންމެފަހަރަކުވެސް އެމްޑީޕީގެ ވެރިކަމެއްގާ ޑޮލަރުގެ އަގުބޮޑުވެ މިފަހަރު މިކަމާގުޅެގޮތުން ބުނާނެމީ މިބަލިމަޑުކަމާހުރެވަމުންދާކަމެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައް ދުންމަތި

16 March 2020

ތިޔަ ހުރިހާ ކަންކަމާ ކުރިމަތިވާނެ ކަން އެގޭ މިބައިމީހުން މިގައުމާ ހަވާލުވީމަ ކުރާނެ ކަމެއް ނެތް މީމިގައުމުގެ ރަތްޔިތުން އަމިއްލަޔަށް ހޯދައިގަތް ތަދުމަޑުކަމެއް ކުރިމަތިމިވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

15 March 2020

މިހުރިހާ ދުވަހު ގޮވީ މިރާއްޖެ ދުނިޔެއަށް ބަންދު ނުކުރެވޭނެޔޭ، އިގްތިސާދު ފުޑޭނެޔޭ. ..މިހެން ތިއްބާ މަޑުމަޑުން ބަލި ފެތުރި، ބައެއް ގައުމުތަކުން މީހުން އައުން ހުއްޓުވަން މަޖުބޫރުވަނީ. އެހެން ގައުމުތަކުންވެސް މުޅިގައުމު ބަންދުކޮށްފަ އެއޮތީ، ދެންވެސް ވަގުތު އޮއްވާ ބަންދު ކުރޭ! ހިތަށްއަރަނީ ގައުމު ބަންދުކުރާނީ ގައުމަށް އޮބި ނޯންނަވަރަށް ބަލި މީހުންތަކާއިއެކުތޯ ނޫނީ ވައިރަސް ނެތް ބަޔަކާއިއެކުތޯ! ފުރާނަ ހުރިއްޔާ ފަޅޯ ދަޑި ކައިގެންވެސް އުޅެވިދާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙުމަދު.

16 March 2020

ބޮޑުމީހާ. ތިހެންބުނިނަމަވެސް ތިމާއާއި މިމާގެ ދަރިންނަށް ފަޅޯދަނޑިކާންދޭކަށް ބޭނުމެއްނުވާނެ. ޏުވެސްދޭނެ. ބުނެވިދާނެ މަގޫފަތްކައިގެންވެސް އުޅެވިދާނެޔޭ. މީއެދުވަހެއްނޫން. ޢަދި އަމްދުން ނިކަމެތިން މަގޫފަތްކާއިރު ބޮޑުމީހާގެ ދަރިން ކާނީ ރޫސިހާބަތް. މީދިވެހިތާރީހުންވެސް އެނގޭކަމެއް.