20 މާޗް 2020 - 12:19
122 comments
ކޮވިޑް-19 ފެތުރުން ހުއްޓުވަން އަޅާ ފިޔަވަޅެއްގެ ގޮތުން މާދަމާ ރޭ މެންދަމު 12:00 އިން ފެށިގެން މާލެ ސަރަހައްދުގެ ސައިހޮޓާ ކެފޭ ރެސްޓޯރަންޓް ފަދަ ކާބޯތަކެތީގެ ހިދުމަތް ދޭ ތަންތަން ބަންދުވާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއީލް މިއަދު ވިދާޅުވެއްޖެ އެވެ.
ފައްޔާޒް ކުރެއްވި ކުރެއްވި ޓްވީޓެއްގައި ވިދާޅުވީ ކާބޯތަކެތީގެ ހިދުމަތް ދޭ ހުރިހާ ތަނެއް ބަންދުކުރި ނަމެވެސް ޓޭކްއަވޭ ހިދުމަތް ކުރިއަށް ގެންދެވޭ ކަމަށެވެ. އެކަމާ ބެހޭ މި ފިޔަވަޅާ ބެހޭ އިތުރު ތަފްސީލް ހެލްތު ޕްރޮޓެކްޝަން އެކެންސީ (އެޗްޕީއޭ) އިން ހާމަ ކުރައްވާނެ ކަމަށް ވެސް އޭނާ ވިދާޅުވި އެވެ.
ގިނަ ގައުމުތަކެއްގައި ބާރަށް ފެތުރެމުންދާ ކޮވިޑް-19 އަށް ރާއްޖޭން ބަޔަކު ޕޮޒިޓިވް ވުމުން ރާއްޖޭގައި މިހާރު އޮތީ އާއްމު ސިއްހަތުގެ ކުއްލި ނުރައްކަަަލުގެ ހާލަތު އިއުލާނުކޮށްފަ އެވެ. އެ ބަލި ފެތުރުން ހުއްޓުވުމަށް ކުރާ މަސައްކަތުގައި ސަރުކާރުގެ އޮފީސްތަައް ވަނީ އިއްޔެއިން ފެށިގެން ބަންދުކޮށްފަ އެވެ. މާލެ ސަރަހައްދުގެ މިސްކިތްތަކުގައި ޖަމާއަތުގައި ނަމާދު ކުރުން ހުއްޓާލައި، ހުކުރު ނަމާދު ވެސް ނުކުރާ ގޮތަށް ނިންމައިފަ އެވެ.
ކޮވިޑް-19 އަށް ރާއްޖޭން މިހައިތަނަށް 13 މީހަކު ޕޮޒިޓިވް ވި އިރު، އެބައްޔަށް ރާއްޖޭން 517 ސާމްޕަލް ޓެސްޓް ކުރި އިރު ފަސް ސާމްޕަލެއްގެ ނަތީޖާ އަދި އޮތީ ނުލިބި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޣޣ
21 March 2020
މިހާރުން މިހާރަށް ބަންދު ކުރަންވީ.... ކޮރޯނާ ވައިރަސް އާ ދެކޮޅަށް އަޅާ ރައްކާތެރިކަމުގެ ފޮޔަވަޅެއްގެ ގޮތުން މިކަން ކުރުން މުހިންމު..
ފެއިސް
21 March 2020
ކަރަންކާ މަގު ސައްލިމު ކެފޭ ތެރެއަށް ބުޅާވެސް ވަދެ ނިކުންނަތަން ދެކެން. އެކަމު އެއީ ބިދޭސީން ހިންގާތަނެއް ވީމަ ގަވައިދާ ގާނޫނު ނުހިގާ.
ދިވެހިން ގެ
20 March 2020
މާރުކޭޓް ހޮޓާ މާލޭ ގަ ހުރި އެންމެ ނުތާހިރު ހޮޓާ
ޣޣ
21 March 2020
ކާއެއްޗެހި ހާދާތަންތަނުގެ ތާހިރުކަން އިތުރުކުރަންޖެހޭ.... ސާފްތާހިރުކަމެއް ނެތް... ވަރަށް ހިތާމަ ހުރިކަމެއް.... ވަރަށް ރީތިކޮށް ހަދާފަ ހުންނަ ރެސްޓޯރަންޓްތަކުން ގެންނަ ކާ އެއްޗެހީގަ ހުރޭ ސުތުލިކޮޅު، ރޮދި ކޮޅު...
ކައްކާ
20 March 2020
ކަމާއިބެހޭމީހުން ދިވެހިންވެސް ދާ މިހިރަ ބަންގާޅީ ބޯކޮށާ ތަންތަން ހަމައަކަށް އަޅުވަން އެބަޖެހޭ، ތަނަށް ވަންނަ އެންމެން މޫނުގައާއި ގައިގަ އުނގުޅަނީ އެއް ސްޕޮންޖުގަނޑެއް، ބޯކޮށާ މީހާ ހުންނަނީ މާސްކެއް ނާޅާ ހީހީފަ އޮލަ ވާހަކައިގަ ހުރިހާ ޖަރާސީމެއް ގަޔަށް.
ލަބީބު
20 March 2020
ދެން ތިބޭނީ ކާ އެއްޗެހި ގަނެގެން ހޮޓާތައް ކައިރީ ކާން. ހުރިހާ ބާކީއެއް އޮންނާނީ މަގުމަތީ. މަ ބުންޏޭ ބުނަން ތިބޭ!
އހ
20 March 2020
ހޮޓާ ކެފޭތައް މަދަމާރޭ ބަންދު ކުރީމަ މައިތިރި ވެދާނެ.
ހަމަތެދެއް
20 March 2020
މާލޭގެ ލޯކަލް މާރކޭޓްގަ ބަންގުލަދޭޝް މީހުންނަށް ހީވަނީ އީދުއައިސް އުޅޭހެން މޭޒުތައް ބޭރަށްނެރެގެން މޭޒެއްކައިރީގަވެސް އެބަހުރޭ ތިންހަތަރުމީހުން އަދި އެހާ ހަޑި އަހަރެން ހިތަށްއަރާ މިބައިމީހުންގެ ވިޔަފާރިކުރުންތައް ހުއްޓޭނީ ކޮންބޭފުޅެއް ވެރިކަމަށް އެރުވީމަބާއޭ ހާދަ ދެރަކަމެކޭ ބޯ ހަމަހަލާކު ދިވެއްސަކަށް އެތަނަކަށް ކައިރިވެވެނީކީނުން
ދޮންވެލި
20 March 2020
މާރުކޭޓް ގޮޅިތަކަށް ދިވެހީން ލާބަލާ ށެވެ. ވަޒީފާ ތަކެއް ގެއްލިއްޖެ އެވެ. 90 ޕަސެންޓް ބިދޭސީން ނެވެ.
ހަސަނު1
22 March 2020
ދިވެހިން ކުރަން ބޭނުންނުވާ މަސައްކަތްތައް ހުންނަ ކަން ވެސް ވިސްނާލުން މުހިންމު. ކޮންމެ މީހަކުވެސް ބޭނުންވޭ 20-30 ހާސް މަހަކު. ގޮޅިއަކުން އެވަރެއް ނުދެވޭނެ. އަމިއްލައަށް ބުރަ މަސައްކަތްކޮށްގެން ކުރިއަށް ދާން ބޭނުންވާ ޒުވާނުން ގިނަ.
ޝަމްސު
20 March 2020
ހޮޓާތައް ބަންދު ކުރުން ރަގަނޅު އަދި މީގެ އިތުރުން ވިޔަފާރިކުރާ ފިހާރަތަށްވެސް ރޭގަނޑު 11 ޖަހަންދެން ނުބަހައްޓާ ތަންކޮޅެއް އަވަސް ގަޑިއަކަށް މިސާލަކަށް 10 ޖަހަންދެން ބަހައްޓަން ފެނޭ ސަބަބަކީ އޭރުންވެސް ގިނަވަގުތު މީހުން ބޭރުގައި އުޅުން މަދުވާނެކަމަށް ފެނޭ ފިހާރަތައް ލައްޕާފަ އެތާތިބޭ މީހުންނަށްވެސް އަވަހަށް ގެއަށްވަދެވޭނެ
ސަމްސުންނިސާ
20 March 2020
މަގުތަކަށް ބަލާލީމާ ހީވަނީ އީދު އައިސްގެން އުޅޭހެން. ސިފައިން ނުނެރި ހިޔެެއްނުވޭ މައިތިރިވާނެއެކޭ.